ހިންމަފުށީ ކައުންސިލަރުންނާ ރައީސް ބައްދަލު ކުރައްވަނީ: ހުރިހާ ކައުންސިލްތަކުން ބައިވެރިވާ ބައްދަލުވުމެއް މިއަދު ފަށާގޮތަށް ވަނީ ހަމަޖައްސާފައި. --ފޮޓޯ/ރައީސް އޮފީސް
15 ޑިސެމްބަރ 2019 - 11:19
10 comments
ރައީސް އިބްރާހިމް މުހައްމަދު ސޯލިހްގެ ދައުވަތަކަށް ރާއްޖޭގެ ހުރިހާ ކައުންސިލްތަކުން ބައިވެރިވާ މަހާސިންތާއެއް މިއަދު މެންދުރުފަހު ފަށާ ގޮތަށް ހަމަޖައްސައިފި އެވެ.
ކްރޮސް ރޯޑްސްގައި ބާއްވާ ދެ ދުވަހުގެ މަޝްވަރާ ބައްދަލުވުމުގައި 200 އަށް ވުރެ ގިނަ ކައުންސިލަރުން ބައިވެރިވާނެ އެވެ. ރައީސް، ދައުވަތު ދެއްވީ ރަށު ކައުންސިލްތަކާއި އަތޮޅު ކައުންސިލަތަކުގެ ރައީސުންނަށެވެ. ސިޓީ ކައުންސިލްތަކުން ބައިވެރިވެވަޑައިގަންނަވާނީ މޭޔަރުންނެވެ.
ރައީސް އޮފީހުގެ އިސް ބޭފުޅަކު "މިހާރު" އަށް ވިދާޅުވީ ކައުންސިލަރުންނާ ރައީސް ބައްދަލުކުރައްވަނީ ލާމަރުކަޒީ ގާނޫނަށް ގެނައި އިސްލާހުތަކާއި އަންނަ އަހަރުގެ ބަޖެޓާ ގުޅޭ މަޝްވަރާ ކުރައްވައި ކަންކަން ކުރިއަށް ގެންދާނެ ގޮތާ ގުޅޭ ގޮތުން ހިޔާލު ހޯއްދެވުމަށެވެ.
"ބޭނުމަކީ، ގާނޫނަށް ގެނައި އިސްލާހުތަކާ އެކު އަންނަ އަހަރު ކަންކަން ކުރިއަށް ގެންދާނެ ގޮތްތަކަކާ ގުޅޭ ގޮތުން މަޝްވަރާކޮށް، ގޮތްތަކެއް ރޭވުން،" އޭނާ ވިދާޅުވި އެވެ.
މި ސެޝަންތަކުގައި، ގުޅުން ހުރި ދާއިރާތަކުން ބައިވެރިވާނެ އެވެ.
ލާމަރުކަޒީ އުސޫލުން އިދާރީ ދާއިރާތައް ހިންގަމުން އައި ނަމަވެސް މިހާތަނަށް އޮތީ، ގާނޫނުން ކަނޑައަޅާފައިވާ ބާރުތައް ހިފަހައްޓައި ކައުންސިލްތަކުން މައި ސަރުކާރަށް ބަރޯސާވާ ގޮތަށް މަޖުބޫރުކޮށްފަ އެވެ. މިކަން ބަދަލުކުރަން، މި ސަރުކާރުން ހުށަހަޅައިގެން ރައްޔިތުންގެ މަޖިލީހުން ވަނީ ލާމަރުކަޒީ ގާނޫނަށް ބޮޑެތި އިސްލާހުތަކެއް ގެނެސްފަ އެވެ. އެންމެ ބޮޑު އެއް ބަދަލަކީ ކައުންސިލްތައް މާލީ ގޮތުން ބާރުވެރި ކުރުމެވެ. އަންނަ އަހަރުގެ ބަޖެޓުގައި ކައުންސިލްތަކަށް ހިލޭ އެހީގެ ގޮތުގައި 1.6 ބިލިއަން ރުފިޔާ ވަނީ ކަނޑައަޅައިފަ އެވެ.
ކައުންސިލްތަކުގެ ތިން އަހަރުގެ ދައުރު ވެސް ވަނީ ފަސް އަހަރަށް ބަދަލު ކޮށްފަ އެވެ. އެއާއެކު، ކައުންސިލްތަކުގެ 33 ޕަސެންޓަކީ އަންހެނުން ކަމުގައި ކަނޑައަޅައި ގާނޫނަށް ވަނީ އިސްލާހު ގެނެސްފަ އެވެ. ފަސް މިލިއަނަށް ވުރެ ކުޑަ މަޝްރޫއުތައް ހިންގުމުގައި ބަޖެޓާއި މަޝްރޫއުގެ ޕްލޭންތައް ވެސް ކައުންސިލްތަކާ ހަވާލުކޮށްގެން ކުރިއަށް ގެންދަން ސަރުކާރުން ވަނީ ނިންމައިފަ އެވެ.
މީގެ އިތުރުން، ވެސް ކައުންސިލްތަކުން ވަކިކުރި ބާރުތައް އަލުން އިޔާދަކޮށްދީ ރައްޔިތުންގެ މަންދޫބުންގެ ބައިވެރިވުމާ އެކު ކައުންސިލްތައް ހިންގޭނެ މަގުފަހިކޮށްދޭން ގިނަ އިސްލާހުތަކެއް ވަނީ ގެނެސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
15 December 2019
ރަށުކައުންސިލާއި އަތޮޅުކައުންސިލް އަދި ސިޓީކައުންސިލް ތަކުންކުރަމުންދާކަންކަން ދުވަހުންދުވަހަށް ރައީސަށްރިޕޯޓްކުރެވޭނެގޮތަކަށް ލާމަރުކަޒީނިޒާމްބަދަލުކުރުމަށް ފެޑަރަލްބާރުވެރިކަމާއިއެކު ރާއްޖެ 3 ޒޯނަކަށްބަހާލައްވާ. # މިގޮތުން ތިލަދުންމަތިން ފާދިއްޕޮޅަށް ނޯތުޕްރޮވިންސް، ކ. ޢަތޮޅުން(މާލެވެސްހިމަނައި)ދާލަށް ސެންޓްރަލްޕްރޮވިންސް، އަދި ކޮޅުމަޑުލުން އައްޑުއަށް ސަދާރންޕްރޮވިންސް ކަޑައަޅާ ރީޖަންތަކަށް ޤަވަރުނަރުންއައްޔަންކުރައްވާ. އޭރުންތިކަންހައްލުވާނެ.
އޮނަރަބްލް އަފީފު ދީދީ
15 December 2019
އިއްޒަތްތެރިރައީސް. މިހާރުމިއޮތްލާމަރުކަޒީނިޒާމަށް 10 އަހަރު ފުރިގެންދާްއިރުވެސް މިނިޒާމް ގަބުޅިކަތީބުންގެނިޒާމާއިމާބޮޑު ތަފާތެއްއޮތްކަމަކަށް ރައްޔިތުނަށްއިހްސާސްކުރެވޭގޮތެއްނުވި. # ސަބަބަކީ މާލެއަށްދަންނަވައިގެންނޫނީ ރަށެއްގައިގަހެއްއިންދުމުގެހުއްދަވެސް ދެވޭނެބާރު އަދިވެސްދީފައިނެތުން. # މިކަންބަދުލުކުރެވޭނީ ރާއްޖެ 3 ސަރަހައްދަކަށްބަހާލާ ފެޑަރަލްބާރުވެރިކަމާއިއެކު މަޖިލީހުންރުހުންދީގެން ރައީސްއައްޔަންކުރައްވާ ޤަވަރުނަރަކު ބަހައްޓައިގެން.
ހަބޭސް2050
15 December 2019
ސިންގަޕޫރުގައި މިބައްދަލުވުންބޭއްވިނަމަ ތަންކޮޅެއް ޙަރަދުބޮޑުވީސް މިރާއްޖޭގައިވެސް ތިބާއްވަނީ އެއްމެ ހަރަދުބޮޑުތަނުގައިނޫންތޯ ދެންކީއްކުރަން އއ. އުޚުޅަހުގައި ބޮޑު ކޮންފަރެންސް ހޯލެއް ހެދީ
އެންދެރި
15 December 2019
އިންތިހާބު ކައިރި ވާ ވަރަކަށް ބައްދަލު ވުންތައް ގިނަ ވާނެ އެވެ. ޕާޓީ އަށް މީހުން ގިނަ ކުރުމެވެ.
އަރުވާލި އާދަނުގެ ސިޔާސީ ހާސަރު
15 December 2019
އަލްމަރހޫމް އޮނަރަބަލް އަބްދުއްﷲހަމީދު ގެ އެޓޯލް މިނިސްޓަރ ކަމުގެ ދައރުގައި ބާއްވަމުން ގެންދެވި ( އަތޮޅުވެރިން )ގެ ބައްދަލްވުން މަހާސިންތާ ގޮތަށް ރާއްޖޭގެ ހުރިހާ ރަށު އަތޮޅު ކައުންސިލް ބައްދަލް ވުމަކުން ރަގަޅު ފައިދާ ކޮށްފާނެ ކަމުގައި ބެލެވެ. މާލެ ބިޒީ ނުވާގޮތަށް ( ކްރޮސް ރޯޑް ) ނޫނީ އުކުޅަސް ފަދަ ތަނެއްވެސް އަޖުމަބެލިދާނެ؟
ދާއިރާ
15 December 2019
ކަންކަމާ ނަޝްވަރާ ކުރުމަކީ ވަރަށް ރަނގަޅު ކަމެއް ތިޔަ ކޮންސެޕްޓަކީ ވަރަށް މުހިންމު ކޮންސެޕްޓެއް, ދިވެހިންނަށް ހެޔޮ އެއްގިތެއްވެސް ނޯންނާނެ, ތަރައްގީވަނީ ފޯނު މީހުން ތިބީ ހަމް 70 ގެ ތެރޭގަ, އެފޯނުވެސް ގަންނާނީ ދަރަނިވެރިވެ އަންހެނުންނާއި ދަރިންނަށް ކޮށްދޭންޖެހޭ ކަމެއް ކޮށްނުދެވޭނެ ކޮފީމޭޒުގަ ބާއިސާ ކެނޑުން އޮންނާނީ , އަދި ރަނގަޅުވާނެ ކަމަށް ބަލަމާ ?
އަލީ ރާޖާ
15 December 2019
ވާންޗޯ ސަރުކާރު. ދެން އަނެއް ދުވަހު ހާހެއްހާ ބޭކަލުންގެ ޓީމެއް ގޮވައިން މޯދީ ކައިރިއަށް ކަނޑާލާ ގައުމު ދޮލަނގަށް ލައިގެން.
އަލީ ރާޖާ
15 December 2019
ކުރާނެ ނުކުރާނެ ކަމެއް ނޭނގިގެން. މިރޭ ނިދަން އޮވެފަ ވިސްނާނާނީ މާދަން އޮފީހަށް ގޮސް ކުރާނީ ކޮން ކަމެއްތޯ. ފަހަރެއްގެ ފަޅުއޮޑިފަހަރުގަ ޖަހާފަ ހުރި ފެހިކަންވެސް ފައިބަފާނެ މާދަން.
ބަބުރަންޖީ ހާޖީ
15 December 2019
މަހާސިންތާ އޮޅާލާށެވެ.
ރަދީފް
15 December 2019
ސަރުކާރު ނުހިންގިގެން ބޯގޮވަނީ ދޯ؟؟ ހެހެހެހެހެހެހެ.