ރައީސް އިބްރާހިމް މުހައްމަދު ސޯލިހް، އެންސިސްގެ ދަޅު މަސް ބަންދުކުރާ ފެކްޓަރީ މިއަދު ހަވީރު ބައްލަވައިލައްވަނީ.---ފޮޓޯ: ނިޝާން އަލީ/މިހާރު
09 ޑިސެމްބަރ 2019 - 21:43
15 comments
އިގްތިސާދީ ރޭހުގައި އެހެން ދާއިރާތައް ކުރިއަރައިގެން ދާއިރު މަސްވެރިކަމުގެ ދާއިރާ ފަހަތަށް ޖެހިއްޖެ ކަމަށާއި އެކަން ބަދަލު ކުރަން ޖެހޭ ކަނަށް ރައީސް އިބްރާހިމް މުހައްމަދު ސާލިހު ވިދާޅުވެއްޖެ އެވެ.
އެންސިސްގެ ދަޅު މަސް ފެކްޓްރީ އާއި އައިސް ޕްލާންޓް ހުޅުވުމަށް މިއަދު ބޭއްވި ރަސްމިއްޔާތުގައި ރައީސް ވިދާޅުވީ ކުރީ ޒަމާނުގައި މަސްވެރިކަމަކީ ރާއްޖޭގެ އިގްތިސާދުގެ ލޭނާރު ނަމަވެސް ޓޫރިޒަމް ފަދަ ދާއިރާތައް މިއަދު ކުރިއަރައިގެން ހިނގައްޖެ ކަމަށެވެ. މިއީ މަސްވެރިކަމުގެ ސިނާއަތްތައް ކުރިއެރުވުމަށް މަސައްކަތްނުކުރުމުގެ ނަތީޖާ ކަން ރައީސް ފާހަގަކުރެއްވި އެވެ.
މިކަމަށް މިއަދުގެ ސަރުކާރުން ހައްލު ހޯދުމަށް މަސައްކަތް ކުރި ނަމަވެސް އަމިއްލަ ކުންފުނިތަކުގެ އެހީއާ ނުލައި އެކަން ހާސިލް ނުކުރެވޭނެ ކަމަށް ރައީސް ވިދާޅުވި އެވެ. އަދި ދެ ފަރާތް ގުޅިގެން މިކަން ހާސިލް ވެއްޖެނަމަ މަސްވެރިކަން ރާއްޖޭގެ އިގްތިސާދުގެ އެންމެ ބޮޑު ހިއްސާ އަށް ވެގެންދާނެ ކަމަށް ވެސް ރައީސް ވިދާޅުވި އެވެ.
"މަސްވެރިކަމުގެ ސިނާއަތް ފުޅާކޮށް، މަސްގަނެ، މަހުގެ އުފެއްދުންތެރިކަމުގެ ގާބިލުކަން ބިނާ ކުރެވިއްޖެ ނަމަ ރާއްޖޭގެ އިގްތިސާދީ އެންމެ ބޮޑު ބާރަކަށް ވާނީ މަސްވެރިކަން. ނަމަވެސް މިއީ ސަރުކާރަށް އެކަނި ކުރެވޭނެ ކަމެއް ނޫން." ރައީސް ވިދާޅުވި އެވެ.
ރައީސް އެންސިސްގެ އިސްވެރިންނާ ބައްދަލު ކުރައްވަނީ-- ފޮޓޯ: ނިޝާން އަލީ/މިހާރު
ރައީސް ވިދާޅުވީ މިއަދުގެ މަސްވެރިކަމުގެ ހާލަތަށް ބަލާއިރު މަސްވެރިން ބާނާ މަހުގެ ބޮޑުބައި ވިއްކާލަން ޖެހެނީ ނުއަގުގައި ކަމަށެވެ. އަދި މަހުގެ ބާވަތްތައް އުފެއްދުމުގެ މިންވަރު ދަށްވެ ރޯމަސް އެކްސްޕޯޓު ކުރަން ޖެހުމަކީ އިގްތިސާދީ ގޮތުން ލިބޭ ގެއްލުމެއް ކަމަށް ވެސް ރައީސް ވިދާޅުވި އެވެ.
މަސްވެރިންނާއި، މަސްވެރިކުމުގެ ސަބަބުން އިގްތިސާދަށް ދިމާވެފައިވާ މިފަދަ މައްސަލަތައް ހައްލު ކުރުމަށް އެންސިސް ފަދަ ކުންފުނިތަުން ކުރަމުން ގެންދާ މަސައްކަތްތައް ފާހަގަކުރައްވާ ރައީސް ވިދާޅުވި އެފަދަ މަސައްކަތުގައި ސަރުކާރުގެ ފުރިހަމަ އެއްބާރުލުން އަމިއްލަ ކުންފުނިތަކަށް ދޭނެ ކަމަށެވެ.
ރައީސް އިބްރާހިމް މުހައްމަދު ސޯލިހް، އެންސިސްގެ ދަޅު މަސް ބަންދުކުރާ ފެކްޓަރީ ރަސްމީކޮށް ހުޅުވުމުގެ ރަސްމިއްޔާތުގައި މިއަދު ވާހަކަފުޅު ދައްކަވަނީ.---ފޮޓޯ: ނިޝާން އަލީ/މިހާރު
"މަސްވެރިންނާއި މަސްވެރި ކުންފުނިތަކުން މިކަމުގައި ކުރިއަށްދާން ބޭނުންވާ ވަރަކަށް ސަރުކާރުން އެހީތެރިކަމާއި އެއްބާރުލުން ލިބޭނެ، މަސްވެރިންނަށް ފަހިގޮތްތައް ހޯދައިދީ މަސްވެރިންނަށް ދިމާވެފައިވާ ދަތިތައް ނައްތާލުމަށް ސަރުކާރުން އަބަދުވެސް މަސައްކަތް ކުރާނެ." ރައީސް ވިދާޅުވި އެވެ.
ރައީސް ވަނީ މިއަދުގެ ރަސްމިއްޔާތުގައި އެންސިސްގެ އިސްވެރިން ރާއްޖޭގައި މަސްވެރިކަމުގެ ދާއިރާ ކުރިއެރުވުމަށް ކުރައްވާ މަސައްކަތަށް ޝުކުރު އަދާ ކުރައްވާފަ އެވެ. އަދި އެ ކުންފުނި ފަދައިން އިތުރު ކުންފުނިތައް ވެސް މަސްވެރިކަން ކުރިއެރުވުމަށް މަސައްކަތް ކުރެއްވުމަށް އެމަނިކުފާނު ވަނީ އެދިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަމާ
11 December 2019
ކަނޑުއޮތްގިރިއަށް ނެތް މިވަގުތަކު ތުތިބޯވަދިލަމަސްނޫން އެއްޗެއް ގަނެވޭކަށް. ވަރަށް ބޮޑަށް ސޮރީއޭ ބުނެވޭނީ. އެންމެ ބޮޑު ފައިދާ ވަކިމީހަކަށް ލިބެންއޮތީ އެމަސްވެރިކަމުން. އެކަމަކު އެތަނަށް ބޮޑު ގެއްލުން. ދެން ކިހިނެއް ގަންނާނީ. އިދުހާމުމެން ގޮސް ބަލާލަބަލަ މިފުކޯ މަސްފިހާރަތަކުގެ ފުރިޖުތައް. ގަންނާނެމީހަކު ނުވޭ. އަދިވެސް ކޮޓަރީގަ ތިބެގެން މޮޅު ރިޕޯޓުތައް ލިޔެވޭތޯ ބަލާ. ރައްޔިތުންނަށް ކިތަންމެބޮޑު ގެއްލުމެއްވިޔަސް ހެޔޮވާނެ
ޢަބޮދްޓިންރާހިމް
10 December 2019
މިއީ ރައިސް ޔާމިން ގެ ދުރު ވިސްނުން ފުޅުގެ ފޮނި މޭވާ. ރ ޔާމިން އަކީ ދުނިޔެ ދެކިފައި ނުވާވަރުގެ މޮޅު އިކޮނޮމިސްޓެއް.
ޒަރީ
10 December 2019
ކަންނެލި މަސްވެރިކަންކުރާ މީހުންނަށް އެމަސްވެރިކަމުން ރަނގަޅު އާމްދަނީއެއް ލިބޭނެގޮތް ހެދުމަށްޓަކައި ސަރުކާރުން އެބަޖެހޭ ކަނޑުއޮތްގިރި އޮޕަރޭޓްކުރަން. އަދި ކަންނެލި ގަނެވޭނެ އެންމެކުޑައަގެއް ކަނޑައަޅަން. މިގޮތަށް ކަންތައް ނުކުރާތީ ކަންނެލި ރަނގަޅަށް ބާނައިގެން 2ދޯނިހަމައަށް އަންނައިރަށް ކަންނެލި ގަންނަ އަމިއްލަ ކުންފުނިތަކުން އަގުތައް ވައްޓާލާ. ސަރުކާރުން އެބަޖެހޭ މިކަމަށް އަވަހަށް ގޮތެއް ހޯދައިދޭން.
ދިވެހިވަންތަ
10 December 2019
މޫދުކާނާގެ ބާވަތްތަކަށްވާ ވެއްޓާގުޅޭތަފާތު ކާއިނާތު ރާއްޖޭގައި ގެންގުޅެ އާލާކުރާނެ ގޮތަތައް ސަރުކާރުން ތައާރަފުކޮށްދީ އަމިއްލަ ފަރާތްތަކަށް ފަށާފަނެވޭނެ ހަދާދެންވެއްޖެ. މިހާރު ރާއްޖޭގައި އެގޮތަށް ގެންގުޅޭ އެއްޗަކީ ހުއިފިލަނޑާ. މޫދުގެ އެހެން ކާއިނާތަށް ވަރަށް ގެއްލުންބޮޑު މަސައްކަތެއް. ހުއިފިލަނޑާގެ ދިޔަގަނޑު އުކާލާ ހިސާބެއްގެ ހުރިހާ ކާއިނާތެއް މަރުވެގެންދޭ. އެންމެން ދަންނަކަމެއް ނަމަވެސް އެކަމުގެ ހައްލަކަށް ނުވިސްނާ.
ލޯ މާފާނު
10 December 2019
ކޮބާ ކަންނެލި ޖަގަހަތައް؟
ދިވެހިވަންތަ
10 December 2019
ގެއްލުން ކުޑަކޮށްގެން މަސްވެރިކަމުގެ އާމްދަނީ އިތުރުކުރެވޭނީ ވަކިވަރަށް، އެކަންކުރަންޖެހޭ. އެންމެ ފަލަ ލޭނާރަށް ވުން ކަނޑުގެ މުއްސަނދިކަން އާލާވުމާ ގުޅިފައި އޮތްކަމެއް. މޫދުކާނާގެ އަގުބޮޑު ބާވަތްތައް ގެންގުޅެ އާލާކުރުން އެއީ ކުރަންވީ އަދި ވެއްޓާއިވެސް ރައްޓެހި ވަޒީފާވެސް ފަހިވާނެ މަސައްކަތަކީ. ޤުދްރަތީ ރައުސްމާލު މިވަނީ ދެއްވާފައި. ބޭނުންވަނީ ސައިންސާ އާލާތާ. ދައުލަތުން ހިއްސާވެގެން ތަޢާރަފުކޮށްދީ ފަހިކޮށްދެންވީ.
ބޭޑް މޭން
10 December 2019
މޮޅެތި ވާހަކަ ދެއްކި ދާނެ! އަމަލު ސުމެއް! ސްޕީޑުވެސް ސުމެއް! އެސް.ޓީ.އޯ މިފްކޯ ހިންގާކަށް ނުޖެހޭ! ގައުމަށް ބޭނުންވާ ވަރަށް ކޯލްޑް ސްޓޯރޭޖް ހަދާކަށް ނުކެރޭ! މިފްކޯ ކުންފުނީގެ އޮނިގަޑު އެހާމެ ސިޔާސީ! މޮޅު ވާހަކަ ނުދައްކާ! ސުމެއް ހަމަ ސުމެއް!
7777777
10 December 2019
އެހެންދޯ. ހަމަ ބުނެލާއިރަށް ތިކަންވޭތަ؟ އަދިވެސް މާލޭގައި 6 ބްރިޖް އަޅަން ދަރިންގެ ދަރިްނނަށް ދަންދެން ދަރުވާލާ. ލާރި ލިބޭ މަސްފެކްޓްރީ އަޅަން އެއްކަމެއްވެސް ކުރާނެ ކަމެއްނެތް. ބުރޯއާ ޔަމީނާ ތަފާތެއް ނެތް ބްރިޖާ ޖެހުނީމަ. ޔާމީނުވެސް ވެއްޓުނީ ބްރިޖަކާ ހެދި އުޅެން ހަދައިގެން. ބުރޯވެސް އެގޮތް ބޭނުމީތަ؟ ނޫނިއްޔާ ބްރިޖް ބަހައްޓާފައި މަސްފެކްޓްރީ އަޅާށޭ! ކިތައް ފަހަރު ބުނާނީ.
ޝިފާނާ
10 December 2019
ތިއަކީ ފުރަތަމަ ކަމަކަށް ހުޅުމާލޭގައި ހުންނަންޖެހޭ ތަނެއްނޫނެވެ. އެތަނުގެ ބިމުގެ ބޮޑުބައެއްގަ ބޮޑު އިންޑަސްޓްރިއަލް ކާރުހާނާއެއް ހުންނާކަށްނުޖެހެއެވެ.
ޞަހި
10 December 2019
"ޖެހޭ" ވިދާޅުވާތާ އަހަރެއްވަނީ ދެއްތޯ