އިސްމާއިލް ޒަރިއަންދު: ނެޝަނަލް ޓެންޑާބޯޑުގެ ޗެއާމަން ކަމުގެ މަގާމަށް އައްޔަނުކުރެއްވީ މި މަހު ކުރީ ކޮޅު -- ފޮޓޯ: ޒަރިއަންދުގެ ފޭސްބުކް
20 މާޗް 2020 - 17:08
47 comments
ނެޝަނަލް ޓެންޑާ ބޯޑުގެ ޗެއާމަން ކަމުގެ މަގާމަށް ސަރުކާރުގެ އޮޑިޓިން ދާއިރާގައި ދިގު މުއްދަތެއްގައި ޚިދުމަތް ކުރެއްވި އަދި ކުރީގެ މަޝްހޫރު ފުޓްބޯޅަ ކުޅުންތެރިޔާ އިސްމާއިލް ޒަރިއަންދު ހަމަޖައްސައިފި އެވެ.
މި މަހު ކުރީ ކޮޅު އެ މަގާމަށް ހަމަޖެއްސި ޒަރިއަންދާ އެކު ހަތް މެމްބަރަކު އެ ބޯޑުގައި ހިމެނެ އެވެ. އޭގެ ތެރެއިން ހަ މެމްބަރުންނަކީ ސަރުކާރުގެ އިސް މަގާމްތަކުގައި މަސައްކަތްކުރައްވާ ބޭފުޅުުންނެވެ. ޕްރައިވެޓް ސެކްޓަރު ތަމްސީލް ކުރައްވަނީ ޒަރިއަންދާ އެކު އިބްރާހިމް ނާހިދެވެ.
ސަރުކާރުން ހިންގަން ބޭނުން 2.5 މިލިއަން ރުފިޔާއަށް ވުރެ އަގުބޮޑު މަޝްރޫއުތަކާއި އެހެނިހެން މަސައްކަތްތައް، ހަމަހަމަ އުސޫލެއްގެ ދަށުން އެކި ކުންފުނިތަކާ ހަވާލުކުރަން ނިންމަނީ ނެޝަނަލް ޓެންޑާ ބޯޑުންނެވެ. މީގެ އިތުރުން އެ ދާއިރާއާ ގުޅޭ ސިޔާސަތުތައް ހެދުމުގައި ވެސް ޓެންޑާ ބޯޑުން ބައިވެރިވެ އެވެ.
މީގެ 34 އަހަރު ކުރިން 1986 ގައި ސަރުކާރާ ގުޅިވަޑައިގެންނެވި ޒަރިއަންދު ވަނީ އެ މުއްދަތުގައި ސަރުކާރުގެ އޮޑިޓީންގެ ދާއިރާ އިން އިސް މަގާމްތައް އަދާކުރައްވައިފަ އެވެ. ފިނޭންސް މިނިސްޓްރީގެ އިންޓާނަލް އޮޑިޓް އެންޑް އިންވެސްޓިގޭޝަން ޑިވިޝަންގެ އެންމެ އިސް މަގާމުގެ އިތުރުން ނެޝަނަލް ބަޖެޓް އެންޑް ފޯމިއުލޭޝަން ޑިވިޝަންގެ ޑިރެކްޓަރު ކަމުގެ މަގާމް ވެސް އެނާ ފުރުއްވި އެވެ.
އެންމެ މަތީ ފެންވަރުގައި 15 ވަރަކަށް އަހަރު ފުޓްބޯޅަ ކުޅުއްވި ޒަރިއަންދަކީ ރާއްޖޭގެ ފުޓްބޯޅައިގައި ފެނުނު އެންމެ ހުނަރުވެރި އެއް ގޯލްކީޕަރެވެ. އޭނާ ވަނީ ގައުމީ ޓީމާއި ވިކްޓްރީ އާއި ނިއު ރޭޑިއަންޓްގައި ކުޅުއްވައިފަ އެވެ. ހާއްސަކޮށް ވިކްޓްރީއާ އެކު ގިނަ ކާމިޔާބީތަކެއް ހާސިލްކުރެއްވި އެވެ. އަދި ފަހުން އެ ކްލަބުގެ ބޯޑް މެމްބަރުކަން ވެސް ކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަކީ20
25 March 2020
ޒަރިޔަންދު ކައިރީގައި އަހާލަ ބަލަ ޕީޓުރަލް ގެ ކޭޓަރިންގ ގެ ބިޑް ހަދާ ދިނިންތޯ؟ އަދި ޓެންޑަރ ބޯޑަށް ޕްރެސަރ ކޮށްގެން މާރކްސް ދޭ ފޯމިއުލާރ ތައް ނުހޯދަންތޯ؟ މި މަވަރުގެ މީހެއް ޓެންޑަރ ބޯރޑަށް ލާން ހެޔޮ ނުވާނެއެވެ. ބިޑް ހަދާދީ އަދި އެވޯޑް ވުމުން ލައްކަ ލައްކާ ކޭސް ދޭތޯ ވެސް އަހާލުން ރަގަޅު... މިއީ ޓެންޑަރ ބޯޑުގެ މުވައްޒިފުންގެ ކުރީގެ ސަކުވާ އެއް
ޢާރި
21 March 2020
ސަޅިބައިސާ ކެނޑުންނޫންކަމެއް ނޭނގޭނެ. ލަންކާގަ ހުރެގެންގަތްގަނޑެއް ނޭނގެ. އެނގޭއެއްޗެއް ނޭނގޭއެއްޗެއް ނޯންނާނެ.
Juhaa
21 March 2020
ތިޔައީ އެހެން މީހުން ބުނާ އެއްޗެއް ގަބޫލުކުރާ މީހެއް ނޫން. އޭނާއަށް ފެންނަ ގޮތް ނޫން ގޮތެއް ގަބޫލެއް ނުކުރާނެ. ފިނޭންސް މިނިސްޓްރީގައި އުޅޭ މީހުންނަށް އެކަން ރަނގަޅަށް އެނގޭނެ. ތިޔަ މީހާ ވާނީ ޓެންޑަރ ބޯޑުގެ މެންބަރުންނަށް ބޮޑު މުސީބާތަކަށް.
އަޑަފި
21 March 2020
މިހާރުދެން ސަރުކާރުން ކުރާ ހުރިހާ ކަމެއް އޯކޭވާނެ. ތިޔަ ފަދަ މަޤާމެއް ނުލިބިގެންތޯ، ސަރުކާރަށް ފާޑުކިޔަމުން ދުވީ.
ސިކްނެސް
21 March 2020
ޓޮއް..ޓޮއް.. ޒަރިޔަންދޫ ދެނެއް ސަރުކާރަކަށް ފާޑެއް ނުކިޔޭނޭ. ތިއޮތީ ކުޑަ ކަކޫ ޖައްސާފަ!
ދެރަސޮރު
21 March 2020
ތިޔައީ ވަރަށް ބޮޑަށް ފެއިލް ވެފައި ހުރި މީހެއް ތީނާގެ ހަމައެކަނި ތިމަގާމަށް ޝަރުތުހަމަވާނީ އެމްޑީޕީގެ އެކްޓިވިސްޓަކަށްވީމަ އެހެން އެއްވެސް ގޮތަކުން ތިމަގާމަކަށް އޭނާ ޝަރުތު ހަމައެއް ނުވާނެ މިހެން މިދަންނަވަނީ ވަރަށް ޔަގީން ކަމާއެކީގައި މިއީ އެނާއާއި އެކީ ވަޒީފާ އަދާކުރި އެންމެނަށް އަދި އޭނާ އާއި އެކީ އުޅޭ އެންމެނަށް އެނގޭނެ ކަމެއް މިސަރުކާރުން ކުރާ ވަރަށް ދެރަކަމެއް ކަމަށް ނާގާބިލު ކަމެއް ނުކުރެވޭ މީސްމީހުންނަށް ވަޒީފާ ދިނުން
މައްސަލަ
21 March 2020
އެމްޑީޕީ ސަރުކާރަށް އަންނަ ކޮންމެ ފަހަރަކު ބޮޑުތަނުން ކަންކަން ބޮއްސުންލައިގެންގޮސް އިގްތިސާދު ހަލާކުވެފައި ކަންކަން ނުވެފައި ހުންނަނީ އަނގަގަދަ މަސައްކަތުގެ ސްލޫކެއް ވައްޓަފާޅިއެއް ނުހުންނަ މީހުން ތަންތަނަށް ލައްވާތީ. ފެންނަ ފެނުމުގައި މިފަހަރުވެސް ކަން މިދާގޮތުން ނިމގެންދާނީ މިހެން.
ދެރަސޮރު
21 March 2020
ހެހެހެ މީ އެއްކަލަ ގޮހޮރޭ !!! އާން އާން މާލެ ސިޓީ ގެ ނިޔާ އަށް އެނގޭނެ މީނަގެ ހުނަރު
ކޮލެޖު
21 March 2020
ހާދަ ކަރަދު ކުޑައޭ
ރރަރަދީފް ހުސެން
21 March 2020
ރައްޔިތުން ނުކުމެ ސަ ރުކާ ރު ފަހާދުވަސް ޖެހިއްޖެ ކަމައްބުނެ ޒަރ ރިއަނދު ޓްވީޓް ކު ރިފަހުން އަދި 3 ހަފްތާނުވެ. ބަދަލުގަ އަނގަ ބަންދުކޮއް ގާތް ކުދިންނައް ހައްގު މިންވަ ރު.