ރެޑް ސީ ޑިވެލޮޕްމަންޓް ކޮމްޕެނީގެ ސީއީއޯ ޖޯން ޕެގާނޯ. --ފޮޓޯ:އެރޭބިއަން ބިޒިނަސް ނިއުސް
16 ނޮވެމްބަރ 2019 - 12:08
3 comments
ރިޔާޒް (ނޮވެމްބަރު 16) - ދެހާސް ތިރީސް ވަނަ އަހަރާ ހަމައަށް ދާއިރު ސައުދީން ހާސިލް ކުރަން ބޭނުންވާ 100 މިލިއަން ޓޫރިސްޓުންގެ އަމާޒަށް ވާސިލުވުމަށް ޓޫރިޒަމް ސެކްޓާ އަށް އެއް މިލިއަން މަސައްކަތު މީހުން ބޭނުންވާނެ ކަމަށް ރެޑް ސީ ޑިވެލޮޕްމަންޓް ކޮމްޕެނީގެ ސީއީއޯ ޖޯން ޕެގާނޯ ވިދާޅުވެއްޖެ އެވެ.
ރިޔާޒުގައި ބޭއްވި މިސްކް ގްލޯބަލް ފޯރަމްގައި ޕެގަނޯ ވިދާޅުވީ ރެޑް ސީ ޕްރޮޖެޓުން ވެސް 70،000 ވަޒީފާ އުފެއްދޭނެ ކަމަށެވެ. އެ ޕްރޮޖެޓަށް މީހުން ނެގުމަށް ސައުދީ ސަރުކާރުން މިހާރު ވަނީ ޓޫރިޒަމް ދާއިރާ އިން ގައުމުން ބޭރުން ކިޔެވުމަށް ސްކޮލާޝިޕް ހުޅުވާލައިފަ އެވެ.
"ހަތަރު ދުވަސް ތެރޭ 12،700 އެޕްލިކޭޝަން ލިބުނު. ސައުދީގެ ޒުވާނުންނަށް ކުރިމަގު ވަރަށް އުޖާލާ،" ޕެގާނޯ ވިދާޅުވި އެވެ.
ސައުދީގެ އިގްތިސާދު ތެލަށް ބަރޯސާވުން ކުޑަކުރުމުގެ ގޮތުން ވަލީ އަހުދު މުހައްމަދު ބިން ސަލްމާން ގެންދަވަނީ ޓޫރިޒަމަށް އިންވެސްޓް ކުރައްވަމުންނެވެ. ވިޝަން 2030 ގެ ދަށުން ސައުދީ އަރަބިއާގެ ހުޅަނގުއުތުރުގެ އައްސޭރީގެ ސަރަހައްދު ލަގްޒަރީ ޓޫރިޒަމް ޑެސްޓިނޭޝަނެއްގެ ގޮތުގައި ތަރައްގީ ކުރުމުގެ މަޝްރޫއެއް އެ ގައުމުގެ ޕަބްލިކް އިންވެސްޓްމަންޓް ފަންޑް (ޕީއައިއެފް) އިން ވަނީ އިއުލާންކޮށްފަަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައްޔާޒު
16 November 2019
ރާއްޖެއިން 60 ހާސް ބަނަގާޅީން ފޮނުވިދާނެ.
ރާޖާ
16 November 2019
ސުވާލަކީ ތެޔޮވިއްކައިގެންލިބޭ ފައިސާއިން ސައުދީއަށް ފުދިއިތުރު ނުވޭތޯ. އެމެރިކާއިން އެ ބިރުދައްކާގޮތައް ސައުދީއިން ވަރަށް އަވަހައް ތެޔޮހުސްވެ ބަނޑަށްޖެހިދާނެ ކަމަށް ސައުދީން ގަބޫލުކުރޭތޯ. ތެޔޮ ވިއްކާއިގެން ލިބޭ ފައިސާއިން ، ސައުދީއަށް ބޭނުންނުވާ، އެމެރިކާގެ ހަތިޔާރުތައް ބިލިޔަނުން ޚަރަދުންކޮށްގެން ގަތުމަކީ ބޮޑުވެގެންވާ އިސްރާފެއްކަމަށް މުހައްމަދު ގަބޫލު ނުކުރައްވަންތޯ. ބޮޑުތަނުން ޓޫރިޒަމް ފުޅާކުރަން ތިޔައުޅުއްވަނީ ކޮންބަކަށް ވަޒީފާ ނުލިބިގެންތޯ.
އީދު
16 November 2019
މުހައްމަދު ބިން ސަލްމާން އުޅުއްވަނީ މޮޔަފުޅުވެގެން ހީވަނީ. ޔަހޫންދީން އެޑުވައިޒަރުންނަށް ހަދައިގެން ތިޔަގެންނަން އުޅުއްވާ ތަރައްގީއާއިމެދު ބުނާނެ ބަހެއްނެތް. ވާންހުރި ކަންކަމުގެ މައުޅޫމާތާއި އޭގެނަތީޖާ ކަނލާގެ މޮޅަށް ދެނެވޮޑިގެންވަނީ.