ސަން ސިޔާމްގެ ރިސޯޓެއް-- ފޮޓޯ: ސަން ސިޔާމް
22 ޑިސެމްބަރ 2019 - 11:28
10 comments
ސަން ސިޔާމް ކުންފުނިން ނ. ދިގުރަށުގައި ތަރައްގީ ކުރާ "ސަން ސިޔާމް އިރު ފެން" ރިސޯޓު އަންނަ އަހަރު ހުޅުވަން ތައްޔާރުވެއްޖެ އެވެ.
ފަނަރަ ކެޓަގަރީއަކަށް ބަހާލައިގެން ވޯޓާ ވިލާ އާއި ބީޗް ވިލާ އަދު ސުއިޓްތައް ހަދާފައިވާ މި ރިސޯޓަކީ މަތީ ފަންތީގެ ޓޫރިސްޓުންނަށް ހާއްސަކޮށްގެން ހަދާފައިވާ ރިސޯޓެކެވެ. އެކަނި ޗުއްޓީ ހޭދަ ކުރަން ބޭނުންވާ މީހުންނަށާއި އާއިލާއާ އެކު ނުވަތަ ރައްޓެހިންނާ އެކު ޗުއްޓީ ހޭދަ ކުރުމަށް ބޭނުންވާ މީހުންނަށް މި ރިސޯޓަކީ އެންމެ ފުރިހަމަ މާހައުލު ކަމަށް ސަން ސިޔާމް ކުންފުނިން ބުންޏެވެ.
ސަން ސިޔާމް ރިސޯޓެއްގެ ޓުރިސްޓުންތަކެއް ކެނޯ ދުއްވަނީ-- ފޮޓޯ: ސަން ސިޔާމް
ވެލާނާ އިންޓަނޭޝަނަލް އެއަޕޯޓުން ސީ ޕްލޭނުގައި 45 މިނެޓުން ދެވޭ މި ރިސޯޓުގައި ތަފާތު އުމުރުގެ މީހުންނަށް ހާއްސަކޮށްގެން ހަރަކާތްތައް ކުރިއަށްދާނެ އެވެ. މީގެ ތެރޭގައި ވޯޓާ ސްޕޯޓްސް އާއި ޑައިވިން ފަދަ ހަރަކާތްތައް ހިމެނެ އެވެ. އަދި ކުޑަ ކުދިންނަށް ހާއްސަކޮށްގެން "ކިޑްސް ވިލެޖް" އެއް ވެސް މި ރިސޯޓުގައި ވަނީ ހަދާފަ އެވެ.
މީގެ އިތުރުން ދުނިޔޭގެ ފެންވަރުގެ ސްޕާ އަކާއި ވެލްނެސް ސެންޓަރެއް ވެސް މި ރިސޯޓުގައި ވަނީ ހަދާފަ އެވެ.
ސަން ސިޔާމް ކުންފިުނިން މިހާރު ވެސް އަންނަނީ ރާއްޖެއާ ލަންކާގައި ފަސް ރިސޯޓު ހިންގަމުންނެވެ. މީގެ ތެރޭގައި "ދަ ސަން ސިޔަމް އިރުފުށި" އާއި "ސަން އެކުއާ ވިލު ރީފް" އާއި އޮޅުވެލި ބީޗް އެންޑް ސްޕާ" އަދި "ސަން އެކުއާ އިރު ވެލި" އާއި ލަންކާގެ ރިސޯޓު ކަމުގައިވާ "ސަން އެކުއާ ޕަސިކުޑާ" ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯލް
23 December 2019
ރަށްޔިތުންގެ ފައިސާއިން ލޯނާ ކެޕިޓަލް ލިބެންޔާ ހަމަ ކޮންމެ މީހަކުވެސް ކުރަންވީ. ރ. މައުމޫނުގެ ފަހު ދުވަސްވަރު ބޭންކް އޮފް މޯލްޑިވްސްއިން ލޯނުތައް ލިބިފަ ހުރިގޮތް އެއޮތީ ފެންނަން.
މުހައްމަދު25
22 December 2019
މުއްސަދިން މުސަނދިކޮއް ގައުމުގެ ހަޒާނަވެސް އެއްކޮއް އެމީހުންނައް ދީހަދަންވީ، މިއީވާ އަދުލްވެެރި ގައުމެއް..
ސެމި
22 December 2019
މިއީ ސީދާ ކޮރަޕްސަނުގެ ޑީލްތައް؟ ކޮން ގައުމެއްގަތޯ ޕްރައިވެޓް އިންވެސްޓްމަންޓަކަށް ސަރުކާރުގެ ސޮވެރިން ގެރެންޓީދެނީ؟ ޔާމިންގެ މިޖަރީމާ ތަހްގީގުކޮށް އިތުރު ޖަލުހުކުމެއް އަންނަވަރުގެ ކަމެއް! ޔާމީން މިކަހަލަ ކިތައްޖަރީމާ ހިންގާފަވޭތ!!
ތުއްތޮންބެ
22 December 2019
ޖޭވިޔަސް ބޮޑުވަރުތީ
ރުޅި
22 December 2019
ތިޔަތަން ދައުލަތަށް ނަގާފަ ދައުލަތުގެ ދަރަނި އަދާކުރަންވީ. މީނާއަކީވެސް ދައުލަތުގެ ނަމުގައި ލޯނުނަގައިގެން އުދުހޭމީހެއް. އަދި ނުވިތާކަށް މަޖިލީހުގެ ގޮޑިވެސް ބައްކޮށްގެން ހާޒިރުވަނީކީނޫން.
1828
22 December 2019
ބަލަ މަޖިލިސްގެ ގޮނޑި ކާމިޔާބު ކުރީ ދ.މީދޫ ދާއިރާގެ ރައްޔިތުންގެ އަގުލަބިއަޔަތުން. ކުރިންވެސް ސިޔާމްއަށް ހާޟިރީއިން ލިބެނީ ފުލުން 1 ވަނަ. މިހާރުވެސް. އެކަން އެނގިތެބެ އެދާއިރާގެ ރައްޔިތުން ސިޔާމް މަޖިލިސްއަށް އިންތިހާބް ކުރަނީ. އެދާއިރާގެ ރައްޔިތަކަށް ނޫނީ ތިހެން ނުބުނެވޭނެ.
ހަކީމް
22 December 2019
ޔާމީނު ދިން ސޮވެރިން ގެރެންޓީ ކޮންމެމީހަކަށް ދިނަސް ތީގެ ދިހަވަރަކަށް ރިސޯޓު ހުޅުވާނެ. މީދޫ ދާއިރާގެ މީހުންނަށް ވަރަށް ސަލާން.
ނޫރާނީމާ
22 December 2019
ދިވެހިންނަކަށް ވާ ފައިދާއެއް ނޯންނާނެ ތިތަންތަނަކުން.. ހުރިހާ ފައިސާ އަނބުރާނީ ރާއްޖެއިން ބޭރުގައި .. ކޮންމެ ފަދަ އެއްޗެއްދީގެންވެސް މީގެއިން ރިސޯރޓަކަށް ނުދެވޭނެ އަހަރެމެންނަކަށް.
1828
22 December 2019
ސަން ސިޔާމްގެ ރިސޯޓުތަކުން މުވައްޒަފުންނަށް 99% ސަރވިސް ޗާރޖް އެއް ނުދޭ. މިކަންކަން ބަލަން ސަރުކާރަށް ގޮވާލަން.
ޙާމު
22 December 2019
ތިކަން ބަލާނެ ބަޔަކު އަދި މިގައުމުގެ ވެރިކަމަކައް ނާދޭ ގާނޫނު އޮންނަނި ހަދާފަ އަމަލުކުރުމެއް ނޯވޭ