ގާކޮށީގައި ހަދާފައިވާ ފްލެޓްތައް: ފްލެޓްތައް ހަވާލު ކުރަން އޮތީ ވަކި ބަޔަކަށް ނާޖާއިޒް ފައިދާ ލިބޭ ގޮތަށް ކަމަށް އޭސީސީން ބުނޭ: ފޮޓޯ- ނިޝާން އަލީ /މިހާރު
13 އޮކްޓޯބަރ 2016 - 10:17
21 comments
ޓާޓާ ފްލެޓްތައް ލިބޭނެކަން ކުރިން ޔަގީންވެ، ގެޒެޓްގައި ނަން ހިމަނާފައިވާ އެންމެން ހިމަނައިގެން އެ ފްލެޓްތައް ހަވާލު ކުރުމުގެ މަސައްކަތް ކުރަން އެންޓި ކޮރަޕްޝަން ކޮމިޝަން (އޭސީސީ) އިން އިއްޔެ އަންގައިފި އެވެ.
ވެށިފަހި މާލޭ މަޝްރޫއުގެ ދަށުން ގާކޮށްޓާއި އަރަބިއްޔާ ހުރި ބިމުގައި އަޅާފައިވާ ފްލެޓްތައް ހަވާލު ކުރުމުގެ މައްސަލަ ބެލުމަށް ފަހު އެ ކޮމިޝަނުން ނެރުނު ބަޔާނެއްގައި އަންގާފައިވަނީ ފްލެޓް ލިބޭނެ ކަން މީގެ ތިން އަހަރު ކުރިން ޔަގީންވެފައިވާ 266 ފަރާތް ހިމެނޭ ގޮތަށް ފްލެޓް ހަވާލު ކުރުމުގެ މަސައްކަތް ކުރިއަށް ގެންދިއުމަށެވެ.
އޭސީސީން ބުނި ގޮތުގައި ފްލެޓް ހަވާލު ކުރުމުގައި އަމަލުކޮށްފައިވަނީ ވަކި ބަޔަކަށް ގެއްލުން ލިބޭ ގޮތަށް އަދި ވަކި ބަޔަކަށް ފައިދާ ލިބޭ ގޮތަކަށެވެ. އެގޮތުން ބައެއް މައްސަލަތައް އެ ކޮމިޝަނުން ވަނީ ފާހަގަކޮށްފަ އެވެ.
އޭސީސީން ބުނީ ފްލެޓްތައް ހަވާލު ކުރުމުގެ ގުރުއަތު ނަގަން މިދިޔަ ހަފުތާގައި މަސައްކަތް ކުރިއިރު ފްލެޓް ލިބޭނެ ކަމަށް މީގެ ތިން އަހަރު ކުރިން އިއުލާނު ކުރި ލިސްޓުގައި ހިމެނޭ ބައެއް ނަންތައް ގުރުއަތު ލިސްޓުގައި ނެތްކަން ފާހަގަވެފައިވާ ކަމަށެވެ.
ގުރުއަތު ނަގަން ހެދި ލިސްޓަކީ ލިބޭނެ ފްލެޓް ކަނޑައެޅުމަށް އެ ފަރާތްތަކުގެ މެދުގައި ގުރުއަތު ނަގަން ހެދި ލިސްޓެކެވެ.
ކުރީގެ ގެޒެޓްކުރި ލިސްޓުގައި ނަން އޮވެ، އެކަމަކު ގުރުއަތު ލިސްޓުގައި ނަން ހިމެނިފައި ނެތް ފަރާތްތަކަކީ ފްލެޓަށް ފަސް އަހަރުގެ ތެރޭގައި ދެ މިލިއަން ރުފިޔާ ދެއްކޭނެ ކަމަށް ސަރުކާރަށް އަންގާފައި ނުވާ ފަރާތްތައް ކަމަށް ހައުސިން މިނިސްޓްރީން ބުނެފައި ވިޔަސް އެ ފައިސާ ދެއްކޭނެ ކަން އަންގާފައި ނުވާ ބައެއް ފަރާތްތައް ގުރުއަތު ލިސްޓުގައި ހިމެނޭނެ ކަމަށް އޭސީސީން ފާހަގަކޮށްފައިވެ އެވެ.
ފަސް އަހަރުގެ ތެރޭގައި ދެ މިލިއަން ރުފިޔާ ދައްކަން އުޒުވެރިވާ 61 ފަރާތެއްގެ ނަން ގުރުއަތު ލިސްޓުން އުނި ކުރިއިރު އޭގެ ތެރޭގައި އެ މުއްދަތުގައި ފައިސާ ދައްކަން އެއްބަސްވެފައިވާ ފަރާތްތައް ހިމެނޭ ކަމަށް ވެސް އޭސީސީން ފާހަގަކޮށްފައިވެ އެވެ.
އޭސީސީން ފާހަގަކޮށްފައިވާ ގޮތުގައި ފަސް އަހަރުގެ ތެރޭގައި ދެ މިލިއަން ރުފިޔާ ދެއްކޭނެތޯ ނުވަތަ ނޫންތޯ އެންގުމަށް ސަރުކާރުން ދިން މުއްދަތުގައި، އިތުރު މައުލޫމާތުތަކެއް ސާފުކުރަން ބައެއް ފަރާތްތަކުން ހައުސިން މިނިސްޓްރީ އަށް ސިޓީ ފޮނުވުމުން އެއަށް އެ މިނިސްޓްރީން ޖަވާބު ދީފައެއް ނުވެ އެވެ. އޭގެ ސަބަބުން އެ ފަރާތްތަކަށް އެކަމުގެ ގޮތެއް ނިންމުމުގެ ފުރުސަތު ގެއްލިފައިވާ ކަމަށް އޭސީސީން ބުނެއެވެ.ފްލެޓް ހަވާލުކުރަން ގުރުއަތު ނެގުމަށް މިދިޔަ ހަފުތާގައި ގުރުއަތު ނެގުން ބާއްވަން ހަމަޖެއްސިޔަސް ޝަކުވާތަކަކާ ގުޅިގެން އެކަން ވަނީ ފަސްކޮށްފަ އެވެ.
އެ ފްލެޓްތަކަށް ފަސް އަހަރުގެ ތެރޭގައި ދެ މިލިއަން ރުފިޔާ ދެއްކުމަށް އެންގުމަށް ފަހު ސަރުކާރުން މިހާރު ވަނީ އެކަމަށް ލުއި ގޮތްތަކެއް ހަމަޖައްސައިދީ، ދިގު މުއްދަތެއްގައި ފައިސާ ދައްކާ ގޮތަށް ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯލި
13 October 2016
https://mihaaru.com/news/3513 ހުޅުމާލޭގައި މި އަހަރު 15،000 ފްލެޓް އަޅަން ފަށާނެ: މިނިސްޓަރު! މި ފުލެޓްތައް ކޮބާތޯ އަހަރުގެ ބާކީ ދެން އޮތީ ދެ މަހެއްހާ ދުވަހެވެ.
އިނގޭ
13 October 2016
ގެޒެޓް ކުރި އެންމެންނަށް މިދޭ ފްލެޓްގައި ލާފައިވާ ޕިންކް ކުލަ ފެނުމުން ހިތަށް ފިނި ކަން ލިބިގެން ހިނގައްޖެއެވެ. މިހާރު ދެން އަވަހަށް ކުރަންވީ ކަމަކީ މި ފްލެޓްސް ތައް ލިބޭ ކުދިން ގަންނަ ބާލީހު އުރަ އާއި އަދި ފަރުނީޗަރު ވެސް ބަދަލު ކުރަންވީ ޕިންކް ކުލަ އަށް. އެއިރުން ވަރަށް ރީތި ވާނެ ދޯ. ދެން ރަނގަޅުވާނެ ޕިންކް ލޯންގް ސްލީވްޑް ގަމީހާއި އަދި ބްލޫ ޖީންސް ވެސް ލަނިކޮށް އިނގޭ.
ސައްޕު
13 October 2016
އޭސީސީ އެބަރަގަޅުވޭ!
މުހަންމަދު
14 October 2016
އޭސީސީއަށް އެންގޭނީއެވެ. އަތޮޅުވެރިންނަށްވެސް ހިފެނީ ވަލުގައެވެ. ތިތަންތަން ވިއްކާ ބަހާ ހުސްކުރާނީ ސަރުކާރު ބޭނުންގޮތަކަށެވެ. ބަލަންތިބޭށެވެ.
ކުރަންވީ
13 October 2016
ގެޒެޓް ކުރި އެންމެންނަށް ފްލެޓް ދޭން އޭސީސީން އަންގައިފި ކަމަށްވާނަމަ އެއާއި އެއްގޮތަށް އަމަލު ކުރުމުން ނިމުނީ އެވެ. އަޅެ އޭސީސީން ބަލަންވީ ނޫންތޯ ސަރުކާރުގެ ކުންފުނި ތަކުން ޑޮލަރު ގަންނަން އާންމުން އަތަށް ދީގެން ކުރަނީ އެއީ ވައްކަން ތޯ ނުވަތަ ކީއްތޯ އެކުރަނީ ބަލަން ވެއްޖެއެެއް ނޫންތޯއެެވެ. ފެނަކައިގެ ބޯރޑް ޗެއާރމަން ވަކިވީ އެތައް ސަތޭކަ މިލިއަން ރުފިޔާ އެއް ޑޮލަރު ގަންނަން ދީގެން އެފައިސާ ނުލިބި އޮތްވާ. އެކަމަކު ބޯރޑް މެމްބަރުން އެގޮތަށް ނިންމައިގެން އެކަން ކުރީ. ބޯރޑްގެ ޗެއާރމަންގެ ކިހާ ބޮޑު ދައުރެއް އޭގައި އޮތް ތޯ އެބަ ބަލަން ޖެހެއެެއް ނޫންތޯ. ދެން އަނެއްކޮޅުން ސަރުކާރުން އެއްވެސް ދެކޮޅު ވެރިކަމެއް ނެތި އަވަހަށް މިކަން މިގޮތަށް ކޮށްދެއްވަންވީ އެވެ.
2018 ކެންޕެއިން ލީޑަރ
13 October 2016
އެންޓި ކޮރަޕްޝަންގެ ފަރާތުން ދީފައިވާ ލަފަޔަކީ އެންމެ އިންސާފްވެރި ލަފާ ކަމަށް އަޅުގަނޑު ޤަބޫލްކުރަން (.) އެހެންކަމުން ސަރުކާރުން އެމުވައްސަސާއިން ދީފައިވާ ލަފާޔާއި އެއްގޮތަށް އަމަލް ކޮށްފިނަމަ، އިތުރަށް މިފްލެޓް ތަކުގައި އިތުރު މައްސަލައެއް ދިމާވާނެ ކަމަށް ނުދެކެން، ރައީސް ޔާމީން ސަރުކާރުން ރައްޔިތުން ގެދޮރުވެރި ކުރުމަށްޓަކައި ކުރަމުން އަންނަ މަސައްކަތަށް އައްސަރިބަހާއި ސާބަސް އަރުވަން.
އެމެން
13 October 2016
ގެޒެޓް ކުރި އެންމެންނަށް މަމެންގެ ބިއުޓިފުލް އެން އޯސަމް އެން ފްލޯލެސް ސަރުކާރުން ކުރިން ވެސް ނިންމާފައިވަނީ ގެޒެޓް ކުރި ކުދިންނަަށް ފްލެޓްސް ތައް ދޭ ގޮތަށެވެ. ރަންރީނދޫ ޓްވިޓަރޭ މެން މިކަން ފަނިކޮށްލީ އެމީހުން މިނިސްޓްރީ ތަކުގައި ތިބޭ އެމީހުންގެ އެޖެންޓް މެދުވެރިކޮށް ކްރުއަލް ގޭމެއް ކުޅެން އުޅުމުން މަމެން އެކަން ހުއްޓުވީއެވެ. އެހެން ކަމަށްވާނަމަ ޓްވިޓަރޭ މެން އަނެއްކާ ވެސް ބަލިވީއެވެ. ދެން ކީއްކުރާނީ ދޯ. އެމެން ދުވަހަކު ވެސް މަމެންނާއި ވާދަ ކޮށްގެން މޮޅު ނުވެއެއް ނޫން
ފިލުވާލާތި
13 October 2016
ގެޒެޓް ކުރި އެންމެންނަށް ފްލެޓް ދޭ ގޮތަށް މަމެންގެ ބިއުޓިފުލް ސަރުކާރުން ނިންމީ އެވެ. ދެން އެކަންކެތް ނުކުރެވިގެން ރަންރީނދޫ ޓްވިޓަރޭ މެން ޓްވިޓަރުގައި ޕްރޮޕެގެންޑާ ފަތުރަނީ އެއީ ކީއްކުރަންތޯއެވެ. ތަމެން ޓްވިޓަރުގައި ޕްރޮޕެގެންޑާ ފެތުރި ނަމަވެސް ތަމެންނަށް ދެން މަމެން ޕިންކް ކުދިން މިރާއްޖޭގެ ތަޚްތު ނުދޭނަން ކުރިއަށް އޮތް ވަން ހަންޑްރެޑ މިލިއަން އަހަރު ނުނިމެނީ ސް އިނގޭ. އެއިރަށް ހުންނާނެ ރަންރީނދޫ ކުދިންނަށް އަލާފިލާފައި ދޯ.
ސަރުކާރު
13 October 2016
ކޮންމެ ސަރުކާރެއް އަޔަސް މިކަހަލަ ކަންކަން ދިމާވާނެ. ހުރިހާ މީހުން ބުނާހާގޮތެއް ހެދޭތޯ ބަލަންޏާ ވާނީ މިކަހަލަ ގޮތެއް. މިހާރު އޮންނާނީ ކޮންމެ މީހަކަށް ވަކިގޮތެއް. ދެން ވާނީވެސް އެހެން. ތިމާނޫން މީހަކަށް ފުލެޓެއްވެސް އެއްޗެއްވެސް ލިބެން ނޭދެންޏާ ވާނީ މިހެން.
gސހފގ
13 October 2016
ޜަޢީސް އެވިދާޅޫ ވަނީނޫން އަދި 1 ދައުރުދޭށޭ! ދީބަލަ
ވިސްނާ
13 October 2016
އަހަރެންބޭނުމީ މާލޭގަ އޮތް ކުޑަ ބިންކޮޅު ދޫކޮށްލާފަ ހުޅުމާލޭން ބިންކޮޅެއް. ރައީސް ނަޝީދުވެރިކަމުގަ އެގޮތަށް ހުޅުމާލޭން ގޯތި ދޫކުރި... ކިހާރަގަޅު މިހާރުވެސް އެހެން ދޫކުރާނަމަ.... ފްލެޓްތައް ތަޅާލަންޖެހޭ ހާލަތެއްގަ ކިހިނެތްތޯ އޮންނަނީ.. ޖުމުލަ ގާތްގަޑަކަށް ދެމިލިޔަން ދައްކާފަ ދުވަސް ކޮޅަކުން އަމިއްލައަށް ތަނެއް ހޯދާށޭ ބުނީމަ ކަމަކުނުދާނެ... އެފްލެޓްތަކުގަ ދިރިއުޅުނުމީހުން ދެންނާނީ ކޮންތާކަށްތޯ.....