21 ޑިސެމްބަރ 2019 - 12:58
6 comments
އިނގިރޭސި ރާނީ އެލިޒަބަތުގެ ފިރިކަލުން ޕްރިންސް ފިލިޕް ހުކުރު ދުވަހު ހޮސްޕިޓަލްގައި އެޑްމިޓްކޮށް ފަރުވާދޭން ފަށައިފި އެވެ.
ޝާހީ އާއިލާ އިން ހުކުރު ދުވަހު ބުނީ 98 އަހަރުގެ ފިލިޕަށް ހުކުރު ދުވަހުގެ ހެނދުނުން ފެށިގެން ފަރުވާ ފެމުން އަންނަނީ ލަންޑަނުގެ ކިންގް އެޑްވަޑް ހަތެއް ހޮސްޕިޓަލްގައި ކަމަށެވެ. އަދި ފަރުވާ ހޯދަނީ ހާލު ސީރިއަސްވެގެން ނޫން ކަމަށާއި މިއީ "ޕްރީ-އެކްޒިސްޓިން ކޮންޑިޝަންއެއް" ކަމަށް ވެސް ބުންޏެވެ.
ބަކިމްހަން ޕެލަސް އިން ބުނީ ފިލިޕް ހޮސްޕިޓަލަށް ވަޑައިގެންނެވީ ވެސް އާއިލާގެ ބޭފުޅުންނާ އެކު ހިންގަވާފައި ކަމަށާއި ކަންބޮޑުވާން ޖެހޭ ވަރުގެ ސީރިއަސް ސިއްހީ މައްސަލަތަކެއް ނެތް ކަމަށެވެ. އަދި އެޑްމިޓްވީ ޑޮކްޓަރުގެ ލަފާގެ މަތިން ކަމަށް ވެސް ޝާހީ އާއިލާ އިން ބުންޏެވެ.
ރަސްމީ މަސްއޫލިއްޔަތުތަކުން މީގެ ދެ އަހަރު ކުރިން އެކަހެރިވެވަޑައިގެންފައިވާ ޕްރިންސް ފިލިޕަށް މި ފަހުން އެކި ކަހަލަ ސިއްހީ މައްސަލަތައް ކުރިމަތިވެގެން ފަރުވާ ދީފައިވެ އެވެ. އެގޮތުން މިދިޔަ އެޕްރީލް މަހު އުނަގަނޑުގެ ސާޖަރީއެއް ވެސް ހަދާފައިވާ އިރު، 2012 ގައި މައިދާގައި އިންފެކްޝަން އުފެދިގެން އެތައް ފަހަރަކު ހޮސްޕިޓަލްގައި އެޑްމިޓްކޮށް ފަރުވާދިނެވެ.
ފިލިޕްސްގެ ވާހަކަ މި އަހަރު މީޑިއާތަކުގައި އެންމެ ގަދައަށް ދެކެވުނީ ޖެނުއަރީ މަހު އަމިއްލަފުޅަށް ކާރު ދުއްވަނިކޮށް އެހެން ކާރަކާ އެކްސިޑެންޓްވި ހާދިސާއާ ގުޅިގެންނެވެ. އަދި މި ހާދިސާއާ ގުޅިގެން ފިލިޕް ވަނީ ޑްރައިވިން ލައިސަންސް ދޫކޮށްލައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗެޓް
22 December 2019
މިމީހުން ލޮނުމެދު ކާން ހުއްދަ ނުއޮންނާތީ އެކަމާ ހާދަ ސުވާލެއް އުފެދެއޭ.
ހޭލެވުން
22 December 2019
އުމުރުން ދުވަސް ވާ ވަރަކަށް އަދި ސިއްހީ ހާލަތު ގޯސްވާ ވަރަކަށް "އުމުރު ހަމަވަނީ"އޭ ހިތަށް އަރާނެއެވެ. އެހިނދު 100 އަހަރު ވެސް އޮންނާނީ މަދުވެފައެވެ.އުމުރު އޮންނާނީ ކުރު ވެފައެވެ. މާޒީ އާ މެދު ހިތާމަ ކުރެވޭނެއެވެ.ކުރެވިފައިވާ ކަންކަން ހިތަށް އަރަން ފަށާނެއެވެ. މާޒީގައި ހެޔޮ ލަފާ ސޯލީހު ކަންކަމުގައި ޢުމުރު ހުސްކޮށް ލެވުނު ނަމައޭ ހިތަށް އަރާނެއެވެ.
ރަބަރު
22 December 2019
މިމީހުންނަކީ މިދުނިޔޭގައި މާ އިއްޒަތްތެރިބައެކެވެ. އެކަމަކު މިފަދަ މީސްމީހުން ގެ ފޮޓޯ ޚަބަރު ވީޑީއޯ މީޑިއާގެ ޒަރީއާއިން އިވި ފެނުމުން މަގޭގާތަށް ހިނިއާދެއެވެ. ހިތަށްއަރަނީ ހާދަ ނުވިސްނޭ ބައެކެވެ. ހާދަ ނިކަމެތި ބައެކެވެ.
ރަސްގެފާން
22 December 2019
ތިބުނިއެއްޗެސް ކަލޯ ނުވިސްނުން. ތިބުނީ އެމީހުންނަކީ “މުސްލިމުން” ނޫން ވާހަކަތަ؟ އަހަރުމެންވެސް މުސްލިމްވެފަ މިހިރީ މާބޮޑަށް ވިސްނިގެންތަ؟ އަހަރުމެން މުސްލިމު މައިންބަފައިންނަށް އުފަންވީމަ މުސްލިމްވެފަމިހުރީ. އެރިޒޯނާ ޖަންގަންޏަށް އަހަރުމެން އުފަންވިނަމަ އަހަރުމެންގެ ތެރެއިން ކިތައް މީހުން ވިސްނުންމޮޅުވެގެން އިސްލާމްދީނަށް އަންނާނީ. ވީމާ އެއްވެސް ކަމަކާ ކިބުރުވެރިނުވެ އިލާހީ ރަޙްމަތަށް ޝުކުރުވެރިވެ ދެންތިބި މީހުންނަށް ހެޔޮދުޢާކުރުން މާބުއްދިވެރި.
ސަޒަން
21 December 2019
ހާދަ ފޫހިވާބައެކޭ އަދިވެސް ރަސްކަމުގައި ކުއީންވެސް މިހާރު ޗާލްސްއާ ހަވާލުކޮށްފައި ގޭގައިހުރުން އިނގިރޭސި ރައްޔިތުންވެސް އެދެނީ!
ރަސްގެފާން
22 December 2019
ކުއީން ހުންނަނީ ކުއީން ކަމުގަ ގޭގަޔޭ އަބަދުވެސް. ދެން ޗާލްސްއާ ތިބުނާ އެއްޗެއް ހަވާލުނުކުރިއަސް ރަނގަޅުވާނެ. ޗާލްސް ވަލިއަހުދު ގޮތުގަހުރެ މުސްކުޅިވެ އެނިމެނީ ރަސްކަންނުލިބި.