ޚަބަރު / ރައީސް އިބްރާހިމް މުހައްމަދު ސޯލިހް

ރައީސް، ވިލުފުށީގެ އެއްބައިވަންތަކަން ރަމްޒުކޮށްދޭ ބިނާ ހުޅުއްވައިދެއްވައިފި

ވިލުފުށީގައި ހެދި ސުނާމީ ބިނާ ރައީސް ހުޅުއްވައި ދެއްވަނީ: ސުނާމީގައި އެ ރަށުން 21 މީހަކު މަރުވި. --ފޮޓޯ/ރައީސް އޮފީސް

ފަޒީނާ އަހުމަދު، މިހާރު

26 ޑިސެމްބަރ 2019 - 13:59

މީގެ 15 އަހަރު ކުރިން ޑިސެމްބަރު 26، 2004 ގައި ރާއްޖެ އަށް އެރި ސުނާމީގައި އެންމެ ބޮޑު ގެއްލުމެއްވި އެއް ރަށް ކަމަށް ވާ ތ. ވިލުފުށީގައި ހެދި އެއްބައިވަންތަކަމުގެ ބިނާ ރައީސް އިބްރާހިމް މުހައްމަދު ސޯލިހް މިއަދު ހުޅުއްވައި ދެއްވައިފި އެވެ.

އެއް އަތް، އަނެއް އަތުގެ ތެރެއަށް ލައި ގުޅިފައިވާ ގޮތަށް ފެންނަ ބިނާ ހެދީ ވިލުފުށީ ރައްޔިތުންނެވެ. އެ ބިނާ ކުރިއަށް އޮތް ތަނުގައި މިހާރަށް ވުރެ ވެސް ރީތިކޮށް، ހެދުމުގެ ވިސްނުން ގެންގުޅޭ ކަމަށް އެ ރަށުން ވާހަކަ ދެއްކެވި ކުރީގެ ކައުންސިލަރަކު ވިދާޅުވި އެވެ.

"އެއް އަތް އަނެއް އަތާ ގުޅުވައި ބޭނުންވީ އެއްބައިވަންތަކަން ރަމްޒުކޮށްދިނުން،" އޭނާ ވިދާޅުވި އެވެ.

ވިލުފުއްޓަށް ރައީސް ވަޑައިގެން ކުޑަ ކުއްޖަކާ ސަލާމްކުރައްވަނީ. --ފޮޓޯ/ރައީސް އޮފީސް

ސުނާމީގައި މަރުވި އަދި ގެއްލުނު މީހުންގެ ހަނދާނުގައި މާލޭގެ ލޮނުޒިޔާރަތްކޮޅުގައި ހެދި ސުނާމީ ބިނާ އެތަނުން އެހެން ތަނަކަށް ބަދަލުކުރަން ކުރީގެ ސަރުކާރުގައި އުޅުމުން، އެ ބިނާ ވިލުފުއްޓަށް ބަދަލުކޮށްދޭން އެ ރަށުގެ ކައުންސިލުން އެދުނެވެ. އެކަމަށް އެއްބަސްނުވެ، އެ ބިނާ ބަދަލުކުރީ ތިން ރުއް ޕާކު ސަރަހައްދަށެވެ.

ސުނާމީގައި ރާއްޖޭގެ ގިނަ ރަށްތަކަކަށް ރާޅު އަރައި ދޮވެލިއިރު އެންމެ ގިނަ ބަޔަކު މަރުވީ ވެސް ވިލުފުށިންނެވެ. އެ ރަށުން އެކަނި ވެސް 21 މީހަކު މަރުވެފައިވެ އެވެ.

ސުނާމީ ރައީސް އޮފީސް ރައީސް އިބްރާހިމް މުހައްމަދު ސޯލިހް އިމާދު ސޯލިހު، ސީއީއޯ (އެންޑީއޭ) ތ. ވިލުފުށި ގައުމީ އެއްބައިވަންތަކަމުގެ ދުވަސް

11 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސބބބވ

27 December 2019

މި ސަރުކާރަށް ހެދޭނީ ތި ސައިޒް ގެ ބިނާ. މި ސަރުކާރުގެ ސައިޒް އަކީ ތީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

900 ޑިގުރީ

27 December 2019

ދުވަހަކުވެސް ތިޔަ ވިލުފުށީގެ ރައްޔަތުންގެ އެއްބައިވަންތަކަ މެއް ނުފެންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެނުކައްކާބޮލި

27 December 2019

އެއްބައިވަންތަކަމުން ގޮސް އަދި އަދަންދާންދެންވެސް ގެދޮރުގެ ރަޖިސްޓަރީ ނުހަދައި އަރާރުންވުމުގައި. ވަލްހަމްދުލިއްލާހި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާނު

26 December 2019

ތާކުންތާކުޖެހޭ އެއްޗެއް ބެހެއްޓިނަމަވެސް ރަގަޅު. ސުނާމީގެ ހަނދާނީ ބިނާއެއް ހަދާއިރު ހައިބަތު ހުންނަން ޖެހޭނެ. ބަދަރުމަތީ ވައުއައްސަން ޖަހާފަ ހުރި މުޑިބުރިއެކޭ އެއްގޮތް. ސާބަސް ރައީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

27 December 2019

ތިމާ ނުރުހޭ މީހާ ކަމެއް ކުރީމަ މުޑިބުރި ، ޖަލުގައި އޮތް މީހާ ކުރީމަ ޖަވާހިރެށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްކާނުބެ

26 December 2019

ބައިބައިވުން އުފައްދަމުން، އެކުވެރިކަމަށް ގޮވުމަކީ، މޯދީއާއި ނަތަންޔާހޫ އަދި ޓްރަންޕްގެ ފަލްސަފާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 December 2019

ރައީސް. ތިފަދަ ސިމެންތި ގަނޑަކުން އެއްބައިވަންތަ ކަމާއި އާއިލީ ގުޅުން އާލާވެގެނެއް ނުދާނެ. # ތިކަން ކުރުމުގެ ކުރިން މޯލްޑިވިއަންގެ ފްލައިޓާއި ދިމާވާގޮތަށް ތިމަރަފުއްޓާއި ވިލުފުއްޓާއި ދެމެދު ޝެޑިއުލް ފެރީގެ ނިޒާމެއް ޤާއިމްކޮށްދީ ވިލުފުށީގައި ގެސްޓްހައުސް ތަރައްޤީކުރާން ފުރުސަތު ހުޅުވާލަދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޝްތާޤު

26 December 2019

އޭނާ އެބައުޅޭތަ އެހެންބަޔަކަށް ލާރިއެއް ލިބޭނެ ގޮތް ހަދާދޭން. ޖަޒީރާ ވަންތަކޮށް މިރަށްރަށް ބާއްވަން އެމީހުން ވައުދުވެފައިއޮތީ. ޓްއަރިޒަމް އޮންނާނީ މާލެ އަށާއި މާލެ ކާރި ރަށްރަށުގައި.