ޕިކަޕެއްގައި ފިޔާ ބަސްތާތަކެއް ގެންދަނީ: ފިޔާގެ އަގު އަނެއްކާވެސް ވަނީ އުފުލިފައި-- މިހާރު ފޮޓޯ: ހުސައިން ވަހީދު/މިހާރު
11 ޑިސެމްބަރ 2019 - 19:11
20 comments
ރާއްޖޭގެ ބާޒާރުގައި އަނެއްކާވެސް ފިޔާގެ އަގު އުފުލި ކިލޯއެއް 70ރ. އަށް އަރައިފި އެވެ.
ބާޒާރު މަތީގެ ގިނަ ފިހާރަތަކުން 70ރ. އަށް ފިޔާ ކިލޯއެއް ވިއްކާއިރު ބަސްތާއެއްގެ އަގު އުޅެނީ 1،200ރ. އަށްވުރެ މަތީގަ އެވެ. ވިޔަފާރިވެރިން ބުނީ ފިޔާގެ އަގު އުފުލުނީ ފިޔާގެ ސްޓޮކް ހުސްވާތީ ކަމަށެވެ.
ބާޒާރުމަތީގައި ފިޔާގެ އަގު ރެކޯޑު އަދަދަކަށް އުފުލިފައިވީ ނަމަވެސް ބައެއް ފިހާރަތަކުން ކިލޯއެއް 50ރ. އަށް ލިބެން އެބަހުއްޓެވެ. ނަމަވެސް މި އަގު ކުރިއަށް އޮތް ހަފްތާއެއްގެ ތެރޭގައި އުފުލޭނެ ކަމަށް ލަފާ ކުރެވޭ ކަމަށް ކަންމަތީ ފިހާރައެއް ހިންގާ ވިޔަފާރިވެރިއަކު ބުންޏެވެ.
"މިއަދު 50 އަށް ލިބެން ހުއްޓަސް އަދި އަގު ބޮޑުވާނެ. މިހާރު ގަނެފައި ހުރި އެއްޗެހި ވިއްކާތީ މިވަރުގައި އަގު މިއުޅެނީ. އެކަމަކު ދެން އަނެއްކާ ވެސް ބާޒާރުން ގަނެގެން ގެނެސް އަގުބޮޑުކޮށް ޖެހޭނީ ވިއްކަން،" އޭނާ ބުންޏެވެ.
ފިޔާގެ އަގު 20ރ. އަށް ދަށްވެފައި ވަނިކޮށް އަނެއްކާ އަގުބޮޑުވާން ފެށީ މިދިޔަ ހަފްތާގެ ތެރޭގަ އެވެ.
ފިޔާގެ އަގު އުފުލިފައިވަނީ އިންޑިއާއިން ފިޔާ އުފައްދާ އަދަދު މަދުވުމުގެ ސަބަބުންނެވެ. އިންޑިއާ އިން ވަނީ އެ ގައުމުގައި ފިޔާގެ އަގު ކޮންޓްރޯލް ކުރުމުގެ ގޮތުން ބޭރު ގައުމުތަކުން ފިޔާ އެތެރެ ވެސް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޭރޭ
13 December 2019
މިފެންނަނީ މަކަރުވެރި ސަރުކާރުގެ ހީލަތްތެރިކަމާ ނުބައިކަމިގެ ކަންތައްތައް
ރޫހީ
12 December 2019
ފިޔާވެސް ހަނޑޫވެސް ހަކުރުވެސް ހުރިހާ އެއްޗެއް ގެރިސްތާނަށް ބަރޯސާކޮށްފަ ބަހައްޓާ
ތުއްތޮންބެ
12 December 2019
ޖަޒީރާ ރާއްޖޭގަ އެވަރުކަމެއްވެދާނެ.
ފިޔާބަހާ
12 December 2019
މިސަރުކާރުގެ އެހާ ގިނަ މީހުން ފަހަކަށް އައިސް އިންޑިއާ އެ ދަނީ ހަމަ މިކަމުގަތަ؟ ހާދަ ހެޔޮފުޅޭ. ދަތުރުތަކުން އަންނަމުން އަގުހެޔޮކޮށް ފިޔާ ބަސްތާ ގެނެސްގެން ވިއްކާނެ ކަމަށް ހީކުރަން.
ފޭރާން
12 December 2019
ހެއުވެރިކަން އެބަ ކުރެވޭ
އެދުރު ރަހީމު
12 December 2019
އިންޑިއާ އިންވެސް ބޭރު ގައުމުތަކުން ފިޔާ އެތެރެ ކުރޭ. ކީއްވެ ދިވެހިންނަށް އިންޑިއާ ނޫން ގައުމުތަކުން ފިޔާ އެތެރެ ނުކުރެވެނީ؟
ނެތްގޮތެއް
12 December 2019
އިންޑިއާ ނޫން ގޮތެއް ހޯދަންޖެހޭ. އެންމެ ކުރިއްސުރެ އިންޑިއާއިން ފިޔާ ގެނަޔަކަސް ޒަމާން ބަދަލުވެ އެހެން ގައުމުތަކަށް ދަތުރުފަތުރުކުރަން ލިބުނު ފަސޭހަތަކާ އެއްގޮތަށް ރާއްޖެ އެތެރެކުރާ މިފަދަ އެއްޗެހިވެސް އެހެން ގައުމުތަކުން ލިބޭތޯ ބެލިދާނެނޫންބާ..
ބްލެޑަރ
12 December 2019
އެ ހެން ގައުމަކުން ގެނައީމަ އަދި މާ އަގުބޮޑުވާނެ... އިންޑިއާ އަށް ދެވޭ އަގަށް ޗައިނާ އަށް ނުދެވެއެއްނު.
ބްލީޑަރ
12 December 2019
ޗައިނާ ނޫން ބަޔަކު ދެން ނެތީތަ ކޮންމެ ކަމެއްގަ ޗައިނާއޭ ތި ކިޔަނީ؟ އިންޑިއާއިން ފިޔާ އަގުހެޔޮވާއިރު އެތަނުން ހޯދާނީ. އަގުބޮޑުވާއިރަށް ކޮންމެވެސް ބެކަޕް ޕްލޭނެއް އޮންނަންޖެހޭނެ ނޫންބާ؟ އިންޑިއާއިން އެތެރެކުރާތީ އެހެން ގައުމުތަކުން ފިޔާ އެތެރެނުކުރެވޭންވީ ސަބަބެއް އެބައޮތްތަ؟
އެދުރު ރޯނު
12 December 2019
އެހެން ގައުމަކުން ގެންނާކަށް މަނަލެއް ނޫން. ހަމަ އަމިއްލަޔަށްވެސް ގެނެސްގެން ވިއްކަންވީ އެކަން ކުރެވޭނެ ވަރުހުިރިއްޔާ. މޫސުން ގޯސްވުމުގެ ސަބަބުން އިންޑިޔާގެ ދަނޑުތައް ހަލާކުވެގެން އެމީހުންވެސް ބޭރުން ގެންނަ އެތިކޮޅު އަގުހެޔޮކޮށް އެހެން ބަޔަކަށް ނުވިއްކާނެ ދޯ.
އަހުމަދުއީސަ
12 December 2019
އިހައްދުވަހު ބުނި ބޭނުންވަރަކައް ފިޔާލިބޭނޭ އިންޑިޔާއިން ކިނެއްމިވަނީ ވިޔަފށރިވެރިންނައް ރޯދަމަސް ކާރިވަނީހެންހީވަނީ
ދައްސޫރަ
12 December 2019
މިއަނިޔާވެރިކަމުން ސަމާތް ކޮއްދެެއްވާންދޭވެ އާމީން
ކަކުނިބޯ
12 December 2019
ރައީސްވިދާޅުވާހެން ފިޔާގެ އަގުދިވެހިން ކަނޑައޅާބަލަ އެކަން ކުރާނެގޮތަކީ 1. ފިޔާގެ އަގު ދިވެހިން ކަޑައަޅަގަށްވުރެ ބޮޑުވީމާ އެކަކުވެސް ނުކާނީ 2 އޭރުން ފިހާރަތަކުގަ ހުރި އެތިކޮޅު އަގުތިރިކުރާނެ ގެއްލުން ކުޑަކުރުމަށް 3. ދެން ވިޔަފާރިވެރިން ފިޔާ އޭރުންގެންނާނީ ދިވެހިން ކަނޑައެޅިއަގަށް ވިއްކާގެން ފައިދާ ވާނެވަރަށް އަގުތިރިވީމާ 4. މިހެންމިކަންވުމުން ވިޔަފާރީގެ ރިސްކު ކުޑަވެ ވާބަދުނާމުން ސަލާމަތްވާނެ
ކަޅުމަރިޔަނބު
12 December 2019
ސަރުކާރު ހަމަޔަކަށް އެޅުނީމަ ރަނގަޅުވާނެ.