އެމްޑީޕީން މިރޭ ބޭއްވި ގައުމީ މަޖްލިސްގެ ޖަލްސާގައި މެމްބަރަކު ވާހަކަދައްކަވަނީ. ފޮޓޯ: އެމްޑީޕީ
26 ސެޕްޓެމްބަރ 2016 - 22:57
21 comments
ސަރުކާރުގެ އިހުލާސްތެރިިކަމާ މެދު ސުވާލު އުފެދުނު ނަމަވެސް ކޮމަންވެލްތު މިނިސްޓީރިއަލް އެކްޝަން ގްރޫޕް (ސީމެގް)ގެ އެންގުމާ އެއްގޮތަށް ސަރުކާރާ އެކު ވާހަކަ ދައްކަން އެއްބަސްވެ، މަޝްވަރާތަކުގައި ބައިވެރިވާނެ މަންދޫބުން ލީޑަޝިޕުން ކަނޑައަޅަން އެމްޑީޕީގެ ގައުމީ މަޖިލީހުން މިރޭ ނިންމައިފި އެވެ.
އެމްޑީޕީގެ ގައުމީ މަޖިލީހުގެ ޖަލްސާ އަށް އެ ޕާޓީގެ ނައިބު ރައީސް މުހައްމަދު ޝިފާޒް ހުށަހެޅުއްވި ގަރާރެއްގައި ވިދާޅުވީ ސީމެގުގެ ރަސްމީ އެޖެންޑާގައި މިދިޔަ ހުކުރުދުވަހު ރާއްޖެ ހިމެނުމުން މަރުހަބާ ކިޔާ ކަމަށެވެ. އޭނާ ވިދާޅުވީ އެމްޑީޕީ އާއި އެ ޕާޓީ ހިމެނޭ އިދިކޮޅު އިއްތިހާދުން ގުޅިގެން ކުރި މަސައްކަތުން ސަރުކާރުގެ ނޭއްގާނީކަން ދުނިޔޭގެ ސަމާލުކަމަށް ގެނެވިފައިވާ ކަމަށެވެ. އެހެންވެ، އެމްޑީޕީން ސަރުކާރާ އެކު ވާހަކަ ދައްކަން ބޭނުން ވަނީ މައުނަވީ ގޮތަކަށް ކަމަށް ޝިފާޒް ވިދާޅުވި އެވެ.
"އަޅުގަނޑުމެން ބޭނުން ވަނީ ސީމެގުން ހުށަހަޅާފައިވާ ކަންތައްތަކާ ބެހޭ ގޮތުން އިހުލާސްތެރިކަމާ އެކު ވާހަކަ ދައްކަން،" އޭނާ ވިދާޅުވި އެވެ.
އޭނާ ވިދާޅުވީ އެ ވާހަކަތަކުގައި އެމްޑީޕީ ބައިވެރިވާނީ އދ. ފަދަ ބައިނަލްއަގުވާމީ ޖަމާއަތެއްގެ މަންދޫބަކާ އެކު ކަމަށެވެ.
ޝިފާޒް ހުށަހެޅުއްވި ގަރާރަށް ވޯޓަށް އެހުމުން އެ ގަރާރު ފާސްވީ ހާޒިރުވެވަޑައިގެންނެވި 39 މެމްބަރުންގެ ތެރެއިން 37 ވޯޓާ އެކު އެވެ.
އެމްޑީޕީން މިރޭ ބޭއްވި ގައުމީ މަޖްލިސްގެ ޖަލްސާގައި މެމްބަރުން ބައިވެރިވެވަޑައިގަންނަވަނީ. ފޮޓޯ: އެމްޑީޕީ
މިރޭގެ ޖަލްސާގައި އެމްޑީޕީގެ ޗެއާޕާސަންގެ ނައިބު އަލީ ނިޔާޒް ވިދާޅުވީ ޝިފާޒް ހުށަހެޅުއްވި ގާރާރަށް ފުރިހަމަ އަށް ތާއީދުކުރައްވާ ކަމަށެވެ. އަދި ސަރުކާރުން ޕާޓީތަކާ ވާހަކަ ދައްކަން ގޮވައިލީ މަޖުބޫރުވެގެން ކަމަށް އޭނާ ވިދާޅުވި އެވެ.
"ސަރުކާރުން ދައްކާ އެންމެ ބޮޑު ސަބަބަކީ އަބަދުވެސް އަޅުގަނޑުމެން ޝަރުުތުތަކެއް ކުރިމަތި ކުރުވާތީ. ސަރުކާރުން މި ފަހަރު ވާހަކަ ދައްކަން ގޮވާލީ މަޖުބޫރުވެގެން. މިއީ މިކަމާ ކުރިއަށް ދާންވީ އެންމެ މުހިންމު ވަގުތު. މިއިން ނެރެންޖެހޭ ނަތީޖާ އަކީ ސީމެގުން ހުށަހަޅާފައިވާ ގޮތަށް ކަންތައް ކުރުން،" ނިޔާޒް ވިދާޅުވި އެވެ.
މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) ވިދާޅުވީ މިއީ ސަރުކާރާ އެކު ވާހަކަ ދައްކަން ޖެހޭ ރަނގަޅު ދަނޑިވަޅެއް ކަމަށެވެ.
"ސަރުކާރުން އެންމެ ބޭނުން ނުވާ ކަންތައް ކުރަން ޖެހޭ ވަގުތު އައިސް ޖެހުނީމަ އޭގެ ބޭނުން ހިފަން ޖެހޭ. ސަރުކާރު މިހާރު ވަނީ ހޫނު ފެނަށް ލެވިފައި. ރަސްމީ އެޖެންޑާ އަށް ލެވިފައި މިހާރު އެ އޮތީ. އެހެންވީމަ އަޅުގަނޑުމެން މި ފުރުސަތުގެ ބޭނުން ހިފަން ޖެހޭ،" އޭނާ ވިދާޅުވި އެވެ.
އެމްޑީޕީން މިރޭ ބޭއްވި ގައުމީ މަޖްލީހުގެ ޖަލްސާގައި މެމްބަރުން ބައިވެރިވެވަޑައިގަންނަވަނީ.-- ފޮޓޯ: އެމްޑީޕީ
މަޖިލީހުގެ ކެނދިކޮޅުދޫ ދާއިރާގެ ކުރީގެ މެމްބަރު އަހުމަދު އީސާ ވިދާޅުވީ ސަރުކާރާ އެކު މަޝްވަރާކުރަން ނިންމި ނަމަވެސް ސަރުކާރުގެ އިހުލާސްތެރިކަމާ މެދު ޝައްކުތައް އެބަހުރި ކަމަށެވެ.
"އަޅުގަނޑުމެން މަޝްވަރާކުރަން ޖެހޭ ކަންތައް ސީމެގުން އެ ހުށަހަޅާފައި ވަނީ. އޭގައި އަޅުގަނޑުމެން ދެކޮޅު ހަދާ އެއްވެސް ކަމެއް ނެތް. އެހެންވެ މި އަށް އިންކާރުކަން ޖެހޭ އެއްވެސް ސަބަބެއް ނެތް،" އޭނާ ވިދާޅުވި އެވެ.
އެމްޑީޕީގެ ގައުމީ މަޖިލީހުގެ ތިމަރަފުށީ ދާއިރާގެ މެމްބަރު އަންވަރު އިބްރާހިމް ވިދާޅުވީ ސަރުކާރާ އެކު މަޝްވަރާކުރަން ހުށަހަޅާފައިވާ ގަރާރަށް ތާއީދުކުރެވެން ނެތް ކަމަށެވެ.
"ލީޑަޝިޕުން މި ޖެހެނީ ފަހަތަށް. ފަހަތަށް ޖެހެން ޖެހޭނީ މި ޕާޓީގެ އެކްޓިވިސްޓުން ރުހޭ ގޮތަށް. އެކްޓިވިސްޓުން ނުރުހޭ ރައީސް ނަޝީދާ ނުލާ މި ވާހަކަތައް ކުރިއަށް ގެންދަން،" އޭނާ ވިދާޅުވި އެވެ.
ސަރުކާރުން ވަނީ އިސްވެ މަޝްވަރާތައް އަލުން ފަށަން ނިންމައި އެ ވާހަކަތަކުގައި ބައިވެރިވާނެ މަންދޫބުން ހުށަހަޅަން އެމްޑީޕީގެ އިތުރުން އަދާލަތު ޕާޓީގައި ވެސް އެދިފަ އެވެ.
މަޝްވަރާތައް އަލުން މި ފަށަނީ ސީމެގުގެ ރަސްމީ އެޖެންޑާގައި ރާއްޖެ ހިމަނައި ދެން އިސްލާހު ނުވެއްޖެ ނަމަ ކޮމަންވެލްތުން ރާއްޖެ ސަސްޕެންޑް ކުރަން ވިސްނާނެ ކަމުގެ އިންޒާރު ދީ އަދި ރާއްޖޭގެ ސިޔާސީ ޕާޓީތަކުން މަޝްވަރާކޮށް ހައްލު ހޯދުމަށް އަންގާފައި ވަނިކޮށެވެ. އެއްވެސް ޝަރުތަކާ ނުލާ މަޝްވަރާގެ މޭޒު ދޮށަށް ދާން ވެސް ސީމެގުން ގޮވާލި އެވެ.
ސިޔާސީ މަސްރަހު ފިނިކުރުމަށް މަޝްވަރާތައް ފެށީ މިދިޔަ އަަހަރު މެދު ތެރޭގަ އެވެ. އެކަމަކު، ޖަލަށް ހުކުމްކޮށްފައި ތިބި އިދިކޮޅު ލީޑަރުން މަޝްވަރާތަކުގެ ކުރިން ދޫކޮށްލަން އިދިކޮޅު ފަރާތްތަކުން ކުރި ޝަރުތައް ސަރުކާރުން އެއްބަސް ނުވުމުން މިހާތަނަށް އެ މަޝްވަރާތައް ފެށޭ ގޮތެއް ނުވެ އެވެ. އދ.ގެ މަންދޫބު ތަމްރަތު ސެމިއުލް ބައިވެރިވެވަޑައިގެން، އެކި ފަރާތްތަކާ ވަކިވަކިން ބައްދަލުކޮށް، މަޝްވަރާތައް ފަށަން މަސައްކަތް ކުރައްވާފައި ވިޔަސް، އެކަމުގައި އަލިމަގެއް ފެނިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔައުނީ
18 October 2016
ޔައުނީ ޢަންނި ބުނާ މީހެކޭ.
ސަރުކާނު
27 September 2016
ހަޤީޤަތުގަ ސިފާޒުމެންގެ ފެންވަރު މި ފެންނަނީ ޤައުމާމެދު އެވެސް ޚިޔާލެއް ނެތް. ކޮންމެ ގޮތެއްވިޔަސް ސީމެގް އެޖެންދާގަ ރާއޖެ ހިމެނީމަ ކިޔަންޖެހޭނީ މަރުޙަބާއެއްނޫން. އެކަމާ ހިތާމަކުރާވާހަކަ ބުނަންޖެހޭނީ. ދެން ނިޔާޒުގެ ވާހަކައިގާ ސަރުކާރަށް މަޖުބޫރުވެގެން ވާހަކަތަކަސް ދައުވަތު ދިންކަމަށް ބުބާއިރު އެމްޑީޕީއަށްވެސް މަޖުބޫރުވީ ޝަރުތެއްނެތި ވާހަކަތަކުގައި ބައިވެރިވާން. ދެން ދަންނަވާލަން އޮތީ ކޮންމެ ގޮތެއްވިޔަސް ކުށްވެރިޔަކަށް ރިޔާސީ އިންތިޚާބަކު ބައިވެރިއެއް ނުވެވޭނޭ.
އުބަޖެހުން
27 September 2016
އެމްޑީޕީ ފެއިލްވެފައިވާ ލީޑަރޝިޕަކާއެކު މިމަޝްވަރާތަކުގައި ކާމިޔާބެއް ނުލިބޭނެ... އެމްޑީޕީގެ ލީޑަރޝިޕް ބަދަލުކުރުމަށް ގޮވާލަށް.. އެމްޑީޕީގެ އެތެރޭގެ އިންތިހާބު ބާވައި ސަރުކާރާއެކު މިގައުމަށް ތަރައްގީ ހޯދުމަށް މަޝްވަރާތަކުގައި ބައިވެރިވުމަށް ގޮވާލަށް...
އަލިފުތު
27 September 2016
ސީމެގްގެ ރަސްމީ އެޖެންޑާގައި ޜާއްޖެ ހިމެނުމުން ޝިފާޒް މަރުހަބާ ކިޔަނީ އެމްޑީޕީގެ ނަމުގައިނަމަ އެމް ޑީ ޕީ އަކީ ހަމައެކަނި ނަމެއްގައި މަސައްކަތް ކުރާ ރައްޔިތުންނަށް އިޚްލާސްތެރިކަމެއްނެތް ޕާޓީއެއް.
ސހ
27 September 2016
ކިތައްމެ ވަރަކަށް މަޝްވަރާ ކުރެވިދާނެ.. އެކަމަކު އެއްވެސް ދުލެއް ނުދެވޭނެ.
އިބޫ
27 September 2016
ސީމެގުން ހުށަހަޅާފައިވާ ކަންކަމަކީ ރާއްޖޭގެ ދާޚިލީ ކަންކަމާ ބެހުން. އެކަންވެސް އެމްޑީޕީއަކަށް ނޭނގޭ. އެކަމަކު އަތްޖަހަނީ. ހޭ އަރާއިރު އޮންނާނީ މާބޮޑަށް ލަސްވެފައި. ދެން ނޯންނާނެ ޝިފާޒެއް އިންތިއެއް ޝައިނީއެއް
އިންސައިޑަރ
27 September 2016
ސީމެގުން ބުނީ ޝަރުތަކާނުލާ މަޝްވަރާގެ މޭޒަށް އަންނަން. ދެން އ.ދ މަންދޫބެއް މީގެ ތެރެއަށް ވައްދާކަށް؟ ހަމަ ބަހަނާ. ތި މަޝްވަރާއަކަށް އަންނިއެއްވެސް އިމްރާނެއްވެސް އަދި އަލީ ވަހީދެއްވެސް ނުގެނެވޭނެ. މަޝްވަރާވެސް ކުރަން ޖެހޭނީ، 2018 ގައި އަންނިއަކަށް ކުރިމައްޗެއްވެސް ނުލެވޭނެ. އެއީ ޓެރަރިސްޓް މުޖުރިމެއް
ހުސޭނުބެ
27 September 2016
އެނޫންގޮތެއް ނެތޭ!! ސަރުކާރުން އިސްނަގައިގެން ބާއްވަމުން ގެނަދަވާ އޯލް ޕާޓީ ޓޯކްސްގައި އެއްވެސް ޝަރުޠަކާ ނުލާ ބައިވެރިވާން އެމްޑީޕީއަށްވެސް ކޮމެންވެލްތުން އެވަނީ ގޮވާލާފަ!! މީގެ ކުރިން ބޮޑާ ހާކާފަ މުޖްރިމުން ދޫކުރީމަ ނޫނީ ބައިވެރިނުވާން ތިބި ބައެއްތީ!! މިހާރު ދެން ޖެހޭނީ ބައިވެރިވާން!! ގައުމީ މަޖްލީހުން ނިންމީއޭ ކިޔާނެ ކަމެއްނެތް އޮޅުވާލަން!! އެމްޑީޕީން މިހާތަނަށް ދެމި އެއްވެސް ގުއި ރޯނެއްގައި އަދި މިސަރުކާރުން ޖެހި ފިތިފައި ނުވޭ!! މުޅިން ފިތެނީ ހަމަ އެމްޑީޕީ!! އެއީ އެއްވެސް އިޚްލާސްތެރިކަމެއްނެތި އެމްޑީޕީގެ ލީޑަރޝިޕްގައި ތިބި ހައެއްކަ މީހުންގެ މަސްލަޙްތަށްޓަކައި މަސައްކަތްކުރާތީ ދިމާވާގޮތް!! ގައުމަށާއި މުޅި ރައްޔިތުންގެ ލާބަޔާއި މަންފާއަށް އަދި ޕާޓީގެ އަސާސީ ގަވާޢިދާ އެއްގޮތަށް ކުރިއަށްދާން އުޅޭނަމަ، އަބަދަކު އަމިއްލައަށް ދަމާ ގުއިރޯނުގައި ޖެހި އަމިއްލައަށް ފިތި ބާރުވާކަށް ނުޖެހުނީސް!! ޝިފާޒް ދެންވެސް ކުރަންވީކަމަކީ މަގާމުގެ ދައުރު ހަމަވެފައިވާތީ އަވަހަށް ޕާޓީތެރޭން އިންތިޚާބެއް ބާއްވާ ޕާޓީގެ އިސް މަގާމުތަކަށް ވެރިން އިސްކުރަންވީ!! އޭރުން ދެންވެސް ރަގަނޅުވާނީ!! މާދުރުގައި ހުރި ކަހީނަކު އަންގަވާގޮތަށް ޢަމަލުކުރުމުގެ ބަދަލުގައި!!
އައްޑޫ ރަދުން
27 September 2016
އެމްޑީޕީން ކަންކަމުގައި މަޝްވަރާ ކުރަން ދިމާކުރާގޮތް ވަރަށް ވެސް ސަކަރާތް.އަދި އިސްސަފުގައި ތިބި ބޭފުޅުން ގަބޫލުފުޅު ކުރައްވާގޮތުގައި ރައީސް ޔާމީނުއަށް ވެރިކަމުގައި ހުރެވިގެން ނުވާނެ އަދި ހުރުން ހައްގެއްވެސްނޫން.މިއީ މުޅިން ރަނގަޅު ވިސްނުމެއްނޫން.އަސްލު ހަގީގަތަކީ ސިޔާސީ ގޮތުން ރައީސް ޔާމީން އާއި ޕޕއެމް ވަނީ ރައީސް ނަޝީދުއާއި އެމްޑީޕީގެ މައްޗައް ކުރިހޯދާފަ މިބުނީކީ ރައީސް ނަޝީދުއަށް ވުރެން ޔާމިނުގެ ސަޕޯޓަރުން ގިވާހަކައެއްނޫން.ކޮންމެގޮތަކަށްވިޔަސް ކަންތައް ދިޔަގޮތައް ބަލާއިރު ވޯޓުން މޮޅުވާންއޮތީ ގާސިމްގެ އެހީ ލިބިގެން ކަމަށް ވާއިރު ގާސިމްގެ ބެކިންލިބުނީ ރައީސް ޔާމިނުއަށް ވީމާ ވޯޓުއޮޅުވާލައިގެން ހޮވުނަސް ލޮޖިކަލީ ގަބޫލުކުރަން މަޖުބޫރުވީ ހޮވޭނީ ޔާމިނުކަން.މިއާ ޚިލާފް ހުރިހާ ވާހަކައަކީ މުޅިންވެސް ހީތަކެއްކަމަށް ބަލަންޖެހޭ.ވީމާ މިހަގީގަތް ގަބޫލުކޮށް ސަރުކާރާ މަޝްވަރާ ކުރުން ވަރަށް މުހިންމު.އަދި ސަރުކާރުގެ ޚަސީލަތް ދަނެތިބެ ރައްޔިތުންގެ ހައްގުގައި ކުރިއަށް ދިއުން އެދެން.އަދި އެހެންމެ ރައީސް ނަޝީދަކީ ރައްޔިތުންނަށް ހެޔޮބޭފުޅަކަށް ވިއަސް ވެރިކަން ކުރަން ނުދަންނަށް ބޭފުޅެއްކަމުން އެބޭފުޅާ ވެރިކަމަށް ގެނައުން އެހާ ރަނގަޅެއްނޫން.
ޖައްލާ
27 September 2016
ރަގަޅުނިންމުމެއް. މަޝްވަރާކުރަން ޖެހޭނީ ކޮމަން ވެލްތުންވެސް ސަރުކާރައް އުންގަވާފައިވާ ކަންތައްތައް ރަގަޅުކުރުމައް. މުޅިދުނިޔެވެސް ގަބޫލުކުރޭ ރާއްޖޭގެސިޔާސީބޭބޭފުޅުނައް އިއްވި ހުކުމަކީ އެއްވެސް ތާކުން ތާކުނުޖެހޭ ޚުދުމުޚުތާރު މީހެއްގެ އެންގުމައް ކުރެވުނު ކަމެއްކަން. އެން މެ އަވަހައް ކުރަން ޖެހޭ ކަމަކީ ކޮރަޕްޓް ބޭބޭފުޅުން ކޯރޓްތަކުން ބޭރުކުރުން. ސިޔާސީބޭބޭފުޅުން ވަގުތުން ދޫކޮއް އެބޭފުޅުންނައް 2018 ގެ ކެމްޕޭނުގައި މިވަގުތުން ފެށިގެން މަސައްކަތް ކުރެވޭނެ ގޮތް ހަދާދޭން ޖެހޭ. މިހާރު ރާއްޖޭގެ ހާލަތު އޮތްގޮތުން ޝައިނީ ގާނޫނޭ ކިޔުމުން މީހުން ގާތައް އަންނަނީ ހިނި.