ޖަމާލުއްދީން ސްކޫލުގެ އަހަރީ ދުވަސް ފާހަގަކުރަން މިއަދު ބޭއްވި ރަސްމިއްޔާތުގައި ނައިބު ރައީސް ފައިސަލް، އެ ސްކޫލުގެ ދަރިވަރަކަށް ސެޓްފިކެޓް ހަވާލުކޮށްދެއްވަނީ.-- ފޮޓޯ: ރައީސް އޮފީސް
16 ފެބުރުއަރީ 2020 - 13:06
6 comments
ރާއްޖޭގެ ތައުލީމީ ނިޒާމުގެ ތެރެއިން ޖަމާލުއްދީން ސްކޫލު ދައްކާފައިވަނީ މުޅި ގައުމު ވެސް ފަހުރުވެރިވާ ފަދަ ނަމޫނާތަކެއް ކަމަށް ނައިބު ރައީސް ފައިސަލް ނަސީމް މިއަދު ވިދާޅުވެއްޖެ އެވެ.
އެ ސްކޫލުގެ 35 ވަނަ އަހަރީ ދުވަސް ފާހަގަކުރަން ބޭއްވި ރަސްމިއްޔާތު ޝަރަފުވެރިކޮށްދެއްވައި ވާހަކަފުޅުދައްކަވަމުން އެ މަނިކުފާނު ވިދާޅުވީ ނުކުޅެދުންތެރިކަން ހުންނަ ކުދިންނަށް ކިޔަވައިދޭން އެންމެ ފުރަތަމަ މަސައްކަތްކުރި ތަނަކީ ޖަމާލުއްދީން ސްކޫލް ކަމަށެވެ. ތިމާވެށި ހިމާޔަތްކުރުމުގެ މަސައްކަތުގައި ވަރަށް ކުރިއްސުރެ ޖަމާލުއްދީން ސްކޫލުން ނަމޫނާ ދައްކާފައިވާ ކަމަށް ވިދާޅުވި އެވެ.
ތިމާވެށި ހިމާޔަތްކުރުމުގެ މަސައްކަތް އަގުވަޒަންކޮށް ޖަމާލުއްދީން ސްކޫލުން ވަނީ 1997 ވަނަ އަހަރު ތިމާވެށި ހިމާޔަތްކުރަން ކުރާ މަސައްކަތް އަގުވަޒަން ކޮށް އޭރުގެ ރައީސްގެ ފެހިފަތް ހާސިލްކޮށްފައިވެ އެވެ.
ޖަމާލުއްދީން ސްކޫލުގެ އަހަރީ ދުވަސް ފާހަގަކުރަން މިއަދު ބޭއްވި ރަސްމިއްޔާތުގައި ނައިބު ރައީސް ފައިސަލް ވާހަކަފުޅުދައްކަވަނީ.-- ފޮޓޯ: ރައީސް އޮފީސް
"އެ ސްކޫލުގައި މީގެ 35 އަހަރު ކުރިން ފެށިގެން މިއަދާ ހަމައަށް މަސައްކަތްކުރި ފަރާތްތަކުގެ މައްޗަށް ފަހުރުވެރިވާންޖެހޭ ކަމެއް،" ނައިބު ރައީސް ވިދާޅުވި އެވެ.
އެ މަނިކުފާނުގެ ސްކޫލު ދައުރުގެ ހަނދާންތައް އާ ކުރައްވަމުން ފައިސަލް ވަނީ މިހާރު ކިޔަވަމުން އަންނަ ދަރިވަރުންނަށް ނަސޭހަތް ދެއްވައިފަ އެވެ. ކުދިކުދި ކަންކަން ވެސް ރަނގަޅަށް ކުރަން އާދަކުރުމާ އެކުގައި މަސައްކަތްކުރުމާއި ޓީޗަރުންނާއި މައިންބަފައިން އަދި ބޮޑެތި މީހުންނަށް އިހުތިރާމު އަދާކުރުމަށް ހާއްސަ ސަމާލުކަމެއް ދިނުމަށް ދަރިވަރުންގެ ކިބައިން އެދިވަޑައިގަތެވެ.
ޖަމާލުއްދީން ސްކޫލުގެ އަހަރީ ދުވަސް ފާހަގަކުރަން މިއަދު ބޭއްވި ރަސްމިއްޔާތުގައި ނައިބު ރައީސް ފައިސަލް (މ)، އެޑިއުކޭޝަން މިނިސްޓަރު ޑރ. އައިޝަތު އަލީ އަދި އެ ސްކޫލުގެ ޕްރިންސިޕަލް ހަސަން ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
ސްކޫލުގެ އަހަރީ ދުވަހެއްގައި އަޒުމް ކަނޑައަޅަންވީ އެއްކަމަކީ ޓީޗަރުންނާއި އުނގަންނައިދޭ މީހުންނަށް އިހުތިރާމު އަދާކުރުމާއެކު އެ ފަރާތްތަކާ ގާތްގުޅުމެއް ބާއްވައި ޓީޗަރުން ދޭ ފިލާވަޅުތައް ރަނގަޅަށް ދަސްކުރުންކަމުގައި ވެސް އެމަނިކުފާނު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
16 February 2020
ބޮޑު މުސާރައާއި އިއްޒަތް މިގައުމުގައި ލިބޭނީ އެންމެ އަޅޭލަވާ މީހުންގެ އަބުރު ކަތިލާ ކޮންމެވެސް ކުށުގެ ރެކޯޑެއް އޮންނަ މީހުންނަށް. ކިޔަވައިގެން މޮޅު ސެޓްފިކެޓް ހޯދާ މީހުން ތިބެންވާނީ ގޭގައި
ޢިބޫ
16 February 2020
އެޒާމާނަށް ރަނގަޅީ، މިހާރަކަށް ތިތާގެ މެނޭޖުމެންޓް ރަނގަޅެއްނޫ. ތިތާގެ ވެރިންވެސް އެބަޖެހޭ ބަދަލުވާން.
ބޮޑުމީހާ
16 February 2020
ކިޔެވީމަ ކޯއްޗަކަށް މިވަނީ! ލޯނު ނަގައިގެން ސިކުނޑި ސުމަކަށް ގޮސް މާސްޓާރސް ނެގީމަ 7000 ރުފިޔާ ނުޖެހޭ. ސްކޫލަން ވަންނަ ދުވަހުން ފެށިގެން ކްލާސްތެރޭ ސަކަރާތްޖަހާ އޯލެވެލް އެއް ނަހަދާ މީހާ އަށް ސްޓޭޓް މިނިސްޓަރުކަން އެވެސް 35000 ރުފިޔާ
އާން
16 February 2020
ކިޔަވަން ލޯނުނަގާ އާއިލާއާ ދުރުގަ ހުރެމެ ބޮޑެތި ފިކުރުކޮށް ރާއްޖެ އައިމަ ތާކުން ތާކު ނުޖެހިފަ ކިރިޔާ އުޅެވޭ ވަރުގެވެސް މުސާރައެއް ނުލިބި ގިނަ ދުވަހު ދިގުމުއްދަތު މަސައްކަތް ކުރަން ޖެހިފައިތިބީ ގކިޔަވައިގެން އައި ގިނަމީހުން. އެކަމަކު ނުކިޔަވާ ތިބި ތަންދޮރު ނުދަންނަމެން ބޮޑެތި ސިޔާސީ ވަޒީފާތަކުގަ ކޮރަޕްޝަން ހިންގާލަ ހިންގާލާ ބަތްކަައްކާ ކުޅެން
ދޮންމަނިކް
16 February 2020
އެކަމު ޓީޗާސް މިތިބެނީ ތާށިވެފައި ..... ސަރުކާރުން ބުނަނީ އަބުރުވެރި ބަޔެކޯ؟.......
ސަސި
16 February 2020
ނައިބުގެ ކަމަކަށް އޮންނަނީ ކޮންމެވެސް މިކަހަލަ ވާހަކަ އެއް ދެއްކުން އެކަނިތަ. ގައުމުގަ މިހިރަ ހިނގާ ބޮޑެތި ކަންކަމާ ނައިބުގެ ހައިސިްޔަތުން ކަންބޮޑުވާން ޖޭހޭ ދޯ. ތި ހުންނަނީ ހަމަ ހިހޫ ތަނުން ކާލައިގެން