އިންޑިއާގައި 60 އަހަރުގެ މާމައަކާއި 22 އަހަރުގެ ޒުވާނެއްގެ ލޯބީގެ މައްސަލަ ޕޮލިހަށް

މައްސަލަ ހުށަހެޅި ޕޮލިސް ސްޓޭޝަން.

އަހުމަދު އަދްޝަން، މިހާރު

25 ޖެނުއަރީ 2020 - 08:19

އިންޑިއާގައި 22 އަހަރުގެ ފިރިހެނަކު ހަތް ދަރިންނާއި ހަތް މާމަ ދަރިން ތިބި 60 އަހަރުގެ މީހަކާ ހިތާވެ، މި ދެ މީހުންގެ ލޯބީގެ ކުޅިގަނޑު ހޫނުވެ އެންމެ ފަހުން ފުލުހުންނަށް ރިޕޯޓްކޮށްފި އެވެެ.

އެ މީހުންގެ ވަނަވަރު ހާމަނުކޮށް މީޑިއާތަކުން ބުނީ އާގްރާގެ ޕްރަކާޝް ނަގަރުގައި ފެންމަތިވެގެން އުޅޭ މި މައްސަލަ ފުލުހުންނަށް ބުރާސްފަތި ދުވަހު ރިޕޯޓްކުރީ އަންހެން މީހާގެ ފިރިމީހާ ކަމަށެވެ.

މި މައްސަލާގައި އަންހެން މީހާ އާއި އޭނާ ހިތާވެގެން އުޅޭ ޒުވާނާ އިތާމުއްދުދައުލާ ޕޮލިސް ސްޓޭޝަނަށް ހާޒިޒުކުރުމުން މައްސަލަ އިތުރަށް ހޫނުވެ، އަންހެން މީހާގެ ފިރިމީހާ އާއި ލޯބިވެރިޔާ ދެމެދު ޕޮލިސް ސްޓޭޝަނުގެ ތެރޭގައި މާރާމާރީ ވެސް ހިންގާފައިވާ ކަމަށެވެ.

ފުލުހުން ވަނީ ޒުވާނާގެ ސަބަބުން ހާޖާނުގަނޑަކަށް މަގުފަހިވެފައިވާ ކަމަށް ބުނެ އޭނާގެ މައްޗަށް ދައުވާ ކުރަން ނިންމައިފަ އެވެ.

އަންހެން ބުނެފައި ވަނީ ބޭނުން ވަނީ ފިރިމީހާ ކައިރިން ވަރިވެ، ޒުވާން ލޯބިވެރިޔާއާ ކައިވެނިކުރަން ކަމަށެވެ. އަދި އާއިލާ އިން އެ މީހުންގެ ގުޅުމަށް ހުރަސް އެޅިޔަސް، ގުޅުން ނިމުމަކަށް ނުގެންނާނެ ކަމަށް ބުނެފައިވެ އެވެ.

މީޑިއާތަކުން ބުނީ މި މައްސަލަ ހައްލުކުރެވޭތޯ ދެ ފަރާތުގެ އާއިލާގެ މީހުން ވެސް ވާހަކަ ދައްކާފައިވާ ކަމަށެވެ. އެކަމަކު ޒުވާނާ އާއި އޭނާ އަށް ވުރެ 38 އަހަރު ދޮށި އަންހެން މީހާ ތިބީ އެ މީހުންގެ ލޯބި ގުރުބާންކުރާ ވަރަށް ވުރެ ބޮޑަށް ހިތާވެފައި ކަމަށެވެ.

ކުށްކުރުން އިންޑިއާ

6 ކޮމެންޓް, 79 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަތޯ

26 January 2020

ލޯބި ވުމަކީ މައްސަލައެެއް ކަމަކަށް ނުދެކެން.ޗީޓް ކުރުމަކީ މައްސަލައެއް. ފިރިމީހާގެ ހައްގަކަށް އެރިފައި އޮތިއްޔާ ދައުވާ ކުރޭ. ނޫނި ލޯބިވާ ދެމީހެއްގެ ދެމެދުގައި ފިރިމީހާ ނުހުރެ ދުރުވުމަކީ ރީތި ގޮތް. އުޅެން ބޭނުން ނޫން މީހަކާ އެކީ އުޅެން އުޅުމަކީ މޮޔަކަމެއް