ޚަބަރު / އިބްރާހިމް އަމީރު، ކުރީގެ ފިނޭންސް މިނިސްޓަރު

ލޯނުތައް ނުދެއްކިދާނެ ކަމުގެ ބިރެއް ނެތް: އަމީރު

އޯޕެކް ފަންޑުން ދިން 50 މިލިޔަން ޑޮލަރުގެ ލޯނުގެ އެއްބަސްވުމުގައި ސޮއިކުރުމުގެ ރަސްމިއްޔާތުގައި ފިނޭންސް މިނިސްޓަރު އިބްރާހީމް އަމީރު ވާހަކަ ދައްކަވަނީ. އޭނާ ވިދާޅުވީ ލޯނުތައް ނުދެއްކިދާނެ ކަމުގެ ބިރެއް ނެތް ކަަމަށް. ފޮޓޯ: ހުސައިން ވަހީދު/މިހާރު

މުހައްމަދު ނަސީމް، މިހާރު

16 ޖެނުއަރީ 2020 - 14:28

9 comments

ދައުލަތުގެ ދަރަނި، ޖީޑީޕީ އިތުރުވާނެ ކަމަށް ލަފާކުރާ މިންގަނޑަށް ވުރެ މައްޗަށް ނުދާ ކަމަށާއި އެހެންވީމާ ދައުލަތުން ނަގާފައިވާ ލޯނެއް ނުދެއްކިދާނެ ކަމުގެ އެއްވެސް ބިރެއް ނެތް ކަަމަށް ފިނޭންސް މިނިސްޓަރު އިބްރާހީމް އަމީރު މިއަދު ވިދާޅުވެއްޖެ އެވެ.

އޯޕެކް ފަންޑް ފޯ އިންޓަނޭޝަނަލް ޑިވެލޮޕްމެންޓް އިން ރާއްޖެ އަށް ދިން 50 މިލިޔަން ޑޮލަރުގެ ލޯނުގެ އެއްބަސްވުމުގައި ސޮއިކުރުމަށް ހޮޓެލް ޖެންގައި މިއަދު ބޭއްވި ރަސްމިއްޔާތަށް ފަހު އޮތް ނޫސްކޮންފަރެންސްގައި އަމީރު ވިދާޅުވީ މި އަހަރު ރާއްޖޭގެ އިގުތިސާދު 7.5 ޕަސެންޓުން ކުރިއަރާނެ ކަމަށް ލަފާ ކުރެވޭ ކަމަށާއި އެހެންވީމާ މިހާރުން މިހާރަށް ނުރައްކަލެއް ނެތް ކަމަށެވެ.

އޯޕެކް ފަންޑުން ދިން ލޯނަކީ ހަތަރު ޕަސެންޓްގެ އިންޓަރެސްޓް ރޭޓަކާ އެކު 20 އަހަރު ދުވަހުން ދައްކާ ގޮތަށް ނެގި ލޯނެކެވެ. އެ ލޯނު ދައްކަން ފަށަން ޖެހޭނީ ފަސް އަހަރު ފަހުންނެވެ.

އޯޕެކް ފަންޑުން ރާއްޖެ އަށް ދިން 50 މިލިޔަން ޑޮލަރުގެ ލޯނުގެ އެއްބަސްވުމުގައި ސޮއިކުރުމަށް ހޮޓެލް ޖެންގައި އެ ޖަމިއްޔާގެ ޑިރެކްޓަރު ޖެނެރަލް އަބްދުލް ހާމިދު އަލް ޚަލީފާ (މ) އަދި ފިނޭންސް މިނިސްޓަރު އިބްރާހީމް އަމީރު. ފޮޓޯ:ހުސައިން ވަހީދު/ މިހާރު

ދައުލަތުގެ ދަރަނި ބޮޑުވާތީ ވޯލްޑްބޭންކާއި އައިއެމްއެފުން ފާއިތުވި ދެތިން އަހަރު ވެސް ކަންބޮޑުވުން ފާޅުކުރި އެވެ. އެ ކަންބޮޑުވުންތައް އޮއްވައި އިތުރު ލޯނުތައް ނަގާ އިރު، ދައުލަތުގެ ދަރަނީގެ މިހާރުގެ ހާލަތަކީ ކޮބައިތޯ "މިހާރު"ން ދެންނެވި ސުވާލަށް ޖަވާބު ދެއްވަމުން އަމީރު ވިދާޅުވީ މިހާރު ހުރި ދަރަނިތައް ދެއްކުމުގެ ގާބިލުކަން ރާއްޖޭގެ އެބަހުރި ކަމަށެވެ.

"އަޅުގަނޑުމެންގެ ލޯނުތައް ނުވަތަ ދަރަނިތައް ޑިފޯލްޓް ވުމުގެ ނުރައްކަލެއް ނެތް. އަޅުގަނޑުމެންނަށް ދަރަނިތައް ދެއްކޭނެ،" އޭނާ ވިދާޅުވި އެވެ.

އަމީރު ވިދާޅުވިގޮތުގައި ރާއްޖޭގެ އިގުތިސާދުގެ މުހިއްމު ދާއިރާއެެއް ކަމަށްވާ ޓޫރިޒަމް މިދިޔަ އަހަރުން ފެށިގެން އަންނަނީ ކުރި އަރަމުންނެވެ. އެގޮތުން މިދިޔަ އަހަރު ރާއްޖެ އަށް ރެކޯޑް އަދަދަކަށް ޓޫރިސްޓުން އައި ކަމަށާއި ރާއްްޖޭގެ އިގުތިސާދު މިއަހަރު 7.5 ޕަސެންޓުން ކުރިއަރާނެ ކަމަށް ލަފާ ކުރެވޭ ކަމަށް އޭނާ ވިދާޅުވި އެވެ.

Dharani nudhekkey goiy vumuge nurakka bodu, sarukaaruge siyaasathu rangalhu: IMF

The most trusted news source in the Maldives

Mihaaru

އިންޓަނޭޝަނަލް މަނިޓަރީ ފަންޑް (އައިއެމްއެފް) އިން މިދިޔަ އަހަރު ވެސް ބުނީ ރާއްްޖޭގެ ދަރަނީގެ ހާލަތު ގޯސްކަަމަށާއި ރާއްޖެ އަށް "ޑެޓް ޓިސްޓްރެސް"އެއް ކުރިމަތި ވުމުގެ ނުރައްކާ އެބަ އޮތް ކަަމަށެވެ. އެކަމަކު ހާލަތު ރަނގަޅުކުރަން ރާއްޖޭން މަސައްކަތް ކުރަމުން އަންނަ ގޮތް ރަނގަޅު ކަމަށް ވެސް އައިއެމްއެފުން ބުންޏެވެ.

މިދިިޔަ އަހަރު އައިއެމްއެފްގެ ފަރާތުން ރާއްޖެ އަށް އައި ވަފުދުގެ ވެރިޔަކަށް ހުންނެވި ފިިލިޕް ކަރެމް ވިދާޅުވީ ދެމެހެއްޓެނިވި ގޮތަކަށް ރާއްޖޭގެ ކަންކަން ކުރިއަށް ގެންދަން ދައުލަތުގެ ދަރަންޏާއި ދައުލަތުން ގެރެންޓީ ދީގެން ނަގާ ދަރަނި ފަރުވާތެރިކަމާ އެކު މެނޭޖްކުރަން ޖެހޭ ކަމަށެވެ.

އިގްތިސާދު ތަރައްގީގެ މަޝްރޫއުތައް އޯޕެކް ސަރުކާރު ލޯނު އިބްރާހިމް އަމީރު، ކުރީގެ ފިނޭންސް މިނިސްޓަރު

9 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހައްޕުޕު

17 January 2020

މިދިޔަ އަހަރު ބަޖެޓަށްވީ ގޮތެއްނޭނގޭ..ފޮނިވާހަކަނުދައްކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރުބެ

17 January 2020

ބިރެއް ނޮއޮންނާނެނޫންތޯ، ޕްރޮޖެކްޓް ހިންގަނީއެއްނޫން، ބަޔަކު ޕްރޮޖެކްޓް ހިންގައިފިއްޔާ ފައިސާދެނީއެއްނޫން، ހުރިހައި ޕްރޮޖެކްޓެއް އެމްޓީސީސީއާއި ހަވާލުކޮށް އެމީހުން އުޅެނީ ޕްރޮޖެކްޓް ނުހިންގިގެން ފައިސާނެތިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީފު

17 January 2020

ދަރަނި ވަނީއޭ ލޯނު ގިނައީއޭ ކިޔާފައި ޔާމީނު ގެ ވެރިކަކަމަށް އަޔަނުދިނީ ތަރައްގީ މަޑު ޖައްސާފައި..މިހާރު ލޯނުވެސް އޯކޭ،،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްކާނުބެ

16 January 2020

ރާއްޖޭގެ ދަރަނި ބޮޑުވެ ދަރަނިދޭ ބޭންކުތަކުން ރާއްޖެ ނީލަންކިޔާފާނެތީ ބިރުން ލޮލުފިޔައެއް ނުޖެހިގެން އުޅުނު މީހުން މިއަދު މިކިޔާ ލަވައެއް ހަމަ ނުވިސްނުނު، އެބުނާ ރައްޔިތުން ދަރުވާލާފަ ނެގިލޯނުތައް ހުރިގޮތަށް ހުއްޓާ މަތިމައްޗަށް އަނެއްކާވެސް ލޯނުތައް ނަގަމުން ދަރަނި ނުދެއްކޭނެ ކަމުގެ ބިރެއްނެތޭ ބުނުމުން އަންތަރީސްވަރުވާވަރުވޭ، ރަނގަޅީ ކޮންގޮތެއްތޯ ނުބައީ ކޮންގޮތެއްތޯ އޮޅޭ ހިސާބަށް މިވެރިންގެ ވާހަކަތައް ގޮސްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބު.

16 January 2020

ހަބަރުކިޔާލީމަ އެނގުނީ ފަތުރުވެރިކަން ކުރިއަރާފަވާ މިންވަރު މަރުހަބާ ޔާމީން މިމީހުން މިނިމަމް ވޭޖޭ ކިޔައިގެން ވެރިކަމައްއަރާ މުވައްޒަފުން ބިކާރީ ކޮއްފި ޔާމީނުނެތުމުން ޔާމީނު ކޮއްދިން ކަންކަން އެނގެނީ ދެރައީ ހިއްސާ ނުދެވުނީމަ ސިޔާމު ރީކޯ ޗަންޕާ ފަދަބައެއްގެ އަތްދަށުވީމަ ވީގޮތް ރައްޔިތުންގެ ބާރުގަދަވާނެ މިސަރުކާރު ބަދަލު ކުރާނެ ރިސޯޓު މުވައްޒަފުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

16 January 2020

ރައްޔިތުން ބިކަ ހާލުގަ ޖެހުނަސް ސަރުކާރު ދިފާއު ކުރާނަމަ.މަގާމް.ގެއްލޭ ނެ.ކަމުގެ ބިރެއް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަލީ

16 January 2020

ވެރިކަން ލިބެންދެން ތިޔަ އަމީރު ޓީވީއަށް އަރާ އިނދެގެންކީ ތިވަރަށް ނުނަގާށޭ! އަހަރުމެންގެ ދަރިންގެ ދަރިނެގ ބަލިގަ ދަރަނި އަޅުވަނީއޭ! އޭރު ކީ ހުރިހާ މާލޫދެއް ފަރިއްސަށް ވެ ނިމިއްޖެ! އޭރުވެސްކީ މާލޫދު މިހާރުވެސް މިކިޔަނީ! ވަރަށް ސަލާން! މަގޭ ވޯޓް މިފަހަރު ނުދޭންނ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެލާ

16 January 2020

ރިޔާސީ އިންތިޚާބެއް ނުވަތަ މަޖްލިސް އިންތިޚާބެއް އަންނަނަމަ ކުރީ ސަރުކާރުން ނަގާފައިވާ ދަރަންޏާ ހެދި ގައުމު ދަރައިގެން ބިރުން މި ސަރުކާރަށް ވޯޓްލާންޖެހިފަ އޮންނާނީ. އެ ސަރުކާރުން ނެގި ދަރަނިން ދަރިންގެ ދަރިންނަށް ދަންދެން ދަރާތީ ކޮންމެހެންވެސް މިސަރުކާރަށް ވޯޓް ލާންޖެހޭ ކަމަށް ބުނާނީ. ވަރަށް ފާޅުގަ ރައްޔިތުންނަށް އެތިބަ ބިރުދައްކާލަނީ އެމީހުންނަށް ވޯޓްނުލައިފިއްޔާ މިހާރު ސަޔަށް ކާން ލިބޭ ބިސްކޯދުކޮޅުވެސް ދެން ނުދޭނަމޭ ބުނާ ފަދައިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީ ހާޖީ

16 January 2020

ލާރިތައް ތަޅާތިބުރުވަނީ އެހެންވީމާދޯ. ދަރަނިވެރިވީމާ ބޮޑުންތައް ކަނޑާލާނީ ޕެރިހަށާ ލަންޑަނަށާ ސިންގަޕޫރަށް. ދެރަނިކަމެތިމީހާ ގަނަތެޅޭނީ. އެހެންވީމާ ބޮޑުމީހާއަށް ނޯންނާނެތާ ބިރެއް ޓުރިލިއަނުން ދެރިޔަސް.