ރޮހިންޖާ ރެފިއުޖީން އެއްވުމެއްގައި: ރެފިއުޖީން ބަދަލު ކުރާ ރަށުގައި ތިމާވެށީގެ މައްސަލަތައް ބޮޑު ކަމަށްވޭ. --ފޮޓޯ:އޭއެފްޕީ
20 އޮކްޓޯބަރ 2019 - 16:23
1 comments
ޑާކާ (އޮކްޓޯބަރު 20) - ބަންގްލަދޭޝްގެ ރެފިއުޖީ ކޭމްޕްތަކުގައި ދިރިއުޅޭ އެތައް ހާސް ރެފިއުޖީން، ބެއި އޮފް ބެންގާލްގައިވާ ވަކި ރަށަކަށް ބަދަލުވާން އެއްބަސްވެފައިވާ ކަމަށް ޑާކާގެ އޮފިޝަލުން ބުނެފި އެވެ.
ބަންގްލަދޭޝް އިން ކުރިން ވެސް ބުނެފައި ވަނީ ރެފިއުޖީންގެ ތެރޭން އެއް ލައްކަ މީހުން އެ ރަށަށް ބަދަލު ކުރަން ބޭނުންވާ ކަމަށެވެ. ބޭނުމަކީ ރެފިއުޖީ ކޭމްޕްތަކުގެ ތޮއްޖެހުން ކުޑަކުރުމެވެ. މިއަންމާގެ މިލިއަނެއްހާ ރޮހިންޖާ ރެފިއުޖީން ބަންގްލަދޭޝްގެ ކޭމްޕްތަކުގައި ދިރިއުޅެ އެވެ.
ރަކީން ސްޓޭޓުގައި ދިރިއުޅޭ ރޮހިންޖާ ދަރިކޮޅުގެ މުސްލިމުންނާ ދެކޮޅަށް މިއަންމާ ސިފައިން އޮގަސްޓް 2017 ގައި ފެށި އަސްކަރީ އޮޕަރޭޝަނާ ގުޅިގެން 740،000 ރޮހިންޖާ ރެފިއުޖީން ވަނީ ބަންގްލަދޭޝް އަށް ހިޖުރަކޮށްފަ އެވެ.
ބަންގްލަދޭޝްގެ ރެފިއުޖީ ކޮމިޝަނާ މަހްބޫބް އާލަމް ވިދާޅުވީ ރެފިއުޖީންގެ ގިނަ މީހުން މިހާރު ވަނީ އެ ރަށަށް ބަދަލުވާން އެއްބަސްވެފައި ކަމަށެވެ. ރެފިއުޖީން ބަދަލުކުރާނެ އިރެއް އޭނާ ވިދާޅެއް ނުވެ އެވެ.
ތަޖްރިބާކާރުން ބުނާ ގޮތުގައި ރޮހިންޖާ ރެފިއުޖީން ބަދަލު ކުރާ ރަށަކީ މީހުން ދިރިއުޅެން ކަމުދާނެ ތަނެއް ނޫން ކަމަށެވެ. މޫސުމަށް އަންނަ ބަދަލާ އެކު އެ ރަށުގައި ފެންބޮޑުވެ އަދި ރާޅު އަރައި ކަމަށްވެ އެވެ. ނަމަވެސް ބަންގްލަދޭޝް ސަރުކާރުން ބުނެފައި ވަނީ ރަށް ވަށާ ނުވަ ފޫޓް އުސް ތޮށިގަނޑެއް ލައިފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓެރޭ
21 October 2019
އަސްކަރީ އޮޕަރޭޝަން މިހެން ލިޔެނީ ކީއްވެބާ ؟ލާއިންސާނީ ޖަރީމާ ގަސްތުގައި ހަތިޔާރެއްނެއް ބަޔަކު މެރުން ވަކިބަޔަކަށްވީތީ ނަސްލުނަށްތާލުން މިޔަށް ކިޔޭނީ ޓެރެރިޒަމް އެއްވެސް ރަހުމެއް ނެތި ބަޔަކު މެރުން ގެދޮރު ރޯކޮއް ރޭޕްކޮއް ކުޑަކުދިންނާ މުސްކުޅިން ކަތިލަނީ އެކަމަކު އަސްކަރީ އޮޕަރޭސަނޯ.