ކޮންޓްރޯލް އަގަށް ވުރެ ބޮޑުކޮށް މުދާ ވިއްކާ ނަމަ ރިޕޯޓް ކުރަން އެދިއްޖެ

ބާޒާރުމަތީގައި ހުރި ފިހާރައެއްގެ ބޭރުގައި ބިސް ކޭސްތަކެއް ބަހައްޓާފައި: ކޮންޓްރޯލް އަގަށް ވުރެ ބޮޑުކޮށް ވިއްކާ ނަމަ އެކަން ރިޕޯޓް ކުރަން ވަނީ އެދިފައި -- ފޮޓޯ/މިހާރު

މުއިއްޒު އިބްރާހިމް، މިހާރު

23 އެޕްރީލް 2020 - 16:21

8 comments

ސަރުކާރުން އަގު ކޮންޓްރޯލް ކޮށްފައިވާ މުދާ ބޮޑު އަގުގައި ވިއްކާ ނަމަ ޖޫރިމަނާ ކުރާނެ ކަމަށާއި އަދި އެ ފަދަ ފަރާތްތަކުގެ މައުލޫމާތު ރިޕޯޓް ކުރަން އިކޮނޮމިކް މިނިސްޓްރީން އެދިއްޖެ އެވެ.

ކޮވިޑް-19 އާ ގުޅިގެން އިއުލާން ކޮށްފައިވާ ސިއްހީ ނުރައްކަލުގެ ކުއްލި ހާލަތާ ގުޅިގެން ސަރުކާރުން ވަނީ ބައެއް ބާވަތްތަކުގެ މުދަލުގެ އަގު ކޮންޓްރޯލްކޮށް، އެ ތަކެތި ވިއްކޭނެ އެންމެ މަތީ އަގު ކަނޑައަޅައިފަ އެވެ.

އިކޮނޮމިކް މިނިސްޓްރީން ކުރި އިއުލާނެއްގައި ވަނީ މުދާ ގަންނަ މީހުންނާއި ޚިދުމަތް ލިބިގަންނަ މީހުން ހިމާޔަތް ކުރުމުގެ ގާނޫނުގެ ދަށުން މުދާ ވިއްކޭނެ އެންމެ މަތީ އަގު ކަނޑައަޅާފައިވާ މުދާ އެ އަށް ވުރެ ބޮޑު އަގުގައި ވިއްކާ ނަމަ، އެ ފަރާތެއް ޖޫރިމަނާ ކުރާނެ ކަމަށެވެ. އެގޮތުން ފުރަތަމަ ފަހަރު ގިނަވެގެން 100،000ރ. އިން ޖޫރިމަނާކޮށް އަދި އެ އަށް ފަހު އެކަން ތަކުރާރު ކުރާ ކޮންމެ ފަހަރަކު ގިނަވެގެން 100،000ރ. އިން ޖޫރިމަނާ ކުރުމާ އެކު، އެ ވިޔަފާރިއެއް ހަ މަހަށް ވުރެ ދިގު ނޫން މުއްދަތަކަށް ބަންދު ކުރަން އެންގިދާނެ ކަމަށް ވެސް އިއުލާނުގައިވެ އެވެ.

އިކޮނޮމިކް މިނިސްޓްރީން ބުނީ، އަގު ބޮޑުކޮށް މުދާ ވިއްކާ ފަރާތްތަކުގެ މައުލޫމާތު އެ މިނިސްޓްރީ އަށް އީމެއިލް މެދުވެރިކޮށް ހުށަހަޅަން އެދޭ ކަމަށެވެ.

އަގު ކޮންޓްރޯލުކޮށްފައިވާ މުދަލުގެ ބާވަތްތައް ކަނޑައަޅާފައިވާ ރީޓެއިލް އަގަށްވުރެ ބޮޑުކޮށް ވިއްކާ ފަރާތްތަކުގެ ޝަކުވާ [email protected] އަށް އީމެއިލް ކުރައްވާ!https://t.co/PoK0OS6M4m
— Economy & Trade (@MoEDmv) April 22, 2020

އިކޮނޮމިކް މިނިސްޓްރީން ކުރި ޓްވީޓް

އެ މިނިސްޓްރީން އެގޮތަށް ބުނިއިރު، ސަރުކާރުން ކުރިން އޮތީ ކާޑުގެ ބާވަތްތަކާއި ފިޔާ އާއި އަލުވީގެ އިތުރުން ބިސް އަދި މުގު ވިއްކޭނެ އެންމެ ބޮޑު އަގު ކަނޑައަޅައިފަ އެވެ. އެގޮތުން ފިޔާ އާއި އަލުވި ކިލޯއެއް ވިއްކޭނެ އެންމެ ބޮޑު އަގުގެ ގޮތުގައި 20ރ. ކަނޑައަޅާފައި ވާއިރު، ކުކުޅު ބިސް ވިއްކޭނީ އެންމެ ބޮޑުވެގެން 1.80ރ. އަށް ކަމަށް ވެސް އޮތީ ކަނޑައަޅައިފަ އެވެ. އަދި މުގު ކިލޯއެއް ވިއްކޭނީ 45ރ. އަށް ކަމަށް ވެސް އޮތީ ކަނޑައަޅައިފަ އެވެ.

ފިހާރަ ތަކެތީގެ އަގު އިކޮނޮމިކް މިނިސްޓްރީ ކާޑުގެ ބާވަތްތައް

8 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

24 April 2020

ހަމަ ވަރަށް އަގުބޮޑު މިއަދު ނޫޑުލުސް ޕެކެޓެއް ގަތީ 8 ރުފިޔާއަށް. ކީއްކުރާނީ ކަންޏާމު ޖެހޭނީ ގަންނަންދޯ. ދައުލަތުގެ އިދާރާތަކުން ހުރިހާ ޒިންމާއެއް ރައްޔިތުން ބޮލަށް ކަޑާލަނީ. ގަވާއިދާ ހިލާފަށް ހިންގާ ކޮންމެ ކަމެއް ރިޕޯޓްކުރާށޯ ރިޕޯޓްކުރެވެނީ ވަރަށް ހާލުން. ކުރީމަ އަޅާވެސް ނުލާ. ކުރީގަ ފިހާރަތަށް ޗެކްކުރާ ސުޕަވައިޒަރުން ތިބޭ އޭރުމާފައްކާ. ޢެކަމަކު މިހާރުވެސް އޮފީސްތައްފުރިބާރުވެފަ މުވައްޒަފުންތިބޭ. ނަތީޖާ ސުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 April 2020

މަސްފަލަ ބޮޑެތި ފިރިހެނުން ދައްކާނީ ހަމަޖެހޭވާހަކަ ކަމުގައި އަހަރުމެން ހީކުރަނީ. # ތިޔަ ފައްޔާޒެއްނޫންތޯ ފިޔާ، ބިސް، އަލުއި ވިއްކާނެ އަގުތައްވެސް ކަޑައަޅާ އިއުލާންކުރީ؟ އޭނާ ހީކުރީތޯ އަޙްމަދީ ބާޒާރުން މިދެންނެވި މުދާ ގަތީމަ އައްޑޫސިޓީ ހިތަދޫއަވަށު ކަންމަތީ ފިހާރައަށް އިތުރު ޙަރަދަކާއިނުލާ ޑެލިވެރީކޮށްދޭކަމަށް؟ # ސޯލިޙްގެ ކެބިނެޓްގައި މިކަހަލަ ފުޅާ ޓައީ އަޅައި "ގިގުނުފަތިވަރު އަނގަ ވަޒީރުން" ގިނަވެގެން ރައްޔަތުން ސޯލިޙަށްކުރި އިތުބާރާއި އުއްމީދު ގެއްލިހިގައްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮދަންފުށް

23 April 2020

މަބުނީ ޑިލިވަރ ކޮށްދެނީ މަދު ބަޔެކޭ. އެމީހުން ކުރިން ހުރި 30 ރުފިޔާއަށް ކިލޯއެއް ކަމަށް ޖަހާފަ. މިހާރު އެވެސް ނެތް. މި ހިސާބުގެ ކަންމަތީ ފިހާރަ ސޭޓު ބިރުން ނުހުޅުވާ ފިހާރައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

@ގޮދަން

23 April 2020

މިދަނީ ފުރަބަންދުގެ ދުވަސްތަކެއް މިފަދަ ހައްސާސީ މައްސަލައެއްގަ އިކޮނޮމިކް މިނިސްޓަރީގެ ޚިދުމަތް ކުރުމުގެ ފެންވަރަކީ މި ފުރަބަންދުގަ މިފަދަ މައްސަލަތަކުގަ ގުޅާނެ ނަންބަރުވެސް ނެތް ކުރި ޓްވީޓްގައި މެއިލް އެކަނި ކިރަން ބުނުމަކުން ނުފުދޭނެ ގުޅަންނަންބަރުވެސް އޮންނަން ޖެހޭނެ ވަޒީރު ބުރަހެލިވުމުގެ އިތުރުން ކަމަށް ބީރަށްޓެހީ މާ ބޮޑަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމް ބާއީ

23 April 2020

ރިޕޓުކޮށްގެން މިހާތަނަށް ކަމެއް ރަނގަޅުވެފާއެބައޮތްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުންކޮށި

23 April 2020

އިކޮނޮމިކް މިނިސްޓަރީއަކީ ޝޯކޭހެއްގައި ފިނިކޮށްފަ ބަހައްޓާފަ ހުރި އިމާރާތަކަށް ވެގެން ނުވާނެއެވެ ކޮންމެވެސް މީހަކު ބުނީމަ ކަމެއްބަލާއުޞޫލަށް ގައުމު ވެއްޓެންވީ ކީއްވެެހެވެ މިކަމަކީ ސީދާ ވުޒާރާއިން އިސްވެ ބަލަންޖެހޭނެ ކަމެކެވެ މިއީ ވަޒީރުގެ ގޮނޑިއަށް ކަނޑައެޅިފަ ހުރި ޒިންމާއެވެ ވުޒާރާ ދެމި އޮތުމުގެ ބޭނުމެވެ ކޮންމެ އަގަކަށް ވިއކިޔަސް ހެއު ނުވާންވީ ކީއްވެތޯ ސީދާ ވަޒީރު އެއޮތީ އިންޓަރވިއު ދީފަ ވިއްކޭނޭ ބޭނުން އަގަކަށް މުދަލުގެ މުއްދަތެއް ނުބަލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

23 April 2020

އަދި ބުނެލަން މިހާރު ގިނަ ފިހާރަތަކުން އެއްޗެހި އަގުބޮޑެއް ނުކުރޭ ނަގަނީ ޑެލިވަރީފީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

23 April 2020

މިއުޅެނީ ކާލާނެ ބޯލާނެ އެއްޗެއް ނުލުބިގެން .. ލިބުއެޗެއް ލިބުނު އަގެއްގަ ލިބޭތޯ މިބަލަނީ .... މާދަމާ ރޯދަ ހިފަންޖެހޭ.. މިފަދަ ހާލަެއްގަ އުޅެމުނަދާއިރު ކިހިނެތް ރިޕޯޓްކުރަމުން ދުވާނީ...