ރައީސް އިބްރާހިމް މުހައްމަދު ސޯލިހް، މެންޓަލް ހެލްތު ސެންޓަރު މިއަދު ހުޅުއްވައި ދެއްވަނީ.---ފޮޓޯ: ރައީސް އޮފީސް
30 ޖެނުއަރީ 2020 - 16:55
7 comments
އަމިއްލަ ކްލިނިކްތަކުން ފޯރުކޮށްދޭ ނަފްސާނީ ބަލިތަކުގެ ފަރުވާއަށް، އަންނަ ހޮނިހިރު ދުވަހުން ފެށިގެން އާސަންދަ ދޭން ނިންމައިފި އެވެ.
އާސަންދަ އޮފީހުން ބުނީ އަންނަ މަހުން ފެށިގެން، ރައީސް އިބްރާހިމް މުހައްމަދު ސޯލިހުގެ ވައުދާ އެއްގޮތަށް އަމިއްލަ ކްލިނިކްތަކާއި ހޮސްޕިޓަލްތަކުން ފޯރުކޮށްދޭ ނަފްސާނީ ބަލީގެ ބައެއް ފަރުވާތައް، އާސަންދަ ސްކީމުގެ ތެރެއިން ހަމަޖައްސާފައިވާ ކަމަށެވެ.
އޭގެ ތެރޭގައި ކޮންސަލްޓޭޝަނާއި ސައިކޮލޮޖިކަލް އެސެސްމަންޓް އަދި ސައިކޮލޮޖިކަލް ތެރަޕީ ހިމެނެ އެވެ.
އަމިއްލަ ކްލިނިކްތަކާއި ހޮސްޕިޓަލުތަކުގައި އާސަންދައިގެ ދަށުން ހިދުމަތަށް ކަނޑައަޅާފައިވަނީ އަހަރަކަށް 5،000ރ. އެވެ.
އެ ތަންތަނުގައި އެއް ގަޑިއިރުގެ ތެރަޕީ ސެޝަނެއްގެ އަގު އާއްމުކޮށް އުޅެނީ 500ރ. އަށެވެ. ނަފްސާނީ ހާލަތު ދެނެގަތުމަށް ހަދާ އެސެސްމަންޓްތަކުގެ އަގު އުޅެނީ 1،500ރ. އާއި 3،000ރ. އާ ދެމެދު އަގުތަކެއްގަ އެވެ. އެހެންވެ އެކަމަށް ލުޔެއް ހޯދައިދިނުމަށް ނަފްސާނީ ބަލިތަކަށް ފަރުވާ ދިނުމަށް ވަކި ހާއްސަ ސެންޓަރެއް ވަނީ ހުޅުވައިފަ އެވެ.
މިިދިޔަ މާޗު 25 ވަނަ ދުވަހު ރައީސް ހުޅުވައިދެއްވި ސެންޓަރުން 4،000 އަށްވުރެ ގިނަ މީހުންނަށް ފަރުވާދީފައި ވެ އެވެ.
އެ ސެންޓަރުން ދޭ ފަރުވާތަކުގެ ތެރޭގައި، އޯޕީޑީގައި ބަލި މީހުން ބެލުމާއި އެޑްމިޓްކޮށްގެން ފަރުވާ ދިނުމާއި އަވަސް ފަރުވާ ބޭނުންވާ ބަލި މީހުންނަށް ފަރުވާދިނުމުގެ އިތުރުން ނަފްސާނީ ބަލިތައް ވަޒަންކުރުމާއި ބަލި ދެނެގަތުމާއި ބޭހުގެ އެހީގައި ފަރުވާ ދިނުމާއި އޮކިއުޕޭޝަނަލް ތެރަޕީ ދިނުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝާން
31 January 2020
ދެން ފެންނާނީ ކުލިނިކު ތަކުން މުސާރަޔާ އެލަވަންސްތައް ބޮޑުކުރި ހަބަރު. ނަފުސާނީ އޮންނާނީ އޮތްތަނުގަ.
ައޮހެއި
30 January 2020
އުއްމީދު ކުރަންކުލިނިކުތަކުން މަކަރުނަހަދާނެ ކަމަށް......ކުރާކަމެއް ވާތީވެ....
އަދުލީ
30 January 2020
ވަރަށް ރަނގަޅު ކަމެއް. ޝުކުރިއްޔާ
ޖެނެރަލް އަންދަރޭ
30 January 2020
އެންމެ 5000 ރުފިޔާ؟!!!
ޒެން
31 January 2020
ޝުކުރުވެރި ވެބަލަ. މީހަކަށް -/5000 އެއީ ކުޑަ އެއްޗެއް ނޫން، ހަމަ ގައިމު ކޮންމެވެސް ވަރަކަށް ލުޔެއް ލިބޭނެ . ޤައުމު ތަރައްޤީ ވާނީ ސަރުކާރުން ކޮށްދޭ މިފަދަ ކަންކަން ރަށްޔިތުންވެސް އަބަދު ހުސް ޝަކުވާ ނުކޮށް ބަލައިގަތީމަ.
ުިޮ9ޖކހ
31 January 2020
ޝުކުރު ކުރަން ދަސްކޮށްބަލަ! އިހްތިރާމް ކުރަން ދަސްކޮށްބަލަ! ދިވެހިންނަށް މިތިބެވެނީ ކޯއްޗެއް ބޮވިފަ ބާއޭ ހިތަށް އަރާ.. ހަމަ ކަމެއް ވާއިރަށް ތަނެއް ދޮރެއް ނުބަލާ ފަށާނެ ހަޅޭ ލަވަން.. އެނގޭ ކަމެއްވެސް ނޯންނާނެ! ނޭނގޭ އެއްކަމެއްވެސް ނޯންނާނެ..
އޭނަ
31 January 2020
މިވަރު ކޮށްދޭތީވެސް ޝުކުރުވެރިވާންޖެހޭ. ހުރިހާ ކަމަކަށް ސަރުކާރަކުން ޚަރަދެއް ނުކުރެވޭނެ. އަހަރުމެންނަކީ އަދި އެންމެ ކުރިއަރާފައިވާ ޤައުމުތަކުގެ ތެރެއިން ޤައުމެއްނޫން. 5000 ރުފިޔާއިން އެފެށީ.