ހުޅުމާލޭގެ ދެ ފޭސް ގުޅުވައިލުމަށް ހަދާ ބްރިޖުގެ މަސައްކަތް ކުރަނީ.---ފޮޓޯ: ހުސައިން ވަހީދު/މިހާރު
09 ފެބުރުއަރީ 2020 - 14:21
87 comments
ހުޅުމާލެ ފުރަތަ ފިޔަވައްސާ، އަލަށް މީހުން އާބާދުކުރާ ދެ ވަނަ ފިޔަވަހި ގުޅާލަން އަޅާ ފަސް ބްރިޖް އަންނަ މަހުގެ ތެރޭގައި ނިމޭނެ ކަމަށް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ބުނެފި އެވެ.
ހުޅުމާލޭގައި ހިންގާ މަޝްރޫއުތަކާ ބެހޭ ގޮތުން "މިހާރު"އަށް ދެއްވި އިންޓަވިއުއެއްގައި އެޗްޑީސީގެ މެނޭޖިން ޑިރެކްޓަރު ސުހެއިލް އަހްމަދު ވިދާޅުވީ ހުޅުމާލެ ކަނެކްޓިން ބްރިޖްތަކުގެ މަސައްކަތް ނިންމަން އަމާޒު ހިފާފައި ވަނީ އަންނަ މަހުގެ ފަހުކޮޅަށް ނުވަތަ އެޕްރީލް މަހުގެ ކުރީކޮޅަށް ކަމަށެވެ.
ފަސް ބްރިޖް ވެސް ހަދަނީ އަޑިން ކޯރު ދެމޭ ގޮތަށް ވަރަށް ހިތްގައިމުކޮށެވެ. ބްރިޖްތައް ނިންމަން ހަވާލުކޮށްފައި ވަނީ ހުޅުމާލޭގައި 7،000 ފްލެޓް އެޅުމުގެ މަސައްކަތް ވެސް ކުރަމުން އަންނަ ޗައިނާގެ ޗައިނާ ސްޓޭޓް އިންޖިނިއަރިން އެންޑް ކޮންސްޓްރަކްޝަން ކޮމްޕެނީ (ސީއެސްއީސީސީ) އިންނެވެ.
"ބްރިޖްތަކުގެ ޑިޒައިނަށް ވަރަށް ބޮޑަށް އިސްކަންދީފައި ހުރީ، އެހެންވީމަ ނިމޭއިރު ވަރަށް ރީތިވާނެ،" ސުހެއިލް ވިދާޅުވި އެވެ.
ހުޅުމާލެ ފޭސް އެކަކާއި ދޭއް ގުޅާލާ ބްރިޖެއް: މި ބްރިޖްތައް ނިމޭއިރު ވަރަށް ރީތިވާނެ ކަމަށް އެޗްޑީސީން ބުނޭ.
ދެ ވަނަ ފިޔަވަހީގެ މި ބްރިޖްތައް ހަދަނީ ސައުދީ ފަންޑުން ދިން 80 މިލިއަން ޑޮލަރު (1.2 ބިލިއަން ރުފިޔާ)ގެ ލޯނު އެހީގެ ދަށުންނެވެ.
ހުޅުމާލޭ ފުރަތަމަ ފިޔަވަހީގެ ބޮޑު ހަތަރު މަގަށް ސީދާ ވާ ގޮތަށް ހަދާ ހަތަރު ބްރިޖްގެ އިތުރުން، ފަސް ވަނަ ބްރިޖެއް އަޅަނީ ހުޅުމާލޭ ދެވަނަ ފިޔަވަހީގައި ވަކިން އޮންނަ ޓޫރިޒަމް ޒޯނު ސަރަހައްދާއި، ދެ ވަނަ ފިޔަވަހީގެ އަނެއް ބައި ގުޅުވައިދޭށެވެ.
ހުޅުމާލޭ ދެ ފިޔަވަހި ގުޅުވާލައި މި ބްރިޖްތަކުގެ ކޮންކްރީޓް ހުރިހާ މަސައްކަތެއް ނިންމާ މިހާރު ފަށަން ވެފައި އޮތީ ތާރު އެޅުން ފަދަ ކަންކަމެވެ. އޭގެ އިތުރުން ބްރިޖް ހަދަން، ހިއްކި މޫދު އަލުން ކޮންނަން ވެސް މިހާރު އަންނަނީ ތައްޔާރުވަމުންނެވެ. އެ މަސައްކަތް ވެސް ކުރާނީ، ސުހައިލް ވިދާޅުވި ގޮތުގައި، ސީއެސްއީސީސީ އިންނެވެ.
ހުޅުމާލޭގައި އަޅާ ބްރިޖްތައް: މި ބްރިޖްތަކުގެ މަސައްކަތް އެޕްރީލް މަހު ނިމޭނެ.
ހުޅުމާލޭގެ ދެވަނަ ފިޔަވަހީގެ ގޮތުގައި 240 ހެކްޓަރުގެ ބިން ވަނީ ހިއްކައިފަ އެވެ. އަދި އެ ސަރަހައްދުގައި 15،000 ހައުސިން ޔުނިޓާއި އެ ނޫން ވެސް ތަފާތު ހިދުމަތްތައް ލިބޭ ގޮތަށް ތަރައްގީކުރަން އެޗްޑީސީން އަންނަނީ މަސައްކަތްކުރަމުންނެވެ. އެޗްޑީސީން ލަފާކުރަނީ މި އަހަރުގެ ފަހުކޮޅު، އޭގެ ތެރެއިން 7،000 ފްލެޓުގައި މީހުން އާބާދުކުރެވޭނެ ކަމަށެވެ.
ސުހެއިލް ވިދާޅުވި ގޮތުގައި އެހާ އިރަށް މަގުތައް ވެސް ނިންމައި، އެތަން ފެހިކުރުމުގެ މަސައްކަތް ވެސް އަންނަނީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާމާ
10 February 2020
ތި ބްރިޖަކީ ކިހާވަރެއްގެ އީއައިއޭ އެއް ހަދައިގެން ހަދާ ބްރިޖެއްބާ؟؟ އެންމެ ފަހުން ރީތި ބްރިޖްތަކެއް އަގުބޮޑުކޮށް އަޅާ ނިމޭފަހުން، މުޅިތަން ހިކި ބްރިޖްތަކުގެ ބޭނުން ކެޑިފަ އޮންނާނީ. ބަޔަކަށް ލާރިތަކެއް ދިން ނަމަވެސް ތީ ބޮޑުވަރު.
98658
10 February 2020
ދަރުމަވަންތަ ހޮސްޕިޓަލް 214 މިލިއަން ޑޮލަރަށް 25 ބުރިއަށް އިމާރާތްކުރީމަ އެއީ މާސިންގާ ކޮރަޕްޝަނެކޭ ގޮވީ. މިހާރު ދިވެހި ރައްޔިތުން ވިސްނާލާ 4 ފާލަންބުރި ގާތްކަނޑަކަށް 20 މީޓަރު އެއިން ބުރިއެއްގައި ހުންނާނީ. މިހަދަނީ 80 މިލިއން ޑޮލަރަށް.
ގމާރު
10 February 2020
ބަލަ އެއީ މިދިޔަ ސަރުކާރުން ކުރަންފަށާފަ ހުރިކަންކަންް..ވަނީ މާކުރިން އެޑްވާންސްއަށް ލާރި ނަގާފަ.
ޖާދޫގަރު
10 February 2020
ބަލަ ހުޅުމާލޭ ދެވަނަ ފިޔަވަހި ގުޅުވާ ފާލަން ބުރި ތަކަކީ ވެސް ކުރީ ސަރުކާރުން ފެށްޓި ކަމެކޭ. އެހެންވީމަ އެއްޗެއް ކޭ ކަމުގަވާނަމަ، އެކޭބަޔަކުގެ ވާހަކަ ދައްކާ. ރަނގަޅަށް މަޢްލޫމާތު ހޯއްދަވާ.
ދޮން ދީނި
10 February 2020
މިއާޓިކަލްގައި އެބުނަނީ ބްރިޖަށް 80 މިލިއަން ޚަރަދު ވީ ވާހަކައެއް ނޫން. އެ 80 މިލިއަން އެހީގެ ދަށުން ހެދި އެއްޗެކޭ. ދެން ތި ބްރިޖްވެސް އެވޯޑް ކުރީ ރައީސް ޔާމީނު.. ކޮންމެ ކަމަކަށް ނެގަޓިވް ނުވެ ޕޮސިޓިވްކޮށް ވިސްނީމައި ސިހްހަތަށްވެސް ފައިދާ ވާނެ.. ލޮލް.
އަމިން
10 February 2020
ނުވިސްނޭނެ..ވިސްނާކައްބޭނުމެއްވެސް ނުވާނެ..ޔާމީނު އެޢީ އަދާވާތްތެރިއެއް ގޮތުގައި ވިސްނާދީފައި އޮތީ...އެހެނަސް ކެޔަސް ޔާމީނު ގެނައި ތަރައްގީ ގެނައިމީހަކު ވޭތިވެތިޔަ 50 އަހަރުވެސް ވެރިކަމަށްނާދޭ.
ފފފފ
10 February 2020
މި ފެބްރުއަރީގައި މެދުފަންތީގެ ފްލެޓްތައް ވިއްކަން އިޢުލާނު ކުރާނެކަމަށްބުނި.. ކޮންއިރަކުންވާ ކަމެއްބާ އެއީ. ތާރީޚް ދޭނެ ދުވަހަކު އެތާރީޚަށް ކަމެއްނިންމިފައިނެތް.
ނަޝީދު.
10 February 2020
އެއް ރަށެއްގަ ދެކޮޅު ގުޅުވަން ބުރިޖު އަޅަން ބޮޑު ހަރަދެއް ކުރަން ޖެހުނު ސަބަބު ވެސް ބަލަން ޖެހޭ ނޫންތޯ؟ ހަރަދު ކުޑަކޮށްފަ ފޭސް 2 އަށް ވެލި އަޅަން ޖެހޭ ވަރަށް ވުރެން ތުނިކޮށް ވެލި އެޅީމާ ވާރޭ ވެހުނީމަ މުޅި ހުޅުމާލޭ ހުރިހާ ފެނެއް ފޭސް 2 އަށް ގޮސް ފެންބޮޑުވާނެތީ ކުރަން ޖެހުނު ހަރަދެއް ތީ. މަކަރު ހަދަން ހަދައިގެން ވާހާގޮތް. އަދިވެސް މުއިޒު މާލޭ މޭޔަރަށް ހޮވަންވީ؟
ހަސަނު1
10 February 2020
މާބޮޑަށް އެނގެނީ ތި
ނަޝީދު.
10 February 2020
ހަސަނު1 ތިބުނާހެން މާބޮޑަށް އިގޭތީތަ މާފަންނު ހިއްކި ސަރަހައްދުން ފެން ބޮޑުވުން ނުހުއްޓިގެން މިއުޅެނީ؟ ބޭފުޅާ ތަނަކާ ގުޅުވައިގެން ހިއްކާ ތަންތަނަކީ ވަކި އަހަރެއް ވަންދެން ވެލިގަޑު ހަމަޖެހެން ބަހައްޓަން ޖެހޭތަންތަން. ހަމަ ޖެހުނީމާ އެ ގުޅުވިތަނާ ލެވަލް ކުރަން އަލުން ވެލި އަޅާ ހަމަޖައްސަން ޖެހޭތަންތަން. އޭގެބަދަލުގަ މާފަންނުވެސް، ހުޅުމާލެ ފޭސް 2 ވެސް ސިޔާސީ ބޭނުމަށް ގޯތިދުނުން އަވަސްކުރަން ގަތް ގަޑުން ވާހާގޮތް މީ. އިގޭތީ މިބުނަނީ! އިގިއްޖެ!
ވަހީދު
10 February 2020
އެއޮށް ބޮޑު ބްރިޖާއި މަގުތަކާއި ކަނޑު ތޮށިތައް ހަދަން ޚަރަދުވި 212 މިލިޔަން ޑޮލަރު، ތިފާލަންތައް ހަދަން 80 މިލިޔަން ޑޮލަރު ޚަރަދު ކުރުމަކީ ފުކެއް ބޮޑުވަރު. އަަސްތަޢުފިރުﷲ.
ގުރާ
10 February 2020
212 މިލިއަނުން ދައުލަތުން ދައްކަން ޖެހެނީ އެއްބައޭ، އެއަށްވުރެ ބޮޑޭ މިއެއްޗަކަށް ހަރަދުކުރަންޖެހޭވަރު.
ދޮން ދީނި
10 February 2020
80 މިލިއަން އެއީ ހުޅުމާލޭގެ ގިނަ ކަންތަކެއް ކުރަން ހަމަޖައްސާފައި އޮތް އެހީއެއްގެ ޖުމްލަ އަދަދު.. އެއީ ބްރިޖަށް ޚަރަދުވީ އަދަދެއްނޫން.
ބޮޑުމީހާ
10 February 2020
ކިތަންމެ ބުރިޖެއް އަޅައިގެންވެސް ކުލީގެ އަޅުވެތިކަމުންނާއި ތޮއްޖެހުމުން ސަލާމަތްވާނެނަމަ
އަށް ގޮދާ
10 February 2020
ޝުކުރިއްޔާ ރ. ޔާމީން. މިކަހަލަ ހަރުދަނާ ކަމެއް އެމްޑީޕީ އަކައް ނުވާނެ. ހައްތާވެސް ފެންނެތް ބޮޑެތި ކާށި.
އިނީސާ
10 February 2020
ޝުކްރޔާ ރިއީސް ޔާމީން! ފްރީ ހިމް ނައު!
ރީތި މޫސަ
09 February 2020
ރައީސްޔާމިންވަނީ ބުނާގޮތުންނަމަ މަނީލޯންޑަރ ކޮށްފަ ނަމަވެސް ދުވަކުވެސް މިޤައުމު ނުދެކޭވަރަށް މިޤައުމުތަރައްޤީކޮށްފަ ވެރިކަންނިމުއިރު ބައިތުލްމާލުވަނީ މުއްސަދިކޮށްފަ ނަމަވެސް މަނީލޯންޑްރިން ނުކުރާމީހުނަށް ކޮށްދެވުއެއްވެސްކަމެއްނުފެނެ ފެންނަނީ ޤައުމުފަގީރުވަމުންދާތަން އިވެނީއަބަދުވެސް ރައްޔިތުންނަށްލިބެމުންދާ އެއްޗެއްއުނިކުރަން އުޅޭޚަބަރު މިހާރުވެސް ފެނިގެންދަނީ ޔާމިންފައްޓަހުރިމަސްރޫއުތަށް ނިމިހުޅުވެމުންދާތަން
ޝޮކްތެރަޕީ
09 February 2020
ސުހޭލް ތި މަގާމަ ހަވާލުވީއިރުގަވެސް ހުރިހާކަމެއް ނިމެމުން ދަނީ. ކަމްމެހެން މޮޅުވަހަކަ ނުދައްކާ މި ސަރުކަރުން އަދި ހުޅުމަލޭގަ ގަބުރިއެއްވެސް ނުމާއްވާ.
ދޮން ދީނި
10 February 2020
ދެން ސުހޭލް އަގަމަޑުންލައިގެން މިދިޔަސަރުކާރުން ފަށާފައި ހުރި އަދި އޭނަ ހަވާލުވި އިރު ކުރަމުން ދިޔަ ހުރިހާ ކަމެއް ހުއްޓާލައި އެއްވެސް ކަމެއް ނުކޮން ހުންނަންވީތަ؟ އޭނަ ކުރަން ޖެހެނީ ހުސް އާކަންތައްތަ؟