ފައްޔާޒު އިސްމާއިލް
05 މާޗް 2020 - 15:26
62 comments
ކުލި ކޮންޓްރޯލް ކުރުމަކީ ގަބޫލުކުރާ ކަމެއް ނޫން ކަމަށާއި ޕްރޮޕަޓީ ރައިޓްސް އާއި އިންޑިވިޖުއަލް ރައިޓްސްއަށް ބަލާއިރު އެކަން ކުރުން ރަނގަޅު ކަމަށް ގަބޫލު ނުކުރައްވާ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވެއްޖެ އެވެ.
އެންމެ ކުޑަ އުޖޫރަ ކަނޑައެޅުމާ ގުޅޭ ގޮތުން އާންމުންގެ ހިޔާލު ހޯދުމަށް ރައްޔިތުންގެ މަޖިލީހުގައި ބޭއްވި ބައްދަލުވުމުގައި ފައްޔާޒު ވިދާޅުވީ އަމިއްލަ ފަރާތްތަކަށް ބޭނުންވާ ކުއްޔެއް ކަނޑައެޅުމުގެ ހައްގު އޮންނަންޖެހޭ ކަމަށާއި ނަމަވެސް ސަރުކާރުގެ އިމާރާތެއް ނަމަ އެ ތަންތަނުގެ ކުލި ކުޑަކުރަން އެއްބަސް ކަމަށެވެ.
"އަޅުގަނޑުގެ ގޭގައި އަޅުގަނޑު އަމިއްލައަށް 12 ޕަސެންޓް އިންޓްރެސްޓް ލޯނަށް ދައްކާ އިރު ސަރުކާރަކަށް ބުނެވިގެން ނުވާނެ ވަކި ކުއްޔެއްގައޭ ކުއްޔަށް ދޭން ޖެހެނީ،" އޭނާ ވިދާޅުވި އެވެ.
މިފަދަ ކަންކަމުގައި ވެސް އެކި ފަރާތްތަކުގެ ހިޔާލު ތަފާތުވާނެ ކަމަށާއި އެ ހިޔާލު ތަފާތުވުންތަކާ އެކު ވެސް މެދުމިންވަރެއްގައި އެންމެންގެ ހިޔާލު ޝާމިލުވާނެހެން ކަންކަން ނިންމުމަށް ސަރުކާރުން މަސައްކަތްކުރައްވާ ކަމަށް އޭނާ ވިދާޅުވި އެވެ.
އެންމެ ކުޑަ އުޖޫރައާ އެންމެ ކުޑަ އުޖޫރައާ ގުޅިގެން ހިޔާލު ހޯދުމަށް ބޭއްވި ބައްދަލުވުމުގައި ބައެއް ފަރާތްތަކުން ވަނީ، އުޖޫރައެއް ކަނޑައަޅާ އިރު އެންމެ ފުރަތަމަ މާލޭގެ ކުލީގެ އަގު ކޮންޓްރޯލު ކުރުން މުހިއްމު ކަމަށް ބުނެ ވާހަކަދައްކައިފަ އެވެ. ކުއްޔާ ގުޅޭ ގޮތުން ފައްޔާޒު، އޭނާ ދެކޭ ގޮތް ހާމަކުރެއްވީ، އާންމުން ހުށަހެޅި ހިޔާލުތަކަށް ޖަވާބު ދެއްވަމުންނެވެ.
މާލޭގައި އަތޮޅު ތެރޭގެ ގިނަ ބަޔަކު ދިރިއުޅޭ އިރު، ލިބޭ ހުރިހާ މުސާރައެއް ކުއްޔަށް ދޭން ޖެހުމުގެ ވާހަކައަކީ އެތައް ބަޔަކު ކުރަމުން އަންނަ ޝަކުވާއެކެވެ. މިދިޔަ ދުވަސްތަކުގައި މާލޭގެ ކުލީގެ މައްސަލަ އަށް އެއްވެސް ހައްލެއް ހޯދިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓެކްސް
07 March 2020
ތިއަ މިނިސްޓަރު ގަބޫލެއް ނުކުރެ ޓެކްސް ނުދައްކަ އެއްބަޔަކަށް މުދާ އިމްޕޯޓްކޮށްގެން މުދާ ގެނެސް ވިއްކޭއިރު އަނެއްބަޔަކު ޓެކްސް ދައްކަން ޖެހުމަކީ އިންސާފެއް ކަމަކަށްވެސް. ފިހާރަތަކުން މުދާ ގެންނަ މީހާގެ އަތުން އިމްޕޯޓް ޓެކްސް އަދި ޖީއެސްޓީ އަދި ބީޕީޓީ ނަގާ، އެ މުދާ ގަންނަނީ ފަގީރުންވީމަ، އެއީ ަމައްސަލައެއް ނޫން. މުއްސަނދިން އެގެންނަނީ ސީދާ ރާއްޖޭން ބޭނުން، އެމީހުން ނުޖެހެ އެއްވެސް ޓެކްސް އެއް ދައްކާކަށް. ގެ ކުއްޔަށްދެނީ މުއްސަނދިން ވީމާ.....
ޙޗ×ހހ×
06 March 2020
ތިކަންދައްކާނަން އިންތިހާބުގަ. ހަމަގައިމުވެސް މަގޭ ވޯޓު އެމްޑީޕީ އަށް ހަރާންވީ މީގެފަހުން. ޣެއަޅަންދެއްކިލޯނު ދައްކާށޭކިޔާފަ ކުދިކުދިތަންތަންކޮޅުގެ އަގުވެސް އެހެންގައުމުތަކުގެ ލަގްޒަރީތަންތަނަށްނަގާއަގުއެބަނަގާ. 20 25 އަހަރަށްނަގާލޯނު ފަސްވަރަކަށްއަހަރުންދައްކާނިމުނީމަވެސް ކުލިކުޑައެއްނުކުރޭ
ގަމާރު މީހާ
06 March 2020
ބަލަ ކުއްޔަށްދޭ ހުރިހާ މީހުންނަކީ ލޯނު ނަގައިގެން އިމާރާތް ހަދައިގެން ކުއްޔަށްދޭ ބަޔެއް ނޫނޭ. އަދި އެނަގާ ލޯނަކީ މުޅިއުމުރު ދައްކަން ޖެހޭ އެއްޗެއްވެސް ނޫނޭ. މިހާރުގެ ކުލީގެ ރޭޓުންނަމަ 15 ވިހިއަހަރުން ދައްކަން ނަގާ ލޯނު އެންމެ ފަހެއް ނޫނީ އަށް އަހަރުން ނިންމާލެވޭ. އޭގެ ފަހުން، ލޯނު ނިމުމުން ކުލި ކުޑަނުކުރަނީ ކީއްވެ؟ މިނިސްޓަރުގެ ވިސްނުން ވަރަށް ހަނި. ތި ވިސްނަނީ މަދު ބަޔެއްގެ މަސްލަހަތަށް. ޤައުމުގެ ގިނަ ރައްޔިތުންގެ އުދާސްތަކަށް ބެލުމެއް ނެތި.
އަބްލޮޖާނޯ9
06 March 2020
އަހަރެން ދެކޭގޮތުގައި ކުލި މިހާރުވެސް ދަނީ ކުޑަވަމުން. އަދި 7000 ފްލެޓްގެ މަސައްކަތް ނިމުނީމަ އިތުރަށް ކުޑަވާނެ. އަދިވެސް އިތުރަށް ހައުސިންގ ޔުނިޓް އަޅަންޖެހޭ. އެއިރުން އެއްވެސް ގާނޫނެއް ހަދާކަށް ނުޖެހޭނެ އަދި ކުލި ކޮންޓްރޯލްވާނެ!
ޣ×ގގ×ގ×
06 March 2020
7000 ފްލެޓް ވެސް މާލޭމީހުނަށްދޭންއެއުޅެނީ. އޭރުންއެތަންވެސްކުއްޔަށް މާލޭގައޮންނަގެވެސްކުއްޔަށް. ދެންކުލިކުޑަވާނެތަ؟ ދައުލަތުގެމަތީ ފަންތީގެ މީހުންގެވިސްނުންހުންނަ ފެންވަރު މިހިރަގެންފެންނަނީ
މާދަމާދެކޭމީހާ
06 March 2020
ކަންތައްވާގޮތް ކޮންމެސް ވަރަކައް ބަލާނަމަ ރާއްޖޭގައި ވެގެން މިއުޅޭގޮތް ކޮންމެސް ވަރަކައް ފަހުމް ވާނެ އިމާރާތް ތައް ކުރަނީ މުއްސަދިން ދިގުމުއްދަތައް ގޯތި އަތުލަެިގެން ، އިމާރާތް ކުރެވެންދެން އިމާރާތުގެ ވެރިން އުޅޭނެ ތަނެއް ދެނީ އެއިމާރާތް ހަދާމީހާގެ ޖީބުން، ބައެއްފަހަރު 2 އަހަރު 3 އަހަރު 4 އަހަރުވެސް ބައިތިއްބަން ޖެހޭ، 10 ފްލޯގެ ތަނެއްނަމަ ލިބެނީ 2 ފްލޯ 1 ފްލޯގަ ދިރިއުޅެފަ އަނެއް ފްލޯ ކުއްޔައް ދޭން މަޖުބޫރު؟ ލޯނު ނަގަނީ ގޭގެ ވެރިޔާ ނަމުގަ
ޒެފް
06 March 2020
މަ އަމިއްލަ ފައިސާ އިން ޓެކްސީއެއް ގަނެގެން 100ރ އަށް ދަތުރުކުރަނިކޮށް ގަދަބާރުން އެއޮތީ ސަރުކާރުން ދަތުރުގެ އަގު ކުޑަކޮށްފަ. ޓެކްސީ ގަތީ އިންޓަރެސްޓާއި އެކު ދައްކަން ޖެހޭ ލޯނަކުން. އެކަމަކު އަގު ކަނޑަ އެޅީ ސަރުކާރުން. ހަމަ އެ އުސޫލުން ކުލީ ގެ އަގު ވަކި މިންގަނޑެއްގަ ހިފެހެއްޓޭނެ. ހަމަ ރާއްޖެތެރޭ މީހާ ވީމަ ނިކަމެތި ގޮތް
ާަމުސްތޮ
05 March 2020
ކުލިވެސް ލާރި އެއްވެސް ރައްޔިތުމީހާ ބޮލަށް އެރިގެން ނޫނީ ގަޔަށް ބޮލަށް އަރައިގެންވެސް އަތުލާ ހުސްކޮއްލެވޭތޯ ބަލަންވީ، ދެންވެރިކަމަށް އާދެވޭނެ ކަމެއްވެސްނޭގޭތާ، އެހެންވީމަ ރައްޔިތުމީހާ ފެލާލެވޭނީ މިކަހަލަ ވަގުތެއްގަ، ދެއްތޯ؟
30000 ކުލި
05 March 2020
އެވަގުތަކު ތިބި ބަޔަކު ގަބޫލު ކުރާގޮތެއްތާ އޮންނާނީ. ކުލި ނުދައްކާ ކުދިންނަށް ތައުލީ މު ދެވޭ މީހުންނަކަށް ނޭގޭނެ 30000 ދައްކަންވީ މަ ވާގޮތެއް.
މާލެ މީހާ
05 March 2020
ރައްރަށު މީހުން ކައިރީ ރީތިކޮށް އެބުނީ ރަށަށް ދާށޭ!
އަނީ
05 March 2020
ކުލި ކޮންޓްރޯލް ކުރަންވީމަ "އަޅުގަނޑުުގެެ އަމިއްލަ ގެ ވީމަ ސަރުކާރަކަށް ބުނެވިގެން ނުވާނެ ވަކި ކުއްޔެއްގައޭ ކުއްޔަށް ދޭން ޖެހެނީ،" ، ބަލަ ޓެކްސީ ދަތުރުގެ އަގު ކޮންޓްރޯލް ކުރީ ސަރުކާރު މުދާ ވީމަތަ؟ ނޫނީ ރާއްޖެތެރޭ މީހުން ވީމަތޯ؟ ތީ ކޮންކަހަލަ އިންސާފެއްތޯ؟