މިވަގުތު ރާއްޖޭގައި ތިބީ ހާހެއްހާ ޓޫރިސްޓުން: މިނިސްޓަރު

ސިނަމޮން ރިސޯޓު-- ފޮޓޯ: ސިނަމޮން ހިޓެލް

ފާތިމަތު ޝަނާ މުހައްމަދު، މިހާރު

09 އެޕްރީލް 2020 - 14:59

ކޮރޯނާވައިރަސްއާ ގުޅިގެން ކުރިމަތިވެފައިވާ އިގްތިސާދީ ދަތިތަކާ ހެދި، ރާއްޖޭގެ ގިނަ ރިސޯޓުތަކެއް ބަންދުކޮށްފައިވާ މި ދަނޑިވަޅުގައި، 27 ރިސޯޓެއްގައި ހާހެއްހާ ޓޫރިސްޓުން އެބަތިބި ކަމަށް ޓޫރިޒަމް މިނިސްޓަރު އަލީ ވަހީދު މިއަދު ވިދާޅުވެއްޖެ އެވެ.

ކޮރޯނާވައިރަސް ފެތުރުން ކޮންޓްރޯލް ކުރުމަށް އެޅި ފިޔަވަޅުތަކުގެ ތެރެއިން، މިދިޔަ މަހުގެ 28 ން ފެށިގެން ރާއްޖެ އަށް އޮން-އެރައިވަލް ވިސާ ދޫކުރުން ވަނީ ހުއްޓާލައިފަ އެވެ. އަދި ދުނިޔޭގައި ދަތުރުފަތުރު ކުރުން ވަރަށް ބޮޑަށް މަދުވުމާ އެކު، ރާއްޖެ އަށް މިހާރު ޓޫރިސްޓުން އައުން އެއްކޮށް ކަހަލަ ގޮތަކަށް ވަނީ ހުއްޓިފަ އެވެ.

މިދިޔަ އާދީއްތަ ދުވަހާ ހަމައަށް ޓޫރިޒަމް މިނިސްޓްރީން އެއްކޮށްފައިވާ ތަފާސްހިސާބުތާ ހަވާލާ ދެއްވައި އަލީ ވިދާޅުވީ، ރިސޯޓުތަކުގައި މި ވަގުތު ތިބީ 938 ޓޫރިސްޓުން ކަމަށެވެ.

ތަފާތު ސަބަބުތަކާ ގުޅިގެން، ގާތްގަނޑަކަށް 200 ޓޫރިސްޓުން ފުރޭ ގޮތް ނުވެފައި އެބަތިއްބެވެ. އެ މީހުން ބަލަހައްޓަނީ އަލީ ވިދާޅުވި ގޮތުގައި ޓޫރިޒަމް މިނިސްޓްރީންނެވެ.

އޭނާ ވިދާޅުވީ، މިހާރު ރާއްޖޭގައި ތިބި ޓޫރިސްޓުންގެ ތެރޭގައި ގިނައީ ގައުމަށް އަނބުރާ ދާން ބޭނުން ނުވެ، މި ހާލަތުގައި ރާއްޖޭގައި ތިބެން ބޭނުންވެފައި ތިބި މަހުޖަނުން ކަމަށެވެ.

"މިހާރު ރިސޯޓުތަކުގެ ރޭޓުތައް އުޅެނީ ދުވާލަކަށް 300 ޑޮލަރާއި 900 ޑޮލަރާ ދެމެދުގެ އަގުތަކެއްގައި. ޕްރައިވެޓް އައިލެންޑްތައް އެބައުޅޭ ދުވާލަކަށް 3،000 ޑޮލަރުގެ ވެސް،" އޭނާ ވިދާޅުވި އެވެ.

ލަގްޒަރީ ރިސޯޓުތަކުގެ ގޮތުގައި މަޝްހޫރު ގިނަ ރިސޯޓުތަކުގެ އަގުތައް ދަށްވެފައިވާ އިރު، ކޮވިޑް-19 ގެ ހާލަތުގެ ކުރިން ރާއްޖޭގައި ހިންގާފައިވް ސްޓާ ރިސޯޓުތަކުގެ އަގު އެވްރެޖުކޮށް އުޅުނީ 1،500 ޑޮލަރާއި 3،000 ޑޮލަރާ ދެމެދުގެ އަގުތަކެއްގަ އެވެ. މީގެ އިތުރުން އެންމެ މަތީ ފަންތީގެ ޕްރައިވެޓް އައިލެންޑްތަކުގެ އަގު 10،000 ޑޮލަރުން މަތީގައި ވެސް އުޅުނެވެ.

ޓޫރިޒަމަކީ ރާއްޖޭގެ އުފެއްދުންތެރިކަމުގެ ނިސްބަތުގެ ގާތްގަނޑަކަށް 70 ޕަސެންޓް ކަމަށް ވިޔަސް ކޮވިޑް-19 އާ ގުޅިގެން އެންމެ ބޮޑު އަސަރެއް ކުރާނެ ދާއިރާއަކީ މިއީ އެވެ. މި އަހަރުގެ ބާކީ އޮތް ދުވަސްތަކުގައި އެއްވެސް ވަރަކަށް ޓޫރިސްޓުން ނާންނަ ނަމަ، އިގްތިސާދު މައިނަސް 17 ޕަސެންޓަށް އަރާނެ ކަމަށް އެމްއެމްއޭ އިން ލަފާ ކުރެ އެވެ. މި ހާލަތުން އަރައިގަތުމަށްޓަކައި ޓޫރިޒަމް ދާއިރާ އަށް ހައްލުތަކެއް ގެނައުން މުހިއްމު ކަމަށް ގަވަރުނަރު އަލީ ހާޝިމް ވިދާޅުވެފައިވެ އެވެ.

ޓޫރިސްޓުން ޓޫރިޒަމް ރިސޯޓްތައް އަލީ ވަހީދު، ކުރީގެ ޓޫރިޒަމް މިނިސްޓަރު ޓޫރިޒަމް މިނިސްޓަރު ޓޫރިޒަމް މިނިސްޓްރީ

13 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމގާނަހސޖސކ

10 April 2020

ދެން ރާއްޖެއައް މައި ޓޫރިޒަމް ފެށީއިރު ރަށްތައް ތިބޭނީ ވީރާނާވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެވަނަ ދަރަޖަ

10 April 2020

200 މީހުންނަށް އެއްމެ ދަށްރޭޓުން ހަރަދު ކުރި ކަމުގައި ވިޔަސް ދުވާލަކަށް ދާނެ 60000 ޑޮލަރު. އަދި ދެހަފްތާއަށް އެއްމިލިޔަން ޑޮލަރު. އަލީ ވަހީދު ދެކޭގޮތުގައި ޓުއަރިޒަމް މިނިސްޓްރީއަކީ ވަކި ދައުލަތެއްތަ؟ ހަމަ ދިވެހި ސަރުކާރު ޓުއަރިޒަމް މިނިސްޓްރީއަކީވެސް. ގަވައިދުން ހިނގާ ކަމަށްވާނަމަ ހަމަ ޓެކްސް ފައިސާއިން ހިންގާ މުއައްސަސާއެއް. ކީއްވެ މިހާބޮޑު ހަރަދެއް ކުރާއިރު ނޫސްވެރިންވެސް އަޅާނުލާ ތިބެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޭސީ

10 April 2020

200 އެއްހަ ނުފުރިތިބި ޓުއަރިސްޓުން ދައުލަތުން ބަލަހައްޓަން ޖެހެނީ ކިއްވެ؟ އެހެން ގައުމުތަކުގަ ނުފުރިިތިބި މީހުންނަށް އެގައުމުތަކުން ހަރަދު ކުރޭތަ؟ އެތައް ރައްޔިތުންނެއް ވަޒީފާ ގެއްލި މަގުމަތި ވެފަ ތިއްބަ ޓުއަރިސްޓުން ބެލެހެއްޓުމަށް ޓުއަރިޒަމް މިނިސްޓްރީން މިހަރަދު ކުރަނީ ރިސޯޓް ތަކުގެ ވެރިންނަށް ދައުލަތުގެ ފައިސާތައްދޭން. އަސްލު ދިވެހި ސަރުކާރު ދެމިއޮންނަނީ ރިސޯޓުތަކުގެ ވެރިންނަށްޓަކާ. މީ ވައްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

10 April 2020

ނުގޮސް ތިބޭނަމަ ކުރިއާލާ ލާރި އަތުލާފަ ބަހައްޓާތި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްް

09 April 2020

ރިސަޯޓްތަކުގައި ދަނޑުހެއްދުން ކިހިނެތްވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު

09 April 2020

ނޫސްވެރިން ކީއްވެބާ ރިސޯޓު މުވައްޒަފުން ފޮނުވާ ކޮ މަންޓް ޝާއިރު ނުކުރަނީ ސަރުކާރުން ދެވަނަ ވިސްނު މެއް ގެންގުޅެން ޖެހޭ ރިސޯޓު މުވައްޒަފުންނައް ހާއްސަ އިނާޔަތާ މުއްސަނދި ވެވޭނެ ގޮތް ހަދައިދެއްވަންޖެހޭ މުޅިދައުލަތް ކޮޅައް ޖަހާދިން ބަޔަކީ އެއީ މިޔަދު ދަނޑުވެރިކަން ކުރު މަށާ މުސާރަ ކުޑަކުރު މައް ފައިވިއްދަނީ އެހެންވެ ހަޖަ މު ކޮއްލާފަ މިކޮމަންޓް ޖަހާލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޖޖދހ

09 April 2020

ޢަހަރުމެން އަށްރަގަޅީ ދުވަހަކުވެސް ތި ރިސޯޓް ތައް ނުހުޅުވުނިއަޔާ ދެން. މުއައްޒަފުން އަށް އެހާަ އިހާނެތި ކޮށް ހަދާ ތަން ތަން ނެތި ދިޔުން ރަގަޅީ. ދެންބުނާނި ޑޮލަރު ނުލިބޭނެއޭ. ޟިހާރު ކިއޮތީ އެނޫން ގޮތަކަށް ޑޮލަރު ހޯދަން ޖެހޭ ވަގުތު އައިސްފަ. ޜިސޯތަކުން ވީ ފައިދާއެއް ނެތް. ޢެމީހުން އަށް ޗެސް ޓެކްސް މަނީން ހަރިދު ކުރަން ވެފް މިއޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯސް

09 April 2020

ސުބުހާނަ ﷲ. އެމީހުން ދާން ބޭނުންނުވުމުން ރސޯޓަށް ދައުލަތުން ފައިސާދީގެން އެތައް ދުވަހެއްގަ ޓުއަރިސްޓުން ބައިތިއްބަނިއްޔޭ. ބަލަ ތިޔައީ ކޮންފަދަބޮޑު ހިޔާނާތެއް. އަހަރެމެން މިއުޅެނީ ހިންގާ ކުދި ވިޔަފާރި ފުޑިގެން އެކަމަކު ޓެކްސްވެސް މާފު ނުކޮށްދޭ. އަދި ކަރަންޓު ވެސް ކުޑައެއް ނުކިށްދޭ. ޢެމީހުން ތިބެންޏާ އަމިއްލަ ހަރަދުގަ ތިބެންޖެހޭނީ