ކުރީގެ އުއްތަމަ ފަނޑިޔާރު ފާއިޒް: ސުޕްރީމް ކޯޓުގެ ފަނޑިޔާރު ކަމަށް އެމަނިކުފާނު އައްޔަން ކުރަން ނުފެންނަ ކަމަށް ލަފާ އަރުވަން ޖޭއެސްސީން ވަނީ ނިންމާފައި -- ފޮޓޯ/މިހާރު
16 ޖެނުއަރީ 2020 - 13:49
28 comments
ސުޕްރީމް ކޯޓުގެ ފަނޑިޔާރު ކަމަށް ކުރީގެ އުއްތަމަ ފަނޑިޔާރު އަހުމަދު ފާއިޒް ހުސައިން އައްޔަން ކުރަން ނުފެންނަ ކަމަށް ރައީސް އިބްރާހިމް މުހައްމަދު ސޯލިހަށް ލަފާ އަރުވަން ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.
ސުޕްރީމް ކޯޓުގެ ފަނޑިޔާރު ކަމަށް ފާއިޒް އައްޔަން ކުރުމާ މެދު ޖޭއެސްސީގެ ލަފައަކަށް އެދިވަޑައިގެން ރައީސް އެ ކޮމިޝަނަށް ފޮނުއްވުމުން، ކުރިން އޮތީ ފާއިޒްގެ ނަމާ މެދު ލަފާ ދިނުން މަޑުޖައްސައިލައިފަ އެވެ.
ޖޭއެސްސީން މިއަދު ނެރުނު ބަޔާނެއްގައި ވަނީ އުއްތަމަ ފަނޑިޔާރުގެ މަގާމުގަ އާއި އޭގެ ކުރިން ސުޕްރީމް ކޯޓުގެ ފަނޑިޔާރެއްގެ މަގާމުގައި ފާއިޒް ހުންނެވިއިރު، އެ ކޯޓުގެ އިހްތިސާސްގެ ބޭރުން ނިންމި ނިންމުންތަކުގައި ބައިވެރިވެވަޑައިގެންފައިވާ ކަމަށް އެކަމާ ބެހޭގޮތުން އެ ކޮމިޝަނުން އެކުލަވައިލި ދިރާސާ ރިޕޯޓުގައި ފާހަގަ ކޮށްފައިވާ ކަމަށެވެ. އެހެންވެ، ސުޕްރީމް ކޯޓުގެ ފަނޑިޔާރު ކަމަށް ފާއިޒް އައްޔަން ކުރަން ނުފެންނަ ކަމަށް ރައީސަށް ލަފާ އަރުވަން ނިިންމާފައިވާ ކަމަށް ޖޭއެސްސީން ބުންޏެވެ.
ގާނޫނުއަސާސީ ބުނާގޮތުން ސުޕްރީމް ކޯޓަށް ފަނޑިޔާރުން އައްޔަން ކުރެވޭނީ ޖޭއެސްސީގެ ލަފާގެ މަތިން ރައްޔިތުންގެ މަޖިލީހަށް ރައީސް ފޮނުއްވާ ނަންފުޅުތަކަކަށް ބިނާކޮށް، އެ މަޖިލީހުންނެވެ.
އުއްތަމަ ފަނޑިޔާރުގެ މަގާމުގައި ހުންނަވަނިކޮށް ސުޕްރީމް ކޯޓުގެ ފަނޑިޔާރުންގެ ބެންޗު ކުޑަކުރުމުގެ ގޮތުން ކަމަށް ބުނެ ފާއިޒް މަގާމުން ވަކިކުރީ 2014 ވަނަ އަހަރު އެވެ.
ފާއިޒް، ސުޕްރީމް ކޯޓަށް އައްޔަންކުރަން ނުފެންނަ ކަމަށް ޖޭއެސްސީން ނިންމިއިރު، އެ ކޯޓުގެ ފަނޑިޔާރު ކަމަށް ފަސް ބޭފުޅަކު ދާދި ފަހުން ވަނީ އައްޔަން ކުރައްވައިފަ އެވެ.
ސުޕްރީމް ކޯޓުގެ ފަނޑިޔާރުންގެ ބެންޗުގައި މިހާރު ތިއްބެވީ އުއްތަމަ ފަނޑިޔާރު އަހުމަދު މުއުތަސިމް އަދުނާނާއި ފަނޑިޔާރު ޑރ. އަޒްމިރަލްދާ ޒާހިރާއި ފަނޑިޔާރު ހުސްނުއްސުއޫދުގެ އިތުރުން ފަނޑިޔާރު އައިޝާ ޝުޖޫން މުހައްމަދު އަދި ފަނޑިޔާރު މަހާޒް އަލީ ޒާހިރެވެ.
ސުޕްރީމް ކޯޓުގައި އަދި އިތުރު ދެ މަގާމެއް ހުސްކޮށް އެބައޮތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުށި
16 January 2020
ބޮޑުތިލަދުންމަތީ މީހުން ފަނޑިޔާރުކަމަށް ގެންނާކަށް ރައީސް ނަޝީދު ބޭނުންފުޅެއް ނުވާނެ.
ތައްކާނުބެ
16 January 2020
ހަރުގެ ޑިވިޜަނުން ނިންމާ އިޢުލާން ކުރާގޮތްތައް ތަންފީޛުވެގެންދާތަން މިފެންނަނީ، މިކަންކަމާމެދު ވިސްނާ ސަމާލުވާނެ ބަޔަކު ތިބިކަން ދަނެގެން ތިބެންވާނީ.
ޓަޓަސްޓަސް
16 January 2020
ސްޕްރިމް ކޯޓަށް ބޭނުންވަނީ އެކްޓިވިސްޓުން. ޓަސްލާފަ އެކޮޅަށް ހުކުމް ކޮށްލެވޭ މީހުން
ލާ ލާ ލާ ދީ
16 January 2020
މިސޮރު ހީކުރީ އެމްޑިޕީއިން މިސޮރު ހޮވާނެ ކަމަށް. މިކަލޯގެ ގައިގަ އެހެން ސިފައެއް ހުރިނަމަ ހޮވީސް
ކޮސްގޮވާ
16 January 2020
ފާއިޒް ލެވުނުނުމަ ސަރުކާރުން ކުރަންޖެހޭ ހަރަދުކުޑަވާނެ. މިހާރު ދޭ ރިޓަޔމެންޓް ސެލެރީ ކެޑޭނެތީ. އެކަމަކު ކަމަކުނުދޭ.
އިގިރޭސި ނުދަންނަ
16 January 2020
"ބަކަރި" ކާލަން ވިމުން، ސިންގާ ވަރަށް އުޒުރު ދައްކާނެއެވެ. މިވެސް އެފަދަ ކަމެކެވެ.
ހީލަތް ތެރި
16 January 2020
މުޢުތަސިމް އަދުނާނު، ޑަބަލް ހައިލީ ރެކޮމަންޑާޑް ވެފައި ފާއިޒް ހުސޭން، އެލިޖަބަލް ނުވި ސަބަބެއް ނުވިސް ނުނެވެ. ހަމައިން ކަންތަށް ކުރަން ގޮވާލަމެވެ
ޔޫސޭ.
16 January 2020
ހީލަތް ތެރި އަށް މުއުތަސިމް އަދުނާނާއި ފާއިޒު ހުސޭން ގެ ތަފާތު ނޭގޭނަމަ އަދި އެދެމީހުންގެ ތައުލީމީ ފެންވަރު އެގިފައިނުވާނަމަ ވާހަކަ ނުދައްކާ މަޑުން ހުރޭ.
އަލީ ރާޖާ
16 January 2020
ރީނދޫ ހަރުގޭގަ ކައްކާފަ ހުންނަ ރިހަ ތެއްޔަށް ބޯ ނުކޮށްޕާ މީހަކު ކަމަކު ނުދާނެ. ފާއިޒުވެސް ބޭނުމިއްޔާ ދޭ އެތަނަށް. އެއީ ހަމައެކަނި ކޮލިފިކޭޝަންސްއަކީ.
އިބިރިހިންބެއްޔާ
16 January 2020
ޖޭއެސްސީ އަށް މަރުޙަބާ.
ގަސަސަ
16 January 2020
ނަޝީދު ޖޭއެސްސީ އަށް ސަވާރުވެ އެ އިނީ އެމަގުންވެސް ރައީށް ސޯލިހުގެ ބާރު ދުއްވާލަން. ނަޝީދު ނުރުހޭކަމެއް މިއަދު ރައީށް ސޯލިހްއަށް ކުރެވޭނެ އެއްމަގެއްވެސް މިއަދަކު ނެތް.