ކުޑަ ފިރިހެން ކުއްޖަކު މަޑުކޮށްލައިގެން: ރައްކާތެރި ނޫން މާހައުލެއްގައި ތިބި ހަތަރު ކުއްޖަކު ރައްކާތެރި މާހައުލަކަށް ގެންދިއުމުގެ މަސައްކަތް ޖެންޑާ މިނިސްޓްރީން އަންނަނީ ކުރަމުން.
24 ޖެނުއަރީ 2020 - 17:02
13 comments
މެދު ރާއްޖެތެރޭގެ ރަށެއްގެ ކުދިންތަކެއް ރައްކާތެރި މާހައުލަކަށް މިއަދު ގެންދަން އުޅުމުން ހުރަސްއަޅާފައިވާ ކަމަށް ޖެންޑާ މިނިސްޓްރީން ބުނެފި އެވެ.
އެ މިނިސްޓްރީން ކުރި ޓުވީޓެއްގައި ބުނިގޮތުގައި އެ ހަތަރު ކުދިންނަކީ ވެސް އެއް އާއިލާއަކަށް ނިސްބަތްވާ ކުދިންނެވެ. އެ ކުދިން ދިރިއުޅުނު މާހައުލުން ދުރަށް ގެންދަން އުޅުނީ އެއީ ކުދިންނަށް އެންމެ ރައްކާތެރި މާހައުލަކަށް ނުވާތީ ކަމަށް މިނިސްޓްރީން ބުންޏެވެ.
ޖެންޑާ މިނިސްޓްރީން ބުނިގޮތުގައި އެ ކަމަށް ހުރަސްއެޅީ އެ ރަށުގެ ބައެއް މީހުންނެވެ.
މި މައްސަލައިގައި، ކުދިންނަށް ރައްކާތެރި މާހައުލެއް ފޯރުކޮށްދޭން ހުރަސްއަޅާ މީހުން ހައްޔަރުކުރަން ޓުވިޓާގައި ގޮވާލާފައިވާ އިރު މިނިސްޓްރީން އަމަލުކުރި ގޮތް ގޯސްކަމަށް ބުނެ މީހަކު ޓުވީޓްކޮށްފައިވެ އެވެ.
އެ ކުދިންގެ އާއިލާގެ މީހެއް ކަމަށް ބުނާ އެ މީހާ ލިޔެފައިވާ ގޮތުގައި 10 ވަރަކަށް ފުލުހުން އެއްފަހަރާ ރަށަށް އަަރައި އެ ކުދިން ގެންދަން އުޅުމުން ރައްޔިތުން ހިތްހަމައެއް ނުޖެހޭނެ އެވެ. އެ ކުދިންނާ ގުޅޭ މައްސަލަ ބަލާތާ އެތައް ދުވަހެއް ފަހުން، ހާލަތު ވަޒަން ނުކޮށް އެ ކުދިން ގެންގެން އުޅުމަކީ ގޯހެއް ކަމަށް އެ މީހާ ބުނެފައިވެ އެވެ.
ދިރިއުޅޭ މާހައުލުގެ ސަބަބުން ކުދިންނަށް ނަފްސާނީ ގޮތުން އަދި ޖިސްމާނީ ގޮތުން ރައްކާތެރި ނޫން ނަމަ ވެސް އެސެސްމެންޓްތައް ހެދުމަށް ފަހު އާއިލާގެ އެހެން މީހަކާ ހަވާލުކުރެ އެވެ. އާއިލާ އިން އެ ކުއްޖަކަށް ރައްކާތެރިކަން ފޯރުކޮށްނުދޭ ނަމަ ދައުލަތުގެ ބެލުމުގެ ދަށުން ބައިތިއްބަނީ ވިލިމާލޭގައި ހުންނަ ކުޑަކުދިންގެ ހިޔާ ނުވަތަ ހުޅުމާލޭގައި ހުންނަ ފިޔަވަތީގަ އެވެ.
ހަތަރު ކުއްޖަކު ރައްކާތެރި މާހައުލަކަށް ގެންދަން އެ ރަށަށް ގޮސް މިނިސްޓްރީން މިއަދު މަސައްކަތް ފެށިއިރު، ކުޑަކުދިންނަށް ޖިންސީ ގޯނާކުރުމުގެ ގިނަ މައްސަލަތަކެއް މި ދުވަސްކޮޅު ވަނީ ފެންމަތިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޭނަ
25 January 2020
އެ... ޖެންޑާގެ އިހުމާލުން ކަންކަން ބޮއްސުންލައި ރައްޔިތުންގެ ނުރުހުން އަމާޒުވީމާ މުޅި މަންޒަރު ބަދަލުކުރަން ޅަދަރިންތަކެއް އެއްވެސް ސަބަބެއް އެންގުމަކާނުލާ ދެ ފަރާތުގެ ޢާއިލާގެ ލޯބިން މަހްރޫމްކޮށް މައިމީހާ އާ 3 އަހަރުގެ ޅަ ދަރި ވަކިކުރަން އުޅުނުއިރު ތިޔަ ތަނުގެ އިސްވެރިން ހާދަ ރަހުމްކުޑައޭ.. ބަޔަކު ރިޕޯޓްކުރާއިރަށް ޙަޤީގަތް ނުބަލައި ތެޅިފޮޅިގަނެގެން ކުދިންތަކެއް ބިކަކޮށްލަން ތިޔަ ޖެއްސި ސްޓަންޓު ކަމުނުދޭ.
ރީތި މޫސަ
25 January 2020
ކަންކަން ކުރަންއޮންނަގޮތަށްކުރީމަ ރަންގަޅުވާނީ އެހެންވެ އެންމެންވެސް ބުނަނީ ސިދާތާއަކީ ކަންކުރަން އެގޭމީހެއްނޫނެ މުޅިމިނިސްޓްރީ ވަނީފެއިލްވެފަ މިނިސްޓްރީގަ ތިބިރަނގަޅު ޤާބިލްއެންމެންވަނީ އެކިތަންތަނަށް ބަދަލުކޮށްލާ މުޅިމިނިސްޓްރީ ސިދާތާގެ މުށުތެރެއަށްލާފަ
ވިޖިލަންޓް
24 January 2020
ހުރަސް އެޅި މީހާގެ ނަން ކީއްވެ ހާމަ ނުކުރީ??! އެއީ އެމްޑީޕީ އަށް ނިސްބަތްވާ އެ ރަށު ކައުންސިލްގެ ރައީސް މީހާ! މި ކަން ހިނގި ރަށްވެސް ހާމަކުރަންވީ ނޫންތޯ?? މަގޭ ކުރިމަތީ މިކަން ހިނގީ. ފުލުހުންވެސް އެމްޑީޕީ ކައުންސިލަރެއް ވީމަ އަޅާ ނުލާ ރަށުން ފައިބައިގެން ދިޔައީ.
އޭނަ
25 January 2020
އެކުދިން ތިބީ ދެފަރާތުގެ ޢާއިލާގެ ހިމާޔަތާ ރައްކާތެރިކަމުގަ މަންމަގެ އަޅާލުމާ ލޯބިލިބޭ. ރަށެއްގެ ރައްޔިތުން ހެކިވާއިރު ޖެންޑާއިން ތަންކޮޅެއް އާރުލާ ކަމެއް ކުރަންވެއްޖެއެންނު. ކުދިންގެ މަންމަޔާއި 2 ފަރާތުގެ ޢާއިލާއާ ކުދިން ވަކިކޮށް ހިޔާއަށާއި ފިޔަވައްޗަށް ގެންނަނީ ނަފްސާނީއަނިޔާދިނުމަށްހޭ. ކުދިންނަށް ކުރާ ނަފްސާނީއަނިޔާ ހުުއްޓާލާ.
ގިޔާސް
24 January 2020
ރައްކާތެރި މާހައުލެއް ދިނަސް ކަމަކު ނުދޭ، ނުދިނަސް ކަމަކު ނުދޭ، ސަލާމަތެއް ނެތެއްނު.
މޮހަދޭބެގެ އަންހެނުން
24 January 2020
ރައްކާތެރި މާހައުލް މިކިޔަނީ ވިލިގިލި އަދި ހުޅުމާލޭގައި ހުންނަ ކުޑަކިދިންގެހިޔާތަކަށްތޯ? މި ހިޔާތަކުގައި ރައްކާތެރިކަން ހުރިމިންވަރު ބަަލަން ޖާނަލިސްޓުންގެ އިންވެސްޓިގޭޝަނެއް ހިންގުން އެދެން
ހަގީގަތަކީ މީ
24 January 2020
ތީ ހަމަ ތެދު.. އެބުނާ ރައްކާތެރި މާހައުލަކީ ވިލިގިލީގަ ހުންނަ ހިޔާ އެއީ ކުދިން ގެންގޮސް ބައިތިއްބަން ހެޔޮވާވަރު ތަނެއް ނޫން.. މައުލޫމަތު އިންގޭ މީހަކަށް އިނގޭނީ އެއީ ކޮން ތަނެއްކަން.. ދިވެހިންނަށް ކަމުދާ އެއްގޮތެއްވެސް ނެތޭ ލިޔެ ކޮމެންޓް ކުރިއަކަސް ނޭނގޭނެ
ޖަމަލު
24 January 2020
އެކުދިންނަށް އެކުދިންގެ މާހައުލު ބިރުވެރިކުުރުވާ އަނިޔާވެރިން މުޅި މުޖުތަމައު އެއްފަރާތް ކުރަން ޖެހޭ!
މަފް
24 January 2020
ސަރުކާރުން ކަންކަން ރަގަޅުކުރަން އުޅުނަސް ގޯސް ނޫޅުނަސް ގޯސް. ދިވެހިންމީ ހަމަ ޔުނީކް ބައެއް.
ޚަދީޖާ
24 January 2020
މިފަހަރު ޖެންޑަރ އިން ކަންކުރިގޮތް ގޯސްކަމަށް ފެނޭ. އެއީ މިހާ ނުތަނަވަސް މާހައުލެއް އޮތް ދުވަސްވަރެއްގައި އެހާ ޚައްސާސް މައްސަލައެއްގެ މައުލޫމާތުދީ ދެން ވާނެގޮތް ރައްޔިތުންނަށް ވަރަށް ރަގަޅަށް މަޑުމައިތިރިކަމާއެކު ކިޔައިދީ އޮޅުންފިލުވާދީ ވިސްނާދޭންޖެހޭނެ. އޭރުން އަންނަ ޕްރެޝަރު ކުޑަވާނެ. އަރާގޮތަށް އަރާ ފުލުހުން ގެ ބާރު ދެއްކީމަ މިޒަމާނުގަ ކަމަކުނުދާނެ
ހަގީގަތަކީ މީ
24 January 2020
ރައްކާތެރި ތަނަކަށް ނޫން ލަނީ .. ނުރައްކާތެރި ތަކަނަށް ގެންގޮސް ލަނީ.. ވިސްނާލަބަލަ ދައިލަތުން ހާވާ ހަޑި.. ރަނގަޅު ތަނެއް ތިކަމަށް ރާއްޖޭގަ އޮތް ނަމަ ރަނގަޅު
އިބުރާހިމު
24 January 2020
ދައިލަތުން އެއްނޫން ދައުލަތުން ކިޔާބަލަ....! ކޮމެންޓު ކުރުމުގެކުރިން ތާނައިންލިޔަން ދަސްކުރަންފެނޭ
މުބީނު މާރނީ
25 January 2020
ކެޔޮޅުން އަތުން ބުޅި ކެނޑޭނީ ! އެއީ ސްޕެލިންގް މިސްޓޭކެއް. ބޮޑެތި ގައުމު ތަކުގެ ވެރިން ވެސް ސްޕެލިންގް މިސްޓޭކް ޖެހޭ. ތިންކް އައުޓް ސައިޑް ދަ ބޮކްސް. މިވަރުގެ ކުޑަކުޑަ ކަމަކާ ބައިބައިވުން އުފެދޭ ރާގަށް ބަސްތައް ބޭނުން ކުރުމަކީ ތާނައިން ލިޔަން ނޭންގުމަށް ވުރެ މާ ހިތާމަ ކުރުން އެކަށީގެންވާ ކަމެއް. ވީ ވަރަކުން އެކުވެރިކަން އުފެއްދޭ ތޯ ބަލަންވާނެ. މިވަރު ކުޑަކަމެއްގައި ބުނަންވާނީ، "ދެން ފަހަރަކުން ސްޕެލިންގް މިސްޓޭކް ހުރިތޯ ޑަބަލް ޗެކް ކޮށްލާ."