ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު، ރާއްޖޭގެ ރަށަކަށް ވަޑައިގެން ކުޑަ ކުއްޖަކު އުރާލައްވަނީ. އޭނާގެ މައްސަލައެއް މަޖިލިހުން ވަނީ ބަލަން ފަށާފައި.. --- ފޮޓޯ: މިހާރު
21 އޮކްޓޯބަރ 2019 - 10:10
91 comments
އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ ސެކްރެޓަރީ ޖެނެރަލްގެ އެޑްވައިޒަރު ޑރ. މުހައްމަދު ޝަހީމް އަލީ ސައީދު، ރާއްޖޭގެ ދާހިލީ ކަންކަމަށް ފާޑުވިދާޅުވަމުން ގެންދަވަނީ އޯއައިސީގެ އެންގުމަކަށްތޯ ބެލުމުގެ މަސައްކަތް ރައްޔިތުންގެ މަޖިލިހުން ފަށައިފި އެވެ.
ޝަހީމްގެ މައްސަލަ ބަލައި ދިނުމަށް އެދިވަޑައިގެން ރައްޔިތުންގެ މަޖިލިހުގެ ރައީސް މުހައްމަދު ނަޝީދަށް ސިޓީ ފޮނުއްވީ އެމްޑީޕީގެ ޕާލަމެންޓްރީ ގްރޫޕްގެ ލީޑަރު އަލީ އާޒިމެވެ. އޭނާ އެދިވަޑައިގެންފައި ވަނީ ރާއްޖޭގެ ދާހިލީ ކަންކަމަށް ޝަހީމް ފާޑު ވިދާޅުވަނީ ކޮން ހައިސިއްޔަތަކުންތޯ ބެލުމަށެވެ.
އެ މައްސަލަ ބަލަން ގައުމީ ސަލާމަތާއި ހާރިޖީ ގުޅުންތަކާ ބެހޭ ކޮމިޓީ އަށް ވަނީ ފޮނުވައިފަ އެވެ.
ކޮމިޓީ އަށް އެ މައްސަލަ ފޮނުވިކަން އިއުލާން ކުރައްވައި ނަޝީދު ވިދާޅުވީ ޝަހީމްގެ މައްސަލަ ބަލަމުން އަންނަކަން ކޮމިޓީގެ މުގައްރިރު، މަރަދޫ ދާއިރާގެ މެމްބަރު އިބްރާހިމް ޝަރީފް އަންގަވާފައިވާ ކަމަށެވެ.
"މި ސިޓީ މަޖިލީހަށް ލިބުނީ 19 އޮގަސްޓްގައި. އަޅުގަނޑު ވަރަށް ބޮޑަށް މައާފަށް އެދެން، ގަބޫލު ކުރަން ވަރަށް ގިނަ ދުވަސް ވެފައިވާ ކަމަށް. އެކަމަކު ގައުމީ ސަލާމަތާއި ހާރިޖީ ގުޅުންތަކުގެ ކޮމިޓީއަށް އެ ސިޓީ ފޮނުވާފައި ވަނީ،" ސިޓީ އިއްވަވައި ދެއްވުމަށްފަހު ނަޝީދު ވިދާޅުވި އެވެ.
މަޖިލިހުން ޝަހީމްގެ މައްސަލައެއް ބަލަމުން އަންނަ އިރު، މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރުނު ރިޕޯޓެއްގައި އިސްލާމް ދީނަށާއި ކީރިތި ރަސޫލާއަށް ފުރައްސާރަ ކޮށްފައިވާ މައްސަލައިގައި އެ ޖަމިއްޔާ އަށް ފިޔަވަޅު އެޅުން ލަސްވާތީ ޝަހީމް ދަނީ ސަރުކާރަށް ފާޑު ވިދާޅުވަމުންނެވެ. އަދި ރާއްޖޭގައި ހިނގާ އެހެން ބައެއް ކަންކަމުގައި ދެކެވަޑައިގަންނަވާ ގޮތަށް ޝަހީމް ދަނީ ހާމަކުރައްވަމުންނެވެ.
އިސްލާމިކް މިނިސްޓަރު ކަމާއި އިސްލާމިކް ޔުނިވާސިޓީގެ ކުރީގެ ޗާންސެލަރުކަން ކުރެއްވި ޝަހީމަކީ މިހާރު އޯއައިސީގެ ގޮފި "ވޮއިސް އޮފް ވިސްޑޮމް ސެންޓާ" ގެ ވެރިޔާ އެވެ. އެއީ އޯއައިސީގެ ފިކުރީ ގޮތްޕެވެ. އެ ގޮފީގެ މަގުސަދަކީ އިސްލާމީ ރިސާލަތު ދުނިޔެ އަށް ހާމަކޮށް މެދުމިންކަން ޕްރޮމޯޓް ކުރުމާ އެކު ހަރުކަށި ކަމާ ދެކޮޅަށް މަސައްކަތް ކުރުމެވެ. އަދި އިސްލާމް ދީނުގެ ރީތި ސޫރަ ދުނިޔެ އަށް އާއްމު ކުރުމެވެ.
ޝަހީމަކީ އިސްލާމް ދީނާ ގުޅޭ ކަންކަމުގެ ގިނަ މައުލޫމާތުތަކެއް ހިމެނޭ އިސްލާމިކް އެންސައިކްލޮޕީޑިއާ އޮން ޓޮލަރެންސް ޕްރޮޖެކްޓުގެ ވެސް ވެރިއެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަންޑޭލާ
22 October 2019
މިވާގޮތުން އެމްޑީޕީގެ އަގު ވެއްޓޭނީ.
ޝޮކްތެރަޕީ
22 October 2019
އަލީއާޒިމް ލާރިފަހަތުން ނުގޮސް. ޝަހީމްކަހަލަ އިހުލާސް ތެރިން ނަމޫނާއަކަ ދެކެން ޖެހޭ. އެމްޑީޕީގަ އުޅެނީ ރާއްޖެ ބަދުނާމު ކުރާ މީހުން.
އެނގުނަސް
21 October 2019
ޝަހީމަކީ ފުރަތަމަ ދިވެއްސެކެވެ. ދިވެހިރައްޔަތުކަން އޮތްހާ ހިނދަކު އެހެން ދިވެހިންނަށް ކަންކަމުގައި ގޮތްކިޔަން ލިބިގެންވާހައްގު ޝަހީމަށްވެސް ލިބިގެންވެއެވެ
ޟުކްރިމް
21 October 2019
ބަލަތިކަން ހުއްޓަންވެއްޖެޔެނު...އެމްޑީޕީ ފުނޑާލަން އެއުޅެނީ..އަމިއްލަޔަށް ފަަޔަށް އެރޭއިރު ވިސްނންޖެހޭ.
ސަރުދާރު
21 October 2019
ބަލަ އާޒިމޫ ނަޝީދޫ ގޮޑި ދުއްވި މީހުންވެސް ދާހިލީ ކަންތަކާ ބެހުނު. ޑރ ޝަހީދުވެސް ބެހެނީ. އޭރުގެ ބެހުންތައް ލާދީނީ. އެކަމަކު މިހާރުގެ ބެހުން ވަތަނީ ވެފައި ކިހާ އިސްލާންވަންތަތޯ؟ ކޮބާ އެއްކަލަ މިނިވަންކަމާއެކު ބަސްބުނުމުގެ ހައްގު؟ ހުރިހާ ބާރުތަކެއް މުށުތެރެއަށް ލެވުނީމަ ތިޔާ ހީވަނީ ހަމަ 100 އަހަރުކަމަށްތޯ؟ والله والله ބޮޑާވެގަންނަ އަނިޔާވެރި ތިޔަބާރުތައް މިގައުމުގެ މުސްލިމް ރައްޔިތުން ނެތިކޮށްލާނީ ހިނދުކޮޅެއްގެތެރޭގައި.! انشاءالله!!
ޚަޒާ
21 October 2019
ޤާނޫނު އަސާސީގެ މާއްދާ 27ގެ ނަމުގައި ކުރިހާ މުޒާހަރާތަކާއި ދެއްކިހާވާހަކަ ހަދާން ނެތުނީތޯ؟ ބަލަ ކޮންމެ ރައްޔިތަކަށްވެސް އިސްލާމްދީނުގެ އަސާސްތަކާއި ޚިލާފު ނުވާނޭހެން ޚިޔާލު ފާޅުކުރުމުގެ މިނިވަންކަން ލިބިގެން ވެއެވެ! ހަދުމަ ނެތުނީތޯ؟
އަރުވާލި އާދަނުގެ ސިޔާސީ ހާސަރު
21 October 2019
" ދާ ޚި ލީ " އަރަބި ކަރައިގެ ބަހުރުވައެކެވެ. އައްދަކްތޫރު އަލްޚާފިޒް އަލްއުސްދާޒް މުހައްމަދު ޝަހީމް އަލީ ސައީދު އަށް ތިޔަ " ދާޚިލީ " މައުނަ ފިސާރި ރަގަޅަށް ފިސާރި ފެންވަރުގައި އިގިލަށްވާނެއެވެ. " ކަން ކަން " ދިވެހި ބަސް ދެއްތޯއެވެ. ވަމަން ވަ އަލާ ކޮމެންޓް ނިމުނީ
ގަމާރު
21 October 2019
ދިވެހި ކޮންމެ ރައްޔިތަކަށް ދާޚިލީ ކަންކަމުގަ ފާޑުކިޔުމުގެ ހައްޤު އޮންނާނެއެވެ.
Dhaadhey
21 October 2019
އޯއައިސީން ބެހޭނަމަ ބެހިވިދާނެ އާޒިމު ކިތަންމެ ރުޅިޔެއް އަޔަސް. ދެން ޝަހީމަކީ ދިވެއްސަކަށްވާތީ ދިވެހިރާއްޖޭގެ ކަންކަމާ ވާހަކަވެސް ދެއްކިދާނެ.
ކަނބިލި
21 October 2019
އެކިއެކި ފަރަންޖީ ޖަމާއަތްތަކުން ރާއްޖޭގެ ދާޚިލީ ކަންކަމާބެ ހުން އޯކޭ ދޯ. ރޫ ހާނީ ލީޑަރަށް ޕްރެޝަރު އަންނަނީތަ