ޓްރާންސްޕޯޓް މިނިސްޓަރު ނަހުލާ، އެމްޕީއެލްގެ އާ ޚިދުމަތްތައް މިއަދު އިފްތިތާހު ކޮށްދެއްވާއިރު، އަރިހުގައި އެ ކުންފުނީގެ ސީއީއޯ ޝާހިދު.---ފޮޓޯ: އެމްޕީއެލް
25 ޑިސެމްބަރ 2019 - 19:53
25 comments
މާލެ އާއި ހުޅުމާލެއާ ދެމެދު މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ދޭ ބަހުގެ ޚިދުމަތާ ގުޅޭ މައުލޫލާތު ވަގުތުން ބަލައިލެވޭނެ އެޕްލިކޭޝަނެއް އެ ކުންފުނިން މިއަދު ތައާރަފުކޮށްފި އެވެ.
ޗަމްޕާ ސެންޓްރަލް ހޮޓަލުގައި ބޭއްވި ރަސްމިއްޔާތެއްގައި އެ އެޕްލިކޭޝަނާއި އެމްޕީއެލްގެ އާ ވެބްސައިޓް އިފްތިތާހު ކޮށްދެއްވީ ޓްރާންސްޕޯޓް މިނިސްޓަރު އާއިޝަތު ނަހުލާ އެވެ.
މި ރަސްމިއްޔާތުގައި، އެމްޕީއެލްގެ ސީއީއޯ ޝާހިދު އަލީ ވިދާޅުވީ، މާލެ-ހުޅުމާލެއާ ދެމެދު ދުއްވާ ބަސް ދަތުރުތަކާ ގުޅޭ ހުރިހާ މައުލޫމާތެއް އެޕްލިކޭޝަނުން ބަލައިލެވޭނެ ކަމަށެވެ. އޭގެ ތެރޭގަައި، ބަސް ސްޓޭންޑްތަކާއި ބަސް ދަތުރުކުރާ ރޫޓާއި ބަސް ސްޓޭންޑަށް ބަސް އެންމެ އަވަހަށް ދާނެ ވަގުތާއި ބަހުގެ ޝެޑިއުލް އަދި ބަހުން ދަތުރުކުރަން ބޭނުންވާ ކާޑު ރީޗާޖު ކުރެވޭނެ ތަންތަނުގެ ތަފްސީލު ހިމެނެ އެވެ.
ޝާހިދު ވިދާޅުވި ގޮތުގައި، މި ބަދަލާ އެކު، އާންމު ދަތުރުފަތުރަށް މިހާރަށް ވުރެ ބޮޑަށް މީހުން އަހުލުވެރި ކުރެވި، އެ ޚިދުމަތް ބޭނުން ކުރުން ގިނަ ވާނެ އެވެ.
އެމްޕީއެލް އިން ބުނީ "މާލޭ ބަސް" އެޕްލިކޭޝަން އެންޑްރޮއިޑްގެ ފޯނުތަކަށް މިހާރު ވެސް ޑައުންލޯޑް ކުރެވޭނެ ކަމަށެވެ. އައިއޯއެސް އިން އެ އެޕްލިކޭޝަން ފެންނަން އަދި ދެ ދުވަސް ވަރު ނަގާނެ ކަމަށް އެ ކުންފުނިން ބުންޏެވެ.
އެމްޕީއެލްގެ އާ ޚިދުމަތްތައް އިފްތިތާހު ކުރުމަށް މިއަދު ބޭއްވި ރަސްމިއްޔާތުގެ ތެރެއިން..---ފޮޓޯ: އެމްޕީއެލް
ބަސް އެޕްލިކޭޝަންގެ އިތުރުން މިއަދު ވަނީ ،ވެންޑާ ޕޯޓަލްގެ ޚިދުމަތް ވެސް ތައާރަފު ކޮށްފަ އެވެ.
ޝާހިދު ވިދާޅުވީ، އޮންލައިން ޕޯޓަލެއް މެދުވެރިކޮށް، އެމްޕީއެލްގެ ޕްރޮކިއުމެންޓް ސިސްޓަމް މިހާރު ކުރިއަށް ގެންދެވޭނެ ކަމަށެވެ. އަދި ވިދާޅުވީ، އޮންލައިންކޮށް ހިދުމަތް ފޯރުކޮށްދޭ އިރު، އެމްޕީއެލްގެ ސިޔާސަތާ އެއްގޮތަށް ދެކޮޅު ފެންނާނެ ހިދުމަތްތަކަކަށް ހައްދަވާނެ ކަމަށެވެ.
އޭނާ ވިދާޅުވި ގޮތުގައި އެމްޕީއެލުން ޚިދުމަތް ދިނުމަށް ތައާރަފްކުރާ ޒަމާނީ ވަސީލަތްތަކާ އެކު، ޚިދުމަތް ލިބިގަންނަ މީހުންނަށް ބޮޑު ލުޔެއް ލިބޭނެ އެވެ. އަދި ވިދާޅުވީ، އަލަށް ތައާރަފްކުރި ވެބްސައިޓު މެދުވެރިކޮށް، މުދާ ކްލިއާ ކުރުމަށް ވަރަށް ބޮޑު ފަސޭހައެއް ލިބި، ގިނަ މައުލޫމާތުތަކެއް ހިމެނޭނެ ކަމަށެވެ.
"މިސާލަކަށް މުދާ ކްލިއާ ކުރުން، މުދާ ކްލިއާ ކުރުމަށް ބޭނުންވާ ޓެރިފްތައް. އެ ޓެރިފްތަކުގެ މައުލޫމާތު، އަދި ގަވައިދުތައް. މި ހުރިހާ މައުލޫމާތުތައް ފަސޭހަ އިން ދެނެގަނެވޭނެ ގޮތަށް ވެބްސައިޓް ލޯންޗް ކުރެވިގެން ދަނީ،" ވެބްސައިޓް އިފްތިތާހު ކުރުމުގެ ކުރިން ދެއްކެވި ވާހަކައިގައި ސީއީއޯ ޝާހިދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
2019
26 December 2019
ކޮއިފުޅާ ތީ ޗާޓުން ފެންނަހުންނަބަސް ދުވަހަކުވެސް ތިބަހެއް ނާންނާނެ ?
މަހުޖަނު
26 December 2019
ހުޅުމާމެ-މާލެ ބަސް 10 ރުފިޔާ، އެކަމު ހުޅުމާލެ-ހުޅުލެ ބަސް 20 ރުފިޔާ. ދަތުރު ކުރުވާވަރަކަށް އަގުބޮޑު، މިކަން އެބަޖެހޭ ޓްރާާންސްޕޯޓް މިނިސްޓްރީން ހަމައަކަށް އަޅުވަން.
ޕެޕާޓް
26 December 2019
ޔާމީނުގެ ސަރުކާރުގެ -/3ރ ކުރި ބަސްދަރު މިހާރު -/10ރ -/20ރއަށް ބޮޑުވެއްޖެ. ކުރީގެ ސަރުކާރުގައި ބަސްދަތުރުތައް އެތައް ދުވަހެއް ވަންދެން ހިލޭ ވެސް ކުރި.
ޖެރޫ
26 December 2019
ބަސް ދަތުރުތައް މާލޭތެރޭގައި އެބަޖެހޭ ގިނަކުރަން. ބަސް ދަތުރުގެ އަގު-/10ރ އަށް ބޮޑު.-/5 އެބަޖެހޭ ބަސް ދަތުރު ކުރެވޭނެގޮތް ހަދަން. ޔާމީނުގެ ސަރުކާރުގައި ވެސް ބަސްދަތުރު ކުރުމުގެ އަގަކަށް ނެގީ-/3ރ. ކޮންމެއްމީހަކު ދުއްވާނެ ކާރެއް ގެނައުމުގެ ބަދަލުގައި މިނީބަސްގެ ހިދުމަށް ލިބުން ވަރަށް މުހިއްމު. މާލެއިން ހުޅުލެޔަށް ކާރަކަށް އެއްކޮޅަށް-/75ރ ދިނުމުގެ ބަދަލުގައި ސަރުކާރުން ދިވެހިރައްޔިތުންނަށް ކުޑަ އަގެއްގައި ބަސް ހިދުމަށް ލިބޭނެގޮތް ހެއްދެވުން ރަގަޅު.
މުހައްމަދު އަބްދުއްލާހި ދީދީ
26 December 2019
އެންމެ ފީކަޅާ ކޮށް ހިގާ އެއް ކުންފުނި. އައްޑޫ ހުޅުދޫ އެމްޕީ ބުނާގޮތަކަށް ތިތަނުން ކަންވާނީ. ކުންފުނީގެ އެމްޑީ އަކީ ޕަޕެޓެއް.
ެމެރީން
26 December 2019
މިހާރު ބަހުން ދަތުރުކުރުމަށްވުރެ ފަސޭހައީ ދޯނި ފެރީ. އަބދު ފުލްވެފައި އިށީންނާނެ ގޮޑިއެއްވެސް ނުލިބޭ.
އޮނަރަބްލް އަފީފު ދީދީ
26 December 2019
ރޫޓިންގތައްހުރިގޮތަށްބަދަލުގެނެސް ފަސެންޖަރުންނަށްފަސޭހަވާނެގޮތަށް މާލެތެރޭގައި ރައުންޑްޓްރިޕް އަޅާގޮތަށް 2 ބަސްބޭއްވިދާނެ. # މި 2 ބަހުގެތެރެއިން އެކަތި މާލެވަށާދުއްވުމަށް ބަސްޓާމިނަލްއިން އައިޖީއެމްއެޗް، އެމްޕީއެލް، ސަޤަރުޕާކް، އެމްޑީޕީހަރުގެކާރި ފަދަސްޓޮޕްތަކަށްމަޑުކުރާއިރު 2 ވަނަބަސް މަޖީދީމަގަށް ޙާއްސަކޮށް ޓާމިނަލްއިން ސްޓާރސިނަމާ، ލަޤްޒަރީ، ލެކިއުޓް، އޭޑީކޭ، ޓަސްކަލޫސާ ހިސާބަށްފަހު ބަސްޓާމިނަލްއިން ދަތުރު ނިންމާގޮތަށް ބޭއްވުން ރަނގަޅު.
އެމްޕީއެލް
26 December 2019
ތިގޮތަށް މާލެ ވަށާ ބުރުޖަހާ ބަހެއް އޮވެއްޖެނަމަ އަހަރުމެން އޮފީހަށް ދާނީވެސް ބަހުގަ
ކުކީ
26 December 2019
މަޖީދީމަގަށް ޙާއްސަކޮށް ރެޑްވޭވް ، އަގޯރާ ހިމެނުން ރަގަޅު.
ފްލައިމީ
26 December 2019
އަހަރެންގެ ގެހުންނަނީ އައިޖީއެމްއެޗް ކާރީގަ ކޮންމެ ދުވަހަކު ތިގޮތަށް މާލެ ވަށާ އަދި މަޖީދީ މަގުން ބަސް ދަތުރު އާންމުކޮށް ކުރާނަމަ ހަމައެކަނި މަގޭ އަތުންވެސް 500 ވަރަކަށް ރުފިޔާ މަހެއްގެ މައްޗަށް ސަލާމަތް ކުރެވޭނެ. ދަތުރު އަވަސްކޮށްދިނުމަށް ޝާޑް އަށް ގޮވާލަން.
ކުދިންގެ މަންމަ.
26 December 2019
ޕާޓޭން މަގުތަކުގައި ދުއްވާގޮތުން ކުދިންކޮޅު ގޮވައިގެން ސައިކަލްގެ ދުއްވޭކަށްނެތް. ޓެކްސީއެއް ލިބެނީކީނޫން. މާލެ ތެރޭގައި މިގޮތަށް ތަދުރުފަށައިފިނަމަ އަހަރުމެނަށް އާއިލާ ގޮވައިގެން ހަވީރު ކޮތަރަށް ކާންދޭން ޖުމްހޫރީ ޕާކަށްވެސް ދެވޭނެ. އަދި އާޓިފިޝަލް ބީޗަށް ވެސް ދެވޭނެ. ރަނގަޅު ގޮތެއް.
ޑްރައިވަރު
26 December 2019
ބަސް ދުވާންޖެހޭނީ މިގޮތަށް. މާލޭގައި ދުއްވާނީ މާލެ ބަސް. ހުޅުމާލޭގައި ހުޅުމާލެ ބަސް އޮވެފައި ހުޅުމާލެ - ޙުޅުލެ - މާލެ ބަސް ދަތުރުކުރާންޖެހޭނީ ހަމައެކަނި ހުޅުމާލެ ބަސް ސްޓޭޝަނުން އެއަރޕޯޓަށް އަދި ހުޅުލެއިން މާލެ ބަސް ސްޓޭޝަނަށް. ރަށުތެރޭގެ ދަތުރުތަކަށް ހުންނާނީ އެހެން ބަސްތަކެއް. އެބުނާގޮތަށް މާލެއަށް މާލެ ބަސް ހުރެފައި ހުޅުލެއަށާއި ހުޅުމާލެއަށް ދާން ބަސްނަގާންދާންޖެހޭނީ ބަސްތާމިނަލަށް. ގުޑް އައިޑިއާ.
އެކަމު ދޯ
26 December 2019
އެހާ ކައިރީގައި ޖެހިފިތިފަ އެތިބީޔޯ؟
ޞޯގޯސް
26 December 2019
މިއީ ނަހޫ ކުރިކަމެއްނޫން.
އާޒިމް
26 December 2019
ނަހުލާ ތީ ހަމަ ބެސްޓް. އެންމެ ހިންގުންތެރި މިނިސްޓަރު.
ނިކު
26 December 2019
ނަހުލާ ބަސްދަތުރު އެބަޖެހޭ ގިނަކުރަން. 75ރ ކާރަށް ދީފައި ކޮފީ ބޯން ހުޅުމާލެ ދިއުން ތަންކޮޅެއް ޚަރަދު ބޮޑުވަނީ. މާލެ ތެރޭގައި ބަސް ޓޮޕް އެބަޖެހޭ ގިނަކުރަން. މިނީ ބަސްގެ ޚިދުމަށް އެދިއެދި މިހިތް އެބަގޮވާ.... އުއްމީދުކުރަން މީނީ ބަސްގެ ހިދުމަށް ވަރަށް އަވަހަށް ލިބިގެންދަނެކަމަށް. ވަރަށް ސަލާމް