އަމީން: އޭނާގެ މައްޗަށް ޓެރަރިޒަމްގެ ދެ ދައުވާއެއް ދައުލަތުން ކުރޭ
15 ޑިސެމްބަރ 2019 - 12:58
6 comments
ޓެރަރިޒަމްގެ ތުހުމަތުގައި ދައުވާ އުފުލާފައިވާ މުހައްމަދު އަމީން، ޝަރީއަތް ނިމެންދެން ބަންދުގައި ބަހައްޓަން ކްރިމިނަލް ކޯޓުން މިއަދު އަމުރުކޮށްފި އެވެ.
ޏ. ފުވައްމުލަކު ކަރިއްޔާވިލާ، އަމީން މިދިޔަ އޮކްޓޫބަރު މަހު ހައްޔަރުކުރީ ރާއްޖޭގައި ފުޅާ ދާއިރާއެއްގައި ހަރުކަށި ފިކުރު ފެތުރުމާއި ޓެރަރިސްޓް ޖަމާއަތްތަކާ ގުޅުން އޮތް ކަމުގެ ތުހުމަތުގަ އެވެ. އޭނާގެ މައްޗަށް ދައުލަތުން ކުރަނީ ޓެރަރިސްޓް ޖަމާއަތެއްގައި ބައިވެރިވުމުގެ ދައުވާ އާއި ޓެރަރިޒަމްގެ އަމަލެއް ކުރަން ރޭވުމުގެ ދައުވާ ކޮށްފަ އެވެ.
އަމީން، ޝަރީއަތް ނިމެންދެން ބަންދުގައި ބަހައްޓަން ކޯޓުން އަމުރުކުރީ ދައުލަތުން އެގޮތަށް އެދުމުންނެވެ.
އަމީންގެ މައްޗަށް ޓެރަރިޒަމްގެ ދައުވާ ކުރާއިރު، މިއީ ޓެރަރިޒަމްގެ ގާނޫނަށް ދާދި ފަހުން ގެނައި އިސްލާހުގެ ދަށުން އެފަދަ ދައުވާއެއް ކުރާ ފުރަތަމަ ފަހަރެވެ.
ޓެރަރިޒަމާ ގުޅުން އޮތް ކަމުގެ ތުހުމަތު ކުރެވޭ މީހުން ލިސްޓުގައި އެމެރިކާ އިން ކުރިން އޭނާގެ ނަން ހިމެނި އެވެ. އަދި 2007 ވަނަ އަހަރު ސަލްޓަންޕާކްގައި އެއްޗެއް ގޮއްވައިލި މައްސަލައިގެ ތުހުމަތުގައި ވެސް އޭނާ ކުރިން ހޯދަން އިއުލާންކުރި އެވެ. އެކަމަކު 2011 ވަނަ އަހަރު އަމީން ރާއްޖެ ގެނައުމަށް ފަހު، ފަހުން ވަނީ ދޫކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވީނުވީ
15 December 2019
ހެއްކެއް ނެތް، ވާނުވާ އޯކޭވީ މިހާރު
ޕީ.ޖީ
15 December 2019
ޓެރަރިޒަމް އަކީ ވާނުވާ ޖަހާ ކަމެއް އެހެން ގައުމުތަކުގަވެސް!
ފިތުރު
15 December 2019
ވާނުވާ އޯކޭ؟
ޙަމް
15 December 2019
މުޅި ދުނިޔެ އެއްބަސްވާ ޓެރެރިސްޓެއް ދޫކޮއްލާފަ ބަހައްޓަން އޯކޭ ތަ؟
ސޯނީ
15 December 2019
އެމެރިކާ އަކީ މުޅި ދުނިޔެއެއް ނޫން ކަލޯ. އަބޫ ޒުބައިދާ މެންނަށް ހެދިގޮތް ބަލާ
ޓްރަންޕު
15 December 2019
އެމެރިކާ އަކީ މުޅި ދުނިޔެ ސޯނީ! އެއީ ވަކި ގައުމެއް ނޫން! ހުރިހާ ގައުމުއްގެ ތަންދޮރު ދަންނަ މީހުން ގޮސް ހަދާފައޮތް ތަނެއް އެއީ. އެއީ ދުނިޔެއަކީ! އޮޅިގެން ނޫޅޭ!