ޚަބަރު / ޑރ. އާއިޝަތު އަލީ، އެޑިއުކޭޝަން މިނިސްޓަރު

މަސައްކަތް ކުރަންވީ ދަރިވަރުންގެ ތަބީއީ ގާބިލްކަން ކުރިއަރުވަން: މިނިސްޓަރު

ކަލާސް އެވޯޑު ދިނުމަށް ބޭއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އައިޝަތު އަލީ (ކ-2) ބައިވެރިވެވަޑައިގަންނަވަނީ.- ފޮޓޯ: އެޑިއުކޭޝަން މިނިސްޓްރީ

އާސިމާ ނިޒާރު، މިހާރު

19 ނޮވެމްބަރ 2019 - 23:18

4 comments

ޓީޗަރުން މަސައްކަތްކުރަންވީ ދަރިވަރުންގެ ކިބައިގައި ހުންނަ ޡަބީއީ ގާބިލްކަން ފާހަގަކޮށް އެކަން ކުރިއަރުވަން ކަމަށް އެޑިއުކޭޝަން މިނިސްޓަރު ޑރ. އައިޝަތު އަލީ މިރޭ ވިދާޅުވެއްޖެ އެވެ.

ކުޅިވަރުގައި ފާހަގަކޮށްލެވޭ ދަރިވަރުންނަށް ދެމުން އަންނަ ކަލާސް އެވޯޑު ހަފުލާގައި މިނިސްޓަރު ވިދާޅުވީ ނަރުގިސް ގަހެއްގައި ކަރަންކާ މަލެއް ފޮޅުވަން އުޅެފިނަމަ އެ ޓީޗަރަކު ކުރަނީ ބޭކާރު ކަމެއް ކަމަށެވެ.

މަސައްކަތް ކުރަންވީ ކޮންމެ ގަހެއްގައި ވެސް އޭގެ ޡަބީއީ ގާބިލްކަން ފާހަގަކޮށް އެ ގާބިލްކަން ކުރިއަރުވައި ފުރިހަމަކުރުމަށް ކަމަށް މިނިސްޓަރު ވިދާޅުވި އެވެ.

ކުޅިވަރު ކުޅުމުގެ މުހިއްމުކަން ފާހަގަކުރައްވައި މިނިސްޓަރު ވިދާޅުވީ ކުޅިވަރާއި ކަސްރަތުކުރުމަކީ ދިރިއުޅުމުގެ އާދައަކަށް ހަދަންޖެހޭ ކަމަށެވެ. ކުޅިވަރު ކުޅެ ކަސްރަތުކޮށް ނޫޅޭނަމަ ތަފާތު ބަލިތައް ޖެހުން އަވަސްވެގެންދާ ކަމަށާއި އޭގެ ނަތީޖާއެއްގެ ގޮތުން އުފެއްދުންތެރިކަން ދަށްވެގެންދާ ކަމަށް ވިދާޅުވި އެވެ.

ފާއިތުވި 40 އަހަރުގެެ ތެރޭގައި ގައިންގަޔަށް ނާރާ ބަލިތައް ރާއްޖޭގައި ވެސް ވަރަށް ބޮޑަށް އިތުރުވެފައިވާ ކަމަށް ވިދާޅުވި އެވެ.

ކަލާސް އެވޯޑު ދިނުމަށް ބޭއްވި ރަސްމިއްޔާތުގައި ބައިވެރިވި ބައެއް ދަރިވަރުން.- ފޮޓޯ: އެޑިއުކޭޝަން މިނިސްޓްރީ

ރާއްޖޭގައި ފަލަ މީހުންގެ ނިސްބަތް މަތިވެ، ހަށިގަނޑު މާ ބޮޑަށް ފަލަވުމަކީ ކަންނެތް ކަން ބޮޑުވެ ކިޑްނީ ބަލިތައް ގިނަވާ ކަމެއްކަމަށް ވިދާޅުވި އެވެ. އޭގެ އިތުރުން ކެންސަރު ޖެހުމާއި ކަށިތައް ބަލިވުން އިތުރުވާ ކަމަށް ވިދާޅުވި އެވެ.

"މި ދެންނެވީ ކިޔެވުމަށް ދޭ ސަމާލުކަން ކުޑަކުރާށެކޭ ނޫން. ކޮންމެ ކުއްޖަކު ވެސް ސްކޫލު ނިޒާމު ފުރިހަމަ ކުރަންޖެހޭނެ. ނަމަވެސް ކިޔެވުމުގެ އިތުރަށް މުޅި އުމުރުގައި ކަސްރަތާއި ކުޅިވަރު ކުޅެންޖެހޭނެ. ދުޅަހެޔޮ ސިއްހަތެއްގައި ހުރުމަށް ކަސްރަތު ކުރަންވާނެ. ހާއްސަކޮށް މަދަރުސާ ދައުރުގައި ހީވާގިކޮށް ހަރަކާތްތެރިވެ އުޅުމުގެ އާދަކާދަ ލިބިގަންނަންވާނެ،" ހުޅުމާލޭގައި ހުންނަ ހުރަވީ ސްކޫލުގައި ބޭއްވި ރަސްމިއްޔާތުގައި ވިދާޅުވި އެވެ.

މިނިސްޓަރު ވިދާޅުވީ ކުޅިވަރުން ގިނަ ކަންތައްތަކެއް ދަސްވެގެންދާ ކަމަށެވެ. އޭގެ ތެރޭގައި އެހެން މީހުންނާ މުއާމަލާތްކުރަންވީ ގޮތާއި މައްސަލަތައް ހައްލުކުރުމާއި ނާކާމިޔާބީގައި ކެތްތެރިވުން ދަސްވާނެ ކަމަށް ވިދާޅުވި އެވެ.

އެއާއެކު، ތަފާތު އެކި މިޒާޖުގެ މީހުންނާއެކީ އެއް ޓީމެއްގެ ގޮތުގައި މަސައްކަތްކުރަން ދަސްވުމާއި ނުބައި އާދަތަކުގެ ތެރޭގައި ހިމެނޭ ޑްރަގްގެ ވަބާއިން ސަލާމަތްވާނެ ކަމަށް ވިދާޅުވި އެވެ.

ތައުލީމް އެޑިއުކޭޝަން މިނިސްޓްރީ ކިޔަވާކުދިން ޑރ. އާއިޝަތު އަލީ، އެޑިއުކޭޝަން މިނިސްޓަރު

4 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެރަވަރު

20 November 2019

މިފަހަރު ކަލާސް އެވޯޑް ދިން ގޮތެއް ކަމަކުނުދޭ. އިންޓަރސްކޫލް ކުޅިވަރުތަކުން އެއްވަނަ ތަކަށް ދިޔަ ކުދީންގެ ހުރިހާ ކުދީންނަކަށް މިފަހަރު އެވޯޑް ނުލިބޭ. މިނިސްޓްރީ އަށް އެކަމާ ދުވި، ގުޅި ބެލެނިވެރިންގެ ދަރީންނަށް ލިބުނީ.ސްކޫލުން އެބަބުނޭ މިވެނި ކުޅިވަރު ތަކަކުންނޭ އެވޯޑް ލިބެނީކީއެއް އެޑިއުކޭޝަނުން ނާންގާކަމަށް. ކުދިންގެ ހިތް މަރާލަނީ އެޑިއުކޭޝަނުން. ވަރަށް ހިތާމަހުރި ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

20 November 2019

މިނިސްޓަރު މަސައްކަތްކުރަންވީ ޓީޗަރުންގެ މުސާރަ ބޮޑުކޮށް ވޯކްލޯޑް ކުޑަކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިމްޕަލް

20 November 2019

ކުރި އަރުވާ އުގެނެންވީ ނާއިބު ރ ގެ ހިޔާލުފުޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބޫ

19 November 2019

ރަނގަޅު ކަ މެއްތީ. އެކަ މު އަޅުގަނޑަށް ފެންނަގޮތުގައި ތަންކޮޅެއް ރަނގަޅަށް ސްކޫލްތަށް އެބަޖެހޭ ރެގިއުލޭޓްކުރަން . މިހާރު ވާގޮތަކީ ދެކުދިން ސްކޫލްގަ އުޅޭ ބެލެނިވެރިން ކާންބޯން މަސައްކަތް ކުރާނެ ވަގުތެއް ނުވޭ. ކުރީ ސިސްޓަ މަށް އާދަވެފަތިބޭ ޕްރިންސިޕަލުން މިތިބެނީ.