ރައްޔިތުންގެ މަޖިލިހުގެ ޖަލްސާއެއް ކުރިއަށް ދަނީ. --- ފޮޓޯ: މަޖިލިސް
04 ޑިސެމްބަރ 2019 - 11:48
13 comments
ޑިވިޑެންޑުން ޓެކްސް ނެގުން މި ވަގުތަށް މަޑުޖައްސައިލުމަށް އެދި ސަރުކާރު ކޯލިޝަންގެ އެންމެ ބޮޑު ޕާޓީ، އެމްޑީޕީގެ ރައްޔިތުންގެ މަޖިލިހުގެ ބައެއް މެމްބަރުން މިއަދު އެދިވަޑައިގެންފި އެވެ.
ސަރުކާރުން ރައްޔިތުންގެ މަޖިލިހަށް ހުށަހެޅި އާމްދަނީން ޓެކްސް ނެގުމުގެ ބިލްގައި ޑިވިޑެންޑުން ޓެކްސް ނެގުމަށް ހިމަނައިފައެއް ނުވެ އެވެ. އެކަމަކު، މަޖިލިހުގެ ރައީސް މުހައްމަދު ނަޝީދު ވެސް އިންނަވާ މުޅި މަޖިލިހުގެ ކޮމިޓީން ވަނީ ބިލު ދިރާސާކޮށް، ޑިވިޑެންޑުން ޓެކްސް ނަގަން ހިމަނައިފަ އެވެ.
ޑިވިޑެންޑުން ޓެކްސް ނަގަން ކޮމިޓީން ނިންމި އިރު، އެމްޑީޕީގެ ޕާލަމެންޓްރީ ގްރޫޕްގެ ޑެޕިއުޓީ ލީޑަރު، އަދި ހެންވޭރު ދެކުނު ދާއިރާގެ މެމްބަރު ހުސައިން ޝަހީމް (އަނދުން ހުސެއިން) މީގެ ކުރިން ވަނީ ޑިވިޑެންޑުން ޓެކްސް ނަގަން ގޮވާލައްވައިފަ އެވެ. އެކަމަކު، އޭނާގެ ވިސްނުމާ އެހެން މެމްބަރުން ހިޔާލު ތަފާތެވެ.
އިސްލާހުގައިވާ ގޮތުން، ރާއްޖޭގައި ހިންގާ ކުންފުނިތަކުން ޑިވިޑެންޑުގެ ގޮތުގައި އަހަރަކު އެއް މިލިއަން ރުފިޔާ އަށް ވުރެ މަތިން އާމްދަނީ ލިބޭ ނަމަ، އެ އާމްދަނީން އެއް ޕަސެންޓް ޓެކްސްގެ ގޮތުގައި ނަގާނެ އެވެ.
ދާންދޫ ދާއިރާގެ އެމްޑީޕީގެ މެމްބަރު ޔައުގޫބް އަބްދުﷲ ވިދާޅުވީ، ޑިވިޑެންޑުން ޓެކްސް ނެގުން މަޑުޖައްސައިލަން ޖެހޭ ކަމަށާއި އެ ޓެކްސް ނެގުމަކީ ފޮރިން އިންވެސްޓަރުން "ޑިސްކަރޭޖު" ވާނެ ކަމެއް ކަމަށެވެ. އަދި ރެޒިޑެންސް ޑިވިޑެންޑުން ޓެކްސް ނެގުމާ މެދު ކަންބޮޑުވެވަޑައިގަންނަވާ ކަމަށް ވިދާޅުވި އެވެ.
"ރެޒިޑެންސް ޑިވިޑެންޑުން ޓެކްސް ނަގަން އިނީމާ އޭތި ޑަބަލް ޓެކްސް އަށް އެބަވޭ. އަޅުގަނޑުމެން އިންކަމް ޓެކްސް އަދި އަލަށް ނަގަން ފަށަން ދާއިރު އަޅުގަނޑަކަށް ނުފެނޭ ހުރިހާ ބާވަތެއްގެ ހުރިހާ ޓެކްސް އެއް ފަށައިގަންނަން،" ޔައުގޫބް ވިދާޅުވި އެވެ.
އޭނާ ވިދާޅުވި ގޮތުގައި، ހާއްސަކޮށް ރާއްޖެ އަކީ ފޮރިން އިންވެސްޓަރުންނަށް ވަރަށް ބޮޑަށް ބަރޯސާވެފައިވާ ގައުމަކަށް ވާ އިރު، ބޭރުގެ އިންވެސްޓަރުން ރާއްޖެ އަށް ނާންނަ ކަހަލަ އެއްވެސް ކަމެއް ޓެކްސް ސިސްޓަމްގެ ތެރެއިން ކުރުމަކީ އޭނާ ގަބޫލު ކުރައްވާ ކަމެއް ނޫނެވެ.
ޑިވިޑެންޑުން ޓެކްސް ނަގަން ތުލުސްދޫ ދާއިރާގެ އަމިއްލަ މެމްބަރު އިބްރާހިމް ނަސީމް ވެސް ދެކޮޅު ހެއްދެވި އެވެ.
އޭނާ ވިދާޅުވީ، އަވަށްޓެރި ގައުމުތަކުން ޓެކްސް އަށް ގެންނަ ބަދަލުތަކަށް ވެސް ރިއާއަތް ކުރަންޖެހޭ ކަމަށެވެ. އެގޮތުން، އިންވެސްޓުމަންޓުތަކަށް ފަހި މާހައުލެއް ގާއިމް ކުރުމުގެ ގޮތުން ސްރީ ލަންކާ އިން ވެސް ގިނަ ޓެކްސްތަކެއް ކަނޑާލަން ނިންމާފައިވާ ކަމަށް ވެސް ނަސީމް ވިދާޅުވި އެވެ. ޑިވިޑެންޑުން ޓެކްސް ނަގަން ވާނީ ބޭރުގެ އިންވެސްޓްމަންޓުތަކަށް ގެއްލުން ނުވާ ގޮތަށް ކަމަށް އޭނާ ވިދާޅުވި އެވެ.
ހުޅުދޫ ދާއިރާގެ އެމްޑީޕީގެ މެމްބަރު އަދި އެމްޑީޕީ ޕާލަމެންޓްރީ ގްރޫޕްގެ ޑެޕިއުޓީ ލީޑަރު އިލްޔާސް ލަބީބް ވިދާޅުވީ ޑިވިޑެންޑުން ޓެކްސް ނެގުމަކީ އޭނާ ވެސް އެދިވަޑައިގަންނަވާ ކަމެއް ނޫން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަބުރޭ
04 December 2019
ތެދެއް ރިސޯޓުއޯނަރުންއަތުން ޓެކްސް ނަގައިގެން ނުވާނެ، އެމީހުންއަތުން ނަގަންޖެހޭނީ ކަޓު. އެލިބޭނީ ޑިވިޑެންޑުން ޓެކްސް ނުނެގީމަ.
ގޯސް
04 December 2019
ބިޑޮތި ވޮޔަފާރިތަށް އިންވެސްޓްމެންޓޭކިޔާފަ އިސްތިސްނާ. ކުދިކުދި ހެދިކާވިއްކާ ކެފޭފަދަ ތަންތަނުން ހުރިހާއެއްޗެއްނަގާ. ދެރަވަރު
އިސްމާލި
04 December 2019
ހުރިހައި ޓެކްސް އެއްވެސް ނަގަނީ ހަމަ ތިޔަ މެންބަރުންނަށް ރިޓަޔަރ ކުރެއްވީމައި ދޭ އިނާޔަތަށް ކަމުގައި ހަދައިފި ނަމަ ހުރިހައި މެންބަރުން އަޑު މަޑުވާނެ. ކޮންމެ މެންބަރެއް އެންމެ ދައުރެއް ނިމެންދެން މަޖިލީހުގައި ނިދަން އިނަސް، އުމުރުން 65 އަހަރު ވާއިރަށް އިނާޔަޓް ލިބެން ފަށާނެ. އުމުރު ދުވަހަށް. ކޮންމެ ފަސް އަހަރަކުން މެންބަރުން ބަދަލުވަމުން ދާނަމަ މީގެ ވިހި އަހަރުން ވިސްނާލާ އިނާޔަތް ދޭން ޖެހޭނެ މެންބަރުންގެ އަދަދު. މިއީވެސް ހަމަ ރައްޔިތުންގެ ޓެކްސް
އިހުސާނާ
04 December 2019
ޑިވިޑެންޑް އަކީ އިންކަމްއެއް. އިންކަމް ޓެކްސްގަ އެހިމަނަން ޖެހޭނެ ކޮންމެބަޔަކު ރުޅިއަޔަސް!
އޮނަރަބްލް އަފީފު ދީދީ
04 December 2019
ތިކަންތިގޮތަށްކޮށްފިނަމަ "ޓެކްސްޤާނޫނަކީ ފުށް ފުރޭންޏެއް" ފަދައެއްޗަކަށްވެ ޓްކްސްޤާނޫނުގެބޭނުންކެޑޭނެ. # ބޭރުގެ އިންވެސްޓަރުންނާއި ދިވެހިންނަށްވެސް ފުރުސަތުލިބޭގޮތަށް ޤާނޫނަށް ބަދަލުގެނެސް ތިލަދުންމަތިންފާދިއްޕޮޅަށް ނޯތުޕްރޮވިންސް އަދި ކ. ޢަތޮޅުން (މާލެވެސްހިމަނައި) ދާލަށް ސެންޓްރަލްޕްރޮވިންސް، ކޮޅުމަޑުލުންއައްޑުއަށް އެއީ ސަދާރންޕްރޮވިންސްކަމުގައިނިންމަވާ "2023ގެ ނިޔަލަށް އުތުރާއިދެކުނު ޕްރޮވިންސްއަކީ ޓެކްސްފުރީޒޯންތަކެއްކަމަށް" ކަޑައަޅުއްވާ.
ޕަޕެޓް
04 December 2019
އަޅުގަނޑައްފެނޭ ރައީސުލްޖުމްހޫރިއްޔާގެ އެޑްވައިޒަރުކަމައް އެދި ސިޓީއެއްލިޔަން.
ޒަބީބު
04 December 2019
ރާއްޖޭގެ އިގްތިސޯދުގެ އެންމެ ބޮޑު ހިއްސާއެއް އަދާކުރަނީ ކުދި އަދި މެދުފަންތީގެ ވިޔާފާރިތަކުން. އެހެނަސް ކުދި އަދި މެދުފަންތީގެ ވިޔާފާރިތަކަށް އެންމެ ކުޑަމިނުން ވާރކިންގް ކެޕިޓަލް އަށް ބޭނުންވާ އޯޑީ ފެސިލިޓީއެއް ހާހިސާބު ބޭންކަކުން ހޯދުމަކީވެސް އުނދަގޫ ކަމެއް. އެހާލަތުގަވެސް ބީޕީޓީ ގެ ނަމުގައި ގްރޮސް ޕްރޮފިޓުން ބޮޑު % އެއްގެ ޓެކްސް ދައްކަންޖެހޭ. އެއަށްފަހު ބަހާނެ ޑިވިޑެންޑް އެއް ނޯވޭ. ޑިވިޑެންޑުންވެސް ޓެކްސް ނެގީމަ ވިފާރިތަށް ވަނީ ބަގުރޫޓު!
ރެއްކަބޭ
04 December 2019
ޑިވިޑެންޓުން ޓެކްސް ނެގިއަސް ފޮރިންއިންވެސްޓަރުން އިންވެސްޓްކުރާނެ. ގައުމުގެ ނުވަދިހަޕަސެންޓް ރިސޯރޓްތަކަކީ ފޮރިން އިންވެސްޓްމެންޓް އެކަމަކުވެސް ރައްޔިތުންނަށް ވާކަމެއްނެތް. ވާޒީފާތަކުގައިވެސް ހުސް ބޭރުމީހުން އެހެންވެ ޑިވިޓެންޓް ޓެކްސްނަގަންވީ.
ގޮރުނޮދޯރު
04 December 2019
ހުސް ވިޔަފާރިވެރިން ތިތަނަށް ލައިގެން ވާނެގޮތް ވަރަށް ސާފުކޮށް ތިފެންނަނީ. ޑިވިޑަންޓުން ޓެކްސް ނުނަގާނަމަ ތިބައި މީހުން މުސާރައިގެ ގޮތުގައި ޖަހާނީ މަހަކު ރުފިޔާއެއް ލިބޭކަމަށް.
ބްލެޑަރ
04 December 2019
މަޖްލިސް ރައީސް 'ގޮރުނޮދޯރު' ގެ ކޮމެންޓްގަ އެބުނަނީ ތެދެއް.. ކުންފުނި ބޮޑު މީހާވެސް ކުޑަ މުސާރައެއް ނަގައި ޓެކުހަށް މަކަރު ހެދިޔަދީގެން ނުވާނެ. ދިވެހި ވިޔަފާރިވެރިންގެ އަތްދަށު ނުވެ މަޖްލިސް ހިންގި ދާނެބާ؟
އޮނަރަބްލް އަފީފު ދީދީ
04 December 2019
މަޖިލިސް 19 ގެ ވައުދުތަކާއިޙިލާފަށް "މޮޅުމީހާއަށް މޮޅުގޮތް" އޮންނަގޮތަށް ޤާނޫނުތައް ހަދާން ފެއްޓެވީތާ؟! # އަލަށް އަންނަ އިންވެސްޓަރުންނަށް ޑިއުޓީ ފްރީ ޓެކްސް ފުރީ ޒޯނުތަކެއް ތިލަދުންމަތިން ފާދިއްޕޮޅަށް އަދި ކޮޅުމަޑުލުން އައްޑޫސިޓީއަށް ހަމަޖައްސަވާ 50މ ޑޮލަރަށްވުރެން ބޮޑު އިންވެސްޓްމަންޓްކުރާ ފަރާތްތަކަށް ކަޑައެޅޭ މުއްދަތަކަށް ޓެކްސް މައާފުކުރުން ރަނގަޅު.
ވަންނަ
04 December 2019
ދާންދޫ ދާއިރާގެ ޢިއްޒަތްތެރި މެމްބަރު ޔަޢުޤޫބު ޢަބްދުﷲ އަކީ ވަރަށް ވިސްނުން ރަގަޅު ބޭފުޅެއް!