ކާށިދޫ ދާއިރާގެ މެމްބަރު އަބްދުﷲ ޖާބިރު. އޭނާ ވިދާޅުވީ ރާއްޖޭގައި އެކަށީގެންވާ ވަރަށް ފަންނީ މީހުން ނޫފެއްދޭ ކަމަށް.
24 ފެބުރުއަރީ 2020 - 10:18
28 comments
ރާއްޖޭގައި އެކައުންޓެންޓުންނާއި އޮޑިޓަރުން ފަދަ ފަންނީ މީހުން ބިނާ ނުކުރެވޭ ކަމަށް ވިދާޅުވެ، ކާށިދޫ ދާއިރާގެ މެމްބަރު އަބްދުﷲ ޖާބިރު، ހަޔާ އެޑިއުކޭޝަން މިނިސްޓަރު ޑރ. އިބްރާހީމް ހަސަނަށް މިއަދު ފާޑުވިދާޅުވެއްޖެ އެވެ.
ސަރުކާރުގެ ފަރާތުން ދާންދޫ ދާއިރާގެ މެމްބަރު ޔައުގޫބް އަބްދުﷲ ހުށަހެޅުއްވި ދިވެހިރާއްޖޭގެ ޗާޓާޑް އެކައުންޓެންޓުންގެ ބިލަށް ބަހުސް ކުރައްވަމުން ޖާބިރު ފުރަތަމަ ސުވާލުކުރެއްވީ "ހަޔަ އެޑިއުކޭޝަން މިނިސްޓަރު ހުންނަވަނީ ކީއްކުރައްވަންތޯ" އެވެ. އޭނާ ވިދާޅުވީ މީހުން ތަމްރީނުކުރާ ތަންތަން ގާއިމްކުރަން ޖެހޭ ކަމަށާއި ރާއްްޖޭގެ އިގުތިސާދު ބިލިޔަނުން ޓްރިލިއަނަށް ބަދަލުވާ އިރު އޮޑިޓަރުންނާއި އެކައުންޓެންޓުން އިންތިހާއަށް ބޭނުންވާ ކަމަށެވެ.
"އެހެން ވެއްޖެއްޔާ އަޅުގަަނޑުމެން ހިސާބުކިތާބު ރަނގަޅަށް ބަލަަހައްޓަން ޖެހޭނެ. އޮޑިޓަރުންނާއި އެކައުންޓެންޓުންނާއި އިންޓަނޭޝަނަލް އޮޑިޓަރުންނާއި އިންޑިޕެންޑެންޓް އޮޑިޓަރުންނާއި އިންޓާނަލް އޮޑިޓަރުންނާއި މި ހުރިހާ އެއްޗެއް [މީހުންނެއް] އަޅުގަނޑުމެން ބޭނުންވޭ. އަޅުގަނޑުމެންގެ ގައުމުގައި މީހުން އެބަތިބި އިންޓެލިޖެންޓް މީހުން،" ޖާބިރު ވިދާޅުވި އެވެ.
އޭނާ ވިދާޅުވީ އެ މަސައްކަތްތަކަށް ދިވެހިން ތަމްރީކޮށްފި ނަމަ އެކަން މާ ރަނގަޅަށް ކުރާނެ ކަމަށެވެ. ނަމަވެސް މިހާރު އެ މަސައްކަތްތައް ކުރުވަން ޖެހެނީ ބޭރުގެ ކުންފުނިތަކާ ހަވާލުކޮށްގެން ކަމަށް ވިދާޅުވެ ބޭރުގެ ބައެއް މަޝްހޫރު އޮޑިޓް ފާމްތަކުގެ ނަން ވެސް ގެންނެވި އެވެ.
ޖާބިރު ވިދާޅުވީ މީހުން ތަމްރީނުކުރުމުގެ ކަންކަން ހަޔާ އެޑިއުކޭޝަން މިނިސްޓްރީއަށް ނުވާ ނަމަ އަމިއްލަ ފަރާތްތަކާ ހަވާލުކުރުމަށެވެ.
"މި ދައުލަތުގެ ހުރިހާ ކަންތައްތައް ސަރުކާރަކަށް ނުކުރެވޭނެ. އެހެންވެގެން ޕްރައިވެޓައިޒްކުރުމުގެ ނިޒާމް މި އޮންނަނީ،" އޭނާ ވިދާޅުވި އެވެ.
ޖާބިރު ތުހުމަތުކުރެއްވި ގޮތުގައި ބައިނަލްއަގުވާމީ ކޮލެޖްތަކާއި ޔުނިވާސިޓީތައް ރާއްޖެ ނާންނަނީ ގަވާއިދުތައް މާ ގިނަވުމުންނެވެ.
ރާއްޖޭގެ މަތީ ތައުލީމަށް ބަލާއިރު އެކައުންޓާއި އޮޑިޓްގެ ދާއިރާގައި ވެސް ގިނަ އަދަދެއްގެ ކުދިން ކިޔަވަ އެވެ. އެކަމަކު ބޮޑެތި ކުންފުނިތަކުގައި ދިވެހި އެކައުންޓެންޓުންނަށް ވުރެ ބޮޑަށް ސަމާލުކަން ދެނީ ބޭރު މީހުންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަންގްރޭޓްފުލް
24 February 2020
ކަޓާފަ ހުންނައިރު ކިޔޭނުކިޔޭ ނޭންގޭނެ. ޢައި ކެން އަންޑަރސްޓޭންޑް. ކޭބަލް ކާ ކޮބާ. ދެން ކީއްކުރާ އެމް.ޕީ އެއްތޯ
އުމަރުބެ
24 February 2020
އެއީ ސްކޯލާޝިޕްދޭ މިނިސްޓަރު، ހަޔާ އެޑިއުކޭޝަން މިނިސްޓަރެއްނޫން
ބޮޑުމީހާ
24 February 2020
ފަންނީ މީހުން ނުއުފެދެނީ އެވަރަށް މުސާރަ ނުދޭތީ. މިގައުމުގެ ފަންނަކީ ސިޔާސީ ނަގަންޖެހޭ ފާހަކީ ރޯ ބުހުތާނު ދޮގު ހެދުމާއި ހުއްޓާ ނުލާ އަގަތެޅުން. ބޭސިކް މުސާރަ އުޅޭނީ 20000 ރުފިޔާއިން މަތީގަ. އިތުރަށް ލިބޭނެ ބޭންކްކޮކްއިން ހެލްތް އިންޝުއަރެންސާއި، ފްލެޓްބަހާ ދުވަސްވަރު ފްލެޓްވެސް
ފަޒީލް
25 February 2020
މިދާއިރާގެ މޮޅު މީހުން އެބަތިބި. ޕްރައިވެޓް ކުންފުނިތަކުން ދިވެހިން ނުނަގަނީ ދެސަބަބަކަށް. އެމީހުންގެ ވަގު ވިޔަފާރިތައް ފަޅާއަރުވަފާނެތީ. ހާއްސަކޮށް ރިސޯޓްތައް. ދެވަނަ ކަމަކީ ރަގަޅު މުސާރައެއް ދޭން ބޭނުން ނުވުން. ލަންކާ ކަޓު އޮޑިޓަރުންނާއި އެކައުންޓަންޓުން ގިނަވަނީ މިހެންވެ.
މެރީނާ
24 February 2020
ފައްނީ މުއައްޒަފުން ނުއުފެއްދޭ ސަބަބަކީ ބޭރުލަންކާ އެކައުންޓެންޓައް 4000ޑޮލަރު 5000 ޑޮލަރު ދީގެން ދިވެހިމީހާއަށް 2000 ދޮލަރު ދޭން އުދަގޫވާތީ އަދި ދިވެހި މީހާއަށް އެމަގާމް ދީފައި އޮއްނަނަމަ ލިބޭހަގީގީ ފައިދާ އެގިދާނެތީ އެކަން ފޮރުވަން ކުރާކަމެއް.
އަރުވާލި އާދަނުގެ ސިޔާސީހާސަރު
24 February 2020
މިރާއްޖޭ ތޯ ޖާބިރޫ؟ 1978ގައި ދުނިޔޭގެ 50 އަހަރުވީ ޔުނިވަރ ސިޓީން ކުއްލިއްޔަތުލް ޝަރީއަތް ވަލް ފިގްހު އިން ތަހުއްސުސް ވެ މާސްޓަރ ޑިގްރީ ހާސިލް ކުރެއްވި މުއާތިނަށް ދިވެހިން އެރުވީ 30 އަހަރުގެ ސިޔާސީ ޕްރޮޖެކްޓްއެށް ނޫންތޯ. ދެން އެކަމުގެ އަގުވަޒަން ނުކޮށް ދޮށީ އުމުރުގައި ލީ ޖަލަކަށް ނޫންތޯ ؟ ދެން ޖަލުން ސަލާމަތް ވާ އިރަށް ގޮވީ ދަރާ އޮތިއްޔޭ ނޫންތޯ. ދެން މިރާއްޖެ ސިހިގެން ދިޔަވަރު އެކޮނޮމިސްޓްއެށް ލިބުނީމާ އޭނާ އެސްކްރޯ ކޮށް އޭނާ މަނީލޯންޑްރީ އެއްނު
ޖާބިރު ހަސަން
24 February 2020
އެމްޕީ ޖާބިރު ގެ ކޯޓުން ދިވެހި ނިޝާން ވެއްޓޭމަންޒަރު ފެންނާތީ ކަންބޮޑުވޭ.
އަންޑާޕޫލްމާ
24 February 2020
ޖާބިރަށް ރައީސްކަންދީގެން މީހުން އުފެއްދޭންއޮތީ. ހާއްހާ
ޙަބީބު
24 February 2020
ޖާބިރުގެ ރިސޯޓުތަކުން ދިވެހި މުވައްޒަފަކައް 2000 ޑޮލަރުގެ މުސާރަ ދީފަ ބުނެބަލަ މެލޭޝިޔާ ނުވަތަ ޖަޕާނުން ތައުލީ މު ހާސިލު ކުރަން އަނބިދަރިން ބޭރައް ފޮނުވާށޭ އެކުދިން ކިޔަވާނެ ނުވަތަ ޖާބިރު ހަރަދުގަ ޖަޕާނުގަ 25 ބުރީގެ އި މާރާތެއް ގާއި މުކޮއް ޖާބިރު ރިސޯޓު މުވައްޒަފުންގެ ދަރިންނައް މޮޅައް ކިޔެވޭނެ ގޮތެއް ފަހިކުރު މުން ތިޔަދިއްކުރާ އިނގިލި ތަންކޮޅެއް މަދުވާނެ ގަޔައް މިސްރާބު ވާވަރު
ހަސަން ސަލީމް
24 February 2020
މިއިން އެއްވެސް މީހެއްގެ ލަދެއް ހަޔާތެއް ނެތީމަ މިކަހަލަ ވާހަކަ ރައްޔިތުންނަށް އޮޅުވާލަން ދައްކަނީއެވެ. ޖާބިރު ކައިރީ މިހާރުވެސް އަހާބަލާށެވެ. ﷲ އަށްޓަކާ ތެދެއްހަދަން ކެރޭނަމަ، އޭނާގެ އެކި ކުންފުނި ތަކުގައި މީހުންނަށް މުސާރަނުދީ ހުރި މިންވަރު. މަސައްކަތު މީހާގެ ދާ ނުހިކެނީސް އެމީހާގެ މުސާރަދޭން އަންގަވާފަވާއިރު މި މީސް މީހުން ޢުމުރު ހޭދަ މިކުރަނީ އެ ވަރުވެސް ނުކޮށް. ލަދު ކޮބާ
ާއުނިމާ
24 February 2020
އަޅުގނޑު ޖާބިރަށް ޝުކުރުއަދާކުރަން މިކަން ސަމާލުކަމަށް ގެނައީތީ ، މިކަމަަށް ވަކާލާތުކޮށްދެއްވީތީ، އެޖެންޑާ 19 ކިޔައިގެން ސަރުކާރުން އެޅިހާ ބަތަކަށް ރިހަ އަޅާގެން ތިބި އެމްޑީީޕީ މެންބަރުންތައް ކޮބައިތޯ؟ ރައްޔިތުން މަތިން ހަދާން ނެތުނީ ހޮވުނީމާ
ހަބޭސް2050
24 February 2020
ޖާބިރު އަތުގައި އޮތީ ކޮން ޑިގުރީއެއްތޯ؟ %99.99 މީހުން ނަށް ލިޔަންކިޔަންދަންނައިރު، ސަރުކާރުގެ އޮފީސްތަކުގެ އެޑްމިން އޮފިސަރުންފެށިގެން މަތީގެ ހުރިހާމަގާމުތަކެއްގައި ޖީސީއީ އޯލެވަލް އޭލަވަލް، ޑިޕޮލޮމާ، ޑިގުރީ، އަދި މާސްޓަރސް ފެނަވަރުގެ މީހުން މަސައްކަތްކުރާއިރު ގާނޫން ހަދާ މަޖިލީހުގައި %70 މެންބަރުންނަކީ އަސާސީ ތައުލީމުގެ ފެނަވަރު މީހުން %10 އަކީ ހޮޅުއަށީގެ ރޯނުއެދުރުން މިވަރުގެ ބޮޑު ޖޯކެއް އޮންނާނެބީ؟
ޒުވާނާ.
24 February 2020
ތިޔަބުނީ ހެޔޮކޮއް 85000 ރުފިޔާ އަ މިއްލަޔައް ފާސްކޮއްގެން ކަ މުން އެދަނީ އަހަރަކު 3 މަހުޗުއްޓީ ރިސޯޓު ތަކުގަ އެތިބީ މޮޅައް އިނގިރޭސި ހިސާބު ދަންނަ ބައިވަރު ކިޔަވައިގެން ތިބިޒުވާނުން ނަ މަވެސް 10.000 ރުފިޔާ ގަނޑު ފާސްކޮއްލަން ނުކެރުނު މީ ވަރައް ދެރަކަންކަން އެކަ މަކު މިމ މީހުންނައް މިވަރު އަދަދެއް ލިބެނީ އެ މީހުން ވައްދާ ޑޮލަރުގެ ސަބަބުން ކައިބޮއެ ހެދެނީ ތެޔޮކޮޅުގަނެ ފޯނުޗާޖުވަނީ އެކަ މުން
ާއުނިމާ
24 February 2020
ޖާބިރު އަތުގަ ޑިގްރީއެއްނެތަސް އަޅުގނޑު ޖާބިރަށް ޝުކުރުއަދާކުރަން މިކަން ސަމާލުކަމަށް ގެނައީތީ ، މިކަމަަށް ވަކާލާތުކޮށްދެއްވީތީ، އެޖެންޑާ 19 ކިޔައިގެން ސަރުކާރުން އެޅިހާ ބަތަކަށް ރިހަ އަޅާގެން ތިބި އެމްޑީީޕީ ކިތައް މެންބަރުން އަތުތޯ ޑިގްރީ އޮތީ، ޖާބިރަށް ސާބަސް އަދި ތިޔަ ގޮތުގައި ވަކާލާތު ކުރައްވަމުން ގެންދަވާނެކަމަށް އުއްމީޑުކުރަން!