ވިޔަފާރި / ދައުލަތުގެ ބަޖެޓް 2020

އަންނަ އަހަރުގެ އާމްދަނީ 30 ބިލިއަނަށް، އާމްދަނީ ހޯދުމަށް އާ ފަސް ކަމެއް!

ފިނޭންސް މިނިސްޓަރު އިބްރާހިމް އަމީރު މަޖިލީހުގައި ސަޕްލިމެންޓްރީ ބަޖެޓާ ގުޅޭ ގޮތުން ވާހަކަދައްކަވަނީ-- ފޮޓޯ: މަޖިލީސް

ފާތިމަތު ޝަނާ މުހައްމަދު، މިހާރު

28 އޮކްޓޯބަރ 2019 - 13:28

ދައުލަތުގެ އާމްދަނީ އަންނަ އަހަރު 30 ބިލިއަން ރުފިޔާ އަށް އަރާނެ ކަމަށާއި އަލަށް އާމްދަނީ ހޯދުމަށް މުހިއްމު ފަސް ކަމެއް ކުރުމަށް ނިންމާފައިވާ ކަން ފިސްކަލް ސްޓްރެޓެޖީ ގައި ބުނެފި އެވެ.

ދައުލަތަށް އަންނަ އަހަރު ލިބޭ އާމްދަނީގެ މިންވަރަކީ މި އަހަރާ އަޅާ ބަލާއިރު ހަ ބިލިއަން ރުފިޔާގެ އިތުރުވުމެކެވެ. މި އަހަރުގެ އާމްދަނީގެ ގޮތުގައި ބަޖެޓުގައި ލަފާކޮށްފައި ވަނީ 24 ބިލިއަން ރުފިޔާ އެވެ.

ފިނޭންސް މިނިސްޓްރީން އާންމުކޮށްފައިވާ ފިސްކަލް ސްޓްރެޓެޖީ ރިޕޯޓުން ދައްކާ ގޮތުން އާމްދަނީ ހޯދުމަށް އަންނަ އަހަރު މުހިއްމު ގިނަ ކަންތައްތަކެއް ކުރާނެ އެވެ.

އާމްދަނީ ހޯދުމަށް ހުށަހަޅާ އާ ކަންކަން:

- ފަރުދުންގެ އާމްދަނީ ޓެކްސް

- ރިސޯޓު ދޫކުރުމަށް އާ ރަށްތައް ދޫކުރުން

- ބިދޭސީ މުވައްޒަފުންގެ ކޯޓާ ފީ އަށް ބަދަލު ގެނައުން

- ވޯކް ޕާމިޓް ފީއަށް ބަދަލު ގެނައުން

- އެއާޕޯޓް ޗާޖާއި އެއާޕޯޓް ޑިވެލޮޕްމެންޓް ފީ ނަގާ އުސޫލަށް ބަދަލު ގެނައުން

ފިނޭންސް މިނިސްޓްރީން ލަފާކުރާ ގޮތުގައި ފަރުދުންގެ އާމްދަނީން ނަގާ ޓެކްސް އިން އަންނަ އަހަރު 368 މިލިއަން ރުފިޔާ ލިބޭނެ އެވެ. އާމްދަނީގެ ގޮތުގައި ހުށަހަޅާ އާ ކަންކަމުން 2.5 ބިލިއަން ރުފިޔާ ލިބޭނެ ކަމަށް ލަފާކޮށްފައިވެ އެވެ. އާމްދަނީ ހޯދުމަށް އަލަށް ހުށަހަޅާ ކަންކަން މި އަހަރުގެ ބަޖެޓާ އެކު ރައްޔިތުންގެ މަޖިލީހަށް ހުށަހަޅާނެ އެވެ.

މިއަދަދު ކުރިއަށް އޮތް ފަސް އަހަރު އެވްރެޖުކޮށް 8.9 ޕަސެންޓަށް އިތުރުވެ، 2024 ވަނަ އަހަރަށް ދައުލަތުގެ އާމްދަނީ 36 ބިލިއަން ރުފިޔާ އަށް އަރާނެ ކަމަށް ބެލޭ ކަމަށް ފިނޭންސް މިނިސްޓްރީގެ ފިސްކަލް ސްޓްރެޓެޖީ ރިޕޯޓުގައި ވެ އެވެ.

ފިނޭންސް މިނިސްޓްރީން އަންނަ އަހަރަށް ލަފާކުރަނީ 39.6 ބިލިއަން ރުފިޔާގެ ބަޖެޓެކެވެ.

ދައުލަތުގެ ބަޖެޓް އިބްރާހިމް އަމީރު، ކުރީގެ ފިނޭންސް މިނިސްޓަރު ދައުލަތުގެ ބަޖެޓް 2020 އިގްތިސާދު ރާއްޖޭގެ އިގްތިސާދު ފިނޭންސް މިނިސްޓްރީ

6 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ ރާޖާ

29 October 2019

އާ ކަންކަމޯ. ދޮންކަލޯ މަށަށްވެސް އެނގޭ ބިދޭސީ މީހާގެ ވިސާ ފީއަށް މިހާރު ދޭ ދުއިސައްތަ ފަންސާސް ރުފިޔާ ތިންސަތޭކައަށް ބޮޑުކޮށްފިއްޔާ ގިނަ ލާރި ލިބޭނެކަން. ކީއްކުރާނީ ކިތައްމެ ވަރަކަށް ފެލިއަސް އެކަންވާރެއްގަ ހުރި އެއްޗަކުން އެކަންވާރަކުން ތިކި ޖަހާނީ. އަދި ވަރަށް ސަޅި އެއްކަންތައް އެބައޮތް. ހުކުރި ދުވަހު މިސްކިތުން ބޭރުގަ ތިބޭ މީހުންގެ ގައިގަ ސްޓިކާ ޖަހައިން ފައިން ކޮށްލަނިކޮށް ލާރިކޮޅެއް ލިބިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅި

28 October 2019

ތީގަ އާމްދަނީ އިތުރުކުރަން ކުނާނެ ކަމެއް މަށަކަށް ނުފެނުނު. ރައްޔިތުން ފެލުންނޫންކަމެއް. ވިސްނާލާ. ވޯކް ވިސާ ފީ ބޮޑުކުރުން - ކޯޓާ ފީ ބޮޑުކުރުން - ފަރުދުންގެ އަތުން ޓެކްސްނެގުން. މިއީ މުޅިންވެސް ހަމަ ވިޔަފާރިވެރިން ދޭނެއެއްޗެހި. މިހާރުވެސް ވިޔަފާރިތައްވަނީ ފުޑިފަ. ތިޔަށްވުރެ މަގުހިނގުމުގެ ޓެކްސް، ވަރިކައިވެނި ޓެކްސް ނެގިއްޔާ މާގިނަ ލާރިލިބޭނެ. ދެން މަސައްކަތް ނުކޮށް ތިބެންވީ. އޭރުން ޓެކްސްފުރީ. އަދި ޓެކްސް ނުދެއްކުމުން ލިބޭނެއަދަބެއްނެތް.