ބްރައިޓްވޭ އިންޓަނޭޝަނަލް ސްކޫލުގެ ދަރިވަރުންތަކެއް.
02 އެޕްރީލް 2020 - 15:01
3 comments
ބްރައިޓްވޭ އިންޓަނޭޝަނަލް ސްކޫލުގެ ފީން 10 ޕަސެންޓް ކުޑަކޮށްދީފި އެވެ.
އެ ސްކޫލު ހިންގާ ކޮލިޓޭޓް އެޑިއުކޭޝަންގެ މެނޭޖިން ޑިރެކްޓަރު މޫސާ ރަޝީދު މިއަދު ވިދާޅުވީ ކޮވިޑް-19 ގެ ސަބަބުން ރާއްޖޭގެ އިގުތިސޯދަށް އައިސްފައިވާ ލޮޅުމުގެ އަސަރު ބެލެނިވެރިންނަށް ވެސް ކުރާނެ ކަމަށެވެ. އެހެންވެ، އެ ކަމަށް ލުޔެއް ދިނުމުގެ ގޮތުން މި މަހުގެ ފީ ކުޑަކޮށްދޭން ނިންމީ ކަމަށް އޭނާ ވިދާޅުވި އެވެ.
މޫސަ ވިދާޅުވި ގޮތުގައި، ހާލަތަށް އަންނަ ބަދަލަށް ބަލައި، ކުރިމަގުގައި ވެސް ސްކޫލު ފީ ކުޑަކޮށްދޭނެ އެވެ.
ޕްރީ ސްކޫލުން ފެށިގެން ގްރޭޑް 12އާ ހަމައަށް ކިޔަވައިދޭ ބްރައިޓްވޭގައި 860 ދަރިވަރުން އަންނަނީ ކިޔަވަމުންނެވެ.
ދުނިޔޭގައި ފެތުރެމުންދާ ބަލިމަޑުކަމެއްގެ ގޮތުގައި ކަނޑައަޅާފައިވާ ކޮވިޑް-19 އާ ގުޅިގެން ބައެއް ކުންފުނިތަކުން އަންނަނީ ހިދުމަތްތަކުން އާއްމުންނަށް ލުއި ފަސޭހަވާނެ ބަދަލުތައް ގެންނަމުންނެވެ. ބައެއް ކުންފުނިތަކުން ހިދުމަތްތަކުގެ އަގު ހެޔޮކޮށްފައިވާއިރު މުވާސަލާތީ ހިދުމަތްދޭ ކުންފުނިތަކުން ވެސް ވަނީ ޑޭޓާ އެލަވަންސް ދޭން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕީޕް
02 April 2020
މަ ހިތަށް އަރާ ހުރިހާ ތަންތަނުގެ މީހުންނަށް މުސާރަ ދެނީ އޭސީ ޖައްސާ ވަރުބަލާފަ ބާއޭ. ސިކުނޑީގެ އެއްފަޅިން ވިސްނާ ބައެއް. ޢަހަރުމެންގެ ދަރިންނަށް ނަގާދޭ އޮންލައިން ކްލާސް ތަކައް ވަރަށް ޟުކުރު ކުރަން ކުދިން ގެ ކިޔެވުން މެދު ކެޑުނަނުދީ. ސުކުރު ކުރަން ނޭންގޭ މީހަކަށް ހެޔޮ އެއްގޮތެއެއް ވެސް ނޯންނާނެ. ބޯ ހަލާކު
ބޮޑުމީހާ
02 April 2020
ތިވެސް ކޮންމެ ވެސް ވަރެއް. ޝުކުރިއްޔާ!
ދެރަ
02 April 2020
ޕްރީސްކޫލްތަކަށް 2000 . 1800 ފިގެ ގޮތުގަ ދައްކަނއ ޖެހެ . ފިރިމީހާ އެހުރީ ރިސޯޓުން 20 ޕަސެންޓް މުސާރަިގާ ސްކޫލުން ބުނަނީ އެއްވެސް ލާރި އެއް ކެނޑެން ނެތީ އެއްވެސް ހަރަދެއް ކުޑަ ނުވާތީ . ޢެކަމް 1މަހައްވުރެ ގިނަވީ ސްކޫލްތަކުގަ އެއާކޯން ޖައްސަން ނުޖެހޭތާވެސް . ދެން ނޭނގެ ހަދާނެގޮތެއް .