އައްޑޫގައި ހުޅުވަން ތައްޔާރުވަމުންނަ ސައުތު ޕާމް ރިސޯޓްގެ މަންޒަރެއް.
03 ނޮވެމްބަރ 2019 - 14:01
15 comments
އައްޑޫގައި ސިޓީ ހޮޓަލާއި ގެސްޓް ހައުސް ހިންގަން ޝައުގުވެރިވާ ފަރާތްތަކަށް ބީލަމުގެ އުސޫލުން ބިން ދޫކުރަން ނިންމައި، މިދިޔަ ބުރާސްފަތު ދުވަހު ހުޅުވައިލީ 96 ބިން ކަމަށް އައްޑޫ ސިޓީ ކައުންސިލުން ބުނެފި އެވެ.
މި މަޝްރޫއަކީ އައްޑޫގެ ޓޫރިޒަމް އެނދުގެ އަދަދު 4،000 އަށް އިތުރުކުރުމުގެ ގޮތުން ކުރިއަށް ގެންދާ މަޝްރޫއެކެވެ. އެގޮތުން ބިންތަކަށް ކުރިމަތިލުމުގެ ފުރުސަތު މި މަހުގެ 28 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
ދޫކުރަނީ 2،400-10،000 އަކަފޫޓާ ދެމެދުގެ ބިންތަކެވެ.
Invitation for bids for the lease, development and operation of Tourist Guest house and City Hotel in Addu City pic.twitter.com/FwfwbLDoag
— Addu City Council (@AdduCityCouncil) October 31, 2019
ބިންތައް ދޫކުރަން ނިންމާފައިވާ ސަރަހައްދުތަކަށް ބަލާއިރު ހިތަދޫ "މާމެން ބީޗް ޓޫރިޒަމް ޒޯން" އިން 30 ބިން، ހުޅުދޫ "ކޭވައް ބީޗް" މާފިޝި ޓޫރިޒަމް ޒޯނުން 25 ބިން، މީދޫ "ކޯގަންނު ބީޗް" މުލިމަތި ޓޫރިޒަމް ޒޯނުން 16 ބިން އަދި ފޭދޫ "ސަވާ ބީޗް" ދިގިހެރަ ޓޫރިޒަމް ޒޯނުން 24 ބިން ދޫކުރާނެ އެވެ.
އަދި މަރަދޫ އަވަށުން،ދޫކުރަން ހަމަޖެހިފައި ވަނީ 10،000 އަކަފޫޓުގެ އެއް ބިމެވެ. ޓޫރިޒަމަށް އައްޑޫ ސިޓީ ކައުންސިލުން ކަނޑައަޅާފައިވާ ބިންތައް ގިންތިކޮށްފައި ވަނީ ފަސް ބަޔަކަށެވެ.
އެގޮތުން އޭ ކެޓަގަރީގެ ބިންތަކަކީ 10،000 އަކަފޫޓޫގެ ބިންތަކެވެ. މި ތަންތަނުގައި 60 ކޮޓަރީގެ ގެސްޓް ހައުސް ނުވަތަ ސިޓީ ހޮޓާ ހިންގޭނެ އެވެ. ބީ ކެޓަގަރީގެ 7،000 އަކަފޫޓުގައި 35 ކޮޓަރި ހިމެނެ އެވެ. ސީ ކެޓަގަރީގެ 5،000 އަކަފޫޓުގައި 25 ކޮޓަރި ހިމެނޭ އިރު، ޑީ ކެޓަގަރީގެ 3،000 އަކަފޫޓުގައި 15 ކޮޓަރި ހިމެނެ އެވެ.
އެންމެ ކުދި ބިންތަކުގެ ގޮތުގައި ހުޅުވާލާފައި ވަނީ 2،400 އަކަފޫޓުގެ 10 ކޮޓަރީގެ ގެސްޓް ހައުސް ހިންގަން ދޫކުރާ ބިންތަކެވެ.
މި ބިންތަކުގެ ބިޑް ޑޮކިއުމެންޓެއް ވިއްކާ އަގަކީ ދިވެއްސެއް ނަމަ 2،000ރ. އަދި ބޭރު މީހެއް ނަމަ 300 ޑޮލަރަށެވެ. ބިންތަކަށް ހުޅުވައިލި އިރު، އެ ބިންތަކުގައި ކުދި އަދި މެދުފަންތީގެ ގެސްޓްހައުސް ހިންގަން ބޭނުންވާ މީހުންނަށް އެސްއެމްއީ ޑިވެލޮޕްމެންޓް ފައިނޭންސް ކޯޕަރޭޝަން (އެސްޑީއެފްސީ) މެދުވެރިކޮށް 80 މިލިއަން ރުފިޔާގެ ލޯނު ދޫކުރަން ސަރުކާރުން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިލިނބު
04 November 2019
އަބަދުވެސް މިއައްޑުއެއްގެ ވާހަކަ. މިރާއްޖޭގައި މިނޫނީ ދިވެހިން ދިރިއުޅޭ އަތޮޅެއް ނެތީތަ. ދައުލަތުގެ ފައިސާ އައްޑުއަށް އިންވެސްޓް ކުރުމަށްވުރެ ރާއްޖޭގެ ކޮންމެވެސް އެހެން ސަރަހައްދަކަށް އިންވެސްޓް ކޮށްފިއްޔާ އިގްތިސާދަށް ރަގަޅުވާނެ.
ކަމަނާފުޅު
04 November 2019
ކޮއެފުޅާ މިއީ ސަރުކާރުންކުރާކަމެއްނޫން، އެކަމަކު ކައުންސިލުން. ހަސަދަވެރި ވުމަކީ ﷲ ރުހިވޮޑި ނުގަންނަވާކަމެއް.
އައްދިއްޔޯއި
03 November 2019
އައްޑުގަ ޓުއަރިޒަމް؟ މީހަކު މޮޔަވެދާނެ. ބަލަ އައްޑުގަ މިހާރުވެސް 2 ރިޒޯޓު އޮތްއިރު އަހަރު ދުވަހުގެ އޮކިއުޕެންސީ ރޭޓު 50 އިން މައްޗަށް ނާރާ. ދެން ތިބިންތައް ދީގެން އެތަނަށް ގެންނަނީ ކޮންބަޔަކު؟ ގަމުގެ އީކުއޭޓަރ ވިލެޖުވެސް އޮތީ ހަމަ މިހާލުގަ. މިހާރުވެސް އައްޑުގަ ހަދާފަހުރި ގެސްޓްހައުސްތަކާ ހޮޓާތަށް މަދެއްނޫން. ގިނަ ތަންތަން އޮންނަނީ ފަޅަށް. ތި 96 ބިމަކީ ބަޔަކަށް ހިބައިންދޭ ރައްޔިތުންގެ މިލްކެއް.
ރަންނަ
04 November 2019
ބައެއްމީހުން ވަރަށް މޭކަރާނެ. ބަލަންތުބެމާ
ޏަމްޟާލް
04 November 2019
އަސްލު އައްޑޫ އަކީ ސުމްޕާ ބަޔެއް އުޅޭ ސޫމްޕާ ތަނެއް. އެހެންވެ އެތަނަކު އެއްވެސް ކަމެއް އާލާއެއް ނުވާނެ.
ބޮޑު އަހަންމާ
03 November 2019
ދުނިޔޭގެ ކުރިއަރާފައިވާ މުޖްތަމަޢް ތަކުގައި ފުތަމަ މަސައްކަތް ކުރަނީ ލޯކަލް އިންވެސްޓްމެންޓް ދިރުވާ ލޯކަލް އިކޮނޮމީ އުފައްދަން. ހައިރާނެއް ނުވޭ ރޯނު އެދުރުން ކަންކުރީމާ ވާގޮް. ހަމަ ނިދިން ހޭލެވޭނެ ގޮތަށް އަރާ ބޮންތީގަ ހިފޭތޯ. ދެން އަހަރުމެން ރައްޔިތުން ތިބެންވީ ގުބޯ ހެދިފާ ކަރަކަރައިން އިންވެސްޓަރުން އައިސް އިސާހިތަކު މިތަން ތިޔާގި ވެ މުއްސަނދިކަން ހައްދުފަހަނަޅާ ދާނެކަމަށް. ސޮރީ ހިޔަންޏަށް މުޑި ނެގޭކަށެއް ދެނެއް ނެތް.
ރަންނަ
04 November 2019
އެސްއެމީ ލޯނު އެދެނީ ދިވެހިންނަށް. ރަނގަޅު ދިވެހިން އަތްއުރާލައިގެން ސަރުކާރަށް ކަންތައްނުވާވާހަކަ ދައްކަން އަމިއްލަ ޒިންމާ އަދާނުކުރީމަ ދެން ޖެހޭނީ ކަރަކަރައިގެ މީހުންނަށް ދޭން
ޗަމްޕާޕޫލުމާ
03 November 2019
ހަދާނަށް އަންނަނީ އީސީސީ ތިޔަގޮތަށް ބޭރުގެ ބިޔަ އިންވެސްޓަރުންނަށް ހަތަރު ބުރަކަށް ހުޅުވާލި ހަނދާން. ބޭރު ބަޔަކު ހިރުވާ ވެސް ނުލި އެންމެ ހިނދުކޮޅަކަށް ވެސް. މިހާތަނަށް ތިޔަ ފަދަ ހުރިހާ ކަމެއް ގޮސްފާ ހުރީ ޗޮކުން. ރައްޔިތުންގެ އިތުބާރާއި ޔަގީންކަން ހޯދައިނުގަނެވުނު ކައުންސިލަކަށް ބޭރުގެ އިންވެސްޓަރުންގެ އިތުބާރު ހޯދުމަކީ ބޮޑުވެގެންވާ އަރަތަކަށް ވާނެކަް ކަށަަވަރު.
ޢެޑްމުންޑޯ
03 November 2019
ބިންކުއްޔަށް ދޭ އަގުވެސް ޖަހާލިނަމަދޯ
ރަދީފުއްދީނުލް އަކްބަރު
03 November 2019
މި 5 އަހަރުގެތެރޭގައި ކުޑަމިނުން ތިތަންތަނުގައި ކަޑަޖަހާލެވަެތޯ ބަލާތި.
އޮނަރަބްލް އަފީފު ދީދީ
03 November 2019
ތިކަމަށްފައިސާހޭދަކުރުންވެގެންދާނީ އައްޑޫގެތަރައްޤީއަށްޓަކާ މަރުހޫމް މުޙައްމަދު ސަޢީދު (ޑރ ޝަކީލާގެ ބައްޕާފުޅު) ވެވަޑައިގެންނެވި ޤުރުބާނީފަދަކަމަކަށް. # ގަމުގައި ހޮލިޑޭވިލެޖް ގެނަމުގައި ރިސޯޓެއްތަރައްޤީކުރުމުގެކަންކަންކުރާންފެއްޓީ މާލޭސަރުކާރުން ގަމަށްފްލައިޓް އޮޕަރޭޓްކުރުމުގެހުއްދަދެއްވާނެކަމަށްބުނެގެން. # ހުރިހާހޭދައެއްކޮށް ސިލޯން އެއަރވޭޒް ވެސްއެއްބަސްކުރުވާ ހުއްދައަށް އެދުމުން "މާލޭސަަރުކާރުން އެންގީ މިވަގުތު ތިކަން ކޮށްދެވެން ނެތް" ކަމަށް.
ނަސީބާ
04 November 2019
ނަސީބެއް
ސައުދުﷲ
03 November 2019
ސަރުކާރުން ނޫނީ ކައުންސިލް ބަޖެޓުން ތިޔަކަމަށް ކިހާވަރަކަށް ލާރި ޚަރަދު ކުރޭތޯ. ތިހެން މީގެ ކުރިންވެސް ތެޅިފޮޅިފާ އިނގިރޭސި ބަހުން ލިޔެލިޔެފާ ބޮޑު އިއްލާން ކުރި. ވީ ކަ މެއް ހަރާ މް . ތިޔަ ޗަރުކޭސް އިނގޭ އަހަރުމެންނަށް މިހާރު
ސައްތާރު
03 November 2019
އެންމެ ފުރަތަމަ ކަމަކަށް ރައްޔިތުންނާއި މަޝްވަރާނުކޮށް ސަރަޙައްދުތައް ކަނޑައަޅާފަ އޮތީ. ހިތަދޫ އިން ވެސް ރައްޔިތުން އުއްމީދު ކުރީ، 2 އަކަ ކިލޯ މީޓަރަށް ވުރެ ބޮޑު ސަރަޙައްދެއް ހިމާޔަތްކޮށްފައިވާއިރު އެސަރަހައްދު ތަކާއި ދުރު ނުވާނެހެން ބިން ދޫކުރާނެކަމަށް. ދެވަނަ ކަމަކަށް ތިޔަ ބުނާ ސަރަޙައްދު ތަކަކީ އެއްވެސް އިންފްރާސްޓްރަކްޗަރ މަސައްކަތްތަކެއް ކުރެވިފައިވާ ސަރަޙައްދުތަކެއް ނޫން. އެހެންކަމުން ތިޔަ ބިންތަކުގެ ބޭނުން ހިފޭނެގޮތާއިމެދު ސުވާލުއުފެދޭ.
މުރާސިލް
03 November 2019
ތިއީ ލޯކަލް ކައުންސިލް އިންތިޚާބާއި ދިމާކޮށް ދައްކާ ހުސް ހުވަފެނެވެ. ތިއިން އެއްވެސް ކަމެއް ކުރެވޭނެ ހެނެއް ހިޔެއް ނުވެއެވެ. މިއީ މުޅިންވެސް ނަނާ ހުވަފެން ދައްކާ ސަރުކާރެކެވެ.