އެއާޕޯޓުގައި ޕާކުކޮށްފައިވާ ބައެއް ޕްލައިޓްތައް--ފޮޓޯ: ނިޝާން އަލީ/ މިހާރު
23 މާޗް 2020 - 12:05
3 comments
އިއްޔެ ރާއްޖެ އަންނަން އިންޓަނޭޝަނަލް 43 ފްލައިޓް ޝެޑިއުލް ކޮށްފައި އޮތް ނަމަވެސް އައީ އެންމެ 16 ފްލައިޓް ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ބުނެފި އެވެ.
ކޮވިޑް-19 އާ ގުޅިގެން ގައުމުތަކުން ދަތުރުފަތުރު ކުރުން ވަނީ ވަރަށް ބޮޑަށް މަދުވެފަ އެވެ. މިއާ އެކު ގުޅިގެން ރާއްޖެ އަށް ދަތުރުކުރާ ގިނަ އެއާލައިންތައް އައުން ވެސް ވަނީ ވަގުތީ ގޮތުން މެދުކަނޑާލައިފަ އެވެ. އާދިއްތަ ދުވަހަކީ އާންމު ގޮތެއްގައި ވެސް އެއާޕޯޓަށް އެންމެ ބާރު ބޮޑު އެއް ދުވަހެވެ.
އެހެން ނަމަވެސް އިއްޔެ ޝެޑިއުލްގައި ހުރި ފްލައިޓްތަކުގެ ދެ ބައިކުޅައެއްބައެއް ވެސް އައިސްފައެއް ނުވެ އެވެ. އިއްޔެ ކޮށްފައި ވަނީ 25 ޑޮމެސްޓިކް ދަތުރެވެ.
ކޮވިޑް-19 އާ ގުޅިގެން އެމްއޭސީއެލް އިން އަންނަނީ އެއާޕޯޓުގެ ސަލާމަތާއި ރައްކާތެރިކަން ކަށަވަރު ކުރުމުގެ ފިޔަވަޅުތައް އަޅަމުންނެވެ. އެގޮތުން އެއާޕޯޓުގެ އެކި ސަރަހައްދުތައް ޑިސްއިންފެކްޓް ކުރުމުގެ މަސައްކަތް ވެސް އަންނަނީ ކުރަމުންނެވެ.
ކޮވިޑް-19 އާ ގުޅިގެން ރާއްޖެއިން ވަނީ ގިނަ ގައުމުތަކަކުން މީހުން އައުން މަނާކޮށްފަ އެވެ. އެގޮތުން މިބަލި އެންމެ ބޮޑަށް ފެތުރުނު ޗައިނާ އާއި އިޓަލީ އާއި ސައުތު ކޮރެއާ އާއި ޖަޕާނާއި ސްޕެއިން އާއި ޖާމަނީ އާއި ފްރާންސްގެ ބަޔެއް ސަރަހައްދުތަކުގެ އިތުރުން މެލޭޝިއާ އާއި ބަންގްލަދޭޝް ފަދަ ގައުމުތަކުން މީހުން އައުން ވަނި މަނާކޮށްފަ އެވެ.
މިބަލި ދުނިޔޭގެ އެކި ގައުމުތަކުގައި ބާރު ސްޕީޑުގައި ފެތުރެމުންދާ އިރު، ރާއްޖެ އަށް ބަލި ފެތުރުނަ ނުދިނުމަށްޓަކައި ރާއްޖެއިން ބޭރުގެ ގައުމަކަށް ގޮސްފައި އަންނަ ހުރިހާ ދިވެހިން 14 ދުވަހަށް ކަރަންޓީނު ކުރުމަށް ސަރުކާރުން ވަނީ ކަނޑައަޅައިފަ އެވެ. މި ބަލި ރާއްޖެއިން 13 މީހަކަށް ޖެހުނު އިރު އޭގެ ތެރެއިން ތިން މީހުން މިހާރު ވަނީ ބަލިން ރަނގަޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައައައައައ
24 March 2020
އިންޑިއާއިން އައުން އަދިވެސް މަނާނުކުރެވޭނުން. އެކަމަކު މިސަރަހައްދުގައި އެންމެ ފަރުވާ ކުޑަކޮށް މިބަލީގައި އަމަލުކުރާ އަދި އެންމެ ގިންމީހުން ފެންނަ ގައުމަކަށްވަމުންދާ ކަމުގެ ކޮޅުމަތި ފެންނަނީ. ވަރަށް ދެންނެ ހެއްވާ.
މަނިކ
23 March 2020
ފްލައިޓް ތައް މަދުވީމަ އެއާ ފުރައިޓް ކޮށް ގެންނަ ބޭސްވެރިކަމުގެ މުދާ އަވަހަށް ގެންނަން އުދަގޫވީއެވެ. ބޮޑޮ އަގުގައި ފުލައިޓު ޗާޓަރު ކުރަން ޖެހެނީ އެވެ.
އޮނަރަބްލް އަފީފު ދީދީ
23 March 2020
ރާއްޖެއަކަށްނޫން. ތިއީ އެއްރަށްދައުލަތްހަދައިގެންއޮތް މާލެއަށް އަންނަ ފްލައިޓްތައް. # ލަދެއްވެސްނުގަނޭދޯ ހިސާބުތައް މިވަގުތު ހާމަކުރަން. މިވާހަކަދައްކާމީހާއަކީ "މިންވަރަށްއީމާންނުވާ މީހެއްކަމަށާއި، މިފަދަވަގުތުގައިވެސްދައްކަނީ ފިތުނަފަސާދައުފެދޭ ވާހަކަކަމުގައިބުނާމީހާ ހަދާންކޮށްލަންވީ" މިހާލަތު އައުމުގެކުރިން ތިމާއަކީމިދެންނެވިގޮތަށް އެތައްޒަމާނެއްހޭދަކުރިމީހެއްކަމާއި މިއަދު ނުރުހިގެން ތިއުޅެނީ ކަލެއަށް ނިސްބަތްކޮށް އެވާހަކަ ދައްކާތީ ކަން.