ހިލޭ އެހީ ދިނުމުގެ އެއްބަސްވުމުގައި ފޮރިން މިނިސްޓަރު ޝާހިދު (ވ) އަދި އަބޫދާބީ ފަންޑުގެ ޑިރެކްޓާ ޖެނެރަލް މުހައްމަދު ސައިފް އަލްސުވައިދީ ސޮއިކުރައްވަނީ.-- ފޮޓޯ: ފޮރިން މިނިސްޓްރީ
09 މާޗް 2020 - 14:01
19 comments
ޔުނައިޓެޑް އަރަބި އެމިރޭޓްސް (ޔޫއޭއީ) އިން ރާއްޖެ އަށް ހިލޭ އެހީގެ ގޮތުގައި 771 މިލިއަން ރުފިޔާ ދިނުމުގެ އެއްބަސްވުމެއްގައި މިއަދު ސޮއިކޮށްފި އެވެ.
އަބޫދާބީގައި ބޭއްވި ރަސްމިއްޔާތެއްގައި އެހީގެ އެއްބަސްވުމުގައި ސޮއިކުރެއްވީ ރާއްޖޭގެ ފޮރިން މިނިސްޓަރު އަބްދުﷲ ޝާހިދާއި އަބޫދާބީ ފަންޑުގެ ޑިރެކްޓަރު ޖެނެރަލް މުހައްމަދު ސައިފް އަލްސުވައިދީ އެވެ.
ރާއްޖެ އަށް 385 މިލިއަން ރުފިޔާގެ އެހީ ދޭން ޔޫއޭއިން ވަނީ ކުރިން ނިންމައިފަ އެވެ. އެ އެހީ ދެ ގުނަކޮށް، 771 މިލިއަން ރުފިޔާ އަށް އިތުރު ކޮށްފައިވާކަން ރައީސް އިބްރާހިމް މުހައްމަދު ސޯލިހު ވަނީ އިއުލާން ކުރައްވައިފަ އެވެ.
ޖުމްހޫރީ ދުވަސް ފާހަގަކުރަން ނޮވެމްބަރު 10، 2019 ގައިި ބޭއްވި ޖަލްސާގައި ރައީސް ވިދާޅުވެފައި ވަނީ ހިލޭ އެހީގެ ގޮތުގައި ބައެއް ގައުމުތަކުން މިދިޔަ އަހަރެއްހާ ދުވަހުގެ ތެރޭގައި 3.21 ބިލިއަން ރުފިޔާ ރާއްޖެ އަށް ދީފައިވާ ކަމަށެވެ.
ޔޫއޭއިން ދޭން ނިންމާފައިވާ 25 މިލިއަން ޑޮލަރު، ދެ ގުނަ ބޮޑުކޮށް 50 މިލިއަން ޑޮލަރަށް އިތުރު ކޮށްދީފައިވާ ކަމަށް ދަރުބާރުގޭގައި ބޭއްވި އެ ޖަލްސާގައި ރައީސް ވިދާޅުވި އެވެ.
އެމަނިކުފާނު ވެރިކަމަށް ވަޑައިގެންނެވި ފަހުން، ޔޫއޭއީ އަށް ރަސްމީ ދެ ދަތުރުފުޅު ކުރައްވާފައި ވެ އެވެ. އެންމެ ފަހުން ނޮވެމްބަރު 29، 2019 ގައި ކުރެއްވި ދަތުރުފުޅުގައި ރައީސް ވަނީ ޔޫއޭއީގެ ވަލީ އަހްދާ ބައްދަލުކުރައްވައި، ދެ ގައުމުގެ ގުޅުން ބަދަހިކުރުމުގެ މަޝްވަރާތައް ކުރައްވައިފަ އެވެ.
ފޮރިން މިނިސްޓްރީން ބުނީ، ޔޫއޭއީއާ އެކު އޮންނަ ގުޅުން މިހާރު ވަރަށް ބޮޑަށް ބަދަހިވެފައިވާ ކަމަށެވެ. މިނިސްޓަރު ޝާހިދު، ޔޫއޭއީ އަށް ކުރެއްވި ދަތުރުގައި ކުރެވުނު މަޝްވަރާތަކާ އެކު ދިވެހިންނަށް ކުރިން ވިސާ ނެގުމަކާ ނުލައި އެ ގައުމަށް ދެވޭ ގޮތް ވަނީ ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިބަރުވަދު
09 March 2020
ޕިންކީ ސަރުކާރުން ތިޔަގޮތަށް ލިބޭ އެހީ ހާމައެއްނުކުރާނެއެވެ. ގިނައިން ލިބުނުވަރަކަށް ވަންނާނީ ޖީބަށެވެ.
އެންދެރި
09 March 2020
ރައީސް ވިދާޅުވެފައި ވަނީ ހިލޭ އެހީގެ ގޮތުގައި ބައެއް ގައުމުތަކުން މިދިޔަ އަހަރެއްހާ ދުވަހުގެ ތެރޭގައި 3.21 ބިލިއަން ރުފިޔާ ރާއްޖެ އަށް ދީފައިވާ ކަމަށެވެ. ރައްޔިތުންނަށް އޭގެ ފައިދާ ނުލިބެ އެވެ. ސިޔާސީ މަގާމް ގިނަވެ އެމީހުންގެ މުސާރަ ތައް ބޮޑު ވެއެވެ.
ްޯްއޮއްއޯ
09 March 2020
ބަލަ އެކަމަށޭ ފައިސާހޯދަނީ. ރައްޔިތުން ގުބޯ ހެދިފަ ތިބެން ޖެހޭނީ
ބޮޑުމީހާ
09 March 2020
ތި ލިބޭ އެހީތަކާއި ނަގާ ލޯނުތަކުން ރައްޔިތަކަށްވާ ފައިދާއެއް ނުފެނޭ. މީގެ 10 އަހަރު ކުރިންވެސް ކުލި ދައްކާފަ ވޮލެޓްގަ އެކައްޗެއްވެސް ނޯވޭ، މިހާރުވެސް ހަމަ އެ ހާލެއްގަ
ކުންބަ
09 March 2020
ކަލޭ ދުވާލު ހަތަރުދަމު ކޮފީގަ ސަޅިބައިސާ ކަނޑާފަ ޕަބުޖީ ކުޅެން އުޅުނަކަސް ވޮލަޓަކަށް ފައިސާ ގިނައެއް ނުވާނެ. މިގައުމުގަ އުޅޭ ބަންގާޅުން މަސައްކަތްކޮއްގެން އެބަހޯދާ ފައިސާ. ދިވެހިންނަށް ފައިސާ ނުލިބެނީ ކަންނެއްކަމުން.
ޕިންކުޕެންތަރ
09 March 2020
ޑިމޮކްރެޓިކް ސަރުކާރެއް އުފެދުނީމަ ގައުމުތަކުންދޭ ހިލޭ އެހީތައްވެސް މިއޮއްގެން ދެގުނަވަނީ. ޝާހިދު ދެފައި އެއްތާކުނުޖަހާ ތިކުރާ މަސައްކަތަށް ސާބަހާއި ޝުކުރު. މި ލިބޭ ހިލޭ އެހީގެ އަދަދުތައް ފެނިފަ ޕިންކީ ރޮނގާލީސްތަކުގެ މޭގަނޑު ކުނޑި ކުނޑި ވެގެންދާނެ ހިތްދަތިވެގެން.
އޮރެންޖްބެރީ
09 March 2020
ރަސްކަން އޮންނަ ގައުމުތަކުން އެހީ ދެނީ "ޑިމޮކްރެޓިކް" ގައުމުތަކަށް؟؟؟؟
މީއީ ކޮންކަމެއްހޭ
09 March 2020
ނޫމަޑީ އަށް އެއްބައި ދީބާޖާ އަށް އަނެއްބައި ދީ ހުސް ކޮށްލާށެވެ.
ސޮއްޓި
09 March 2020
ލޯނު ނަގާފަ ޕާޓީ ބޯއިސް އެންޑް ގާލްސް ޕާޓީކޮށްލީމަ ނިމުނީ. ތިހެން ކިތަންމެ މިލިއަނެއް ވަނަސް ތަރައްގީގެ މަޝްރޫއު ހިންގަނީ ގައުމު އަޅުވެތިކޮށް ދަރުވާލައިގެން.
ދޮދޮ ދޮންމަނިކް
09 March 2020
ދ ދިވެހި އެންމެހާރައްޔިތުން ނައް ކަންފުޅެއްް ވާނެކަމައް އުއްމީދުކުރަން އުއްމީ ދުކުރަން.... ކައުންސިލް އިންތިހާބުގަ ބަހާހުސްކޮއް ނުލާނެކަމައް އުއްމީ ދުކުރަން.....
ހަ ދިޔާ
09 March 2020
ކުލިކުޑަ ހައުސިން އާއި ޕާކިން އޭރިއާތަކާއި،ޓެކްސީ ނޫން ޕަބްލިކު ޓްރާންސްޕޯޓް ސިސްޓަމަކާއި، އެއްރަށުން އަނެއްރަށަށް ސައިބޯލަން ނުވަތަ މީޓިންގ ތަކަށް ދެވޭނެ އަގުހެޔޯ ޓްރާންސްޕޯޓް ސިސްޓަމެއް ސަރުކާރުން ރައްޔިތުންނަށް ހަ ދިޔާ ކޮށް ދޭންވީނުން.އަވަށްޓެރި ގައުމަކަށް ދިއުމަށްވުރެ އަގުބޮޑު ރަަށަށް ދާ ޓިކެޓް
މަންޑޭލާ
09 March 2020
މިހާގިނަ ފައިސާ ލިބިފަ ކަމެށް ނުވެ ސަރުކަރު ނިމޭނެހެން ހީވަނީ.
ބަބުރުލް ސަލީމް
09 March 2020
އޫއޭއީ އޮބި.