އެމްޑަބްލިއުއެސްސީން ބޭއްވި ނޫސްވެރިންގެ ބައްދަލުވުމުގައި އެކުންފުނީގެ އިސްވެރިން: އެކުންފުނިން ނިންމާފައިވަނީ ކޮންމެ ގޭބިސީއަކަށް އެއް ޓަނު ފެން ހިލޭ ދޭން-- ފޮޓޯ: އަހުމަދު އަވްޝަން/މިހާރު
15 މާޗް 2020 - 12:10
17 comments
ކޮވިޑް-19 އާ ގުޅިގެން އާއްމުން ސާފުތާހިރުވުމަށް ބާރު އެޅުމުގެ ގޮތުން ކޮންމެ ގޭބިސީއަކަށް އެއްޓަނު ފެން ހިލޭ ދިނުމަށް ނިންމާފައިވަނީ ބިލުން ކަނޑާ ގޮތަށް ކަމަށް އެމްޑަބްލިއުއެސްސީން މިއަދު ބުނެފި އެވެ.
އެމްޑަބްލިއުއެސްސީން ބޭއްވި ނޫސްވެރިންގެ ބައްދަލުވުމުގައި މެނޭޖިން ޑިރެކްޓަރު ހަސަން ޝާހް ވިދާޅުވީ އެ ކުންފުނީގެ 44،000 ކަސްޓަމަރުންނަށް އެއް ޓަނުގެ ފެން ދިނުމަށް އެ ކުންފުނިން ތިން މިލިއަން ރުފިޔާ ހަރަދު ކުރާނެ ކަމަށެވެ. ސިއްހީ ނުކައްލަކުގެ ހާލަތު އިއުލާން ކޮށްފައިވާ މުއްދަތުގައި ލިބޭ ބިލުން އެއް ޓަނަށްވާ ފައިސާ އުނިކުރާނެ ކަމަށް ޝާހް ވިދާޅުވި އެވެ.
"ސާފު ތާހިރުވުމަށް ކަމާބެހޭ ފަރާތްތަކުން އިލްތިމާސް ކުރައްވާއިރު އޭގެ ސަބަބުން ބިލް ބޮޑުވެދާނެތީ ބައެއް އާއްމުން ދަނީ ޝަކުވާ ކުރަމުން. އެހެންވެ އެކަމަށް ހައްލެއް ގެނައުމުގެ ގޮތުން މިގޮތަށް ނިންމީ،" ޝާހް ވިދާޅުވި އެވެ.
އެމްޑަބްލިއުއެސްސީގެ މެނޭޖިން ޑިރެކްޓާ ހަސަން ޝާހް: އޭނާ ވިދާޅުވީ އެއް ޓަނަށް ވާ ފައިސާ ހުރިހާ ބިލަކުން އުނިކުރާނެ ކަމަށް-- ފޮޓޯ: އަދުމަދު އަވްޝަން/މިހާރި
އެމްޑަބްލިޔުއެސްސީން ޓަނެއްގެ ފެން ވިއްކަނީ 22 ރުފިޔާ އާއި 95 ރުފިޔާއާ ދޭތެރޭ އަގުތަކެއްގަ އެވެ. "މިހާރު" އިން ކުރި ސުވާލަކަށް ޖަވާބު ދެއްވަމުން ޝާހް ވިދާޅުވީ މިދުވަސްވަރު ކުރިއަޅާބަލާއިރު އިތުރަށް ފެން ބޭނުން ކުރާ ކަމަކަށް ފާހަގަ ކުރެވިފައި ނުވާ ކަމަށެވެ.
"އަޅުގަނޑުމެންގެ ވަރަށް ބޮޑު އިލްތިމާސެއް ފެން ބޭނުން ކުރުމުގައި އިސްރާފް މަދު ކުރުން،" ޝާހް ވިދާޅުވި އެވެ.
ކޮވިޑް-19 އާ ގުޅިގެން އެ ކުންފުނިން އެޅި ފިޔަވަޅުތަކާ ދޭތެރޭ ޝާހް ވިދާޅުވީ އެ ބަލި ޖެހުމުގެ ފުރުސަތު ބޮޑު މުވައްޒަފުން ކަސްޓަމަރުންނާ ބައްދަލުކުރަން ޖެހޭ ވަޒީފާތަކުން އެހެން ވަޒީފާތަކަށް ބަދަލުކޮށްފައިވާ ކަމަށެވެ.
ކޮވިޑް-19 އިން ރައްކާތެރިވުމަށް އެންމެ މުހިންމު ކަމަކީ ގިނަގިނައިން އަތް ދޮވުން ކަމަށް ސިއްހީ ތަޖުރިބާކާރުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިކަމެތިމީހާ
15 March 2020
44،000 ކަސްޓަމަރުންނަށް އެއް ޓަނުގެ ފެން ދިނުމަށް އެ ކުންފުނިން ތިން މިލިއަން ރުފިޔާ ހަރަދުވާނެގޮތެއް ނުވިސްނޭ
ރަދީފް
15 March 2020
0 - 100ލ / ދުވާލަކަށް 22ރުފިޔާ / ސީބީއެމް 101ލ - 500ލ ދުވާލަކަށް 70 ރުފިޔާ / ސީބީއެމް 501ލ - (އެނީ ކުއަންޓިޓީ ޔޫސްޑް) 95 ރުފިޔާ / ސީބީއެމް. (އެހާ ވަރަށް ނުވިސްނާ ބްރޯ.މިއީ ރޮކެޓް ސައިންސް / ނާސާގަ ހަދާ ކަހަލަ ކަލްކިއުލޭޝަން ހަދަންޖެހޭ ކަމެއް ނޫން)
ޙާގު
15 March 2020
1 ޓަނުފެން ދޭކަމައްޓަކާ ސުކުރުކުރަން އެކަމަކު ތީ އަޑައްބާރު ލާފަ ކޮއްފެރެސް ތަކުގަ ދައްކަން ޖެހޭވަރުގެ ވާހަކަ އެއްނޫން
ހަކީމް
15 March 2020
އެއްޓަނު ގެ ފެނަކީ 89 ރ. ... މީ ކުރާ މަލާމާތެއްތަ.
ސާބަހޭ
15 March 2020
އެއްޓަނުގެ ފެނަކީ 89ރުފިޔާ ވީމަ 44000 ގޭބީސީއަށް އެވަނީ 3916000ރުފިޔާ އިނގޭތޯ ސުކުރުކުރަންދަސްކުރަން ފެނޭ.....
ރަދީފް
15 March 2020
ލެފްޓް ކޯނާގަ ރޯނު އެދުރެއް.ހެހެހެހެ
ބޮއްކުރާ
15 March 2020
ދައުލަތުން ވަކިބަޔަކަށް ފެން ހިލޭދިނުމަކީ އެއީ ރައްޔިތުންގެ މެދުގައި ތަފާތުކުރުން.
ތ/ހގޗ
15 March 2020
ރަށްރަށުގެ މީހުންނަށް ފެންވެސް ލިބެނީ ހިލޭ. މާލޭ މީހުން ބޯނެފެންވެސް ފެންވަރާނެ ފެންވެސް ކައްކާނެ ފެންވެސް ލާރިދީގެން ގަންނަނީ. ލިބޭ މިންވަރަށް ޝުކުރުކޮށްގެން މައިތިރިވެގެން ތިބެބަލަ. ކޮންމެ ކަމެއްގައި މިމީހުންގެ ހިތް އަރާ އާސްމާނުގައި މި އޮންނަނީ.
ބޮއްކުރާ
15 March 2020
ބުރޯ ތީ ބޮޑުތަދު ޒަމާނުގަވެސް ކަލޭމެން ދެމި ހާސަރު، ދައުލަތުން ކާޑުގެނެސް ކަލޭމެނަށްދިނީ، ރަށްރަށުމީހުން ތިބީ މަގޫފަތް ކައިގެން. އެކަމަކު އެޒަމާނުގަވެސް އެކަމާ ރަށަކުމީހަކު ސުވާލެއްކޮށްފިއްޔާ ކަލޭމެން ތިކަހަލަ ހަމަނުޖެހޭ ޖަވާބުދޭނެ.
ތުއްތުނާ.
15 March 2020
ތ/ހގޗ އަށް. ލިބޭ މިންވަރާއި . ދިން މިންވަރާއި ، އަދި ނުދީ ހިފެހެއްޓި މިންވަރާއި ، ހުރަސް އަލާ ލިބުނަ ނުދިން މިންވަރުގެ ވާހަކަ އާއި ޙައްޤު މިންވަރު އެއްބައެއްގެ މައްޗަށް ހޭދަ ކުރާ ވާހަކަ ވެސް ދައްކާން ވާނެދޯ. މިދައުލަތަކީ ހަމައެކަނި މާލޭ މީހުންނަށް ޙަރަދު ކުރާންޖެހޭ ދައުލަތެއްނޫން.
ށީޒަން ޖެކްޝަން
15 March 2020
ޢޮބިނެސް.
ޕްރޮފެސާ
15 March 2020
އޮންލައިންކޮށް ކިޔަވަން މަޖުބޫރުވެފައިވާ މިދަނޑިވަޅުގަ ވަގުތުގެ ނާޖާއިސް ފައިދާ ދިރާގުން ނުނަގާ އާ މުރަށްޔިތުންނަށް އެހީވު މަށް ގޮވާލަން
އަހުމަދުބޭ
15 March 2020
މާނައަކީ ގޭބީސީތަކަށް ލިބޭނީ 22 ރުފިޔާއޭ؟ ފެންބިލުން 22 ރުފިޔާ އުންނި ވާނޭ ގޭބީސީ ތަކުން ؟ތެދުތެދަށް ދަންނަވާނަމަ، ލިބޭމިންވަރަށް ސުކުރުކުރުމަކީ އޮންނަ އެންމެ ހެޔޮގޮތް، އެކަމަކު މިފަދަ ދަޑިވަޅެއްގައި ރައްޔިތުންނަށް އެހީ އެއްވުމުގެ ގޮތުން 22 ރުފިޔާ ނުދިނުންވެސް މާރަގަނޅު އެއީ 22 ރުފިޔާ އިން ނިކަމެތިވަމުން އަން ރައްޔިތުންނަށް ލިބޭނެ އެއްވެސް ހިއްހަމަޖެހުމެއް ނެތީތީ؟ އޭގެ ބަދަލްގައި ފެންބިލުން %40، %30 އުނިކުރާނަމޭ ބުނިނަމަ ވަރަށް ރަގަނޅުވީސް
ރަދީފް
15 March 2020
ބްރަދާ.ރައްޔަތުން މިވަގުތު ގިނަގިނައިން އަތް ދޮންނާނެ ދޯ!!.އެހެންވީމަ އެބައިގަ ހިފުމުގެ ނިޔަތުގަ މިކަން މިކުރަނީ.1000 ލީޓަރު ފެން އެއީ އެވްރެޖްކޮށް ދުވާލަކަށް 300 ލީޓަރު ބޭނުން ކުރާ ގެއެއްގެ 3.34 ދުވަހުގެ ފެން.އެހެންވީމަ މި ކުއަންޓިޓީ އޯކޭ.(ފެންބިލުގެ ޖުމްލަ އަދަދަށް ދިނުމުގެ ބައިވެސް ސަރުކާރުން ކޮންސިޑާކުރާނެކަމަށް މަވެސް އުންމީދުކުރަން). ވ.ވެދުން
ދޮން މަނިކު
15 March 2020
ރަދީފު... މަހަކު 1000 ލިޓަރ ދޭނަމަ ދުވާލަކަށް ޖެހެނީ 33 ލިޓަރު. 1 ޓަނު ގެ އަގަކީ އޭ ބޭންޑުން ބަލާނަމަ 22 ރ. ދުވާލަކަށް ގޭބިސީއަކަށް 73 ލާރި . ޝުކުރިއްޔާ އެމްޑަބްލިޔޫ
ބޮޑޫހަސަނު
15 March 2020
ހޫން މަ ހީކުރީ މިގޭ ތާނގިއަށް އަޅާދެނީ ކަމަށް، ވަރަށް ބޮޑަށް ޝުކުރިއްޔާ އަސްލު، އިންނާނެ އަދި އެއް ބިލްވެސް ނުދެއްކި
ރަދީފް
15 March 2020
ފެންމީޓަރުގެ މަހު ފީ 30 ރުފިޔާ 44000 ކަސްޓަމަރުންނަށް ބެލީމަވެސް 1.3 މިލިއަން ރުފިޔާ މަހަކު ލިބޭނެ.އެހެންވީމަ 3 މިލިއަން ރުފިޔާ ރައްޔަތުންގެ ހައްގުގަ ހޭދަކޮށްގެން ކުންފުންޏަށް ކޮމާޝަލް ސްކޭލްގަ ކަލްކިއުލޭޝަން ހަދާނަމަ ގެއްލުންވާނެކަމަށް ނުބެލެވޭ.އެމްޑަބްލިޔުއެސްސީގެ ތި އިސްނެގުމަށް މަރުހަބާ ކިޔަން.ސްޓެލްކޯ އަދި ދިރާގުންވެސް ރައްޔަތުންގެ އަތުގަ ހިފާނެކަމަށް އުންމީދުކުރަން.ވ.ވެދުން #ކޮވިޑް-19 #އެމްޑަބްލިޔުއެސްސީ #ފްރީވޯޓަރ #ތޭންކްސް