ސައުދީން ތިން އަހަރު ކުރިން ދިން ސްކޮލަޝިޕަށް އަދިވެސް ދަރިވަރުން ނުފޮނުވޭ

އިންޑިއާއިން ރާއްޖެއަށް ދިން ސްކޮލަޝިޕްގައި ލިބުނު ދަރިވަރުންނާއެކު އެޑިއުކޭޝަން މިނިސްޓަރު ޑރ. އާއިޝަތު (ވ-3) އާއި އަކިލޭޝް މިޝްރާ (މ) ފޮޓޯއަކަށް ހުއްޓިލައިގެން.-- ފޮޓޯ: އިންޑިއަން ކަލްޗަރަލް ސެންޓަރު

އާމިނަތު ޝިފްލީން، މިހާރު

05 އޮކްޓޯބަރ 2016 - 15:32

35 comments

މީގެ ތިން އަހަރު ކުރިން ރާއްޖެ އަށް ސައޫދީ އަރަބިއްޔާ އިން ދިން މަތީ ތައުލީމުގެ ސްކޮލަޝިޕްތަކުގައި ކިޔަވަން ދަރިވަރުން އަދިވެސް އެ ގައުމަށް ނުފޮނުވޭ ކަމަށް ހަޔާ އެޑިއުކޭޝަން ޑިޕާޓްމެންޓުން މިއަދު ބުނެފި އެވެ.

ދިވެހި ދަރިވަރުންނަށް މަތީ ތައުލީމުގެ ފުރުސަތު ހޯދައިދިނުމަށް ސައުދީ އަރަބިއްޔާއިން 2013 ވަނަ އަހަރު ވަނީ 50 ސްކޮލަޝިޕް ދީފަ އެވެ. އަދި ޖެހިގެން އައިއިރު 100 ސްކޮލަޝިޕް ދީފައިވާއިރު މި ހުރިހާ ސްކޮލަޝިޕަށް ވެސް ކުދިން ވަނީ ހޮވައިފަ އެވެ.

އެޑިއުކޭޝަން މިނިސްޓްރީގެ ދަށުން ހިންގަމުން އަންނަ އެ ޑިޕާޓްމެންޓުގެ ޑިރެކްޓަރު އިބްރާހިމް ނަސީމް މިއަދު ވިދާޅުވީ އާއްމުކޮށް އިއުލާނުކޮށްގެން އެ ސްކޮލަޝިޕްތަކަށް ދަރިވަރުން ހޮވި ނަމަވެސް މިހާތަނަށް އެއްވެސް ދަރިވަރަކު ކިޔަވަން ސައުދީ އަށް ނުފޮނުވާ ކަމަށެވެ. އޭގެ ސަބަބެއް ކަމަށް އޭނާ ވިދާޅުވީ ވިސާ ހަމަޖެހުމުގައި ދަތިތައް ކުރިމަތިވުމާއި ލިޔެކިއުންތަކުގެ ބައެއް މައްސަތަކެވެ.

"އެކި ސަބަބުތަކާ ހުރެ ވަރަށް ބޮޑަށް ލަސްވެފައި މިވަނީ،" ސައުދީ ސަރުކާރުން ރާއްޖެ އަށް ފުރަތަމަ ފަހަރަށް ދިން ސްކޮލަޝިޕްތަކާ ގުޅޭގޮތުން ނަސީމް ވިދާޅުވި އެވެ.

ސައުދީން ދިން މި ސްކޮލަޝިޕްތަކުގެ ތެރޭގައި ހިމެނެނީ ބެޗެލާސް ޑިގްރީގެ 55 ކޯހަކާއި މާސްޓާސް ޑިގްރީގެ 30 ކޯހެއް އަދި ޕީއެޗްޑީގެ 15 ކޯހެކެވެ.

މި ސްކޮލަޝިޕްތަކުގެ ތެރޭން ޑޮކްޓަރުކަން ކިޔެވުމުގެ ފުރުސަތު ވެސް ހިމެނެ އެވެ. އެކަމަކު އެ ސްކޮލަޝިޕްތަކަށް ކުދިން ހޮވި ފަހުން ސައުދީން ވަނީ އެއީ ހަމައެކަނި އެ ގައުމުގެ ކުދިންނަށް ދިން ފުރުސަތެއް ކަމަށް ބުނެފަ އެވެ.

ނަސީމް ވިދާޅުވީ ސްކޮލަޝިޕްތަކަށް ހޮވުނު ދަރިވަރުން، ކިޔަވަން ނުދެވިގެން ވަރަށް ގިނައިން އެތަނަށް ޝަކުވާ ހުށަހަޅާ ކަމަށާއި އެކަމަކު އެ ކުދިން އިތުރަށް އިންތިޒާރު ނުކުރުމަށް އެ ޑިޕާޓްމެންޓުން އެދޭ ކަމަށެވެ.

"އަޅުގަނޑުމެން ދަރިވަރުން ކައިރީ ބުނިން ދެން އެ ކޯސްތަކަށް އިންތިޒާރުނުކޮށް އެހެން ފުރުސަތުތައް ހޯދުމަށް. އޭގެ ތެރެއިން ބައެއް ކުދިން މިހާރު އެހެން ސްކޮލަޝިޕްތަކަށް ކުރިމަތިލައިގެން ކިޔަވަމުން ވެސް އެބަދޭ،" ނަސީމް ވިދާޅުވި އެވެ.

ރައީސް އަބްދުﷲ ޔާމީން މިހާރު ސައުދީ އަރަބިއްޔާ އަށް ކުރައްވާ ދަތުރުފުޅުގައި މަތީ ތައުލީމުގެ 300 ސްކޮލަޝިޕް އެ ގައުމުން ލިބިވަޑައިގެންފައިވާ ކަމަށް ވަނީ ވިދާޅުވެފަ އެވެ.

ނަސީމް ވިދާޅުވީ ކުރިން ދިން ސްކޮލަޝިޕްތައް މި 300 ފުރުސަތުތަކުގެ ތެރޭގައި ހިމެނޭކަން އެނގިވަޑައިގެންފައި ނުވާ ކަމަށެވެ.

ތައުލީމް ސައޫދީ އަރަބިއްޔާ ސްކޮލަޝިޕް ރާއްޖެ-ސައުދީ މަތީ ތައުލީމު

35 ކޮމެންޓް, 80 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މނ

06 October 2016

އަޅުގަޑު ވިސް މަތީތައުލީމައް ރާއްޖެންބޭރައްކުދިންފޮުވަދެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

06 October 2016

މީ ކޮންކަހަލަ ސްކޮލަރޝިޕް ތަކެއް މޮހަނަށް އޮޑި ދޭ ގޮތަށް، އަތެއް ނުލެވޭ، ބޭނުން ނުކުރެވޭ ، އޮޑި އަކަށް ނޭރޭ... ސްކޮލަރޝިޕްވެް ލިބިފައި، އެޕްލަައި ނުކުރެވޭ، ވިސާ ނުލިބޭ، ނުއެއްދެވޭ، .... ބެޔަސް ނުބެޔަސް ސްޓައިލްގައި ހުރިހާ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާލު

06 October 2016

ތީ މޮހޮނަށް ދޯނި ދޭ އުސޫލުން ސްކޯލާޝިޕް ދޭ ބައެއް . ތި ގައުމުގެ ވެރިން ގެ ގޮތުގައި ތިބޭ އާލު ސައުދީން ނަކީ ގިނަ ވަގުތު ހިނދުކޮަޅު ގަ ތިބޭ ބައެއް . ތި ވާނީ އެކަހަލަ ވަގުތުގައި ކިޔޭ ނުކިޔޭ ނޭނގޭ ހާލުގައި ދެވޭ 300 އަށް ، ފަހުން ބަލާ އިރު ވެފައި އޮންނަ ގޮތަކީ މުންޑޫ ފަޅުވި ޒާތުގެ ވާހަކަ އަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންމާނު

06 October 2016

ތިޔަށްވެސް ޕީޕީއެމް ކުދިން ފޮނުވާ! ފެއިލިވެފައިވާ ސަރުކާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

06 October 2016

ސައޫދީ ގެ ސްކޯލަރޝިޕެއް ދޫ ކޮށްލާފައި އެމެރިކާއަށް ނުވަތަ ޔޫރަޕަށްވެސް އަޅުގަނޑެއް ނުދާނަށް. ދުނިޔޭގައިވާ އެންމެ މާތް އެންމެ މުގައްދަސް ބިމަށް ދިއުމުގެ ނަސީބު. ސައޫދީން އިނގިރޭސި ބަހުން މުޢާމަލާތު ނުކުރާނެ އަރަބިބަހުން މުޢާމަލާތް ނުކުރެވެންޏާ ކަން ކަން ލަސްވެދާނެ. އެމާތް މުގައްދަސް ބިމުގެ ސަލަމަތާއި ރައްކާތެރި ކަމަށް ބައެއް ޚާއްޞަ ފިޔަވަޅުތައް އަޅާފައި ހުރެދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރު

06 October 2016

ތަކުރަށް ތި ވާނުވާ އެބަ އެނގޭ! އެއް ފަހަރު ތިޔަހެން ހެދީމަ ދެވަނަ ފަހަރަކު ކުދިިން ކުރިމައްޗެއް ނުލާނެ. އޭރުން ދެން ފޮނުވާނީ ޕާޓީ ކުދިން ކޮޅާއި ޕަޓީގެ ބޮޑުންގެ ދަރިން، އެމީހުންނަކީ ވާދަކޮށްގެން ކާމިޔާބުވާނެ ބައެއްނޫން. އޭރުން ބުނެވެން އޮންނާނެތާ އެޕްލައި ކުރި ކުދިންނަށޭ ދިނީ. ސަހަލު އެއްކަމެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިގޯރެން

06 October 2016

ކަލޭމެން އެންމެން ނިކަން ޝުކުރުކޮއްބަލަ، އެމަނިކުފާނު ޔޫއެން ޖަލްސާއައް ދާންނުކެރޭކަމައް. ގޮއްސިޔާ ނޭންގެ ކޮންފަދަ ލަދެއްގަކަން ދިވެހިންބެދޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ްްެރރރ

05 October 2016

2014 ގައި އަޅުގަނޑުވެސް ސަޢުދީ ސްކޮލިޝަޕަށް ހޮވިފައިވަނީ އެކަމަކު އަދިވެސް ކިޔަވާކަށް ނުދެވޭ. 2015 ގައި ހަޔަރ އެޑިޔުކޭޝަނަށް މިކަމުގައި ޚަބަރެއް ނުވާތީ ގުޅާފަ އެހީމަ ވިދާޅުވީ ހަމަ މި ޚަބަރުގައި އޮތް ގޮތަށް. އިތުރަށް މަޑުނުކޮށް އެހެން ސްކޮލަރޝިޕްތަކަށް ލުމަށް. އެހެންވީމާ، މިކަމުގައި އެބޭފުޅުންގެ އިހުމާލު އޮތްކަމަށް ނުބެލެވޭ. ސްކޮލާރޝިޕް ލިބިފައިވާ ކުއްޖާގެވެސް މަސްއޫލިއްޔަތެއް އެއީ ލަސްވަންޏާ ކަމާބެހޭ ފަރާތަށް ގުޅައިގެން ވާނުވާ ބެލުން.