ގިޔާސުއްދީން ސްކޫލުން ބޭއްވި ރަސްމިއްޔާތެއްގައި އެ ސްކޫލުގެ ދަރިވަރުންތަެކެއް ބައިވެރިވަނީ .-- ފޮޓޯ: ހުސެއިން ވަހީދު/ މިހާރު
23 އޯގަސްޓް 2020 - 14:14
20 comments
ކޮވިޑް-19 ގެ ސަބަބުން ސްކޫލުތައް ބަންދުކުރުމަށް ފަހު، ގޭގައި ތިބެގެން ކިޔެވުމަށް އިންޓަނޭޝަނަލް ސްކޫލުތަކަށް ދެމުން އައި ޑޭޓާ އެލަވަންސް ހުއްޓާލައިފި އެވެ.
އެނގިފައިވާގޮތުގައި، ސްކޫލުތައް ބަންދުކުރި ފަހުން ޣިޔާސުއްދީން ސްކޫލާއި ބިލަބޮންގް ސްކޫލާއި ބްރައިޓްވޭ ސްކޫލު އަދި އަހުމަދިއްޔާ ސްކޫލުގެ ދަރިވަރުންނާއި ޓީޗަރުންނަށް ދިރާގުން ވަނީ ހާއްސަ އެލަވަންސް ދީފަ އެވެ. އެކަމަކު އެލަވަންސް ދިނުން މިދިޔަ ހަފުތާގައި ހުއްޓާލާފައިވާކަމަށް އެ ސްކޫލުތަކަށް ވަނީ އަންގައިފަ އެވެ. ނަމަވެސް އެގޮތަށް ނިންމި ސަބަބެއް ނުބުނެ އެވެ.
އަމިއްލަ ސްކޫލުތަކާއެކު ސަރުކާރުގެ ސްކޫލުތަކުގައި ކިޔަވާ ދަރިވަރުންނަށް ވެސް ޑޭޓާ ދޭން ފެށި އެވެ. ކުރިއެކޭ އެއްގޮތަށް އެ ދަރިވަރުންނަށް ފަސް ޖީބީ ޑޭޓާ ދޭނެ އެވެ.
އޭގެ ތެރެއިން ބައެއް ސްކޫލުތަކަށް އުރީދޫން ޑޭޓާ އެލަވަންސް ވެސް ދިން ކަމަށް ވެ އެވެ.
ސްކޫލަކުން ވާހަކަދެއްކެވި ބޭފުޅަކު ވިދާޅުވީ، ދިރާގުން ދޭ ޑޭޓާ އެލަވަންސް އަށް ބަރޯސާވާ ބައެއް ބެލެނިވެރިން އެބަތިބި ކަމަށެވެ. އެހެންވެ، ޑޭޓާ ދިނުން ހުއްޓާލުމުން އުނދަގޫތަކާ ދިމާވާނެ ކަމަށް ވިދާޅުވި އެވެ.
"ސްކޫލުތައް ހުޅުވޭނެ ދުވަހެއް ވެސް ނޭނގެ. މިފަދަ ހާލަތެއްގައި އެލަވަންސް ހުއްޓާލުމުން ބެލެނިވެރިންގެ ފަރާތުން ވެސް ވަރަށް ސުވާލުތައް އެބަ އާދޭ. މަޝްވަރާކޮށްގެން އިތުރު ގޮތެއް ހެދޭތޯ ބަލަމުން މި އަންނަނީ،" ސްކޫލަކުން ވާހަކަދެއްކެވި ބޭފުޅަކު ވިދާޅުވި އެވެ.
ޔުނިސެފާ ގުޅިގެން ތައްޔާރުކުރި އެޑިއުކޭޝަން ރެސްޕޮންސް ޕްލޭން (އީއާރުޕީ) ގައިވާ ގޮތުން މިދިޔަ އޭޕްރީލް މަހާ ހަމައަށް ޕްރައިވެޓް ސްކޫލުތަކުގައި 11،173 ދަރިވަރުން ތިއްބެވެ. އެއީ ދަރިވަރުންގެ މުޅި ޖުމްލަ އަދަދުގެ 12 ޕަސެންޓެވެ. ކޮވިޑުން ރައްކާތެރިވުމަށް މާޗު 12 ގައި ސްކޫލުތައް ބަންދުކުރުމަށްފަހު އަލުން ކިޔަވައިދޭން ފެށީ މިދިޔަ މަހުގެ 1 ވަނަ ދުވަހެވެ. ނަމަވެސް މާލެ ސަރަހައްދުގައި ބަލި ފެތުރޭ މިންވަރު އިތުރުވަމުން ދިއުމުގެ ސަބަބުން، މާލެ ސަރަހައްދުގެ ސްކޫލުތައް ވަނީ މި މަހުގެ 9 ވަނަ ދުވަހުން ފެށިގެން އަންނަ މަހުގެ ތިން ވަނަ ދުވަހާ ހަމައަށް އަނެއްކާ ވެސް ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަޓް ބްރޯ
23 August 2020
ސަރުކާރުން އެކައްޗެއް ނުދިނަސް ދަރިންނަށް ކިޔަވައިދެވޭނެ ބެލެނިވެރިން ތިބޭނެ. އެކަމަކު އެއްވެސް ފަދައެއް ނެތް ބެލެނިވެރިންގެ ދަރިންވެސް ސްކޫލްތަކުގަ ތިބޭނެކަން ސަރުކާރުން ދަންނަންޖެހޭނެ. އެހެންނޫނީ އިންތިޚާބުތަކުގަ ހިލޭ ވޯޓުދިނުންވެސް އެފަރާތްތަކުން ހުއްޓާލަފާނެ.
މުލޭ
23 August 2020
އިންޓަރނޭޝަނަލް ސްކޫލުތަކުގެ ދަރިވަރުންނަށް ޑޭޓާ ދޭންވީ ސްކޫލްތަކުން. އެ ދަރިވަރުން ވަރަށް ބޮޑު އެއްޗެއް ސްކޫލަތްކަށް ފީގެ ގޮތުގައި ދައްކާ. ދަރިވަރުން ސްކޫލަށް ނުދެވުމުން ސްކޫލުގެ ކަރަންޓާއި ފެނާއި އެހެނިހެން އިދާރީ ޚަރަދުތައް ވަރަށް ބޮޑަށް ކުޑަވެ ފައިދާ އިތުރުވެގެންދާނެ. އެހެންވީމަ ދަރިވަރުންނަށް ޑޭޓާ އއލަވަސް ދެވެންވާނެ ކަމަށް ފެނޭ.
ހާމިދު ޝާޙިދު
23 August 2020
ޣިޔާސުއްދީން އިންޓަރނޭޝަނަލް ސްކޫލްގެ ދަރިވަރުންނަކަށް ކުރިން ސުރެއްވެސް ތިޔަ ޑޭޓާ ޕެކެޖެއް ނުލިބޭ. އަދި، ޕަބްލިކް ސްކޫލްތަކުގެ ވެސް ގިނަ ދަރިވަރުންނާއި ޓީޗަރުންނަށްވެސް ނުލިބިފައި އެބަހުރި. ހަޔަރ އެޑިއުކޭޝަންގައި އުޅޭ ކުދިންނަށްވެސް ޑޭޓާ ޕެކެޖެއް ނުލިބޭ. އެހެންވީމާ، ނުލިބޭ އެއްޗަކަށް ލުކްފޯވަޑެއްވެސް ނުކުރާނެނޫންތަ! ތިޔަ ހުއްޓާލި ނަމަވެސް މައްސަލައެއް ނޫން. ދެރައީ، ހުރިހާ ރައްޔިތުންނަށް ހަމަހަމަ ކަމާއެކު މިކަންވެސް މިހާލަތުގައި ފޯރުކޮށްނުދެވުން
އެންދެރި
23 August 2020
މިފަދަ ދަތި އުނދަގޫ ވަގުތެއް ގައި އިންޓަރނޭޝަނަލް ސްކޫލް ތަކަށް ޖީބީ ދިނުން އެއީ ހެދި ގޯހެކެވެ. އެއީ ވ ފައިސާ ހުންނަ ވ ފައިސާ ހަރަދު ކުރާ ބައެކެވެ.
އަޙްމަދު އަލި ދީދީ
28 August 2020
ޓެކްސް ޕޭޔަރުންގެ ފައިސާއިން ދެންޏާ ހުރިހާ ރައްޔިތުން ހަމަހަމަވާޏްޖެހޭނެ
ހަސަނަ
23 August 2020
ކުއްޖެއްގެ އަތުން މަހަކު ފަސް ހާހުން ހަހާހުން ނަގާ އިންޓަނޭޝަނަލް ސްކޫލްތަކުގެ ބެލެނިވެރިން ނުޖެހޭނެ ފަސް ޖީބީ ޑޭޓާ ހިލޭ ނުލިބިގެން ހާސްވާކަށް.
ވައިކަރަދޫ މޫސާ
28 August 2020
ހާސްވުމެއްނޫން މައްސަލައަކީ... ދައުލަތުން ހިލޭ ކިޔަވާދޭ ކުދިނަށް ކުރާހޭދަ ދައުލަތަކުން ނުކުރޭ ޕްރައިވެޓް ސްކޫލެއްގެ ކުއްޖަކަށް. އެކަމަކު ޤާނޫން އަސާސީގައި އެކުދިންނަށްވެސް ލިބޭ ހައްޤެއް ދައުލަތުން ފޯރުވާންދޭންޖެހޭ އެއްޗެއް ތައުލީމަކީ. ޓެކްސް ފައިސާއިން ދެންޏާ ހަމަހަމަކޮށް ބަހަންޖެހޭނީ
މަނާހު
23 August 2020
ކަންކަމާމެދު ފާޑުކިޔާއިރު ކަން އޮތްގޮތް ބެލުމެއްނެތި ތިމާއަށް ހީވާގޮރަކަށް ވާހަކަދެއްކުމުގެ ބަދަލުގައި ހަގީގަތް ހޯދާށެވެ.ޒާތީވުން ދޫކޮށްލާށެވެ. އެހެހހހެހެ ހެން މީހުން ކުރާ ބުރަ މަސައްކަތުގެ އަގުވެސް ވަޒަންކުރާށެވެ.
ތަތްމަކުނު
23 August 2020
މީ ކިހިނެއްވެގެން އުޅޭބައެއްތަ
ސަރުކާރު
23 August 2020
ސަރުކާރު ސްކޫލްތަކުގައުޅޭ ކުދިންނަށްވެސް މި 5ޖީބީ ޑޭޓާ ލިބޭ ފަހަރަށްވުރެ ނުލިބޭފަހަރު ގިނައީ.
އަސްނީމް
23 August 2020
ހަމައެކަނި މިވޭތުވެދިޔަ ދުވަސްތަކުގަ އޮންލައިން ކްލާސް ރަނގަޅު ފެންވަރަކަށް ކޮންޑަކްޓް ކުރީ ގިޔާސުއްދީން ސްކޫލުން އެކަނި އެހެންވެ މަހަކު 3500 ކުއްޖަކަށް މިދައްކަނީ. ދެން ޑޭޓާ ކޮޅެއް ގަންނަން އަހަރުމެން ކަހަލަ މީހުންނަކަށް މާބޮޑު ކަމަކަށް ނުވާނެ ދޯ؟
ބޮބްމާލީ ތެދުވޭ
28 August 2020
ނާސްތާ ނުދިނަސް އަޅުގަނޑުމެންގެ ދަރިން ތިބީ އިރާދަކުރެއްވިއްޔާ ބަނޑަކަށްނޫން، ޑާޓާ ނުދިނަސް ތިބޭނީ ނުކިޔަވައެއްވެސް ނޫން. ނަމަވެސް އަހރެމެންގެ ޓެކްސް ފައިސާއިން ނާސްތާ އާއި ޑާޓާ ބަހާނަމަ އަހަރެމްނެގެ ދަރިންނަށްވެސް ލިބެންޖެހޭނެ. އެއީ އެކުދިންގެ ހައްޤެއް
ކުޑޭ
23 August 2020
ޕުރައިވެޓް ސުކޫލުތަކަށް ބޮޑުފީ ދައްކާފަ ދަރިން ފޮނުވާ ބެލެނިވެރިންނަށް 5 ޖީބީގެ ޑޭޓާ ޕެކޭޖެއް ގަނެވޭވަރު ވާނެކަމަށް ދެކެން!