ސަރުކާރުގެ އެންމެ ގިނަ އޮފީސްތައް ހުންނަ ވެލާނާގެއިން ބަޔަކު ނުކުންނަނީ: ސަރުކާރު ބަންދު ދުވަހު އޯޓީ ދޭނެ ގޮތް މިހަރު ވަނީ ކަނޑައަޅައިފައި-- ފޮޓޯ: ނިޝާން އަލީ/މިހާރު
13 އެޕްރީލް 2020 - 12:26
56 comments
ކޮވިޑާ ގުޅިގެން ސަރުކާރު ބަންދު ދުވަސްތަކުގައި ސިވިލް ސާވިސް މުވައްޒަފުންނަށް އިތުރު ގަޑީގެ ފައިސާ (އޯޓީ) ދޭނީ ހަ ގަޑިއިރުގެ މަސައްކަތަށް ފަހު ކަމަށް ފިނޭންސް މިނިސްޓްރީން ހަމަޖައްސައި، އެކަން އަންގައިފި އެވެ. ކުރިން އޮތް ގޮތުން ނަމަ، ބަންދު ދުވަސްތަކުގައި މަސައްކަތްކުރާ ކޮންމެ ގަޑިއަކަށް ވެސް އޯޓީ ލިބެ އެވެ.
ފިނޭންސް މިނިސްޓްރީން ސަރުކާރުގެ އޮފީސްތަކަށް ފޮނުވި ސާކިއުލާއެއްގައި ބުނީ ކޮވިޑް-19ގެ ސަބަބުން އޮފީސްތައް ބަންދުކޮށްފައި ހުންނަ ދުވަސްތަކުގައި އޯޓީ ލިބޭނީ ވެސް އެ މިނިސްޓްރީން ކަނޑައަޅާފައިވާ މިންގަނޑުތަކަށް ފެތޭ މުވައްޒަފުންނަށް އެކަނި ކަމަށެވެ. އޯޓީ ލިބޭ މުވައްޒަފުންގެ ތެރޭގައި ހިމެނޭނީ އޮފީސްތައް ނުހުޅުވާ ހުންނަ މުއްދަތުގައި މެދުކެނޑުމެއްނެތި ރައްޔިތުންނަށް ހިދުމަތް ދޭން ނެރޭ މުވައްޒަފުންނާއި ޑިރެކްޓާ ޖެނެރަލް އޮފް ޕަބްލިކް ހެލްތު ކަނޑައަޅާ ފިޔަވަޅުތައް އެޅުމަށް ނެރޭ މުވައްޒަފުންނާއި ދައުލަތުގެ އިދާރާއަކުން ކޮންމެހެން ހިދުމަތް ދޭން އެ އިދާރާއެއްގެ އިސް ވެރިޔާ ނެރޭ މުވައްޒަފުންނެވެ.
އޮފީސްތަކުގެ ރަސްމީ ގަޑިއަކީ ހެނދުނު 8:00 އިން މެންދުރު 2:00 އެވެ.
ފިނޭންސުން ބުނީ އެ މިނިސްޓްރީން ކަނޑައަޅައިފައިވާ މިންގަނޑުތަކަށް ނުފެތޭ މުވައްޒަފުންނަށް އިތުރު ގަޑީގެ ފައިސާ އާއި ބަންދު ދުވަސްތަކުގައި މަސައްކަތް ކުރުމުން ދޭން ޖެހޭ އިނާޔަތްތައް ނުލިބޭނެ ކަމަށެވެ. އެހެންކަމުން އެ މުވައްޒަފުންނާ މަސައްކަތް ހަވާލު ކުރާއިރު އިތުރު ގަޑީގައި މަސައްކަތް ކުރަން ނުޖެހޭ ގޮތަށް މަސައްކަތް ހަވާލު ކުރުމަށް ފިނޭންސުން ވަނީ އަންގައިފަ އެވެ.
ފިނޭންސް މިނިސްޓްރީން އިތުރު ގަޑީގެ ފައިސާ ދޭއިރު ބަންދު ދުވަސްތަކުގެ ގޮތުގައި ބަލާނީ ރައީސް ކަނޑައަޅުއްވާ ގައުމީ ބަންދު ދުވަސްތަކާއި ސަރުކާރު ބަންދު ދުވަސްތަކެވެ. މި ދުވަސްތަކުގެ ތެރޭގައި ކޮވިޑް-19 އާ ގުޅިގެން ސަރުކާރު ބަންދު ކުރި ފުރަތަމަ ދެ ހަފްތާ ނުހިމެނޭނެ ކަމަށް ވެސް ފިނޭންސްގެ ސާކިއުލާގައި ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮހޮއްކޮބެ
14 April 2020
އޯޓީ ލިބޭނެ ކަމަށް ބުނެ މަސައްކަތަށް ނެރުވާފަ އެނުދިނުން މީ ކިހާބޮޑު ބޭއިންސާފެއްތޯ؟ ކޮބާ ހިއުމަން ރައިޓްސް ކޮމިޝަން؟ މިފަދަ ކަމެއްގައި އުޅޭތަނެއް ނުފެނޭ ދުވަހަކުސް. އަބަދުވެސް ކޮންމެސް ކުއްވެރިއެއްގެ ރައިޓްސް ނުލިބިގެން ވަކާލާތު ކުރާތަން މިފެންނަނީ.
ސްޓާފުން
14 April 2020
ބޭނުން އެއްޗެއް ތިހަދާލަނީ ، އައ ޖީ އެމް އެޗް
Euro
14 April 2020
އޯޓީ ދޭނެކަމެއް ނެތް. ޤައުމަށް ކާރިސާއެއް ދިމާވެފައިވާ ހިދު، ރައްޔިތުންގެ ހިދްމަތުގައި ހިލޭ ސާބަހަށް ކޮންމެވެސް ކަމެއް ކޮށް ދޭން އެބަ ޖެހޭ އެންނު...!!!!
ާއުނިމާ
14 April 2020
އަޅުގަނޑުގެ ދަރިވަރުނަށް އޮންލައިން ޕްލެޓްފޯމުތައް ބޭނުންކޮށްގެން ލެސަންސް އެބަނަގައިދެން، ފިލާވާޅުތައް ތައްޔާރު ކުރުމާއި، ޓިއުޓޯރިއަލްސް، ވޯކްޝީޓްސްތައް، ވީޑިއޯ ރެކޯޑުކޮށްފަ ގޫގުލް ކުލާސްރޫމުއަށް އަޕްލޯޑުކުރަން، ދަރިވަރުން ދޭ މަސައްކަތްތައް ބަރާބަރަށް އެބަ މާކުކުރަން، ފީޑުބެކް އެބަދެން!ސަރުކާރު ބަންދުވެގެންނޭ ކިޔާފަ ގޭގެ އޮވެގެން ނިދަނީ ކީނޫން!މުދައްރިސެއްގެ ވާޖިބު އެބަ އަދާކުރަން! ޓީޗަރުނަށް ވީ ވަޢުދުތަކުގެ ވާހަކަ ދައްކާކަށް މިވަގުތުގަ ނެތިން.
ތާރު
14 April 2020
ބޮޑު ދޯކާއެއް
ާއުނިމާ
14 April 2020
ޤާބޫލުކުރަން، މިވަގުތު ސިއްޚީދާއިރާގެ ބޭފުޅުންނަށް ރަނގަޅު ގޮތެއް ހަދައިދޭން އެބަޖެހޭ، އެއްބަސް!
މުހައްމަދު ނަސީރު
14 April 2020
އަޅުގަނޑުމެންގެ އޯޓީއަށް ވުރެ ބޮޑު ހަރަދެއް ކުރޭ މަޖިލިސް މެންބަރުންގެ ހަފްތާއެއްގެ ކޮއްތަށްވެސް.. އެއީ ބޮޑު މުސާރައިގެ އިތުރުން އެތަށް އިނާޔަތެއް ލިބޭބައެއް. ކޮބާ އިންސާފް؟
ސާނީޒް
14 April 2020
އަޅުގަނޑުމެން ޑިއުޓީ ކުރީ ދަރުބާރުގޭގައި 6ގަޑި އިރުން ޝިފްޓް ބަހައިގެން. ނެރުނީ އޯޓީ ލިބޭނެ ކަމަށް ބުނެފަ. ނިމެން ދެ ދުވަހަށްވީމަ ސާކިއުލަރ ތިނެރުނީ. އެއްވެސް އެޕްރިޝިއޭށަނެއްނެތް
ާއުނިމާ
14 April 2020
ވަރަށް ރަނގަޅު ވާހަކައެއް! އާއިލާއަށް ނުފެންނަ ބޭފުޅުން އެބައުޅޭ! އެބޭފުޅުން ވަރަށް ބޮޑު ގުރުބާނީ އެއް އެވަނީ! ވަރަށް ބޮޑު ރިސްކެއްގަ އެބޭފުޅުން އެއުޅުއްވަނީ! ޤާނޫނީ ގޮތުން މިކަން އޮންނަނީ ކިހިނެއްތޯބަލާފަ މިވަގުތު ސިއްޚީދާއިރާގެ ބޭފުޅުންނަށް ރަނގަޅު ގޮތެއް ހަދައިދޭން އެބަޖެހޭ، އެއްބަސް!
ޢައި ޖީ އެމް ހޮސްޕިޓަލް
13 April 2020
ޢޯޓީ ދޭންމޭކިޔާފަ ރިސްކްނަގައި ގެން މަސައްކަތް ކުރުވާފަތޯ ތިވާހަކަ އަންގާލަން އިނގުނީ
ސިވިލްސާވެންޓް
13 April 2020
ކޮވިޑްއާ ގުޅިގެން ރައީސް އޮފީހުން ނެރުނު ދެންނެވުމުގައި ސަރުކާރު ދެހަފްތާއަށް ބަންދުކަމަށް ކަނޑައަޅާފައިވަނިކޮށް ސިއްހީ ޚިދުމަތްތެރިންނާއި ކަމާގުޅޭ އެހެން މުވައްޒަފުން ރެޔާއި ދުވާލު އޮފީހަށް ނުކުމެގެން ކުރި މަސައްކަތުގެ ހައްޤު އުޖޫރަ ސަރުކާރުން ނިގުޅައިގަތީއެވެ. ކުރިން ދެ ހަފްތާއަށް ސަރުކާރު ބަންދުކަމަށް ކަނޑައަޅައި އިއުލާންކޮށްފައި ވަނިކޮށް އޭގެ ދެ ހަފްތާ ފަހުން ފަހުން އެއީ ސަރުކާރު ބަންދު ނޫން ދުވަސްތަކެއްކަމަށް ނިންމާނީ ކިހިނަކުން ހެއްޔެވެ.
ގަމު މީހާ
13 April 2020
އަޅުގަނޑު މީ ޓީޗަރެއް.....މިހާރުވެސް ދުވާލަކު 6 ގަޑި އިރަށް ވުރެ ގިނަ އިރު މަސައްކަތް ކުރަން ގޭގަ...3 ގްރޭޑަށް ކިޔަވަދޭން ޖެހޭ...ފިލާވޅުތައް ތައްޔާރުކޮށް ކިޔަވައި ދިނުމުގަ..ކުދިންގެ މަސައްކަތްތައް މާކުކޮށް ފީޑްބެކް ދިނުމުގަ...ފޯނަށް ލިބިފަ އޮތް ޑާޓާކޮޅު ހުސްވީ.އަމިއްލަ ޖީބުންވެސް ޚަރަދު ކުރަންތައްޔާރު.އެކަމަކު ދައްކަން ހުރި ވާހަކަތައް ގިނަވެފަ ބޮޑުވީމަ ހުއްޓާލީ.އޯޓީ ލާރިޔާ އަނެއްކަމަކާ އަނެއް ކަމެއް އަބަދުވެސް އޮންނާނީ .އެބަޔަކަށް...