27 ނޮވެމްބަރ 2019 - 11:20
52 comments
ޖުމްހޫރީ ޕާޓީ (ޖޭޕީ) ގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެމްބަރު ގާސިމް އިބްރާހީމާ ބެހޭ ގޮތުން ކުރީގެ ރައީސް އަބްދުﷲ ޔާމީން އެންމެ ފަހުން ދެއްކެވި ވާހަކަފުޅަށް ގާސިމް ރޭ ރައްދު ދެއްވައިފި އެވެ.
އިދިކޮޅު ޕީޕީއެމް/ޕީއެންސީން މިދިޔަ ހުކުރު ދުވަހުގެ ރޭ ކާނިވާ ސަރަހައްދުގައި ބޭއްވި ޖަލްސާގައި ގާސިމަށް ފާޑުވިދާޅުވަމުން ޔާމީީން ވިދާޅުވީ ޖަލަށް ދާން ޖެހުމުން ގާސިމް އޮންނެވީ ހޮސްޕިޓަލްގެ އައިސީޔޫ ގައި ކަމަށެވެ.
ޖުމްހޫރީ ޕާޓީ އަށް ބަޔަކު ސޮއިކުރުމަށް ކުނޫޒުގައި ބޭއްވި ޖަލްސާގައި ޔާމީނަށް ރައްދު ދެއްވަމުން ގާސިމް ވިދާޅުވީ ނުހައްގުން ގާސިމް ޖަލަށް ލާން ބަޔަކު އުޅުނުކަން ޔާމީންގެ އެ ވާހަކަ އިން އެނގިއްޖެ ކަމަށެވެ. އެކަމަކު މީހަކު ޖަލަށް ލާން ގާސިމް ނޫޅުއްވާ ކަމަށް އޭނާ ވިދާޅުވި އެވެ.
"އެހެންވީމާ މިހާރު އެނގިއްޖެތާ ޖަލަށް ލާން ބަޔަކު އުޅުނުކަން އެހެން ނޫންތޯ؟ މިހާރު އަމިއްލަ އަށް ވެސް އެނގުނީ ނޫންތޯ ބަޔަކު ޖަލަށް ލާން ނުހައްގުން މަސަައްކަތް ކުރި ކަން. އެކަމަކު އަޅުގަނޑުމެން ނޫޅެމޭ އިނގޭތޯ މީހަކު ޖަަަލަަށް ލާކަށެއް،" ގާސިމް ވިދާޅުވި އެވެ.
ޔާމީން ވިދާޅުވެފައި ވަނީ ކުރީގެ ރައީސް މުހަންމަދު ނަޝީދު އާލާސްކަންފުޅާ އުޅުއްވާ ވާހަކަ އޭނާގެ ސަރުކާރުގައި ހުށަހެޅުނު ކަމަށާއި ގާސިމް އާލާސްކަންފުޅާ އުޅުއްވާ ވާހަކަ ވެސް ސަރުކާރަށް ހުށަހެޅި ކަމަށެވެ.
އިދިކޮޅު ޕީޕީއެމް/ޕީއެންސީން ކާނިވާ ސަރަހައްދުގައި މިދިޔަ ހުކުރު ދުވަހުގެ ރޭ މާލޭގައި ބޭއްވި ޖަލްސާގައި ކުރީގެ ރައީސް ޔާމީން ބައިވެރިވެވަޑައިގަންނަވަނީ.---ފޮޓޯ: ހުސައިން ވަހީދު/މިހާރު
"ހަމަ ދެ މީހުން ވެސް ތިބީ ފުރާނަ ދާ ހިސާބުގައި. އެކަކު ހޮސްޕިޓަލަށް ވަން ވަނީ ނުން އައިސީޔޫ އިން ނުވެސް ނުކުތް،" އިދިކޮޅު ކޯލިޝަނުން ބޭއްވި ޖަލްސާގައި ޔާމީން ވިދާޅުވެފައި ވެ އެވެ.
ގާސިމް ރޭ ތުހުމަތު ކުރެއްވި ގޮތުގައި އޭނާ ޖަލަށް ލާން ޔާމީން އުޅުއްވީ ވެރިކަމަށް ކުރިމަތި ނުލެވޭ ގޮތަށް ގާނޫނަށް ގެނައި ބަދަލު އެއީ ގާނޫނުއަސާސީއާ ހިލާފު މާއްދާއަކަށް ވާތީ އެކަން ބާތިލުކޮށްފާނެ ކަމުގެ ބިރަށެވެ. ޔާމީނަށް ވެރިކަމަށް ވަޑައި ނުގެންނެވުނީ މީހަކު ކުރި ކަމަކުން ނޫން ކަމަށް ވެސް ގާސިމް ވިދާޅުވި އެވެ.
"ދެން އެކަން އެގޮތަށް ދިމާވެގެން އައީ މީހަކު ކުރި ކަމަކުން ނޫނޭ އިނގޭތޯ؟ އަޅުގަނޑު ވެސް މިއީ ކޮންމެ އަހަރަކު ވެރިކަމަށް ކުރިމަތިލާ މީހެއް، އަޅުގަނޑަށް ވެސް އެ ފުރުސަތު ނަގާލީ ކާކުތޯ؟ އަޅުގަނޑު ކޮންމެހެން ނުދެންނެވިޔަސް އެނގިވަޑައިގަންނަވާނެ އެހެން ނޫންތޯ ކާކުކަން،" އޭނާ ވިދާޅުވި އެވެ.
ޔާމީނުގެ އަރިހުގައި އުޅުއްވާފައި ޖުމްހޫރީ ޕާޓީ އަށް ވަޑައިގެންނެވި ބޭފުޅުންނަށް އިޝާރާތް ކުރައްވައި ގާސިމް ވިދާޅުވި ގޮތުގައި، ޔާމީން ވެރިކަމަށް ގެންނަން މަަަސައްކަތް ކުރެއްވި ބޭފުޅުން މިހާރު "ބާ ޓަޔަރަށް ވެއްޖެ" އެވެ. ނަމަވެސް ކުރިން އެއީ "ރަން" ބޭފުޅުން ކަމަށާއި ޔާމީން މިހާރު އެ ބޭފުޅުންނާ ގުޅޭ ގޮތުން ދައްކަވަނީ މޮޔަ ވާހަކަތަކެއް ކަމަށް ގާސިމް ވިދާޅުވި އެވެ.
"އަޅުގަނޑު ދަންނަވާނީ އަމިއްލަ އަށް ހަޑި ނުހާވާށޭ. މޮޔަ ނުގޮވާށޭ ކޮސް ނުގޮވާށޭ މިހާރު ތިޔަ ގޮވެނީ ކޮހޭ،" ޔާމީނަށް ރައްދު ދެއްވަމުން ގާސިމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުއާޒު
29 November 2019
ގާސިމްބެ ވެސް ޔާމީނު ދިފާޢުގަ ނުނިކުންނާނެ "އެއްހަރަކުން މުޢމިނެއްގެ ގަޔައް 2 ފަހަރަކު ކައްޓެއް ނުޖަހާނެ" މިއީ ގާސިމް އަބަދުވެސް ބުނާއެއްޗެއް
ބޯނެތް ބުރުމާ
28 November 2019
ކޮންމެ ދައުރަކުގައި ވެސް އިނދިކޮޅު މީހުން ފުރަތަމަ ވަންނާނީ ޤާސިމު ގާތަށް، ދެން އެހެން އުޅެފައި ގާސިމު ލައްވައި ރައީސްކަމަށް ކުރިމަތި ލައްވާނީ، އެއިރުން އެމީހުންނަށް އެހުޅުވާލެވީ ކުނޫޒު. ނެގުނު އެއްޗެއް ނަގައިގެން ދެވަނަ ބުރުގައި އެހެން މީހަކަށް ޤާސިމު ލައްވައި ބައިއަތު ހިފުވާނީ. ދެން އޮތްބައި ކުޅޭނީ އަނެއްކައިވެސް އަންނަ ދައުރު.
ގަރުބަޗޯފް
27 November 2019
ސާބަހޭ! ނިހާނުމެން އަލީ އާރިފުމެން ގޮޮނޑި ބަރީގެ ކުރީގައި ބައިތިއްބައިގެން ތިޔަ ޔާމީނަށް ތިޔަ ކޮއްލި ވަރު އަދިވެސް ކުޑަ. އެވެރިންގެ ހިތައް އަރާނެ މިހާރު ޖޭޕީ ޕާރޓީ އަށް ސޮއި ނުކުރެނު ނަމައޭ. ނަމަވެސް ފައިސާގެ ދަހިވެތި ކަމުގައި އެފަދަ މީހުން ކޮންމެ ފަދަ ކަމެއްވެސް ކޮއްފާނެކަން މިހަރު ޔަޤީންވެ ކަށަވަރު ވެއްޖެ.
ޖައްލާދު
27 November 2019
ޔާމީނު ގޮޅިއަށް އާލާފަ އައި މީހުންނަށް ސައިތައްޓެއް ބޯލާނެ ވަގުތުނުލިބޭ ޔާނު ގޮޅިން ނެރެގެން އައިޖީއެމްއެޗަށް ގެންދަން ޖެހުނުއިރު މިވަރުންވެސް އަނގަ އަރުވާތި
ބަބުރޭ
29 November 2019
ޔާމީނު ގޮޅިންނެރެގެން އައިޖީއެމްއެޗްއައް ގެންދިޔައީ ބަލިވެގެނެއްނޫން ، ގަވާއިދުން މީހުން ޖަލައްހުކުމްކުރުމުން ހައްދަންޖެހޭ މެޑިކަލްޗެކަޕްހެއްދުމައް. ކޮމެންޓްކުރާތި އަލިފާނެއްފެނެއް ވަކިނުވިޔަސް.
ބޭންކޮކްހިލޭ އަންހެނުން
27 November 2019
ތެދިފުޅެއް ވެރިކަމުގަ ހުރެ ހާލީގަ އޮވެ ނިކުމެ ގޮވީ ކޮސް މިހާރު ބަޔަކު ލަވާލައިގެން ނެރެގެން ގެނެސް ބެހެއްޓީމާވެސް ގޮވަނީ ކޮސް
އޭޑީ
27 November 2019
ވެރިކަމަކީ ބާޒާރުގައި ގަނެވިއްކާ އެއްޗެއްކަމަށް ހީކޮށް، ޕީޕީއެމުގައި ބާކީވެ، ބިކަވެފައިވާ، ރައްޔިތުން ބަލައިނުގަނެ، މާޔޫސް ކަންމަތީ ތިބި ބަޔަކު ގެނެސްގެން މާ މޮޅު ސިޔާސީ މަސައްކަތެއްކުރަނީޔޯ؟ ރައްޔިތުން މިތިބީ ހުވާ ޖޯކު ޖަހަން. މިއީ 1998 އަހަރެއްނޫން. މިއީ 2019. މިއީ ތަހުޒީބުގެ ޒަމާން! މިރާއްޖޭގެ ވެރިކަމާއި ގާސިމު ހިތުލަންވެސް ބޯހުރިމީހެއް ނަމަ ނޫޅޭނެ. އިނގޭނެ ގާސިމަށް ތިކަމެއް ނުވާނެކަން. އެމްޑީޕީ އޮއްވަކާ!
ނަޒީގާ
27 November 2019
ރާއްޖެ ހަމަޔަކައް އެޅޭނީ މިހާރު މިތިބަ ސިޔާސީ މީހުންގެ ކިބައިން ގައުމު ދާއިމައް ސަލާމަތް ކުރެވިގެން.
އަހުމަދު.
27 November 2019
ސޭޓަކީ ވަކި ރަނގަޅު މީހެއްނޫން، 2013 ގައި ރައްޔިތުންގެ އިންތިހާބެއްވެސް އިސްފިރޭ ކޯޓުގެ ވެރިންނަށް ހަދިޔާދީގެން ނަމަވެސް ބާތީލު ކުރުވީމު. ކަމާބެހޭ ކޯޓު ހުރީ ހުރިތާންގަ. ބަޣާވާތް ކޮށް ރައީސްނަސީދުގެ ވެރިކަން ވައްޓާލަން ނިކުތީމު. މިކަމުގެ އަމަލީބައި ކުޅެން ޕޮލިސް ހެޑްކުއާރޓަރަށް ވަދެ އިނީމު. ތިމާގެ އަމިއްލަ ފައިދާއަށް ކޮންމެ ފަދަ ކަމެއްވެސް ކޮށްފާނެ ކަމަށް އެދުވަހުގެ ފަހުން ޔަޤީންވެއްޖެ. އެނބުރޭ ވަހުތާނެއް.
ކުކުޅޭ ---
27 November 2019
ޤާސިމު ކުރާ ކަން ކަމުން ކާމިޔާބު؟ އެކަމަކު ސިޔާސީ މައިދާނުގައި އަތުން 6ބޭކާރު ލާރި ޚަރަދުވެ މީހާގެ އަގު ވެއްޓެމުން ދަނީ
ދައްސޫރަ
27 November 2019
ކަލޭގެ ސަބަބުން ގައު މަށް ކޮއްދިނީ ބަގާވާތް ސާފްވެއްޖެ އަ މިއްލަ އެދު މައިގެން ނޫޅޭ މީހެއް ކޮބާ