ެއެސްޓީއޯގެ މެނޭޖިން ޑިރެކްޓަރު ހުސައިން އަމްރު (ކ) ގައި
15 ޖެނުއަރީ 2020 - 15:25
6 comments
އެސްޓީއޯ އިން ހަދާ ގައުމީ ޝިޕިން ލައިނާ އެކު ރާއްޖޭގެ ވިޔަފާރިވެރިންގެ ޖީބަށް ލުއިވާނެ ކަމަށް، އެސްޓީއޯގެ މެނޭޖިން ޑިރެކްޓަރު ހުސެއިން އަމްރު، ރޭ ވިދާޅުވެއްޖެ އެވެ.
އެސްޓީއޯއަށް 55 އަހަރު ފުރުން ފާހަގަކުރަން ދަރުބާރުގޭގައި ބޭއްވި ރަސްމިއްޔާތުގައި ވާހަކަ ދައްކަވަމުން އަމްރު ވިދާޅުވީ ރާއްޖެއަކީ ގިނަ އަދަދެއްގެ މުދާ އިމްޕޯޓު ކުރާ ގައުމަކަށް ވުމުން ޝިޕިން ލައިނެއް އޮތުން މުހިންމު ކަމަށެވެ. އަދި އެކަން ކުރާނީ އެސްޓީއޯއިން ކަމަށާއި މި އަހަރު އެ މަސައްކަތް ފެށޭނެ ކަމަށް ވެސް އޭނާ ވިދާޅުވި އެވެ.
މިދިއަ އަހަރު އޮތް އެސްޓީއޯގެ އަހަރީ އާންމު ޖަލްސާގައި ވެސް އަމްރު ވަނީ ގައުމީ ޝިޕިން ލައިނެއް އުފެއްދުމުގެ ހަބަރު ދެއްވައިފަ އެވެ.
ރާއްޖެ އަކީ 1960ގެ އަހަރުތަކުގެ ފަހުކޮޅުން ފެށިގެން 1980ގެ އަހަރުތަކުގެ ކުރީކޮޅާ ޖެހެންދެން، ވަރަށް ފުޅާކޮށް ޝިޕިން ލައިނެއް ހިންގި ގައުމެކެވެ. ނަމަވެސް ޝިޕިންގެ ދާއިރާގައި ގެންގުޅޭ ބޯޓުފަހަރަށް ބޮޑު ބަދަލެއް އައިސް، ކޮންޓޭނަރު އުފުލުން އާންމުވުމާ އެކު، އެ ތަރައްގީއާ އެއްވަރަށް އިންވެސްޓްކުރެވޭނެ ގޮތެއް ނެތިގެން އޭރުގެ ގައުމީ ޝިޕިން ލައިން އަޑިއަށް ދިޔައީ އެވެ.
"މިކަން އަޅުގަނޑުމެން ކުރުމުގެ މަގުސަދަކީ ވިޔަފާރިވެރިންގެ ޖީބަށް ލުއިކުރުން. މީގެ ނަތީޖާއެއްގެ ގޮތުން ރާއްޖެއަށް ގެންނަ މުދާ އަގު ހެޔޮވެ، ރައްޔިތުންނަށް ފަސޭހަކަމާ އެކު އަގުހެޔޮކޮށް މުދާ ލިބޭނެ،" އަމްރު ވިދާޅުވި އެވެ.
އެސްޓީއޯއަކީ ރާއްޖެއަށް އެންމެ ގިނަ އަދަދަކަށް މުދާ އެތެރެކުރާ އެއް ކުންފުންޏެވެ. އޭގެ ތެރޭގައި ކާޑުގެ ބާވަތްތަކާއި އިމާރާތް ކުރުމަށް ބޭނުންވާ ސާމާނާއި ގޭތެރެއަށް ބޭނުންވާ ސާމާނު ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
16 January 2020
އިންޑިޔާއާއި ރާއްޖެއާއިދޭތެރޭ ތިޔަކަން ރަނގަޅަށް ނުކުރެވެންޔާ ހުއްޓަލާ ތިޔަކަން މިއުޅެނީ ވޮރާވިޔަފަރިވެރިންއަތުން މިޤައުމު ސަލާމަތްނުވެގެން އިންޑިޔާމީހުން މުދާމިތަނަށް ފޮނުވަނީ އެމީހުންގެ.އަމިއްލަ ބޯޓުން އަދި ވިއްކަނީ މިކޮޅުގަ ހަމަ އެ އިންޑިޔާމީހުންގެ ވިޔަފާރީގައި އެހެން މީހުންގެ މުދަލެއް ލައެއްނުދޭ ކޮން ކޮންޓެނަރ ބޯޓެކޭ ކިޔާކަށް
ބަޑީ
15 January 2020
"މިކަން އަޅުގަނޑުމެން ކުރުމުގެ މަގުސަދަކީ ވިޔަފާރިވެރިންގެ ޖީބަށް ލުއިކުރުން. މީގެ ނަތީޖާއެއްގެ ގޮތުން ރާއްޖެއަށް ގެންނަ މުދާ އަގު ހެޔޮވެ، ރައްޔިތުންނަށް ފަސޭހަކަމާ އެކު އަގުހެޔޮކޮށް މުދާ ލިބޭނެ" އާއްމު ރައްޔިތުމީހާއަށް އަގެއްހެވެއް ނުވޭ!! ސަރުކާރުން ދޭ ތަފާތު ލުއިފަސޭހަތަކުގެ ފައިދާ ނަގަނީ ވިޔަފާރިވެރިޔާ. ސަރުކާރަށް މިކަން މޮނީޓަރއެއް ނުކުރެވޭ. ތީގެވެސް ހުރިހާ ފައިދާއެއް ވިޔަފާރިވެރިޔާއަށް.
އާދަމް ބާއީ
15 January 2020
އަހަރެއްވެގެން މިދިޔައީ. ޖީބު ބަރެއްނުވޭ. ޖީބުވަނީ ލުއި.
ބަޑީ
16 January 2020
ނަސީބެއްނު އިތުރަށް ޖީބަށް ބަރުނުވާކަން. ޖީބަށް ލުއިވިވަރެއް ޖީބަށްވެސް އަދި މީހާއަށްވެސް ފަސޭހަވާނީ.
ބޭރު
15 January 2020
ވާނެބޭ!!!!!!!
އޮނަރަބްލް އަފީފު ދީދީ
15 January 2020
ކަނޑައަޅާންވީ ފުރަތަމަ ރާއްޖެއަށް ބޭނުންވަނީ ޑޮކްޔާޑެއްތޯ ނުވަތަ ޝިޕިންގ ލައިނެއްތޯ؟ # އެކިނަންނަމުގައި ލޮޖިސްޓިކް އޮފީސްތައް ހަދައިގެން ތިބެ ލަންކާމީހުން ހަމައެއްލަމައެއްނެތި ދިވެހި ވިޔަފާރިވެރިން އަތުން ނަގާން ނުޖެހޭ އެތައް ޗާޖެސްތައް ނަގަމުންދާއިރު އެކަން ނުހުއްޓުވުމަކީ ސަރުކާރުގެ ދޯހަޅިކަން. # އެމްޕީއެލްއަށްވެސް ކުރެވުނު ކަމަކީ ހަމައެކަނި ނޫސް ބަޔާންގަނޑެއް ނެރެފައި މިވެނި އެވެނި ޗާޖަކީ ތިމަންނާމެން ނަގާޗާޖެއްނޫން ކަމަށް ބުލެލުން.