25 ޖެނުއަރީ 2020 - 11:50
38 comments
އޭޝިއާގެ ވަރަށް ގިނަ ގައުމުތަކަކީ ހަވާދުގެ ބާވަތްތަކަށް މަޝްހޫރު އަދި މީރު ހަވާދުގަނޑުން ތަފާތު އެކި ބާވަތްތަކުގެ ރިހަ ތައްޔާރުކުރަން މަޝޫހޫރު ގައުމުތަކެކެވެ. މި ސަރަހައްދުން މިކަމަށް އެންމެ ނަގާ ކިޔާ ގައުމުތައް ހިމެނޭ އިންޑިއާ އާއި ސްރީ ލަންކާ އަދި ޕާކިސްތާން ފަދަ ގައުމުތަކުގެ މަގުބޫލު ރިހަތަކުގެ ތެރޭގައި ދިވެހި ރިހައެއް ހިމެނުމަކީ ހަމަ ޔަގީނުން ވެސް ކުޑަ ކަމަކަށް ނުވާނެ އެވެ.
ދުނިޔޭގެ އެކި ކަންކޮޅުތަކުން އެންމެ މަގުބޫލު 12 ރިހައެއްގެ ލިސްޓް އެކުލަވައިލި އިރު، އޭގެ ތެރޭގައި ރާއްޖެ މި ވަނީ ހިމެނިފަ އެވެެ. އެއީ ދިވެހިންގެ ޒަމާންވީ މީރު މަސްރިހައާ އެކުގަ އެވެ. އެ ރިހަ ހިމެނެނީ ލިސްޓްގެ 6 ވަނައިގަ އެވެ.
މި ލިސްޓްގައި ދެން ހިމެނެނީ އިންޑިއާގެ ބަޓަ ޗިކެން، ޖެމެއިކާގެ ކަރީ ގޯޓް، ޖަޕާނުގެ ކަރީ ރައިސް، ދެކުނު ކޮރެއާގެ ޓިއެކްބޮކީ، މެލޭޝިއާ/އިންޑޮނީޝިއާގެ ބީފް ރެންޑަންގް، ޕާކިސްތާނުގެ ހަލީމް، ދެކުނު އެފްރިކާގެ ބަނީ ޗޯ، ލަންކާގެ ސިންހަލީސް ކަރީ، ތައިލެންޑްގް ގްރީން ކަރީ، ކެރީބިއަންގެ ކަރީ ކްރެބް އަދި އިންޑިއާ އުން އިނގިރޭސިވިލާތަށް ހިޖުރަކުރި ޓިއްކާ މަސާލާ އެވެ.
އެންމެ މަގުބޫލް 12 ރިހަ.
ރާއްޖޭގެ "މަސްރިހަ" ހިމެނޭ ގޮތަށް ދުނިޔޭގެ އެންމެެ މަގުބޫލު 12 ރިހައިގެ ލިސްޓެއް އެކުލަވާލައިފައި ވަނީ ކެއްކުމާ ބެހޭ ފޮތްތަކެއް ލިޔެފައިވާ ކެނެޑާ އަށް އުފަން އެމެރިކާގެ ލިޔުންތެރިޔާ ކޮލީން ސެން، 75، ގެ ފޮތް "ކަރީ: އަ ގްލޯބަލް ހިސްޓަރީ" ގަ އެވެ.
އޭނާގެ މި މަގުބޫލު 12 ރިހައިގެ ވާހަކަ ސީއެންއެން ފަދަ މަޝްހޫރު މީޑިއާތަކުގައި ހިމެނުމުން ވަރަށް ގިނަ ބައެއްގެ ސަމާލުކަން ވެސް މިކަމަށް ހުއްޓިފައިވެ އެވެ.
ދިވެހި "މަސްރިހަ" އާ ބެހޭ ގޮތުން ކޮލީން ލިޔެފައިވާ ގޮތުގައި ރާއްޖެ އަށް ރިހައިގެ ރަހަގަނޑާއި ނުފޫޒު އައިސްފައި ވަނީ އިންޑިއާ އާއި އެފްރިކާ އަދި މެދުއިރުމަތީގެ ގައުމުތަކުންނެވެ. އޭނާ ބުނިގޮތުގައި ދިވެހި މަސްރިހަ އާންމުކޮށް ކައި އުޅެނީ ބަތާއި ރޮއްޓާ އެކު އެވެ.
އެ ރިހަ ތައްޔާރުކުރަނީ ކަނޑު މަހާއި ކާށިކިރާއި ފިޔަ އާއި މިރުހާއި ހަވާދުގެ މައިގަނޑު ހުރިހާ ބާވްތަތަކެއް ބޭނުންކޮށްގެންނެވެ.
ކޮލީން ފާހަގަކޮށްފައިވާ ގޮތުގައި ދިވެހިންގެ ކުކުޅު ރިހަ އާއި އަނބު ރިހަ އަކީ ވެސް މަގުބޫލު އެއްޗެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Aksam
13 February 2020
'މަސްރިހަ' ވަރަށް މީރުވާނެ އަސްލު އައްޑޫ ހަވާދުގަ ކެއްކީމަ! އެވަރެއް ނެތް ހަމަ!
ކަރޯދީދީ
26 January 2020
ތިޔަ ރިހަތަކަކީ މަށަށް މާމީރު އެއްޗެއްނޫން! މަށަށް މީރީ ދިވެހިންގެ ގަރުދިޔައާއި ރިހާކުރާ ހީކިމަހަ! ތިޔަ ރަހަތަކަކީ ބޭރު ކަރަތަކުން މިތަނަށް ގެނެވުނު ބޮޑެތި ފޯރާމީހުންގެ ކެއުން! އާދައިގެ ދިވެހިންނަށް ތިޔަ އެއްޗެހި ލިބޭންފެށީ މިދާކަށްދުވަހު!
އަބްދުއްالله
26 January 2020
"މަސް ރިހަ" އެއީ ބީރަށްޓެހި ބަހުރުވަ. ރީތި ދިވެހި ބަހުން ކިޔަނީ "މަހު ރިހަ".
ލަބީބު
26 January 2020
ދެން ކަލޭ ކިޔަންވީނު "މަސްއަޅައިގެން ދިވެހީން ކައްކާ ހަވާދުލީ ރިހަ"
ލާލަ
27 January 2020
މިހާރަކު މީހަކަށް ރަނގަޅު ގޮތް ބުނެދެވޭކަަށްވެސް ނޯވޭ. ރަނގަޅު ގޮތް ބުނެދިނަސް ބުނެދޭ މީހާ ވާނީ ނުބައި.
ހާމަ333
25 January 2020
އިންޑިއާ އޮންނަ ކޮންމެ ލިސްޓަކު ރާއްޖޭގެ ނަމެއްޖެހިއްޖިއްޔާ ދެން އެއޮތީ ހުރިހާ ކަމެއް ހަމަވެފަ...
ދޮންރިހަ
26 January 2020
ދޮން ރިހަ ނުހިމެނުނީމަ ޖޭވީ ދޯ؟؟ ބަންގާލު ސޮރު ކައްކާ ދޮންރިހަ ނެތިޔާ ތަމެންނަށް ކަމަކު ނުދާނެ އެ ލިސްޓެއް
މޮޔަވެދާނެ2020
26 January 2020
ކަލެއަށް އެލިސްޓުން ފެނުނީ އިންޑިއާ އެކަނިތަ؟ ދުނިޔޭގައި ރިހަ ކައްކާ ކައިއުޅެނީ އިންޑިއާ މީހުން އެކަންޏެއް ނޫން.
ފިރިސޮރު
25 January 2020
މިހާތަނަށް އަޅުގަނޑަށް ކެވުނު އެންމެ މީރު ރިހައަކީ އަޅުގަނޑުގެ ލޯބިވާ މަންމަ ކެއްކި މަސްރިހަ. އެ މަސްރިހަޔާއި ރޮއްޓާ ކަމުންދާއިރު ދުނިޔޭގެ އެހެން އެއްވެސް ކަމެއް މަތިން ހަނދާނެއް ނުހުރޭ.. މަންމަ މިހާރުވަނީ މާތްﷲގެ ހެޔޮރަޙުމަތްފުޅަށް ދަތުރުކުރައްވާފައި.. ޔާﷲ..!! އަޅުގަނޑުގެ ލޯބިވާ މަންމައަށް ފުއްސަވައި ހެޔޮރަޙްމަތް ލައްވާށިއެވެ.!
އައިންތި
25 January 2020
މާލޭގަ އުޅުނަސް އަހަރެމެން ނުޖެހޭ ކޮންމެެހެން ހޮޓާ ތަކުގަ ބަންގާޅީން ކައްކާ ރިހަ ކާކަށް. އަހަރެމެން އަބަދުވެސް ކަނީ ދިވެހި ހަވާދު ހަދައިގެން ފުޑާފަ ހުންނަ އަމިއްލަ އަތުން ކައްކާފަ ހުންނަ ދިވެހި ރިހަ. މީސަމާސާއެއް ނޫން.
އިސާފުޅު
26 January 2020
ތިގޮތަށް ކެވޭނީ މާލޭގަ އާއިލާ ތިބެންޏާ. އަހަރުމެން މިއީ އެމްޕީއެލްގަ ދަމާކަނޑަން އުޅޭ ބައެއް. ކާންޖެހެނީ ހޮޓަލުން. ދެން ދިވެހިކައްކާއިން ތިބި ހޮޓަލެއް ބުނެބަލަ އޭރުން ދާނަން އެތަނަކަށް. ތެދެއް އަށްޑިހައާ ނުވަދިހައިގަ ހޮޓާތަކުގަ ތިބި ދިވެހި ކައްކާއިން އެކަމަކު މިހާރު ހިއެއްނުވޭ
އަހްމަދު
25 January 2020
ޢަތްބަޅޭ ވައްޓައެއް ނުލެވޭނެ
ރޫހީ
26 January 2020
ބަލަ އެއީ ތަނެއްގަ ގޮތުން ވާކަމެއްތަ. އަހަންނަށް އެނގިފައޮތް ގޮތުން ވިއްޔާ އަތްބަޅޭގަ މަޝްހޫރު މަސްބުރިރިހަ ކައްކާ ލަންކާ ކައްކާ މިހާރު އުފުރާލައިގެން ގޮއްސިއޯ މޫންކެފޭއިން.
އަންކުކް
25 January 2020
ދިވެހި މަސްރިހައިގެ ގޮތުގައި އޮފިޝަލް ރިސިޕީއެއް އޮންނަންވާނެ ކަންނޭނގެ. ޓޭކްއަވޭ ތަކާ ހޮޓާ ކެފޭތަކުން އަދި ރެސްޓޯރަންޓްތަކުން އަދި އެކި ރަށްރަށުން މިހާރު ކާން ލިބޭ މަސްރިހައިގަ ހުންނަ ތަފާތުގެ ސަބަބުން، ތިޔަ ލިސްޓްގައިވާ މަސްރިހަ ކާން ބޭނުންވާ ބޭރު މީހުންނަށް އެކި ފަހަރު އެކި ރަހަ ލާ މަސްރިހަ ކާން ލިބޭނީ. އެފަހަރަކު ކާން ލިބޭ މަސްރިހައެއްގެ ގޮތުން ދިވެހި މަސްރިހައިގެ އަގު ވަރަށް ބޮޑަށް ވެއްޓިދާނެ. ރިހައަށް ކިރުނާޅާ ކައްކާ މީހުންވެސް އެބަ އުޅޭ.
އަހުރެން
25 January 2020
ރަހަފަތުން އަސްލު ދިވެހި މަސްރިހަ ލިބޭނެ ވާހަކަ މިތާލިިޔަން ވިދާޅުވެފައި އޮތީމާ މި ލިޔެލީ
ސަހަރޯ
25 January 2020
ރަހަފަތް މިހާރު ސަކަރާތް އެބަވޭ. އެތާގެ ވެރިމީހާ އަބަދު ރަށުން ބޭރުގަ އުޅޭތީ ރަހަތަކަށް ބަދަލު އެބައާދޭ
ކުޑަކަތީބު
26 January 2020
ވެރިމީހާތަ އެތާ ކައްކަން ހުންނަނީ؟
ބަދުރީ
26 January 2020
މިހާރު ތަފާތު އެތަނުން ގެންނަ އެއްޗެހި. ކުރީގަ ދިން މީރު ރަހައެއް ނުހުރޭ. ދިވެހިންގެތެރޭ އާއްމުކަމެއްނު އެއީ. ނިކަން ޗަލަރުގަ ފަށާނެ ދުވަސްކޮޅަކުން ތޮޅިއަށް ދާނީ
އައްޔު
25 January 2020
އަހަރެމެންގެ މައިން ކައްކާ މަސްރިހަ ހަމަ ތަފާތު