މިރޭގެ މީޑިއާ ބްރީފިންގައި ޑރ. ނަޒްލާ ވާހަކަ ދައްކަވަނީ.
24 އެޕްރީލް 2020 - 00:35
40 comments
ރާއްޖޭގައި ކޮވިޑް-19 ކޮންޓްރޯލް ކުރުމަށް އިތުރަށް ކުރެވޭނެ އާ ކަމެއް ނެތް ކަމަށް ހެލްތު ޕްރޮޓެކްޝަން އޭޖެންސީގެ މެޑިކަލް އޮފިސަރު ޑރ. ނަޒްލާ ރަފީގް މިރޭ ވިދާޅުވެއްޖެ އެވެ.
ރާއްޖޭގައި ކޮވިޑް-19ގެ ހާލަތާ ބެހޭ ގޮތުން ނެޝަނަލް އިމަޖެންސީ އޮޕަރޭޝަން ސެންޓަރުން ބޭއްވި ނޫސްވެރިންގެ ބައްދަލުވުމުގައި ޑރ.ނަޒްލާ ވިދާޅުވީ މި ބައްޔަކީ އަދި ފަރުވާއެއް، ވެކްސިނެއް ހޯދިފައިވާ ބައްޔެއް ނޫން ކަމަށް ވާތީ މިކަމުގައި ކުރެވެން އޮތް ކަމަކީ ވީހާ ވެސް ބޮޑަށް ރައްކާތެރިވުން ކަމަށެވެ.
"މިކަމުގައި މެޖިކް ބުލެޓެއް ނެތް. މި ބަލި ކޮންޓްރޯލްކުރަން އިތުރަށް ކުރާނެ މޮޅު ކަމެއް ނެތް، ކުރަންޖެހޭ ހުރިހާ ކަމެއް ކުރަމުން މި އަންނަނީ އަދި އާންމުން އެ ފިޔަވަޅުތައް އެޅުމަށް އިލްތިމާސްކުރަމުން މި އަންނަނީ،" ޑރ ނަޒްލާ ވިދާޅުވި އެވެ.
ކޮރޯނާވައިރަހުން ޖެހޭ ކޮވިޑް-19 ހުއްޓުވަން ކުރެވެން އޮތް ހަމައެކަނި ކަމަކީ ބަލި ހުރި މީހުން އަވަހަށް ދެނެގަތުން ކަމަށް ނަޒްލާ ވިދާޅުވި އެވެ. އަދި މިވަގުތުގެ ހާލަތަށް ބަލައި ކުރެވޭނެ ކަމަކީ ބަލީގެ އަލާމާތްތައް ހުރި މީހުން ވީ އެންމެ އަވަހަކަށް ފްލޫ ކްލިނިކަށް ގުޅައި ރިޕޯޓްކުރުން ކަމަށް ވިދާޅުވި އެވެ.
ޑރ. ނަޒްލާ ވިދާޅުވި ގޮތުގައި މިހާރު ބައްޔަށް ޕޮޒިޓިވްވެފައިވާ މީހުންގެ ކޮންޓެކްޓް ޓްރޭސިން ހަދާއިރު އެ މީހުންގެ ތެރެއިން ބައެއް މީހުން ބަލީގެ އަލާމާތްތައް ފެންނަ ފަހުން ވެސް މަސައްކަތަށް ނުކުމެފައިވާކަން ފާހަގަވަމުން އަންނަ ކަމަށެވެ. މިވަގުތު މަސައްކަތަށް ނުކުތުމުގެ ހުއްދަ އޮތީ ކޮންމެހެން ދޭންޖެހޭ ހިދުމަތްތަކުގައި މަސައްކަތްކުރާ މީޙުންނަށް އެކަނިކަން ފާހަގަކުރައްވައި ޑރ. ނަޒްލާ ވިދާޅުވީ އެފަދަ ކަމެއްގައި އުޅޭ އެއްވެސް މީހަކު ބަލީގެ ކުޑަ އަލާމާތެއް ފެނުނަސް މީހުންގެ ތެރެއަށް ނުކުމެގެން ނުވާނެ ކަމަށެވެ.
ބަލީގެ ހާލަތާ ގުޅޭ ގޮތުން ނަޒްލާ ވިދާޅުވީ ލޮކްޑައުންއާ އެކު މާލޭގައި ބަލި ކޮންޓްރޯލް ކުރެވިފައިވާކަން ޔަގީންކުރެވޭނީ އަދި އެންމެ އަވަހަށް ވެސް 14 ދުވަހުން ކަމަށެވެ.
މިހާރު ކޮންޓެކްޓް ޓްރޭސިން އާއި އެހެން ގޮތް ގޮތުން ފެންނަ، ބައްޔަށް ޕޮޒިޓިވް މީހުންނަކީ ލޮކްޑައުންއަކަށް ދިއުމުގެ ކުރިން ބަލި ޖެހިފައިވާ މީހުން ކަމަށް ބެލެވޭ ކަމަށް އޭނާ ވިދާޅުވި އެވެ. އެއީ ލޮކްޑައުން ކުރުމަށް ފަހު އެކަކު އަނެކަކާ ބައްދަލުވެ ބަލި ފެތުރުމުގެ ފުރުސަތު ނޯންނާނެތީ އެވެ.
ނަމަވެސް އަދިވެސް ޒަރޫރީ ބޭނުންތަކަށް މީހުން ބޭރަށް ގޮސް އުޅުން ކުރިއަށްދާތީ، ލޮކްޑައުން އަށް ފަހު މާލޭގައި މިބަލި ފެތުރިފައިވޭތޯ ނުވަތަ ނޫންތޯ ޔަގީން ވާނީ 14 ދުވަހަށް ފަހު ކަމަށް ޑރ. ނަޒްލާ ވިދާޅުވި އެވެ.
މާލެއިން މިހާރު ފެންނަ ބައްޔަށް ޕޮޒިޓިވްވެފައިވާ މީހުންނަކީ ބެކް ލޮގެއް ނުވަތަ ބަލި ޖެހި ކުރިން ނޭނގި ތިބި މީހުން ކަމަށް މީގެ ކުރީގެ ނޫސްވެރިންގެ ބައްދަލުވުންތަކުގައި ބުނެފައިވެ އެވެ.
މުޅި ރާއްޖެއިން މިހާތަނަށް 94 މީހަކު ވަނީ ކޮވިޑް-19 އަށް ޕޮޒިޓިވް ވެފަ އެވެ. މީގެ ތެރޭގައި ހިމެނެނީ 44 ދިވެއްސަކާއި 64 ބިދޭސީންނެވެ. ބިދޭސީންގެ ތެރޭގައި ގިނައީ ރާއްޖޭގައި މަސައްކަތްކުރާ ބަންގްލާދޭޝް މީހުންނެވެ. އޭގެ ތެރޭގައި ޑެލިވަރީގެ ހިދުމަތްދޭ މީހުންނާއި އެފަދަ ބޮޑެތި ވިޔަފާރިތަކުގައި މަސައްކަތްކުރާ މީހުން ވެސް ހިމެނެ އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިކުނޑި
24 April 2020
ލޮކްޑައުންގެ މާނައާއި ރާޢްޖޭގައި އެކަންހިނގާގޮތް ތަފާތު! ފުރަ މާލޭގައި ހުރީ ކިތައް ގޭބިސީކަމާއި ގޭބިސީއެއްގައި އުޅެނީ ކިތައް މީހުންކަން ކަމާބެހޭފަރާތަށް އިނގޭތޯ؟ މާލޭގެ މަގުތަކުގައި ގަވާއިދާ ޚިލާފަށް ޕާކު ނުކުރާށޭ ބުންޏަސް ކުރަން މަޖުބޫރުވަނީ ޖާގަ ނެތީމައެވެ. ސޯޝަލް ޑިސްޓެންސިންވެސް މީ އެކަހަލަ ކަމެއް! ނަޒްލާއަށް ދަންނަވަން! ރާއްޖޭގައި މިބަލި ކޮންޓްރޯލް ކުރެވޭނީ ޓެސްޓް އިތުރުކޮށްގެން! 14 ދުވަހަށް ކަރަންޓީންކޮށްގެން ނުވާކަން ކުރިންވެސް އިނގޭ!
ގޮތް ހުސްނުވެ
24 April 2020
އަދިވެސް އިތުރުގޮތްތައް އެބަހުރި ރައްކާތެރިވުމަށްޓަކައި ސުންނަތުން ސާބިތުވެފައިވާ ފަރުވާތަކުގެ ބޭނުންކުރުން. ގިނަ ގިނައިން ދުއާކުރުން. ﷲގެ މަގަށް ހުރިހާ މުސްލިމުން ފުރިހަމަ ތައުބާއަކުން ތައުބާވެ ރުޖޫޢަވުން. ﷲ އެންގެވިގޮތަށް އުޅުން.
މުދިމު ކަތީބު
24 April 2020
އިތުރު މޮޅުކަމެއް ދެން ނެތޭ ކިޔާނެކަމެއްނެތް .ކުރެވޭނެ އެތައްކަމެއް ހުރީ ނުކޮށް މަދިރިއާގެން ނޫޅެވޭ ކާނުތައް ޑިސްއިންފެކްޓް ކޮއްބަލަ މަގުތަކަށް ބޭސް ޖަހާބަލަ ކޮންޓެކްޓްވި މީހާ ޓެސްޓް ނުކުރަނީ ޕޮޒިޓިވް މީހުން ފެންނާތީ އެތައް ހާސްބަޔަކު މާލެތެރޭން ވަނީ ޕޮޒެޓިވްވެފަ ފަސްނުޖެހި ހަގީގަތް ހާމަކުރީމަކުރޭ
ޙުސާމް
24 April 2020
އަދިވެސް އަލީ ވަޙީދު ކިރިޔައް ނެރުއްވާ. ޙައްލު ހޯދަ ދެއްވާނެ.
ބޮކަރުނަން
24 April 2020
ކާކުތޯ ބުނީ ނަޒްލާ ޖާދުލެއް ހަދާލީމަ މި ބަލި ރަނގަޅުވާނެ ކަމަށް އެއްވެސް މީހަކު ނުބުނޭ ހީެެއްވެސް ނުކުރޭ ތިމާ މީހާ އޮޅިގެން ނޫޅޭ
ސައުތް
24 April 2020
ރާއްޖެ ލުއި ކުރުންދ ޓެސްޓް ގިނަކުރުން ކަދުރުބަހާއިރު ކޮންމެ ގޭބިސީއަކަށް މާސްކު ފޮއްޓަކާ އަތްދޮންނަ ފުޅިއެއް ކޮންމެވެސް މަޖުޖަނަކު ހަދިޔާކޮއްލުން ކުރީސަފުގަ މަސައްކަތް ކުރާ ހުރިކާފަރާތްތަކަށް ފުލް ޕުރޮޓެކްޓިވް އިކިވްޕުމެންޓް ދިނުން ޑިސްއިންފެކްޓް އިތުރުކުރުން ގެއިންނުކުންނަ މީހުން ގެއަށް ވަނުމުގެ ކުރިން މަގުމަތިން ޑިސްއިންފެކްޓް ކޮއްދިނުން ވީހާވެސް ގިނައިންދުއާކުރުން
ވިސްނަވާ
24 April 2020
ބަލި ކޮންޓްރޯލް ކުރެވެން އޮތީ ޓެސްޓް ޓެސްޓް ތެސްޓްއެވެ. މިހާރު ދުވާލަކަށް ދުވާލަކަށް 350 ކޮށްގެންވެސް އަބަދުވެސް 500 އެއްހާ ބެކްލޮގެއް އެބައޮވެއެވެ. ވީމާ ދުވާލަކު ހެދޭ ޓެސްޓްގެ މިންވަރު މަދުވެގެން 2000 އަރުވަން ޖެހެއެވެ.
ޖޯޖް
24 April 2020
ކަލޭ ހީކުޜީ ރޮބަޓުން ކަ މައްތަ ޓެސްޓުކުޜަން މިތާ މިހާރު ތިބެނީ
ސޮމްޗައި
24 April 2020
ބަލި ކޮންޓުރޯލްކުރައްވަން ކުރެވޭނެ އެތައްކަމެއް އެބަހުރި. ހިއްވަރުކޮށްލައިގެން ސުކުރީނިންގު ފުޅާކުރަންވީ. މީސްމީހުން ހުންއައިއްސަ ތިބިތޯ ބަލަންވީ ޗެކްޕޮއިންޓުތަކުގައި. ފިހާރަތަކުގައި، ފެރީޓާމިނަލްގައިވެސް ޗެކުޕޮއިންޓުބަހައްޓައިގެން ހުންއައިއްސަތިބިމީހުންފާހަގަކުރަންވީ.
މަލީހާ
24 April 2020
އެތަންތަނަށް ދާންވެސް ސިއްޙީ އެހީތެރިން ހޯދާނެގޮތް ނޭގިގެން. ފަރުދީ ޒިންމާ އަދާކޮށް ބަލިވެ ހުންއައުމުން ބަލި ސިިިއްރުނުމޮށް ހޮޓްލައިނަށް ގުޅާ އެހީ ހޯދަންވީ.
ގެރިގާ
24 April 2020
ހުން ބަލަން ކޮންމެހެން ސިއްހީ މާހިރަކަށް ވާކަށް ނުޖެހޭ. އެންމެ އާދައިގެ މީހާއަށްވެސް ހުން ބެލޭނެ ޒަމާނެއް މީ.
ސަމްޗޮއިި
25 April 2020
ހުންއައިއްސަ ތިބިތޯ ބަލައިގެން ކޮންޓްރޯލްކުރެވޭނެނަމަ ފުރަތަމަ އިޓަލީ މީހާވެސް އެތެރެނުވީސް. އޭނަ ބަލި ހިފައިގެން އައިސް އެތެރެވީ ހުންނެތި. އެކަހަލަ އެތައް ބަޔަކު އެތެރެވެފަ ގޮސްފައި ހުރެދާނެ. އަދި މިހާރުވެސް ގިނަ މީހުންގެ އަލާމާތް ނުހުންނައިރު ބަލި ހުރިތޯ ބެލޭނެ އެންމެ ފުރިހަމަ ގޮތެއް ނޯންނާނެ. އެންމެން ޓެސްޓްކުރިއަސް ޓެސްޓްކުރާ ފަހުންވެސް މީހަކު ޕޮޒިޓިވްވެދާނެ.
ނު ކިޔަވާ؛^::""؛
24 April 2020
ބައްޔަށް މިހާރު ހޯދިފައިވާ ފަރުވާއަކީ ކަ މާއިބެހޭ ފަރާތުން ވަކިއެއްޗެއް އަންގަން ދެން ލޮކްޑައުންގައި ބަސް އަހާއިގެން ގޭގައި ތިބުން
ޢަނީ
24 April 2020
މިވާހަކަ ގަބޫލެއް ނުކުރަން. ޓެސްޓިން މިއަށްވުރެ ބޮޑަށް އިތުރުކުރަން މަޖުބޫރު. ޓެސްޓު ނުކުރާ އެތަށް ބަޔެއްގެ ފަރާތުން މިހާރުވެސް ނޭނގޭ ބަލި ނުފެތުރޭކަމެއް.ދެން އޮންލައި ޕޯޓަލްއެއް ނުވަރަ އެޕްއެއް ޑިވަލޮޕް ކުރަންވީ ލޮކްޑައުން އުވާލާ ދުވަހު މޮނިޓަރިންނާ ޕޮސިޓިވްވާ ސަރަހައްދުތަކުގެ އެލާޓް މޯބައިލްފޯންތަކަށް ލިބޭގޮތަކަށް. މިނޫން ގޮތަކަށް ކުރިއަށް އޮތް 2 އަހަރުތެރޭގައިވެސް ދިރިއުޅުން ކުރިކަށް ނުގެންދެވޭނެ.
މީހާ 12
24 April 2020
އެހެންވެއޭ އެންމެން ގޭގައި މޑުކޮށް ގައިދުރުކަން ބަހައްޓަން ބުނަނީ.