ރައްޔިތުންގެ މަޖިލިހުގެ ޖަލްސާއެއް ކުރިއަށް ދަނީ. --- ފޮޓޯ: މަޖިލިސް
04 ޑިސެމްބަރ 2019 - 14:50
41 comments
އަންނަ މަހުން ފެށިގެން އާމްދަނީން ޓެކްސް ނަގަން ނިންމައި، އިންކަމް ޓެކްސްގެ ނެގުމުގެ ބިލް ރައްޔިތުންގެ މަޖިލިހުން މިއަދު ފާސްކޮށްފި އެވެ.
ސަރުކާރުގެ ފަރާތުން، އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ހުށަހެޅުއްވި ބިލު މުޅި މަޖިލިހުގެ ކޮމިޓީއަކުން ދިރާސާކުރި ފަހުން، ވިއްސަށް ވުރެ ގިނަ އިސްލާހު ހުށަހެޅި އެވެ. އަދި މަޖިލިހުން ބިލް ފާސްކުރީ މަޖިލިހުގެ ތަޅުމަށް ހުށަހެޅި އިސްލާހުތަކާ ވެސް އެކުގަ އެވެ.
އިންކަމް ޓެކްސްގެ ބިލް މަޖިލިހުން ފާސްކުރީ 68 މެމްބަރުންގެ އަޣުލަބިއްޔަތުންނެވެ. އެ ބިލް ފާސްކުރަން ނުފެންނަ ކަމަށް ތިން މެމްބަރަކު ވަނީ ވޯޓު ދެއްވި އެވެ.
އެންމެ ބޮޑު އެއް އިސްލާހުގެ ގޮތުގައި ވަނީ މުސާރައިގެ ގޮތުގައި ލިބޭ އާމްދަނީން ޓެކްސް ނަގަން ވާނީ އަންނަ އޭޕްރީލް މަހުގެ އެކަކުން ފެށިގެން ކަމަށެވެ. އަދި ދެން ހުރި ފަރާތްތަކުގެ އަތުން ޓެކްސް ނަގަން ފަށަން ވާނީ އަންނަ ޖެނުއަރީ އެކަކުން ފެށިގެން ކަމަށް ވެސް އިސްލާހުގައިވެ އެވެ.
އެގޮތުން އޭޕްރީލް 1 އިން ފެށިގެން ނަގާނީ އުޖޫރަ އާއި ވިޔަފާރި އާމްދަނީންނާއި އުފުލޭ މުދަލާއި ނުއުފުލޭ މުދާ ކުއްޔަށް ދޫކޮށްގެން ލިބޭ އާމްދަނީ އާއި އިންޓަރެސްޓާއި އެނުއިޓީ އާއި ޕެންޝަން އަދި ރިޓަޔަމަންޓް ފައިދާއިންނާއި ބެނިފިޝަރީންނަށް ލިބޭ އާމްދަނީންނާއި ޓެކްނިކަލް ސާވިސް އާއި ކަމިޝަނާއި ރޮޔަލްޓީންނެވެ.
ބިލް ދިރާސާ ކުރި މުޅި މަޖިލިހުގެ ކޮމިޓީން ގެނައި އެންމެ ބޮޑު ބަދަލަކީ އިންކަމް ޓެކްސް ނަގާ އާމްދަނީގެ އެންމެ ދަށް ސީލިންގެ ގޮތުގައި 60،000ރ. ކަނޑައެޅުމެވެ. ބިލް އެންމެ ފުރަތަމަ ހުށަހެޅި އިރު އޮތީ އިންކަމް ޓެކްސް ދައްކަން ޖެހޭނީ މަހެއްގެ މައްޗަށް އާމްދަނީ 40،000ރ. އަށް ވުރެ އިތުރުވާ ބައިންނެވެ. މަޖިލިހުގެ ކޮމިޓީން ނިންމީ މަހެއްގެ މައްޗަށް 60،000ރ. އަށް ވުރެ ބޮޑު، 100،000ރ. ނުވަތަ އެއަށްވުރެ ކުޑަ އާމްދަނީއެއް ލިބޭ މީހުންގެ އަތުން ޓެކުހުގެ ގޮތުގައި 5.5 ޕަސަންޓު ނެގުމަށެވެ. އަދި 100،000ރ. އަށް ވުރެ ބޮޑު، 150،000ރ. ނުވަތަ އެއަށް ވުރެ ކުޑަ އާމްދަނީއެއް ލިބޭ މީހުންގެ އަތުން އަށް ޕަސަންޓު ޓެކުހުގެ ގޮތުގައި ނެގުމަށް ވެސް ބިލްގައި ވަނީ ހިމަނައިފަ އެވެ.
މީގެ އިތުރުން 150،000ރ. އަށް ވުރެ ބޮޑު، 200،000ރ. ނުވަތަ އެއަށް ވުރެ ކުޑަ އާމްދަނީއެއް ލިބޭ މީހުންގެ އަތުން ޓެކުހުގެ ގޮތުގައި 12 ޕަސަންޓު ނެގުމަށް ބިލްގައި ވަނީ ހިމަނައިފަ އެވެ. އަދި 200،000ރ. އަށް ވުރެ މަތިން އާމްދަނީއެއް ލިބޭ މީހުންގެ އަތުން 15 ޕަސަންޓު ނެގުމަށް ވަނީ ނިންމައިފަ އެވެ. އާމްދަނީން ޓެކްސް ނެގުމަކީ ސަރުކާރުގެ ރިޔާސީ ވައުދެކެވެ.
ކުންފުނިތަކުން ޑިވިޑެންޑަށް އެއް މިލިއަން ރުފިޔާ އަށް ވުރެ އިތުރަށް ލިބޭ ނަމަ، އިންކަމް ޓެކްސް ނެގުމަށް ބިލު ދިރާސާކުރި މުޅި މަޖިލީހުގެ ކޮމެޓީން ނިންމި އެވެ. ނަމަވެސް ހިޔާލު ތަފާތުވުންތަކާ އެކު އެ އިސްލާހު ވަނީ ކުރިން އޮތް ގޮތަށް ބަދަލުކޮށް ޑިވިޑެންޑުން ޓެކްސް ނުނަގަން ނިންމައިފަ އެވެ.
އިންކަމް ޓެކްސް އެންމެ ފުރަތަމަ ހުށަހެޅި ގޮތުން ދައުލަތަށް އަހަރަކު 680 މިލިއަން ރުފިޔާ ލިބޭނެ ކަމަށް ފިނޭންސް މިނިސްޓްރީން ލަފާކޮށްފައިވެ އެވެ. ފިނޭންސް މިނިސްޓްރީން މިހާރު ލަފާ ކުރާ ގޮތުގައި އާމްދަނީން 150 މިލިއަން ރުފިޔާ މަދުވެ، އެ އަދަދު 450 މިލިއަން ރުފިޔާ އަށް ވެއްޓޭނެ ކަމަށް ލަފާ ކުރެ އެވެ. މަޖިލިހުން ގެނައި ބަދަލާ އެކީގައި އިންކަމް ޓެކްސް ދައްކަން ޖެހޭނީ 3،200 މީހުންނެވެ. ބިލް އެންމެ ފުރަތަމަ ހުށަހެޅި އިރު، ޓެކްސް ދައްކަނީ 5،800 މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
05 December 2019
އިންކަމްޓެކްސް ދައްކަންޖެހެނީ 3200 މީހުންކަމަށް މިލިޔުމުގައި އެބައޮތް. ކިހިނެއްބާ މީހުންގެ އަދަދުހޯދީ. ލިސްޓެއްހެދީބާ؟
ހާދަ ދެރައޭ
05 December 2019
އަޅުގަނޑު ކުއްޔަށް އުޅޭ ކޮޓަރީގެ ކުލި އަންނަ މަހުން ފެށިގެން ބޮޑުވެއްޖެ! :(
ރުޅި
05 December 2019
މިގައުމުގައި ޓެކްސް ނަގަނީ އިންސާފަކުންނޫން. ޤަވާޢިދުން ޓެކްސް ދައްކާމީހާ ފަހާ މީރާއިން ދުވަނީ. ޓެކްސަށް ރަޖިސްޓްރީ ނުކުރާމީހުން ފަހާނުދުވޭ. އެއްވަރެއްގެ ކުޑަ ކުޑަ ދެ ފިހާރަ ނުވަތަ ދެ ކެފޭ އެކަކު ރަޖިސްޓްރީކޮށްގެން ޓެކްސް ދައްކާ އަނެކަކު ރަޖިސްޓްރީ ނުވެސްކުރޭ. މިއީ އިންސާފެއްނޫން. ބޯކޮށާ ތަންތަނާއި ފަހާތަންތަނާއި ބަންގާޅީންނަށް ކައްކާ ތަންތަނަކީ ބޯކޮށް ފައިސާ ނަގާތަންތަން އެކަމަކު ރަޖިސްޓްރީއެއްނުކުރޭ. ބިދޭސީންނަށް ހުރިހާ ފައިދާއެއް.
ފޫހި
05 December 2019
މާމާތް މާރީތި މާހިތްގައިމު ކަމަކަށްވެގެން ކުރާހާވެސް ކަމަކީ އެކިނަންނަމުގައި ރައްޔިތުން އަތުން ޓެކްސްތައް ނެގުން. ބުރަމަސައްކަތްކޮށްގެން ގިނަ އާމްދަނީ ހޯދާ މީހާ މިޖެހެނީ ދައުލަތް ހިންގަން. ކަސޯޓީ ބަލަން ގޭގައި އިންނަމީހާ ހަމަ އަރާމުގައި ހުރިހާ ސަބްސިޑީއެއް ހޯދައިގެން ސޯފާގަ. މިއީ ކޮންކަހަލަ އިންސާފެއް. އުފެއްދުންތެރިކަން އިތުރުކޮށްގެން ސަރުކާރު ހިންގަންނޭންގޭނަމަ އިސްތުއުފާދިނުން ބުއްދިވެރި
ހޮޓްކިންގ
05 December 2019
ތިޔަ ނަގާ ޓެކުހުގެ ސަބަބުން އަމިއްލަ ބޯހިޔާވަހިކަމެއް ނުލިބި ކުލި ދައްކައިގެން އުޅޭ ނިކަމެތިންނަށް އިތުރު ބުރައެއް މިޖެހުނީ. ގެދޮރު ކުއްޔަށް ދީގެން އުޅޭ މީހުން އެފައިސާ ނަގާނީ ކުލި ނުދެއްކިގެން އުޅޭ ނިކަމެތި މީހާގެ އަތުން. އެހެންވެ ދެންވެސް ހާލުގައި ޖެހޭނީ ނިކަމެތި ފަރާތްތައް.
ލީން
05 December 2019
ބޮޑެތި ބިޒްނަސް ކުރާ މީހުންނަކީ މުސާރަވެރިން ނެއްނޫން. އެމީނުނައް ލިބޭނީ ކުންފުނީގެ ޑިވިޑެންޑް ނުވަތަ ދިވެހިބަހުން ބުނާނަމަ ކުންފުނީގެ ފައިދާ. ޢެއަކުން ޓެކްސްއެއް ނުނަގަާ. މީ ވަރަށް ބޮޑޮ އޮޅުވާލުމެއް
ފަޤީރުކޮއެ
05 December 2019
ދެރަޢީސުންވެގެން ޖީއެސްޓީ %3 އަށް ކުޑަ ކޮށްބަލަ! ޤަޢުމުގެ ފުދުންތެރިކަން ރަނގަޅުވާނެ
ޓެކްސް
05 December 2019
ކުންފުނިތަކުގެ ޝެއާގެ ގޮތުގައި ބިލިއަނުންލިބޭ މަންފާއިން ޓެކުސް އެއީނުނެގޭ ކަމެއްގެ ގޮތުގައި ހަމަޖެއްސުމާއި، ހަމީހުން އުޅޭގައުޅޭ މިގައުމުގަ ޢާމްދަނީ ލިބޭ ހައެއް ކަ މީހުން އެއްބައެއްގެ ވިޔަފާރީގައި އުޅޭއިރު މީހަ ކަށް ކިރިޔާ ރުފިޔާއެއް ލިބެން އޮތްމަގަ ކީ ކޮބައިތޯ ބަލައި ބަޔަ ކުގެ ފޮނިދިރިއުޅުމަށް ޚަރަދުކުރުމަށް ފައިސާލިބިގަތުމަށް މަސައް ކަތް ކުރުމީ އަޅުވެތިކަމެއް
ހަސަނު1
05 December 2019
ހޭ އަރާ!! ތިޓެކްސް ނަގައިގެން ނިކަމެތި ރައްޔިތުމީހާއަށްވާނެ މާބޮޑުފައިދާއެއް ނޯންނާނެ. ތިބުނާ ފަރަގެއް ކުޑައެއްނުވާނެ. 35 ބިލިއަންގެ ބަޖެޓަކަށް ތި450 މިލިއަނުން ލިބޭ ފައިދާއަށްވުރެ ރައްޔިތުންނަށާއި ވިޔަފާރި ކުރިއެރުވުމަށް ލިބޭގެއްލުން މާބޮޑުވާނެ. ރެންޓުތަކަށް ދެންލާނީ ތި ޕަސެންޓު. ވިޔަފާރިވެރިޔާގެ ޚަރަދު ބޮޑުވާތީ ތިޕަސެންޓް ޕާސް ކުރާނީ ނިކަމެތި ރައްޔިތުމީހާއަށް. ތިނަގާ ލާރިވެސް ސިޔާސީމީހުންނަށާ ރައްޓެހިންނަށް 100 މިލިއަނުން ބަދަލުދީ ހުސްކޮށްލާނެ
ފިލާވަޅު
05 December 2019
އަދި މަދު ނަގާލެއް ލޭވެސް ބޯންޖެހޭނެ ގޮހޮރުގަ ހުރި އެއޗެހިވެސް ނަގާނެ އެހާހިސާބައް ދާނެ މިކަން ވަޅުވެސްލެވޭނީ ތިޔަ ޖިޒީ ދައްކާފަ