ކޯޓުތަކުގެ ޗީފް އެޑްމިނިސްޓްރޭޓަރުން އައްޔަން ކުރުމުގެ އުސޫލު އެކުލަވާލައިފި

ޑީޖޭއޭ: ކޯޓުތަކުގެ ޗީފް އެޑްމިނިސްޓްރޭޓަރުން އައްޔަން ކުރުމުގެ އުސޫލު އެކުލަވާލައި، އަމަލުކުރަން ވަނީ ފަށާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

26 ޖެނުއަރީ 2020 - 13:52

5 comments

ކޯޓުތަކުގެ ޗީފް އެޑްމިނިސްޓްރޭޓަރުން އައްޔަން ކުރުމުގެ އުސޫލު އެކުލަވާލައި، އަމަލުކުރަން ފަށައިފި އެވެ.

ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން އެކުލަވާލި އުސޫލު ބުނާ ގޮތުން ކޯޓު އެޑްމިނިސްޓްރޭޓަރުން އައްޔަން ކުރާނީ އެ އުސޫލުގައި ބަޔާންކުރާ ކްރައިޓީރިއާތަކުގެ ޖުމްލަ މާކްސްގެ ގޮތުގައި މަދުވެގެން 50 ޕަސެންޓް ލިބިގެންނެވެ.

ކުރިމަތިލާ މީހުންގެ ތެރެއިން އެންމެ މަތީ މާކްސް ލިބޭ މީހާގެ މައުލޫމާތު އެ ކޯޓެއްގެ އިސް ފަނޑިޔާރަކާ ހިއްސާ ކުރުމަށް ފަހު އެ މީހަކު އެ މަގާމަށް އައްޔަން ކުރުމާ މެދު ގޮތެއް ނިންމާނީ ޑީޖޭއޭއިން ކަމަށް އެ އުސޫލުގައިވެ އެވެ. މާކްސް ދިނުމުގައި ތައުލީމާއި ކުރިން ލިބިފައިވާ ތަޖުރިބާގެ އިތުރުން ގާނޫނުތަކާއި ގަވާއިދުތަކަށް އަހުލުވެރިވެފައިވާ މިންވަރަށް ވެސް ބަލާނެ ކަމަށް އެ އުސޫލުގައިވެ އެވެ.

އުސޫލު ބުނާ ގޮތުން އެޑްމިނިސްޓްރޭޓަރުން އައްޔަން ކުރުމުގައި އެކި މަރުހަލާގެ ކޯޓުތަކުގެ ތައުލީމާއި ތަޖުރިބާގެ ޝަރުތު ތަފާތުވާނެ އެވެ. އެގޮތުން ސުޕްރީމް ކޯޓުގެ އެޑްމިނިސްޓްރޭޓަރުގެ ތައުލީމީ ޝަރުތެއްގެ ގޮތުގައި ޑިގްރީއެއް އޮތުމާ އެކު މަދުވެގެން އަށް އަހަރުގެ ތަޖުރިބާ ހުރުން ލާޒިމްވާއިރު، ހައި ކޯޓުގެ ޗީފް އެޑްމިނިސްޓްރޭޓަރުގެ ތައުލީމީ ޝަރުތަކީ ޑިގްރީއެއް އޮތުމާ އެކު މަދުވެގެން ހަ އަހަރުގެ ތަޖުރިބާ ހުރުމެވެ.

ޗީފް އެޑްމިނިސްޓްރޭޓަރުންނަކީ ކޮންމެ ކޯޓެއްގެ ވެސް އިދާރީ ހިންގުމުގެ އެންމެ އިސް ފަރާތެވެ.

ޖުޑީޝަލް ސާވިސް ކޮމިޝަން ކޯޓް ޖުޑީޝަލް އެޑްމިނިސްޓްރޭޝަން ޖުޑީޝަރީ

5 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހައްގުބަސް

27 January 2020

ކޯޓްތަކަށް މީހުންފޮނުވާސިޓީ ބަލައިގަނެ ސްޓޭމްކޮށް ސޮއިކޮށްލުމަށްލަދުގަންނަ މައްސަލަ ތިކަމާއިއެކު ހައްލުކޮށްލެއްވުން ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިލީ ރެކަމެންޑަޑް

26 January 2020

އުއްތަމަ ފަނޑިޔާރުގެ ޝަރުތަށްވވުރެ އެޑްމިނިސްޓްރޭޓްގެ ޝަރުތު ބޮޑެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުބާ ނިޔަތް

26 January 2020

މެޖިސްޓްރޭޓް ކަމަށް ދެ އަހަރުގެ ތަޖްރިބާ، މާލޭ ކޯޓެއްގެ ޤާޒީ ކަމަށް ތިން އަހަރުގެ ތަޖްރިބާ، އުއްތަމަ ފަނޑިޔާރު ކަމަށް ވެސް ފުރަތަމަ ޑިގްރީ އާއެކު ފަސް އަހަރުގެ ތަޖްރިބާ އެވެ. އެކަމަކު ކޯޓެއްގެ އެޑްމިނުސްޓަރޭޓް ކަމުގެ ޝަރުތަކީ ފުރަތަ ޑިގްރީ އާއެކު 6 އަހަރު 8 އަހަރުގެ ތަޖްރިބާއެވެ. މިއީ ކާކު ނައްޓުވާފައި ކާކު އެތެރެ ކުރެން ފެހި ކޯޓެެެއް ބާއެވެ.