ސީރިއާގެ ވެރިރަށް ދިމިޝްގުގެ އިރުމަތީގައިވާ ހިސާބަކަށް އިއްޔެ ދިން ވައިގެ ހަމަލާތަކުގައި ހަލާކުވި އިމާރާތްތަކުގެ ދަށުން ކުޑަ ކުއްޖަކު އެއްޗެހި ހޮވަނީ: ހަލަބު ސިޓީން ސަރުކާރު ސިފައިން ވަނީ ކުރިއަރަން ފަށާފައި. --ފޮޓޯ:އޭއެފްޕީ
04 އޮކްޓޯބަރ 2016 - 16:48
1 comments
ދިމިޝްގު (އޮކްޓޯބަރު 4) - ސީރިއާގެ ހަލަބު ސިޓީގެ އެންމެ މުހިންމު އެއް ހިސާބުން އިދިކޮޅު ހަނގުރާމަވެރިންގެ މައްޗަށް ސަރުކާރު ސިފައިން ކުރި އަރަމުން އަންނަ ކަމަށް މޮނިޓާރިން ގްރޫޕަކުން ބުނެފި އެވެ.
ހަލަބުގެ އިރުމަތީގެ ސުލައިމާން އަލް ހަލަބީގެ މެދުތެރޭން ބޮޑެތި އިމާރާތްތައް ސަރުކާރު ސިފައިން ހިފާފައިވާ ކަމަށް ސީރިއަން އޮބްޒަވޭޓަރީ ފޯ ހިއުމަން ރައިޓްސް އިން ވަނީ ބުނެފަ އެވެ. އަދި ސަރުކާރު ސިފައިން މިހާރު ދަނީ ހަލަބީގެ އުތުރުން އިދިކޮޅު ހަނގުރާމަވެރިން ފަހަތަށް ޖައްސަމުން ކަމަށް ވެސް އޮބްޒަވޭޓަރީން ބުންޏެވެ.
"މިއަދު ބަދަލު ކުރި ހަމަލާތަކަށް ފަހު ސަރުކާރު ސިފައިން މިހާރު ވަނީ ބުސްތާން އަލް ބާޝާއާ ދިމާލުން ކުރިއަރަން މިސްރާބު ޖަހާފައި،" އޮބްޒަވޭޓަރީގެ ޑިރެކްޓަރު ރާމީ އަބްދުއްރަހުމާން ވިދާޅުވި އެވެ.
އޭނާ ވިދާޅުވީ އެއް ދުވަސްވަރެއްގައި ސަރުކާރުގެ އިދާރީ މަސައްކަތްތައް ހިންގި އުސް އިމާރާތްތައް ސަރުކާރު ސިފައިން އަތުލަމުން ދަނީ އެ އިމާރާތްތަކުގައި ތިބެގެން މުޅި ސަރަހައްދު މޮނިޓާ ކުރަން ކަމަށެވެ.
ރަޝިޔާ ސިފައިންގެ ވައިގެ ހަމަލާތަކާ އެކު ހަލަބުގެ އިރުމަތީގައިވާ ސަރަހައްދުތައް އިދިކޮޅު ސިފައިންގެ އަތް ދަށުން ހިފުމުގެ އޮޕަރޭޝަން ސަރުކާރު ސިފައިން ފެށީ މިދިޔަ މަހު 22 ގަ އެވެ.
ސީީރިއާގެ ފަސް އަހަރުވީ ހަނގުރާމައިގައި މިހާތަނަށް ވަނީ ތިން ލައްކައެއްހާ މީހުން މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު
04 October 2016
ހަލަބުގަ ހަނގުރާމަ ކުރާނެ ބަޔަކު އެބަ ތިބި ހެއްޔެވެ؟ ބޮން އަޅާ އިމާރާތް ތައް ވަނީ ފުނޑު ފުނޑު ކޮށްލާފައެވެ. އެތާގަ ދިރުން ހުރި ހެނެއް ހިއެއް ނުވެއެވެ. ދެން އެދައްކަނީ ކޮން ހަނގުރާމަ އެއްގެ ވާހަކަ އެއް ހެއްޔެވެ؟ ބޮން އަޅާ ބޯޓުތައް ހުރީ ރަޝިޔާ އާއި އެމެރިކާ ފަދަ ގައުމުތަކުގައެވެ. ހަނގުރާމަ ކުރާ ޖަމާއަތް ތަކުގެ އަތުގަ ބޮން އަޅާ ބޯޓު ތަކެއް ނެތެވެ.