ޚަބަރު / އިބްރާހިމް ރިފްއަތު، އެޓާނީ ޖެނެރަލް

އިސްކަންދޭނީ ޖުޑިޝަރީ އިސްލާހު ކުރުން އަވަސް ކުރަން: އޭޖީ

މުހައްމަދު ނަސީމް، މިހާރު

17 ނޮވެމްބަރ 2019 - 22:42

ކުރިމަގުގައި އެންްމެ އިސްކަން ދެއްވާނީ ޝަރުއީ ދާއިރާ އިސްލާހު ކުރުން އަވަސް ކުރަން ކަމަށް އެޓާނީ ޖެނެރަލް އިބްރާހިމް ރިފްއަތު މިރޭ ވިދާޅުވެއްޖެ އެވެ.

މި ސަރުކާރުގެ އެއް އަހަރު ދުވަހުގެ ތެރޭގައި އެޓާނީ ޖެނެރަލްގެ އޮފީހުން ކޮށްފައިވާ މަަސައްކަތްތަކާ ބެހޭ ގޮތުން، ދައުލަތުގެ މީޑިއާ ޕީއެސްއެމް ގައި ވާހަކަ ދައްކަވަމުން ރިފްއަތު ވިދާޅުވީ ޝަރުއީ ދާއިރާ އަށް ގެންނަންޖެހޭ ބަދަލު ވީ އެންމެ އަވަހަކަށް ގެނެސް، އިންސާފު ގާއިމްކުރުމުގެ ވަސީލަތްތައް ރައްޔިތުންނަށް ފޯރުކޮށްދިނުމަކީ މުހިއްމު ކަމެއް ކަމަށެވެ.

އޭނާ ވިދާޅުވި ގޮތުގައި ޝަރުއީ ދާއިރާ އަށް ގެންނަން ޖެހޭ ބަދަލުތައް ގެނައުމަކީ ސަރުކާރުގެ ވަރަށް މުހިއްމު މަސައްކަތެކެވެ. އަދި، އެއީ ރައްޔިތުންގެ އިތުބާރު ލިބިފައިވާ ދާއިރާއަަކަށް ހަދަން ޖެހޭ ކަމަށް ބަންޑާރަ ނައިބު ވިދާޅުވި އެވެ.

"ޖުޑިޝަރީ އަށް މިގެންނަން ޖެހޭ ބަދަލު ވީ އެންމެ އަވަހަކަށް ގެނެސް ރައްޔިތުންނަށް އިންސާފު ގާއިމްްކުރެވޭނެ ވަސީލަތްތައް ފޯރުކޮށްދިނުން، އަޅުގަނޑަށް ފެންނަ ގޮތުގައި އަޅުގަނޑުމެންގެ އެންމެ މުހިއްމު މަސައްކަތަކަށް ވެގެން ދާނީ،" ރިފްއަތު ވިދާޅުވި އެވެ.

ޝަރުއީ ދާއިރާ އިސްލާހުކުރުމަށް ޓަކައި މިހާތަނަށް ކޮށްފައިވާ އެއް މަސަައްކަތެއްގެ ގޮތުގައި އޭނާ ވިދާޅުވީ އެ ދާއިރާގެ ހާލަތު އޮތް ގޮތް ދެނެގަތުމަށް ހެދި އެސެސްމެންޓެވެ.

ސައުތު އެފްރިކާގެ ކުރީގެ ފަނޑިޔާރެއް ކަމަށްވާ ޖަސްޓިސް ކްރީގްލާ ހެއްދެވި އެ އެސެސްމެންޓްގައި އޭނާ ކަންތައްތަކެއް ފާހަގަކުރައްވައި، އަމަލުކުރަން ފެންނަ ގޮތްތައް ހިމަނުއްވާފައިވާ ކަމަށް ރިފްއަތު ވިދާޅުވި އެވެ.

"އެ ރިޕޯޓްގައި އެބަހުރި ޖުޑިޝަރީގައި ހުރި މައްސަލަތަކާ ބެހޭ ގޮތުން މިނިވަން މުސްތަގިއްލު ފަރާތެއްގެ ހައިސިއްޔަތުން ޖަސްޓިސް ކްރީގްލާ އަށް ފެނިވަޑައިގަންނަވާ ކަންތައް ފާހަގަކުރައްވާފައި، އަދި ބައެއް ރިކޮމެންޑޭޝަންސް ވެސް އެބަހުރި،" ރިފްއަތު ވިދާޅުވި އެވެ.

ދިވެހި ސަރުކާރު ރައީސް އިބްރާހިމް މުހައްމަދު ސޯލިހް އެޓާނީ ޖެނެރަލް އިބްރާހިމް ރިފްއަތު، އެޓާނީ ޖެނެރަލް ޖުޑީޝަރީ

22 ކޮމެންޓް, 51 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މައުލޫ

20 November 2019

ޖުޑިޝަރީ އިސްލާޙު ވާނީ ޖޭއެސް ސީ އަކީ މިނިވަން މުސްތަގިއްލު ތަނަކަށް ހަދައިގެން. ޢެކަންކުރެވޭނީ ޤާނޫނު އަސާސީ ގައި އޮންނަ ޖޭއެސް ސީ އަށް މެމްބަރުން އައްޔަންކުރާ ގޮތް ބަދަލުކޮށްގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެގުނުކަތީބު

18 November 2019

ފުރަތަމަ ތިމާ އިޞްލާޙުވެފަ ދެން ދެންތިބީންނާއި އެތަންތަން އިޞްލާޙުކުރާވާހަކަ ދައްކަމާ! ނިދިޔަ ސަރުކާރަށްވުރެ އަވަހަށް އިޞްލާޙުގެ ނަމުގައި މުއައްސަސާތަކަށް ވެރިވެގަންނަތަން މިފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބިރު

18 November 2019

ރައީސް މައުމޫނާއި ޤަސިމާއި އިމްރާންގެ ބޮލަށްއެރިގެން ވެރިކަން ހޯދާފަ މިހާރު އެއްކަލަ ލިޑަރުންގެ ބައްދަލުވުމެއްވެސް މިހާރު ނުބޭއްވޭ. ހާދަ ދެރަގޮތެކޭ މިވީ !!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބާ

18 November 2019

ދައުލަތުގެ މީޑިއާއޭ ވާވާ. މިހާރު ޕީއެސްއެމް އަކީ އެމްޑީޕީގެ ބައެއް. އެތަނުގެ ނިއުސްރޫމް ހިންގަނީ ސީދާ ރައީސް އޮފީހުން. އެތާއުޅޭ އަފުޒަލް ކިޔާ މީހާގެ އަންހެނުން ވަރަށް ފޮނިވެފަ އޭނާގެ ބާރުގަދަކަމުގެ ވާހަކަ ރައްޓެހިންނަށް ކިޔާދޭ. ޗީފް ކޮންޓެންޓް އޮފިސަރ ކުރާ ކަމަކީ ސިންގަޕޫގެ ކެސިނޯ ކުޅުން. ސީއީއޯ ކުރާ ކަމަކީ އަބަދު ދުވުން. ޑެޕިއުޓީ ސީއީއޯ ކަމަކީ ކަންކަން ބިޑްކުރުން. އޭނާާއާއި ގުޅިފަ ހުންނަ ކުންފުނިތަކުން ބިޑްތައް ދަނީ ވިން ކުރަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

18 November 2019

ރަގަޅުވާހަކައެއް ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމިއްލަޖީބު

18 November 2019

އިސްކަންދެނީ އަމިއްލަ ޖީބައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއާފް

18 November 2019

ހަމަ ޔާމީންވެސް ހެދި ގޮތަށް އަތްގަދަކުރަނީ. އިސްލާހުކުރުމަކީ ތިމާ ބޭނުން ގޮތަކަށް މޮޑެވޭ ނިޒާމެއް ހެދުމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

18 November 2019

އިސްލާހުތޯ ތި ކުރަނީ ނޫނީ ފުޑާލަނީތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

18 November 2019

އިސްކަންދޭނީ ޖުޑީޝަރީއަށް އަތާ ފަޔާ ބޯބޭނުން ވީހާވެސް އަވަސްކުރުން! މިސަރުކާރުން މިތިބީ ޖުޑީޝިއަރީ އިސްލާހުކުރުންމުން ދުނިޔޭގެގެ ފެންވަރުގެ ސަނަދު ޙާސިލްކޮށްގެން!