ޚަބަރު / ފައްޔާޒު އިސްމާއިލް (ކުރީގެ މިނިސްޓަރު)

މަޓީގެ ބަޔާނަކީ ސަރުކާރުގައި ކޮޅުފައިން ޖެހުން: ފައްޔާޒް

މިއަދުގެ މެންދުރުގެ މީޑިއާ ބްރީފިންގައި ނޫސްވެރިންގެ ސުވާލުތަކަށް މިނިސްޓަރު ފައްޔާޒް ޖަވާބު ދެއްވަނީ.

މުހައްމަދު ނަސީމް، މިހާރު

07 މެއި 2020 - 20:26

ކޮވިޑް-19 ގެ ސަބަބުން ގެއްލުންވާ ވިޔަފާރިތަކަށް އެހީވުމަށް ސަރުކާރުން އިއުލާންކުރި އިގްތިސާދީ އެހީގެ ޕެކޭޖް ކަނޑައެޅީ މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އާ މަޝްވަރާ ނުކޮށް ކަމަށް ބުނެ އެ ޖަމިއްޔާ އިިން ނެރުނު ބަޔާނަކީ ސަރުކާރުގެ ގައިގައި ކޮޅުފަައިންް ޖެހުން ކަމަށް އިކޮނޮމިކް މިނިސްޓަރު ފައްްޔާޒް އިސްމާއީލް މިއަދު ވިދާޅުވެއްޖެ އެވެ.

ނެޝަނަލް އިމަޖެންސީ އޮޕަރޭޝަން ސެންޓަރުން މިއަދު ބޭއްވި ޕްރެސް ބްރީފިންގައި ނޫސްވެރިއަކު ކުރި ސުވާލަކަށް ފައްޔާޒް ވިދާޅުވީ ސަރުކާރުގެ ޕެކޭޖްތައް ނެރުނީ މަޓީއާ ވާހަކަ ނުދައްކާ ކަަމަށް ބުނި ނަމަވެސް އެ ޖަމިއްޔާއާ މަޝްވަރާކުރި ކަމަށެވެ. ސަަރުކާރުގެ ޕެކޭޖްތައް ތައާރްފްކުރީ ވެސްް އެ މަޝްވަރާތަކުގައި މަޓީގެ ފަރާތުން ބައިވެރިވެވަޑައިގެންނެވި ބޭފުޅުން ދެއްވި ލަފާ ވެސް ހިމަނައިގެން ކަމަށް އޭނާ ވިދާޅުވި އެވެ.

"އަޅުގަނޑު ހީކޮށްގެން މިހިރީ ހަމަ އެބޭފުޅުން ވިދާޅުވި ގޮތަށް، ގާތްގަނޑަކަށް އެއާ ކައިރިކުރާ ކޮމްޕްރޮމައިޒްއެއްގައި ކަމަށް އަޅުގަނޑުމެންނަށް އެކަން ކުރެވުނީ. އެހެން ނަމަވެސް އިއްޔެ މި އެނގުނީ އަދި މުޅިން އެހެންނެއް ނޫންކަން އެކަން ވެގެން މި ދިޔައީ،" މަޓީން އިއްޔެ ނެރުނު ބަޔާނަށް އިޝާރާތްކުރަމުން ފައްޔާޒް ވިދާޅުވި އެވެ.

"އެއާ ގުޅިގެން އަނެއްކާ އެބޭފުޅުންގެ އިތުރު ސިޓީއެއް އައީ ނޫނެކޭ ހުރިހާ އެންމެންނަށް ދޭން ވާނޭ ރިލީފް އިނގޭތޯ. ކަނޑާ މީހުންނާ ހުރިހާ މީހުން ހިމެނޭ ގޮތަށް ދެން އޭގެ މާނައަކީ. އައިމާ އަޅުގަނޑު ދެންނެވީ ނޫނެކޭ. އެގޮތަކަށް ނުވާނޭ. އެހެން ނަމަވެސްް ދެކުއާޓާ އަޅުގަނޑުމެންނަށް ޑިފާ ކޮށްދެވިދާނެއޭ. އަދި އެ ދެން އަންނަ އަހަރުގެ ތެރެއަށް ބަހާލައިގެން ދައްކާ ގޮތަށް ހެދިދާނޭ. އެހިސާބުގައި ވާހަކަ އޮތީ،" -ފައްޔާޒް

ސަރުކާރުން މަސައްކަތް ކުރަމުން އަންނަނީ ދައުލަތުގައި ހުރި ފައިސާ އިން ކުރެވޭނެ އެންމެ ރަނގަޅު ގޮތަކަށް ރިލީފް ޕެކޭޖްތަކުގެ މަސަައްކަތް ކުރެވޭތޯ ކަމަށާއި ސަރުކާރަށް ވާން އޮތް ނަމަ ކޮންމެ ރައްޔިތަކަށް 10،000ރ. ވެސް ދޭނެ ކަމަށް އޭނާ ވިދާޅުވި އެވެ.

Sarukaaruge ehee ge package ah MATI in faadu kiyaifi

The most trusted news source in the Maldives

Mihaaru

"އެހެންވީމާ މަޓީން އެ ނެރުނު ބަޔާނަކީ މި ވަގުތު މި ހާލަތުގައި ސަރުކާރުގެ ގައިގައި ކޮޅުފައިން ޖެހުމޭ އަޅުގަނޑު ދަންނަވާނީ،" ފައްޔާޒް ވިދާޅުވި އެވެ.

ކޮވިޑް-19 ގެ ސަބަބުން ކުރިމަތިވި އިގްތިސާދީ ގޮންޖެހުންތަކާ ހެދި ސަރުކާރުން ވަނީ 2.4 ބިލިއަން ރުފިޔާގެ އެހީގެ ޕެކޭޖެއް އިއުލާންކޮށް، ވިޔަފާރިތަކަށް ލޯނު ދޫކުރަން ނިންމައިފަ އެވެ. އެގޮތުން ރިސޯޓްތަކަށް ހަތް މިލިއަން ރުފިޔާއާ ހަމައަށް، ޝަރުތުތަކަކާ އެކު ލޯނު ދޫކުރާނެކަން ސަރުކާރުން އޮތީ ހާމަކޮށްފަ އެވެ.

އެކަމާ ގުޅިގެން މަޓީން އިއްޔެ ނެރުނު ބަޔާނުގައި ބުނީ ރާއްޖޭގެ އިގްތިސާދުގެ ބޮޑު ބައެއް ބިނާވެފައިވަނީ ޓޫރިޒަމް ދާއިރާއަށް ކަމަށް ވެފައި ދައުލަތަށް އެންމެ ބޮޑު އާމްދަނީއެއް ލިބެނީ އެ ދާއިރާ އިން ކަމަށް ވާއިރު، ސަރުކާރުގެ އެހީގެ ޕެކޭޖް ކަނޑައަޅާފައި ވަނީ ޓޫރިޒަމް ދާއިރާ ތަމްސީލްކުރާ މަޓީއާ މަޝްވަރާ ކުރުމެއް ނެތި ކަމަށެވެ. އަދި ކޮވިޑް-19 ގެ ސަބަބުން ވިޔަފާރިތައް ބަނގުރޫޓްވެ، ވަޒީފާތައް ސަލާމަތް ކުރުމަށްޓަކައި އެކަށީގެންވާ ފިޔަވަޅުތައް އަޅަންޖެހޭ ކަމަށާއި އެކަމަށް ސަރުކާރުގައި އެކި ގޮތްގޮތުން އެދުނަސް، އެދެވޭ ފިޔަވަޅުތަކެއް މިހާތަނަށް ނުފެންނަ ކަމަށް ވެސް އެ ބަޔާނުގައިވެ އެވެ.

ފައްޔާޒް ވިދާޅުވީ މަޓީން އެދުނީ ރިސޯޓްތަކުގެ ކުލީގެ ތެރެއިން ތިން ކުއާޓަރެއްގެ ކުލި ލަސްކޮށްދޭން ކަމަށާއި އޭގެ ބަދަލުގައި 10،000ރ. އިން ދަށުގެ މުސާރަ ލިބޭ މުވައްޒަފުންގެ މުސާރަ އިން ނުކަނޑާ ގޮތަށް ހުށަހެޅި ކަަމަށެވެ. އެކަމަކު ސަރުކާރުން ބުނީ އޭރު ހުށަހެޅީ އެއް ކުއާޓަރުގެ ކުލި ލަސްކޮށްދޭން ކަމަށާއި އެހިސާބުން މަޓީން އެދުނީ މުސާރަ ކަނޑާ ކުންފުނިތަކަށް ވެސް ލުއިދޭން ކަމަށް ފައްޔާޒް ވިދާޅުވި އެވެ.

"އެއާ ގުޅިގެން އަނެއްކާ އެބޭފުޅުންގެ އިތުރު ސިޓީއެއް އައީ ނޫނެކޭ ހުރިހާ އެންމެންނަށް ދޭން ވާނޭ ރިލީފް އިނގޭތޯ. ކަނޑާ މީހުންނާއި ހުރިހާ އެންމެން ހިމެނޭ ގޮތަށް ދެން އޭގެ މާނައަކީ. އައިމާ އަޅުގަނޑު ދެންނެވީ ނޫނެކޭ. އެގޮތަކަށް ނުވާނޭ. އެހެން ނަމަވެސްް ދެ ކުއާޓާ އަޅުގަނޑުމެންނަށް ޑިފާ ކޮށްދެވިދާނެއޭ. އަދި އެ ދެން އަންނަ އަހަރުގެ ތެރެއަށް ބަހާލައިގެން ދައްކާ ގޮތަށް ހެދިދާނޭ. އެހިސާބުގައި ވާހަކަ އޮތީ،" އޭނާ ވިދާޅުވި އެވެ.

ސިއްހަތު އިގްތިސާދު މަޓީ ފައްޔާޒު އިސްމާއިލް (ކުރީގެ މިނިސްޓަރު) ރާއްޖޭގެ އިގްތިސާދު ޓޫރިޒަމް ރިސޯޓްތައް އިކޮނޮމިކް މިނިސްޓްރީ އިކޮނޮމިކް މިނިސްޓަރު ދިވެހި ސަރުކާރު

58 ކޮމެންޓް, 57 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބެރު

08 May 2020

ރިސޯޓްއޯނަރުން ތިބީ މިދަތިހާލަތުގަ ފިލާ މީބަލައިގަނެވޭނެ ކަމެއްނޫން ކޮބާ މިދިޔަ ދިގު މުއްދަތުގަ ނެގިހާފައިދާ މިއަދު މިގައުމު ކޮޅައް ޖަހަން އެންބޮޑު ސަޕޯޓް އެއްދޭން ޖެހޭނީ މިމީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނޭންސްމިނިސްޓަރ

08 May 2020

ތިއަ ހަބަރު ކިޔާލީމަ އެނގުނީ ފިނޭންސް މިނިސްޓަރަކީވެސް މީނަކަން އަދި އިކޮނޮމިކް މިނިސްޓަރަކީވެސް މީނަކަން. ތިގޭ މީހުންނަކަށް ޓީމެއްގަ ވޯކެއް ނުކުރެވޭނެ، ތިއައީ ހުރިހާ ކަމެއް މާބޮޑަށް އެނގޭބައެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމިއުނިސްޓް ޕާޓީ (މާކްސިސްޓް)

08 May 2020

ޕާޓީތަކުން އިންތިޚާބަށް ފައިސާ ހޯދުމަށް ރިސޯޓު ގެންގުޅޭ މަހުޖަނުން ކައިރިއަށް ދާހާ ހިނދަކު ސަރުކާރުތައް އޮންނާނީ އެމީހުންގެ ފައިބުޑަށް ވެއްޓިފައި. މިކަމުގެ ހައްލަކީ ރިސޯޓުތައް ދައުލަތަށް ނަގާފައި ރިސޯޓުތަކުގެ ހިއްސާ އާންމު ރައްޔިތުންނަށް ވިއްކުން. އަދި ރިސޯޓުތަކުގެ މަސައްކަތްތެރިންނަށް ރިސޯޓުތަކުގެ ހިއްސާ ވިއްކުން. މިހާރު ތިބި ޕާޓީތަކަށް މިކަން ކުރަން ނުކެރެންޏާ ކޮމިއުނިސްޓް ޕާޓީއަށް ދެން އަންނަ އިންތިޚާބެއްގައި ވޯޓުދެއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޅީކޯޅި

08 May 2020

ފައްޔާޒު އެބުނީ ރަގަޅަށް ރިސޯޓްތަކުގެ އޯނަރުންނަށް މިފަދަ ހާލަތެއްގައި މުވައްޒަފުން ވަޒީފާއިން ވަކިނުކޮށް މުސާރަ ދޭވޭނެ. ބަލަގަ ތިޔަބޭފުޅުންގެ ރިސޯޓްތަކާއި ކަންނެލި އޮޑިޔަކާ އެއްވަރު ވާނީ ކިހިނަކުންތޯ؟ ރައްޔިތުންގެ ހަޒާނާއިން ލޯލާރިއެއްވެސް ރިސޯޓް އޯނަރަކަށް ދޭކަށް ނުޖެހޭ. ތިޔަރިސޯޓްތަކުން ސާފު ފައިދާގެ ގޮތުގައި އަހަރަކު މަދުވެގެން 15 - 35 މިލިޔަންޑޮލަރު ޖީބަށް ނުލާ ރިސޯޓް އޯނަރަކު މިރާއްޖޭގަ ނުޅޭނެ. މީރިއާލިޓީއަކީ. ތިބޭފުޅުން އޮޅުވާލަން ނޫޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުފެއްދި އެއްޗެއް ނެތް

08 May 2020

މިކާރިސާގަ ލިބޭ ފިލާވަޅުތައް ނިކަން ގިނަ! މަޖްލީހުން ކުރަންޖެހޭ މަސައްކަތް ވަރަށް ގިނަ. އިސްލާހު ކުރަންޖެހޭ ގާނޫންތައް ވަރަށް ގިނަ. ހެލްތު ސެކްޓަރ / ތައުލިމީ ސެކްޓަރ / ރިސޯޓް ބިންތަކުގެ މުއްދަތު / ބިދޭސީން / ފައިނޭންޝަލް ސެކްޓަރ / މަދު މަހުޖަނުންތަކެއްގެ އަތް ދޮށުން ގައުމު ސަލާމަތް ކުރަން ވަގުތު ޖެހިއްޖެ. އަޅުވެތިކަން އޮތީ ގައުމުގެ އެތެރޭގަ! ބޭރަށް ވުރެ ނުރައްކާތެރިކަން ރައްޔިތުންނާ ގައުމަށް ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މނ ދެންބަލަމާ

08 May 2020

މަރުކަޒީ ބޭންކު ރިޕޯޓް އެއޮތީ ވަރަށް ސާފު! މުޅި ގައުމުގެ މާލީ ހާލަތު 13 ބިލިއަން ނަގުދު ފައިސާ! ރިސޯޓްތައް ކުއްޔަށް ދިނުމުގެ މުއްދަތު ގާނޫނުން އިސްލާހު ކިރުމަށް އިސްލަހެއް ހުށަހަޅުއްވާ. އަދި ދަތި ދަނޑިވަޅުގަ މުވައްޒަފުންނަށް ދެރަކޮށް ހިތި މަހުޖަނުން އަތުން ރިސޯޓް ހިންގުމުގެ ހުއްދަ ބަތިލްކޮށް ރަށްތަކުގެ މުއްދަތު ކުރުކޮށް އިތުރަށް ނެދެވޭނެ ގޮތަށް ގާނޫނަށް އިސްލަހު ހުށަހަޅުއްވާ. ރައްޔިތުންގެ މުދާ ރައްޔިތުންނަށް ނަފާ ލިބެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުނިލް

08 May 2020

މި ގައުމު ނަގާ ކޮޅަށްޖެހުމުގައި ހިއްސާވި ޓޫރިޒަމް އިންޑަސްޓްރީގެ ޕައަނިއަރސް އިނދަޖައްސާލއިގެން ގައުމަށް ލިބޭނެ ކުރިއެރުމެއަ ނޯންނާނެ. އެޣެ ބަދަލުގައި ރާޅާ އަޅާ ޖަމިއްޔާއާ ފީނާ ޖަމިއްޔާގެ މީހުނާއެކު ސަރުކާރުން ސިޔާސޒި ނާޗަރަންގީ ކުޅެން އުޅުމަކީ މި ސަރުކާރު ކުފޫ ހަމަ ނުވާކަމުގެ ނިޝާނެއް. އިސްތިއުފާ ދީ! ކޮވިޑް 300 ކޭސް ހައްލު ކުރަން ނޭގުނު ބަޔަކަށް ދެން ކުރެވޭ އެއްވެސް ކަމެއް އޮނާނެބާ؟؟؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

08 May 2020

ގައުމުގެ ހުރި ރިސޯސްތައް ތަރިކަ މުދަލުގެ ގޮތުގައި ބޭނުންކޮށްގެން އެމީހުން ކޮޅަށްޖެހުނީ. ގައުމު މިއޮތީ އޮތްގޮތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހު މަދު

08 May 2020

ފައްޔާޒު ޑި މޮކްރަސީ އަށް އަލީ. ކަ މުނުދަންޏާ ނުދާވާހަކަ ބުނުން އެއީ ގޯހެއް ނޫން. މީހުންގެ ވަޒީފާ ގެއްލުނަ ނުދޭން އާދައިގެ ވިޔަފާރިތަކަށް ލޯނު ދޭ އިރު އެ މީހުންނަށް އެއްޗެއް ނުލިބި ބަޔަކަށް މުސާރަ ދީފަ ތިން އަހަރު ތެރޭ ބޭންކަށް 3 ލައްކަ އިތުރަށް ދޭ ގޮތައް ލޯނު ނަގައިގެން އެކަން ދެކޮޅު ޖައްސާނެ ފޯ މިއުލާއެއް ބުނެ ބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

08 May 2020

މަޤާމްގައިހުންނަވައިގެން ފައްޔާޒު އަމަލުކުރަމުންދަނީ އޭނާއަށް އަހަރެންތާއީދުކުރަން ބޭނުންވާގޮތަކަށްނޫން. އަދި "މިކަމުގައިވެސް ފައްޔާޒުގެ އިޙްލާސްތެރިކަންހުންނާނީ ރައްޔަތުންނާއިއެކުގައިކަމަކަށް" އަހަރެންގެހިތެއްނުބުނޭ. # ނަމަވެސް މަޓީއާއި ބެހޭގޮތުން މިއަދު ވަޒީރު ދެއްވި ސްޓޭޓްމަންޓަށް ފުރިހަމައަށްތާއީދުކުރަން. އަދި ރައްޔަތުންނަށާއި ދައުލަތަށް ސީދާގެއްލުން ލިބޭގޮތަށް ނިންމުމެއްނިންމުމާއި އެމަގަށްވާހަކަދެއްކުމަކީ ވަޒީރަށްކުރެވޭނެކަމެއްނޫން ކަމުގައިދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ ތިބޭތި އެން މެން

08 May 2020

މިވެރީންގެ ފައިސާ ފެންނާނެ މި ބަލި މަޑުކަން ނި މޭތަނުން! އެ މް.އެފް.އެލް.ސީ، އަދި ބޭންކުތަކުން ލޯނުދީ ރައްޔިތުން މިވެރީންގެ މުށުތެރޭގަ އިގްތިސޯދީ އަޅުންނަށް ހެދު މުގެ ކަސްތޮޅުތަކުގަ ޖައްސާނެ. ނުވިތާކަށް ދައުލަތުގެ ބޮންޑު ގަތުން! ދައުލަތް ވެސް މިވެރީންގެ ކަސްތޮޅުތަކުގަ ޖައްސާނެ. ކުޅިވަރު ފެންނާނެ. ބަލަން ތިބޭތި.