ބާޒާރުމަތީ ފިހާރައަކުން މީހަކު އަލުވި ގަންނަނީ: ރޯދަމަސް ފެށެން ހަ ދުވަހަށް ވެފައިވާއިރު ބާޒާރުގައި ފިޔާ ބަސްތާގެ އަގު ވަނީ ބޮޑުވެފައި -- ފޮޓޯ:ނިޝާން އަލީ/ މިހާރު
31 މެއި 2016 - 14:20
9 comments
ރޯދަ މަސް ފެށެން ހަ ދުވަހަށް ވެފައިވާ އިރު ބާޒާރުގައި އަލުއްވާއި ބިހުގެ އަގު އުފުލި ފިޔާ ބަސްތާއަކުން 100ރ. އުފުލިއްޖެ އެވެ.
ހޯލްސޭލްކޮށް މުދާ ވިއްކާ ފަރާތްތަކުން ބުނީ ރޯދަ މަހު އެންމެ ޑިމާންޑް ބޮޑު ތިން ބާވަތުގެ އަގު އުފުލިގެން ދިޔައީ، މި މަހު ރާއްޖެ އަންނަން ހަމަޖެހިފައިވާ ބައެއް ޝިޕްމަންޓްތައް ތާށިވެގެން ކަމަށާއި އެ ބާވަތްތައް އެސްޓީއޯ އިން ގަނެގެން ރީޓެއިލް ކުރަމުން ގެންދާތީ ކަމަށެވެ.
ވިޔަފާރިވެރިން ލަފާ ކުރަނީ އެ ތިން ބާވަތުގެ އަގު ރޯދަ މަހު ތެރޭގައި ވެސް ބޮޑު ވާނެ ކަމަށެވެ.
ބާޒާރުގައި ކުރިން 160ރ. އަށް ވިއްކި ފިޔާ ބަސްތާއެއްގެ މިއަދުގެ އަގަކީ 240-280ރ. އެވެ. އަދި 300ރ. އަށް ވިއްކި އަލުވި ބަސްތާ މިހާރު 350ރ. އަށް ހުރި އިރު 310ރ. އަށް ވިއްކި ބިސް ކޭހަކުން ވަނީ 40ރ. ބޮޑުވެފަ އެވެ.
ހޯލްސޭލް މުދާ ވިއްކާ ބައެއް ފަރާތްތަކުން މި ބާވަތްތަކުގެ އަގު ބޮޑު ކުރި ނަމަވެސް، އެސްޓީއޯއިން ރޯދައަށް ހާއްސަކޮށްގެން ރާއްޖެ ގެނެސް ވިއްކާ ފިޔާ، އަލުވި އަދި ބިސް ކޭހުގެ އަގަކަށް އެއްވެސް ބަދަލެއް ނާދެ އެވެ.
އެސްޓީއޯގެ ފުޑް އެންޑް ބެވަރެޖާސްގެ ޖެނެރަލް މެނޭޖަރު ފާތިމަތު އާޝާން ވިދާޅުވި ގޮތުގައި އެ ކުންފުނިން ރޯދައަށް ހާއްސަކޮށްގެން ގެންނަ ބާވަތްތަކުގެ އަގު، މުޅި ރޯދަ މަހު އެއްވަރެއްގައި ހިފަހައްޓަން މަސައްކަތް ކުރާނެ އެވެ. ނަމަވެސް މޫސުން ގޯސްވުމުގެ ސަބަބުން އެ ތަކެތި ރާއްޖެ ގެނައުމުގައި ދަތިކަމެއް ދިމާވެއްޖެ ނަމަ ތަކެތީގެ އަގު ބޮޑުވާނެ ކަމަށް އޭނާ ވިދާޅުވި އެވެ.
އެސްޓީއޯގެ ހަ ނަންބަރު ކޮށިންނާއި ރަށްރަށުގައި ހުންނަ 13 ފިހާރައިން ވެސް ފިޔާ ބަސްތާއެއް ވިއްކަނީ 160ރ. އަށެވެ. އަދި 250ރ. އަށް އަލުވި ބަސްތާއެއް ވިއްކާ އިރު ބިސް ކޭހެއް ވިއްކަނީ 275ރ. އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާލީމާ
01 June 2016
އެސްޓީއޯއަކީ އަހަރެމެންގެ އިތުބާރާ ޔަގީންކަން އޮތްތަނެއްކަމުގާ، ތިބޭފުޅުން ހައްދަވާ ދެއްވާށެވެ! އޭރުން ތަކެތީގެ އަގަށް މިއަންނަ ބަދަލަކީ ކަންބޮޑުވާވަރުގެ ބަދަލަކަށް، އަހަރެމެންނަކަށް ނުވާނެއެވެ! އެހެނީ އެހުރިހާއެއްޗެއް އެސްޓީއޯއިން ހަމައަގުގާ އޭގެ އެންމެ ކުޑައަގުގާ ވިއްކާނެތީއެވެ! ރައްޔިތުންނަށް އަސާސީ ޚިދުމަތް ދެވޭވަރަށް އެސްޓީއޯ ތަސައްރުފު ފުދޭށެވެ! -އިބްރާހީމް-
މާގުރެޓް
31 May 2016
އެހެންވާނެ އެސްޓި އޯއިން ފީ ބިސް ވިއްކަން ފެށީމަ
އަހަންމަދު
31 May 2016
ރޯދަ މަހު ރޯދަ ވީއްލަން 3 ވައްތަރު ފަނި، ދެ ތިން ވައްތަރު ރިހަ ރޮށި ބަތް ފަރާޓާ ނަން ހުސްކޮށް ހުރިހާ ވައްތަރެއްގެ ހެދިކާ، ތަރާވީހަށް ހަމަ މިވަރަށް އަނެއްކާ ހާރުދަމު ކާން މިހުރިހާ އެއްޗެއް. ރޯދަ ހިފިޔޭ ކިޔާފަ އިސްރާފު ކުރަން ކައްކަން ޖެހޭތަ؟؟؟ ރޯދަ މަހު ކޮންމެ ގެޔަކުން ޑަސްބިން ފުރާ ކެއްކި ހުރިހާ އެއްޗެއް ގޮނޑަން އުކަން ކައްކަން ޖެހޭތަ؟؟؟
ހަސަން.
31 May 2016
އެހެން ވާނެ. އެސްޓީއޯ އިން ރައިޔަތުން ނަށް އަގުހެޔޮ ކޮށް ވިކަން ގެންނަ ކަމަށް ބުނާ ބިސްކޭސް ވެސް ބާޒާރު މަތީ ވިޔަފާރި ވެރިން ގަނެގެން ހަމަ އެރައިޔަތުން ނަށް ވިއްކަނީ އަގުބޮޑުކޮށް.
މިނިވަންޚިޔާލު
31 May 2016
މިއަދު މެންދުރު ރާއްޖޭގައި ދިރިއުޅޭ ފާކިސްތާނުގެ ޑޮކްޓަރަކާ ބައްދަލުވިއެވެ. ފިހާރަޔަކުން ނުކުންނަނީއެވެ. އޭނާ ސުވާލެއްކުރިއެވެ. ރަމަޟާން މަސް ކައިރިވާވަރަކަށް ކާބޯތަކެތީގެއަގުބޮޑުވޭދޯއެވެ. އަހަރެންވެސް އެއްބަސްވުމުގެގޮތުން އާއެކޭބުނީމެވެ. އޭނާ އިތުރުކޮށްލިއެވެ. ތިމަންނަ އެއްފަހަރަކު ކްރިސްމަސް އައިއިރު އިގިރޭސިވިލާތުގަހުރީމެވެ. އެމީހުން ކްރިސްމަސްއާއިދިމާކޮށް ހުރިހާއެއްޗެއްވެސް އަގުހެޔޮކުރެއެވެ. އެއީ އެމީހުންގެ ޢީދަކަށްވާތީ އެެންމެން އެއުފަލުގަބައިވެރިވުމަށް ފުރުޞަތުދިނުމުގެގޮތުން އެއްޗެހިއަގުހެޔޮކުރަނީއެވެ. އަހަރެެމެން މުސްލިމުންނަށް ރަމަޟާންމަހަކީ އުފާވެރިމައްސަރަކަށްވާއިރު، ތަކެތިއަގުހެޔޮނުކުރަނީ ކީއްވެގެންހެއްޔެވެ. ބުނާނެއެއްޗެއްނޭގުނެވެ. ބުނާނީ ކީކޭހެއްޔެވެ.
ޝާމް
31 May 2016
ބޮޑުވާނެ. އެކަމު ރައްޔިތުން ކީއްކުރާނީ. ތިވާހަކަ ދެއްކިޔަސް އޮތޯ ގޮޅި. މިވެރިކަމަކީ ރައްޔިތުންނަށް ބިރުދެއްކުމާއި އަޅުވެތިކަން ދެއްކުން އިސްކުރާ ވެރިކަމެއް
އަހަންމަދު
31 May 2016
ޔާމީނުތަ ބާޒާރު މަތީ ފިހާރައިގެ ސޭޓަކަށް އިނީ؟
އިންސާނާ
31 May 2016
ވިޔަފާރީގައި މަކަރު ހަދާ މީހުންނަށްވެސް ދުވަހެއް އަންނާނެކަން ހަނދާން ނެތިކޮށްނުލާށެވެ.
ބުރުގާ
31 May 2016
ޝުކުރިއްޔާ ހުރިހާ ވިޔަފާރިވެރިންނައް. އަޅުގަނޑު ކަހަލަ ނިކަމެތި މީހުން މިކަހަލަ ކޮމެންޓުކުރާނީ. ދެން ސިޔާސީ އިއްޒަތްތެރިން ތިއްބަވާނީ ގޭގައި މީރުކޮއް ފަރިއްކުޅުވަން.