ތުރުކީގެ ހޯމް މިނިސްޓަރާއި އިމްރާން ބައްދަލު ކުރައްވަނީ: ފުލުހުންގެ ޚިދުމަތާއި ޖަލުތަކުގެ ހާލަތު ރަނގަޅު ކުރަން ތުރުކީން އެހީވާން ނިންމާފައިވާ ކަމަށް ހޯމް މިނިސްޓްރީން ބުނޭ -- ފޮޓޯ/ހޯމް މިނިސްޓްރީ
06 ޑިސެމްބަރ 2019 - 21:56
3 comments
ފުލުހުންގެ ޚިދުމަތާއި ޖަލުތަކުގެ ހާލަތު ރަނގަޅު ކުރަން ތުރުކީން އެހީތެރިވާން ނިންމާފައިވާ ކަމަށް ހޯމް މިނިސްޓްރީން ބުނެފި އެވެ.
ހޯމް މިނިސްޓަރު އިމްރާން އަބްދުﷲ މިހާރު ތުރުކީ އަށް ކުރައްވަމުން ގެންދަވާ ދަތުރުގައި އެ ގައުމުގެ ދާޚިލީ ވަޒީރު ސުލޭމާން ސޮއިލޫއާ ވަނީ ބައްދަލު ކުރައްވައިފަ އެވެ.
އެ ބައްދަލު ކުރެއްވުމާ ގުޅޭގޮތުން ހޯމް މިނިސްޓްރީން ނެރުނު ބަޔާނެއްގައިވަނީ ފުލުހުންގެ ޚިދުމަތާއި ރާއްޖޭގެ ޖަލުތަކުގެ ހާލަތު ރަނގަޅު ކުރަން ތުރުކީން އެހީތެރިވެދޭނެ ކަމަށް އެ ގައުމުގެ ދާޚިލީ ވަޒީރު ވިދާޅުވި ކަމަށެވެ. އަދި ދެ ގައުމުގެ ގުޅުން އިތުރަށް ބަދަހި ކުރުމާ ބެހޭގޮތުން ވެސް އެ ދެ ބޭފުޅުން މަޝްވަރާ ކުރެއްވި ކަމަށް ހޯމް މިނިސްޓްރީގެ ބަޔާނުގައިވެ އެވެ.
ފުލުހުންގެ ޚިދުމަތާއި ޖަލުތަކުގެ ހާލަތު ރަނގަޅު ކުރަން ތުރުކީން އެހީވާން ނިންމިއިރު، ޖަލުތަކުގެ ހާލަތު ރަނގަޅު ކުރަން ސަރުކާރުން ދަނީ މަސައްކަތް ކުރަމުންނެވެ. އެގޮތުން މާލޭ ޖަލުގެ ބައެއް ވެސް މަރާމާތަށް ފަހު އަލުން ހުޅުވާފައިވާއިރު، ދޫނިދޫ ޖަލުގެ ބައެއް ވެސް ވަނީ އަލުން މަރާމާތު ކުރުމަށް ތަޅާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކްތެރަޕީ
07 December 2019
އިސްލާމީ ޤައުމުތަކާ ގުޅިގެން ރާއްޖެ ތަރައްގީ ކުރެވެން އޮއްވާ. އިންޑީޔާގެ ޕަޕެޓަކައް ވެގެން ކީއްމިކުރަނީ؟
ގުއި ކަލޯ
06 December 2019
ފުލުހުން ތަރަށްގީ ވީވަރަކަ ކަށް މާރާމާރި ހިންގާމީހުން ނޮހޯދޭ ... ކެމެރާ ހަރުނު ކުރާ ޒަމާނުގަ މާއަވަހަށް ހޯދާ..... އިންޖީނު ގެއެއްގަ މީހަ ކު މަރާލާފަ އޮއްވަ ގާތިލުހޯދި ވަރަށް އަވަހަށް. މިފުލުހުން ގާތިލަ ކީ ބިދޭސީއެއް ވީމަތަ އަވަހަށް ހޯދެނީ .
އާދަމް ބާއީ
06 December 2019
ތުރުކީ އިރާނު މިތަންތަނުން އެހީ ހޯދަންވީ.