ހަންބަންޓޯޓާ ޕޯޓް: ޗައިނާ އަށް 99 އަހަރަށް ދިނީ 1.1 ބިލިޔަން ޑޮލަރަށް. -- ފޮޓޯ: އޭއެފްޕީ
27 ޑިސެމްބަރ 2019 - 17:58
4 comments
ކޮލަމްބޯ (ޑިސެމްބަރު 27) - ހަމްބަންޓޯޓާ ބަނދަރުގެ ފުރިހަމަ ކޮންޓްރޯލް ޗައިނާ އަށް ދޫކޮށްލާފައިވާ ކަމަށް ދެކެވޭ ވާހަކަތައް ސްރީ ލަންކާ އިން ދޮގުކޮށްފި އެވެ.
ހަމްބަންޓޯޓާ ބަނދަރު އޮޕަރޭޓް ކުރާ ހަމްބަންޓޯޓާ އިންޓަނޭޝަނަލް ޕޯޓްސް ގްރޫޕް (އެޗްއައިޕީޖީ) ގެ ސަބްސިޑަރީއެއް ކަމަށްވާ ހަމްބަންޓޯޓާ އިންޓަނޭޝަނަލް ޕޯޓް ސާވިސަސް (އެޗްއައިޕީއެސް) ގެ ސީއީއޯ ރަވިންދްރާ ޖަޔަވިކްރަމާ ވިދާޅުވީ ބަނދަރު ހިންގަނީ ސްރީ ލަންކާ ޕޯޓްސް އޮތޯރިޓީގެ ގަވާއިދާ އެއްގޮތަށް ކަމަށެވެ.
"ހަމްބަންޓޯޓާ ބަނދަރަށް ވަންނަ ހުރިހާ ބޯޓެއް ޖެހޭނެ ކޮލަމްބޯގެ ހާބަމާސްޓާ އިން ހުއްދަ ހޯދަން. ހަމްބަންޓޯޓާ ބަނދަރަށް ވަދެ ނުކުމެވާ ހުރިހާ ބޯޓެއް ގައިޑްކުރާ ޕައިލެޓުންނަކީ ސްރީ ލަންކާ ޕޯޓްސް އޮތޯރިޓީގެ ސީދާ މުވައްޒަފުން،" ޗައިނާގެ ޒިންހުއާ އަށް ދެއްވި އިންޓަވިއުއެއްގައި ޖަޔަވިކްރަމާ ވިދާޅުވި އެވެ.
ޗައިނާ މާޗަންޓްސް ޕޯޓް ހޯލްޑިން އާއި ސްރީ ލަންކާ ޕޯޓްސް އޮތޯރިޓީއާ އެކު ހަދާފައިވާ ޗޮއިންޓް ވެންޗާއެއް ކަމަށްވާ އެޗްއައިޕީޖީ އަށް ހަމްބަންޓޯޓާ ބަނދަރު 2017 ވަނަ އަހަރު ވަނީ 99 އަހަރަށް ދީފަ އެވެ. ބަނދަރު ޗައިނާ އަށް ދީފައި ވަނީ 1.1 ބިލިއަން ޑޮލަރަށެވެ.
ހަމްބަންޓޯޓާ ބަނދަރު ދޭން ޖެހުނީ ޗައިނާ އިން ނަގާފައިވާ ލޯނުތަކަށް ލަންކާ އިން ފައިސާ ދައްކަން ދަތިވުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައުލޫމާތު
29 December 2019
99 އަހަރު ވަރައްސާފު. ހުންނާނީ ރާކަނިމަސް ކެވިފަ. ދެން މަތިނުޖަހާވާކައްވެސް ނެއްތާ ދެއްތޯ. އަދި މި ދިވެހި ރާއްޖެ މާ ގިނަ ދުވަހެއްނުވެ މި ގޮތައް ދިވެހި ވިޔަފާރި ވެރިންތަކެއްގެ އަތްދަށައް ދާތަން އެބަފެނޭ. ނުބައްދަލް އަގުތަކެއްގައި މިހާރުވެސް އެފަރާތްތަކައް ރަށްތައް ރިސޯޓްތައް ހިންގަން ދެވިފައިވޭ. ނޫސްވެރިން ކީއްވެބާ މިކަހަލަ ކަންކަން އިންވެސްޓިގޭޓްކޮއް ހަބަރު ނުލިޔަނީ؟؟
ނިރު
27 December 2019
99 އަހަރަސް ކުއްޔަށް ދީފަ ދެން ކޯޗެކޭ ކިޔާކަށް
ދާދޭ
28 December 2019
މީރާއްޖޭގެ ރަށްރަށް ކުއްޔަށްދެނީވެސް 99 އަހަރަށް 3 ނުވަތަ 4 މިލިއަން ޑޮލަރު ދީފައި. އެއީ 1.1 ބިލިއަން ޑޮލަރު ދީފައި 99 އަހަރަށް. މުއްދަތު ހަމަވުމުން ސްރީލަންކާ ރައްޔިތުންނަށް މިލްކުވީ. މިތަނުގައި ކުއްޔަށްދޭއް އެއްވެސް ރަށެއް އަނބުރާ ރައްޔިތުންނަށް ނުލިބޭނެ. ތަފާތު ވަރަށް ބޮޑު ދޯ؟
ރޫނި
28 December 2019
ކަލޭމެން ވާނުވާގަތަ؟ އަމިއްލަގެ ވިއްކާޅާފަ، އަނބި ދަރިން ވިއްކާލާފަ، ދީން ވިއްކާލާފަ، އަމިއްލަ ސަގާފަތް ވިއްކާލާފަ، ތަންތާތިބި ޖައްލާދުންނަށް ސަޕޯރޓުކުރަމުން ދާއިރު ވާނުވާ އެއް ނޭގޭ.. މިތަނުގަ ރޯއެދުރުން ގިނަވެގެންގޮސް މުޅި މުޖުތަމައު ހަލާކު ވެދަނީ..