ބޮޑު އޮޕަރޭޝަންތަކެއް ހިންގައި 25 ކިލޯގެ މަސްތުވާތަކެތި އަތުލައިގެންފި

ކަސްޓަމްސްއިން ކުރިން ހިންގި އޮޕަރޭޝަނެއްގައި މަސްތުވާ އެއްޗެހި ހޯދަނީ: މިދިއަ ހުކުރާއި ހޮނިހިރުދުވަހު ހާއްސަ އޮޕަރޭޝަންތަކެއް ވަނީ ހިންގާފައި

މުހައްމަދު ޔާމީން، މިހާރު

03 އޮކްޓޯބަރ 2016 - 16:07

12 comments

ފުލުހުންނާއި ކަސްޓަމްސްއިން ވަކިވަކިން ހިންގި ބޮޑު ތިން އޮޕަރޭޝަނެއްގައި 25 ކިލޯއަށް ވުރެ ގިނަ މަސްތުވާތަކެތި އަތުލައިގަނެ، އަށް މީހަކު ހައްޔަރުކޮށްފި އެވެ.

މި ތިން އޮޕަރޭޝަންގެ ތެރެއިން އެންމެ ބޮޑު ދެ އޮޕަރޭޝަންގައި އިބްރާހިމް ނާސިރު އިންޓަނޭޝަނަލް އެއާޕޯޓުނުން 18 ކިލޯގެ މަސްތުވާތަކެތި އަތުލައިގަތް އިރު މާލޭގައި ހިންގި އޮޕަރޭޝަންގައި އަތުލައިގަނެވުނީ ހަތް ކިލޯގެ މަސްތުވާތަކެއްޗެވެ.

ކަސްޓަމްސްގައި މިއަދު ބޭއްވި ނޫސްވެރިންގެ ބައްދަލުވުމުގައި ފުލުހުންގެ ޑްރަގް އެންފޯސްމަންޓް ޑިޕާޓްމަންޓްގެ ހެޑް ސުޕްރިޓެންޑެންޓް އޮފް ޕޮލިސް މޫސާ އަލީ ވިދާޅުވީ މިދިޔަ ހުކުރު ދުވަހު އިންޑިއާގެ ޓްރިވެންޑްރަމުން އައި 31 އަހަރުގެ އަންހެނެއްގެ ދަބަހުން ހަތް ކިލޯގެ ހަޝިޝް އޮއިލް އާއި އެއް ކިލޯގެ ހިރޮއިން ފެނިފައިވާ ކަމަށެވެ. އަދި އަންހެންމީހާ އެތެރެކުރި އެ ތަކެއްޗާ ހަވާލުވާން އުޅުނު 21 އަހަރުގެ ފިރިހެނަކާއި 16 އަހަރުގެ ފިރިހެން ކުއްޖަކު ހައްޔަރުކޮށްފައިވާ ކަމަށް ވެސް އޭނާ ވިދާޅުވި އެވެ.

ކަސްޓަމްސްއިން ބުނީ އެ ދުވަހު 10:30 ހާއިރު ރާއްޖެ އައި އަންހެންމީހާ ގެނައި މަސްތުވާތަކެތި ހުރީ ބައެއް ކާބޯތަކެތި ބަންދުކޮށްފައި ހުންނަ ޕެކެޓްތަކެއްގައި ކަމަށެވެ. އެ އަންހެންމީހާ އާއި އަނެއް ދެ މީހުން ބަންދުގައި ބަހައްޓައިގެން މައްސަލަ ތަހުގީގުކުރަން ކްރިމިނަލް ކޯޓުން ވަނީ މުއްދަތު ވެސް ޖަހައިދީފައި ކަމަށް ފުލުހުން ބުނެ އެވެ.

"ދެ މީހުންނަކީ (ހަވާލުވުމަށް އައި ދެ މީހުން) ކުށުގެ ރިކޯޑު އޮތް ބައެއް،" އޭނާ ވިދާޅުވި އެވެ.

މީގެ އިތުރުން މިދިޔަ ހޮނިހިރު ދުވަހު 12:30 ހާއިރު، އިންޑިއާގެ ބެންގަލޫރުން އައި 28 އަހަރުގެ މީހެއްގެ ދަބަހުން 10 ކިލޯގެ ހަޝިޝް އޮއިލް ފެނިފައިވާ ކަމަށް މޫސަ ވިދާޅުވި އެވެ.

މި މައްސަލައާ ގުޅިގެން މާލެ އާއި ހުޅުމާލޭގައި ފުލުހުން ހިންގި އޮޕަރޭޝަނެއްގައި ހައްޔަރުކުރި ދެ މީހުން ދިރިއުޅޭ ގެ ބަލައި ފާސްކޮށް ހަތް ކިލޯގެ ހަޝިޝް އޮއިލް ފެނިފައިވާ ކަމަށް އޭނާ ވިދާޅުވި އެވެ. އެ މައްސަލާގައި ހައްޔަރުކުރީ 22 އަހަރާއި 27 އަހަރުގެ ދެ ފިރިހެނުން ކަމަށް މޫސަ ވިދާޅުވި އެވެ.

ތިން މީހުންގެ ބަންދަށް ވެސް ކްރިމިނަލް ކޯޓުން ވަނީ މުއްދަތު ޖަހައިދީފަ އެވެ.

ކަސްޓަމްސް އިން ބުނީ ހޮނިހިރު ދުވަހު އެއާޕޯޓުން އަތުލައިގަތް މަސްތުވާތަކެތި ހުރީ ޕެކެޓާއި ޖޫސް ޕެޓީ ކޮތަޅާއި ފިލްމު ހުސްކުރި ދަޅު ފަދަ ތަފާތު އެއްޗިއްސަށް އަޅާފައި ކަމަށެވެ.

މާލޭގައި މިދިޔަ ހުކުރު ދުވަހު ގެއެއް ބަލައި ފާސްކޮށް، 438.28 ގްރާމްގެ ހަޝިޝް ހޯދައި 34 އަހަރުގެ އަންހެނަކާއި 24 އަހަރުގެ ފިރިހެނަކު ހައްޔަރުކޮށް ތަހުގީގު ކުރަމުން އަންނަ ކަމަށް ވެސް ފުލުހުން ބުންޏެވެ.

ފުލުހުން މަސްތުވާތަކެތި ކަސްޓަމްސް

12 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖުހާ

04 October 2016

ތިމައްސަލަތައް ކޮންމެސްކޮންމެސް ކޯޓަށް ހުށަނާލާތި. ހެއްކެއްނުދެއްކޭނެ. އެހެންކޮންމެސްގޮތަކަށް ނިންމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމު

04 October 2016

ދިވެހިން ކަމެއް ބޭރު މީހުން ކަމެއް ނޭނގޭ... ތިޔަ ހޯދި އެއްޗިއްސަށް ދެން ވާނެގޮތެއް ނޭނގޭތީ ައްސަލަޔަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނު

03 October 2016

މިވިޔަފާރިން ޓެކްސް ނަގާނެނަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނާ

03 October 2016

ކޮބާ ކުއްތާ މިހާރު ހާދަ ހަބަރެއްނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުއްތީން

03 October 2016

އުމަރު ދިޔަ ފަހުމް އޭތިމެންގެ ޚަބަރު ދޭނެ މީހެއް ނެތް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރާ(ޓެކްސީ ޑުރައިވަރު)

03 October 2016

ރައްޔިތުން ކާޑުޖެހި ބިކަވަނީ! ޜަށްރަށުން މަގުތަކަށް އެއްވަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

03 October 2016

ގެޓްސެޓް ލޯނު ނަގައިގެން ހިންގާ ވިޔަފާރި ހާދަ ފުޅާވެއްޖެޔޭ އުތަ! ތިޔަ ވިޔަފާރި އެއްދުވަހުން އަނެއް ދުވަހަށް ކުރިއަރަމުން އަންނަ ކަމުގެ ހެކި ތިހިރަ އަންނަނީ ފެންނަމުން، އހ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހާރު

03 October 2016

ހާސްކަނޑާލާ ހައިކޯޓުން ނުވަތަ ސްޕްރީމް ކޯޓުން އިސްތިޢުނާފް މަރުޙަލާގައި އެނހާރު " ސަލާމަތް ވާނެ. ޠަޤީން 2018 ޔަޤީން"

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރާ(ޓެކްސީ ޑުރައިވަރު)

03 October 2016

މިހާރަކަށް އައިސް ވައިގެމަގުން ހިނގާކަންތައް ފުލުހުން ހާމަކުރަނީ ދެތިންދުވަސް ހިނގާފަހުން. ތަހުގީގައް ލަސްކޮއްފަ މީޑިއާއައްވެސް އަންގަނީ. އަހަރެން ޖައްސާމައްސަލައަކީ އެއްވެސް ކުށެއްނެތް މައުސޫމުންވެސް މިހާރަކަށް އައިސް އެބަ ހިފަހައްޓާ ދެތިންދުވަހު ބަންދުގަވެސް އެބަބަހައްޓާ ޝައްކެއްގަ. ޢެއާޕޯރޓް ތަރައްގީއަށް އެތަކެއް އެހީ ބޭރުން ލިބިފައިވާއިރު ބަހައްޓަންޖެހޭ މެޝިންތަކެއް ނެތް. ކީއްވެތޯ ސީޓީ ސްކޭން ނެތީ ! ކީއްވެތޯ ކުށެއް ނެތް މައުސޫމުން ހައްޔަރުވަނީ އެމީހުންގެ ކުށެއްނެތި ކޯޓް އަމުރު ޖަހަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޒިމާ

03 October 2016

ތިކުރެއްވި މަސައްކަތަށް ސާބަސްދެން. އެކަމަކު ތިކަންނިމޭނީ ކޯޓްތަކުން ކަަމަށްވާތީ ތިމީހުން ކުށްވެރިވާނެކަމާމެދު ޝައްކު. އިހަށް ދުވަހު މިނިވަންވީ ހަމަ ތިކަހަލަ ބޮޑެއް.