އެމްޑަބްލިއުއެސްސީގެ މެނޭޖިން ޑިރެކްޓަރަކަށް ހުންނެވި އާޒިމް (ކ) ޝާހު.-- މިހާރު ފޮޓޯ
21 ޖެނުއަރީ 2020 - 15:45
38 comments
އެމްޑަބްލިއުއެސްސީގެ މެނޭޖިން ޑިރެކްޓަރު އަލީ އާޒިމް އެމްޓީސީސީ އަށް އަދި އެމްޓީސީސީގެ މެނޭޖިން ޑިރެކްޓަރަކަށް ހުންނެވި ހަސަން ޝާހު، އެމްޑަބްލިއުއެސްސީ އަށް މިއަދު ބަދަލުކޮށްފި އެވެ.
ސަރުކާރުގެ ކުންފުނިތަކުގެ ކަންކަން ބެލެހެއްޓުމުގެ ޒިންމާ އަދާކުރާ ޕްރައިވަޓައިޒޭޝަން އެންޑް ކޯޕަރަޓައިޒޭޝަންގެ ބޯޑުގެ ރައީސް ހަސަން ވަހީދު "މިހާރު" އަށް ވިދާޅުވީ، އެ ދެ ކުންފުނީގެ ވެރިން ބަދަލުކުރީ ހިންގުން ރަނގަޅު ކުރުމަށް ކަމަށެވެ. އެކަމާ ގުޅޭ އިތުރު ތަފްސީލެއް ނުދެއްވަ އެވެ.
ފެން ކުންފުނީގެ އެމްޑީ އަކަށް އާޒިމް އައްޔަން ކުރީ ނޮވެމްބަރު 29، 2018 ގަ އެވެ. އެމްޓީސީސީ އަށް ޝާހު ހަމަޖެއްސީ ޑިސެމްބަރު 12، 2018 ގަ އެވެ. އެ ދެ ބޭފުޅުންނަކީ ވެސް ސަރުކާރު ހިންގާ ކޯލިޝަންގައި ހިމެނޭ ޖުމްހޫރީ ޕާޓީގެ ކައުންސިލްގެ ދެ މެމްބަރުންނެވެ.
ސަރުކާރުގެ ކުންފުނިތަކުގެ ތެރެއިން މެނޭޖިން ޑިރެކްޓަރަކު މިހާތަނަށް ހަމަޖައްސާފައި ނުވަނީ ވެލާނާ އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އަށެވެ. އެއީ ސަރުކާރުގެ ކުންފުނިތަކަށް ބަލާއިރު، އެންމެ ބޮޑު އަދި އެންމެ ބޮޑު އާމްދަނީ ވެސް ހޯދާ ކުންފުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންކުންފުނި
22 January 2020
މިހާރު ތިވީ ގޮތުން ފެން ކުންފުނީގެ އެންމެ އިސް ދެމަގާމުގަވެސް އައި ކިއުލެވެލް ރާމާމަކުނާ އެއްވަރު ވީ. ދެން ވާ އެއްޗެއް ބަލަމާ
ވިސްނޭ
22 January 2020
އެމް ޑަބުލިޔު އެސް ސީ ގެ މުވައްޒަފުން ޖަލުން ސަލާމަތްކޮށްދިނީތީ ތޭންކްސް.
ސަރަކަގުޑި
22 January 2020
ސަޅި ބަދަލެއް.............ޝާހު ވަރަށް ކަޓުނަގައިފި މި ވެރިކަމުގެ ފުރަތަމަ ދެހަފުތާ ތެރޭގައިވެސް.....
ރަންދެލި
22 January 2020
ތި ދެބޭފުޅުންނަކީ ވެސް ކުންފުނި ހިންގުމުން ފެއިލް ވެފަ ތިބި ދެބޭފުޅުން. ތިޔަ މީހުން ލައިގެން މިކަމެއް ނުވާނެ!
ބޮލި މުލައް
22 January 2020
ހައްތާވެސްވެސް މީދާކޭ އުނބު.
ޝާޑު
21 January 2020
ކޮން އިރަކުން އެމްޕީއެލް ގެ އެމްޑީ ބަދަލު ކުރާނީ؟ އަވަސް ކޮއްދެއްވާ....!
ކޮންސާންޑް ސިޓިޒަން
21 January 2020
އަދިވެސް އެމްއޭސީއެލް އަށް ލެވޭވަރުގެ އެމްޑީއެއް ނުފެނޭ؟
އަލިފުޅުގެ ބަސް
21 January 2020
އެމް.ޑީ ކަން ކުރެވޭނެ އިތުރު މީހަކު ހަމަ ނެތީތަ؟
އަމީނާ
21 January 2020
ނާޒިމް ބެރިކަމަށް ގެންނަނީ، އަންނި ބޭރުވަނީ ?
އިބުރާބެ
22 January 2020
ބެރިކަމަށްތަ؟ ވެރިކަމަށްތަ؟
ނަޝީދު.
21 January 2020
ސަރުކާރުގެ ފުރަތަމަ ބަދަލު. ދެން ފެނިގެން ދާނީ ޑޮމިނޯއެއްހެން އެތަން މިތަނުން މީހުން ބަދަލުވެގެން ދާތަން. ފުރަތަމަ ފިޔަވަޅު ތި އެޅުނީ.